Mahabharata · Chapter 12.219

na sa veda paraṃ brahma yo na veda catuṣṭayam /
vyaktāvyaktaṃ ca yattattvaṃ samproktaṃ paramarṣiṇā //

vyaktaṃ mṛtyumukhaṃ vidyādavyaktamamṛtaṃ padam /
nivṛttilakṣaṇaṃ dharmamṛṣirnārāyaṇo'bravīt //

tatraivāvasthitaṃ sarvaṃ trailokyaṃ sacarācaram /
nivṛttilakṣaṇaṃ dharmamavyaktaṃ brahma śāśvatam //

pravṛttilakṣaṇaṃ dharmaṃ prajāpatiratathābravīt /
pravṛttiḥ punarāvṛttirnivṛttiḥ paramā gatiḥ //

tāṃ gatiṃ paramāmeti nivṛttiparamo muniḥ /
jñānatattvaparo nityaṃ śubhāśubhanidarśakaḥ //

tadevametau vijñeyāvavyaktapuruṣābubhau /
avyaktapuruṣābhyāṃ tu yatsyādanyanmahattaram //

taṃ viśeṣamavekṣeti viśeṣeṇa vicakṣaṇaḥ /
anādyantāvubhāvetāvaliṅgau cāpyubhāvapi //

ubhau nityāvanucarau mahadbhyaśca mahattarau /
sāmānyametadubhayorevaṃ hyanyadviśeṣaṇam //

prakṛtyā sargadharmiṇyā tathā triguṇasatvayā /
viparītamato vidyātkṣetrajñasya svalakṣaṇam //

prakṛteśca vikārāṇāṃ draṣṭāramaguṇānvitam /
kṣetrajñamāhurjīvaṃ tu kartāraṃ guṇasaṃvṛtam //

agrāhyaṃ yena jānanti tajjñānaṃ daṃśitaśca tat /
tenaiva daṃśito nityaṃ na guṇaḥ paribhūyate //

agrāhyau puruṣāvetāvaliṅgatvādasaṅginau /
saṃyogalakṣaṇotpattiḥ karmajā gṛhyate yathā //

karaṇaiḥ karmanirvṛttaiḥ kartā yadyadviceṣṭate /
kīrtyate śabdasañjñābhiḥ ko'hameṣopyasāviti //

mamāpi kāyamiti ca tadajño nityasaṃvṛtaḥ / uṣṇīṣavānyathā vastraistribhirbhavati saṃvṛtaḥ /
saṃvṛto'yaṃ tathā dehī sattvarājasatāmasaiḥ //

bhedavastu tvabhedena jānāti sa yadā pumān /
tadā paraṃ parātmā'sau bhavatyeva nirañjanaḥ //

kriyāyoge ca bhedākhye bahu sankṣipyate kvacit /
vasurudragaṇādyeṣu svānubhogena bhogataḥ //

evameṣa paraḥ sattvo nānārūpeṇa saṃsthitaḥ / sankṣipto dṛśyate paścādekarūpeṇa viṣṭhitaḥ //

tasmāccatuṣṭayaṃ vedyametairhetubhirāvṛtam / tathāsañjño hyayaṃ samyagantakāle na muhyati /
vāyurvidho yathā bhānurviprakāśaṃ gamiṣyati //

śriyaṃ divyāmabhiprepsurvarṣmavānmanasā śuciḥ /
śārīrairniyamairugraiścarenniṣkalmaṣaṃ tapaḥ //

trailokyaṃ tapasā vyāptamantarbhūtena bhāsvatā /
sūryaśca candramāścaiva bhāsatastapasā divi //

anyacca dharmasāmyaṃ yattapastatkīrtyate punaḥ / prakāśastapaso jñānaṃ loke saṃśabditaṃ tapaḥ //

rajastamoghnaṃ yatkarma tapasastatsvalakṣaṇam /
tritayaṃ hyetadākhyātaṃ yadyasmādbhāsituṃ punaḥ //

svabhāsā bhāsayaṃścāpi candramā hyatra vartate / sūryayoge tu yaḥ sandhistapaḥ sarvaṃ pradīpyate //

brahmacaryamahiṃsā ca śārīraṃ tapa ucyate /
vāṅbhanoniyamaḥ samyaṅbhānasaṃ tapa ucyate //

vidhijñebhyo dvijātibhyo grāhyamannaṃ viśiṣyate /
āhāraniyamenāsya pāpmā śāmyati rājasaḥ //

vaimanasyaṃ ca viṣaye yāntyasya karaṇāni ca /
tasmāttanmātramādadyādyāvadatra prayojanam //

antakāle balotkarṣācchanaiḥ kuryādanāturaḥ /
evaṃ yuktena manasā jñānaṃ yadupapadyate //

rajovarjyo hyayaṃ dehī dehavāñchabdavāṃścaret /
kāryairavyāhatamatirvairāgyātprakṛtau sthitaḥ //

ā dehādapramādācca dehāntādvipramucyate /
hetuyuktaḥ sadā sārgo bhūtānāṃ pralayastathā //

parapratyayasarge tu niyamo nātivartate /
evaṃ tatprabhavāṃ prajñāmāsate ye viṣaryaye //

dhṛtyā dehāndhārayanto buddhisankṣiptacetasaḥ /
sthānebhyo dhvaṃsamānāśca sūkṣmatvāttadupāsate //

yathāgamaṃ ca tatsarvaṃ buddhyā tannaiva buddhyate /
dehāntaṃ kaścidanvāste bhāvitātmā nirāśrayaḥ //

yukto dhāraṇayā kaścitsataḥ kecidupāsate /
abhyasyanti paraṃ devaṃ vidyāsaṃśabditākṣaram //

antakāle hyupāsante tapasā dagdhakilviṣāḥ /
sarva ete mahātmāno gacchanti paramāṃ gatim //

sūkṣmaṃ viśeṣaṇaṃ teṣāmavekṣecchāstracakṣuṣā /
dehaṃ tu paramaṃ vidyādvimuktamaparigraham //

antarikṣādanyataraṃ dhāraṇāsaktamānasam /
martyalokādvimucyante vidyāsaṃsaktacetasaḥ //

brahmabhūtā virajasastato yānti parāṃ gatim /
evamekāyanaṃ dharmamāhurvedavido janāḥ //

yathājñānamupāsantaḥ sarve yānti parāṃ gatim / kaṣāyavarjitaṃ----teṣāmutpadyate'malam /
yānti te'pi----- kānviśudhyanti yathābalaṃ //

bhagavantamajaṃ divya viṣṇumavyaktasañjñitam /
bhāvena yānti śuddhā ye jñānatṛptā nirāśiṣaḥ //

jñātvā'tmasthaṃ------- na nivartanti te'vyayāḥ /
prāpya tatparamaṃ sthānamodante'kṣaramavyayam //

etāvadetadvijñānametadasti ca nāsti ca /
tṛṣṇābaddhaṃ jagatsarvaṃ cakravatparivartate //

visatanturyathaivāyamantasthaḥ sarvato bise /
tṛṣṇātanturanādyantastathā dehagataḥ sadā //

sūcyā sūtraṃ yathā vastre saṃsārayati vāyakaḥ /
tadvatsaṃsārasūtraṃ hi tṛṣṇāsūcyā nibaddhyate //

itastataḥ samāhṛtya rūpaṃ nirvartayiṣyati / vikāraṃ prakṛtiṃ caiva puruṣaṃ ca sanātanam //

yo yathāvadvijānāti sa vitṛṣṇo vimucyate /
yāti nityaṃ sa sadbhāvamātmano vai mahadbhuvam //
bhīṣma uvāca /

prakāśaṃ bhagavānetadṛṣirnārāyaṇo'mṛtam /
bhūtānāmanukampārthaṃ jagāda jagato hitam //