Scripture Library

Mahabharata · Chapter 12.326

12.326.1

avyaktavyaktatatvānāṃ niścayaṃ bharatarṣabha /
vaktumarhasi kauravya devasyājasya yā kṛtiḥ //
bhīṣma uvāca /

12.326.2

atrāpyudāharantīmaṃ saṃvādaṃ guruśiṣyayoḥ /
kapilasyāsureścaiva sarvaduḥkhavimokṣaṇam //
asuriruvāca /

12.326.3

avyaktavyaktatatvānāṃ niścayaṃ buddhiniścayam /
bhagavannamitaprajña vaktumarhasi me'rthitaḥ //

12.326.4

kiṃ vyaktaṃ kimavyaktaṃ kiṃ vyaktā vyaktaṃ kimiti tatvāni /
kimādyaṃ madhyamaṃ ca tatvānāṃ kimadhyātmādhibhūtadaivataṃ ca //

12.326.5

kinnu sargāpyayaṃ kati sargāḥ kiṃ bhūtaṃ kiṃ bhaviṣyaṃ kiṃ bhavyaṃ ca kiṃ jñānam /
ko jñātā kiṃ buddhaṃ kimaprabuddhaṃ kiṃ budhyamānaṃ kati parvāṇi //

12.326.6

kati srotāṃsi kati karmayonayaḥ kimekatvaṃ nānātvam /
kiṃ sahavāsaṃ nivāsaṃ kiṃ vidyāvidyamiti //

Original text: Mahābhārata (southern recension) · Edition: Śrīman Mahābhāratam, ed. T. R. Krishnacharya and T. R. Vyasacharya, Nirnaya Sagar Press, Bombay 1906–1910; e-text by SARIT (Shrinivasa Varakhedi and others) · SARIT: Search and Retrieval of Indic Texts · SARIT (e-text) via Internet Archive · CC BY-SA 3.0