Mahabharata · Chapter 12.319

ete pradhānasya guṇāstrayaḥ puruṣasattama /
kṛtsnasya caiva jagatastiṣṭhantyanapagāḥ sadā //

avyaktarūpo bhagavāñśatadhā ca sahasradhā /
śatadhā sahasradhā caiva tathā śatasahasradhā //

koṭiśaśca karotyeva prakṛtyā'tmānamātmanā /
sātvikaraṇottamaṃ sthānaṃ rājasasyeha madhyamam //

tāmasasvādhamaṃ sthānaṃ prāhuradhyātmacintakāḥ /
kevaleneha puṇyena bhatibhūrdhvāmavāpnuyāt //

puṇyapāpena mānuṣyamadharmeṇāpyaghogatim /
dvandvaneṣāṃ trayāṇāṃ tu sannipātaṃ ca tatvataḥ //

satvasya rajasaścaiva tamasaśca śṛṇuṣva me /
satvasya tu rajo dṛṣṭaṃ rajasaśca tamastathā //

tamasaśca tathā satvaṃ satvasyāvyaktameva ca /
adhyaktaḥ satvasaṃyukto devalokamayāpnuyāt //

ravāsatvasamāyukto mānuṣeṣu prapadyate /
rasastamobhyāṃ saṃyuktastiryagyoniṣu jāyate //

rājasaistāmasaiḥ satvairyukto mānuṣamāpnuyāt /
puṇyapāpaviyuktānāṃ sthānamāhurmahātmanām //

śāśvataṃ cāvyayaṃ caivamakṣayaṃ cāmṛtaṃ ca tat / jñānināṃ sambhavaṃ śreṣṭhaṃ sthānamavraṇamacyutam /
atīndriyamabījaṃ ca janmamṛtyutamonudam //

avyaktasthaṃ paraṃ yattatpṛṣṭaste'haṃ narādhipa /
sa eva prakṛtistho hi tatstha ityabhidhīyate //

acetanā caiva matā prakṛtiścāpi pārthiva /
etenādhiṣṭhitā caiva sṛjate saṃharatyapi //
janaka uvāca /

anādinidhanāvetāvubhāveva mahāmate /
amūrtimantāvacalāvaprakampyaguṇāguṇau //

agrāhyāvṛṣiśārdūla kathameko hyacetanaḥ /
cetanāvāṃstathā caikaḥ kṣetrajña iti bhāṣitaḥ //

tvaṃ hi viprendra kārtsnyena rmokṣadharmamupāsase /
sākalpaṃ mokṣadharmasya śrotumicchāmi tattvataḥ //

nistatvaṃ kevalatvaṃ ca vinābhāvaṃ tathaiva ca /
daivatāni ca me brūhi dehaṃ yānyāśritāni vai //

tathaivotkrāṇiṇaḥ sthānaṃ dehino vai vipadyataḥ /
kālena yaddhi prāpnoti sthānaṃ tatprabravīhi me //

sāṅkhyajñānaṃ ca tattvena pṛthagyogaṃ tathaiva ca / ariṣṭāni ca tattvāni vaktumarhasi sattama /
viditaṃ sarvametatte pāṇāvāmalakaṃ yathā //