Mahabharata · Chapter 13.272

śaratalpagate bhīṣme kauravāṇāṃ dhurandhare /
śayāne vīraśayane pāṇḍavaiḥ samupasthite //

yudhiṣṭhiro mahāprājño mama pūrvapitāmahaḥ /
dharmāṇāmāgamaṃ śrutvā viditvā sarvasaṃśayān //

dānānāṃ ca vidhiṃ śrutvā cchinnadharmārthasaṃśayaḥ /
yadanyadakarodvipra tanme śaṃsitumarhasi //
vaiśampāyana uvāca /

abhūnmuhūrtaṃ stimitaṃ sarvaṃ tadrājamaṇḍalam /
tūṣṇīmbhūte tatastasminpaṭe citramivārpitam //

muhūrtamiva ca dhyātvā vyāsaḥka satyavatīsutaḥ /
nṛpaṃ śayānaṃ gāṅgeyamidamāha vacastvaran //

rājanprakṛtimāpannaḥ kururājo yudhiṣṭhiraḥ /
sahito bhrātṛbhiḥ sarvaiḥ pārtivaiścānuyāyibhiḥ //

upāste tvāṃ naravyāghra saha kṛṣṇena dhīmatā /
tamimaṃ purayānāya samanujñātumarhasi //

evamukto bhagavatā vyāsena pṛthivīpatiḥ /
yudhiṣṭhiraṃ sahāmātyamanujajñe nadīsutaḥ //

uvāca cainaṃ madhuraṃ nṛpaṃ śāntanavo nṛpaḥ /
praviśasva purīṃ rājandharme ca dhriyatāṃ manaḥ //

yajasva vividhairyajairbahvannaiḥ svāptadakṣiṇaiḥ /
yayātiriva rājendra śrakaddhādamapuraḥsaraḥ //

kṣatradharmarataḥ pārtha pitṝndevāṃśca tarpaya /
śreyasā yokṣyase caiva vyetu te mānaso jvaraḥ //

rañjayasva prajāḥ sarvāḥ prakṛtīḥ parisāntvaya /
suhṛdaḥ phalasatkārairarcayasva yathārhataḥ //

anuṃ tvāṃ tāta jīvantu mitrāṇi suhṛkadastathā /
caityasthāne sthitaṃ vṛkṣaṃ phalavantamiva dvijāḥ //

āgantavyaṃ ca bhavatā samaye mama pārthiva /
vinivṛtte dinakare pravṛtte cottarāyaṇe //

tathetyuktvā ca kaunteyaḥ sobhivādya pitāmaham /
prayayau saparīvāro nagaraṃ nāgasāhvayam //

dhṛtarāṣṭraṃ puraskṛtya gāndhārīṃ ca pativratām /
saha tairṛṣibhiḥ sarvairbhrātṛbhiḥ keśavena ca //

paurajānapadaiścaiva mantrivṛddhaiśca pārthiva /
praviveśa kuruśreṣṭhaḥ puraṃ vāraṇasāhvayam //