Mahabharata · Chapter 13.135

kiṃsviddattaṃ pitṛbhyo vai bhavatyakṣayamīśvaraḥ /
kiṃsvidvahuphalaṃ proktaṃ kimānantyāya kalpate //
bhīṣma uvāca /

havīṃṣi śrāddhakalpe tu yāni śrāddhavido viduḥ /
tāni me śṛṇu kāmyāni phalaṃ caiṣāṃ yudhiṣṭhira //

tilairvrīhiyavairmāṣairadbhirmūlaphalaistathā /
dattena māsaṃ prīyante śrāddhena pitaro nṛpa //

vardhamānatilaṃ śrāddhamakṣayaṃ manurabravīt /
sarveṣveva tu bhojyeṣu tilāḥ prādhānyataḥ smṛtāḥ //

dvau māsau tu bhavettuptirmatsyaiḥ titṛgaṇasya ha /
trīnmāsānāvikenāhuścaturmāsaṃ śaśena ha //

ājena māsānprīyante pañcaiva pitaro nṛpa /
vārāheṇa tu ṣaṇmāsānsapta vai śākulena tu //

māsānaṣṭau pārṣatena rauraveṇa nava prabho /
gavayasya tu māṃsena tṛptiḥ syāddaśamāsikī //

māṃsenekādaśa prītiḥ pitṝṇāṃ māhiṣeṇa tu /
gavyena datte śrāddhe tu saṃvatsaramihocyate //

yathā gavyaṃ tathā yuktaṃ pāyasaṃ sarpiṣā saha /
vādhrīṇasasya māṃsena tṛptirdvādaśavārṣikī //

āntyāya bhaveddataṃ khaṅgamāṃsaṃ pitṛkṣate /
kālaśākaṃ ca lauhaṃ cāpyānantyaṃ chāga ucyate //

gāthāścāpyatra gāyanti pitṛgītā yudhiṣṭhira /
sanatkumāro bhagavānpurā madhyabhyabhāṣata //

api naḥ svakule jāyādyo no dadyāttrayodaśīm /
maghāsu sarpiḥsaṃyuktaṃ pāyasaṃ dakṣiṇāyane //

ājena vā'pi lauhena maghāsveva yatavrataḥ /
hasticchāyāsu vidhivatkarṇavyajanavījitam //

eṣṭavyā bahavaḥ putrā yadyekopi gayāṃ vrajet /
yatrāsau prathito lokeṣvakṣyakaraṇo vaṭaḥ //

āpo mūlaṃ phalaṃ māṃsamannaṃ vā'pi pitṛkṣaye /
yatkiñcinmadhusammiśraṃ tadānantyāya kalpate //