Mahabharata · Chapter 12.365

upadeśaṃ tu te vipra kariṣye'haṃ yathākramam /
guruṇā me yathākhyātamarthatattvaṃ tu me śṛṇu //

yatra pūrvābhisarge vai dharmacakraṃ pravartitam /
naimiṣe gomatītīre tatra nāgahrado mahān //

samagraisridaśaistatra iṣṭamāsīddvijarṣabha /
yatrendrātikramaṃ cakre mādhātā rājasattamaḥ //

kṛtādhivāso dharmātmā tatra cakṣuḥśravā mahān /
padmanābho mahānāgaḥ padma ityeva viśrutaḥ //

sa vācā karmaṇā caiva manasā ca dvijarṣabhaḥ /
prasādayati bhūtāni trividhe vartmani sthitaḥ //

sāmnā bhedena dānena daṇaḍeneti caturvidham /
pipamasthaṃ samasthaṃ ca cakṣurdhyānena rakṣati //

tamatikramya vidhinā praṣṭumarhasi kāṅkṣittam /
sa te paramakaṃ dharmaṃ na mithyā darśayiṣyarati //

sa hi sarvātithirnāṇo buddhiśāstraviśāradaḥ /
guṇairanupamairyuktaḥ samastairābhikāmikaiḥ //

prakṛtyā nityasalilo nityamadhyayane rataḥ /
tapodamābhyāṃ saṃyukto vṛttenānavareṇa ca //

yajvā dānapatiḥ kṣānto vṛtte ca parame sthitaḥ /
satyavāganasūyuśca śīlavānniyatendriyaḥ //

śeṣānnabhoktā vacanānukūlo hitārjavotkṛṣṭakṛtākṛtajñaḥ /
avairakṛdbhūtahite niyukto gaṅgāhradāmbhobhijanopapannaḥ //