મહાભારત · અધ્યાય 12.326

અવ્યક્તવ્યક્તતત્વાનાં નિશ્ચયં ભરતર્ષભ ।
વક્તુમર્હસિ કૌરવ્ય દેવસ્યાજસ્ય યા કૃતિઃ ॥
ભીષ્મ ઉવાચ ।

અત્રાપ્યુદાહરન્તીમં સંવાદં ગુરુશિષ્યયોઃ ।
કપિલસ્યાસુરેશ્ચૈવ સર્વદુઃખવિમોક્ષણમ્ ॥
અસુરિરુવાચ ।

અવ્યક્તવ્યક્તતત્વાનાં નિશ્ચયં બુદ્ધિનિશ્ચયમ્ ।
ભગવન્નમિતપ્રજ્ઞ વક્તુમર્હસિ મેઽર્થિતઃ ॥

કિં વ્યક્તં કિમવ્યક્તં કિં વ્યક્તા વ્યક્તં કિમિતિ તત્વાનિ ।
કિમાદ્યં મધ્યમં ચ તત્વાનાં કિમધ્યાત્માધિભૂતદૈવતં ચ ॥

કિન્નુ સર્ગાપ્યયં કતિ સર્ગાઃ કિં ભૂતં કિં ભવિષ્યં કિં ભવ્યં ચ કિં જ્ઞાનમ્ ।
કો જ્ઞાતા કિં બુદ્ધં કિમપ્રબુદ્ધં કિં બુધ્યમાનં કતિ પર્વાણિ ॥

કતિ સ્રોતાંસિ કતિ કર્મયોનયઃ કિમેકત્વં નાનાત્વમ્ ।
કિં સહવાસં નિવાસં કિં વિદ્યાવિદ્યમિતિ ॥