Mahabharata · Chapter 12.211

devānuramanuṣyeṣu ṛṣimukhyeṣu vā punaḥ /
viṣṇostatvaṃ yathākhyātaṃ ko vidvānanuvetti tat //

etanme sarvamācakṣva na me tṛptirhi tatvataḥ /
vartate bharataśreṣṭha sarvajño'sīti me matiḥ //
bhīṣma uvāca /

kārito'haṃ tvayā rājanyadṝttaṃ ca purā mama /
garuḍena purā mahyaṃ saṃvādo'bhūbhṛtottam //

purāhaṃ tapa āsthāya vāsudevaparāyaṇaḥ / dhyāyanstuvannamasyaṃśca yajamānastamevaca /
gaṅgadvīpe samāsīno daśavarṣāṇi bhārata //

mātā ca mama tā devī jananī lokapāvanī /
samāsīnā samīpe me rakṣaṇārthaṃ mamācyuta //

tasminkāle'dbhutaḥ śrīmānsarvavedamayaḥ prabhuḥ / suparṇaḥ patatāṃśreṣṭho merumandarasannibhaḥ /
ājagāma viśuddhātmā gaṅgāṃ draṣṭuṃ mahāyaśāḥ //

tamāgataṃ mahātmānaṃ pratyudgamyāhamarthitaḥ /
praṇipatya yathānyāyaṃ kṛtājjaliravasthitaḥ //

so'pi devo mahābhāgāmabhinandya ca jāhnavīm /
tathā ca pūjitaḥ śrīmānuṇepāviśadāsane //

tataḥ kathāntare taṃ vai vacanaṃ cedamavravam /
vedaveda mahāvīrya vainatega mahābala //

nārāyaṇaṃ hṛṣīkeśaṃ sahamāno'niśaṃ harim / jānāsi taṃ yathā vaktuṃ yādṛgbhūto janārdanaḥ /
mamāpi tasya sadbhātaṃ vaktumarhasi sattama //
garuḍa uvāca /

śṛṇu bhīṣma yathānyāyaṃ purā tvamiha sattamāḥ /
aneke punayaḥ siddhā mānasottaravāsinaḥ //
pagacchurmā mahāprājñā vāsudevaparāyaṇāḥ //

pakṣīndra vāsudevasya tatvaṃ vetsi paraṃ padam /
svasā sayo na tasyāsti sannikṛṣṭapriyopi ca //

teṣāmahaṃ vacaḥ śrutvā praṇipatya mahāharim /
abravaṃ ca yathāvṛttaṃ mama nārāyaṇasya ca //

śṛṇudhvaṃ muniśārdūlā hṛtvā somamahaṃ purā /
ākāśe patamānastu vākyaṃ tatra śṛṇomi vai //

sādhusādhu mahābāho prītosmi tava darśanāt /
vṛṇīṣva vacanaṃ mattaḥ pakṣīndra garuḍādhunā //

tvāmahaṃ bhaktitatvajño bravai vacanamuttamam /
ityāha sma dhruvaṃ tatra māmāha bhagavānpunaḥ //

ṛṣirasmi mahāvīrya na māṃ jānāti vā mayi /
asūyati ca māṃ mūḍha tacchrutvā garvamāsthitaḥ //

ahaṃ devanikāyānāṃ madhye vacanamabravam / ṛṣe pūrvaṃ varaṃ mattastvaṃ vṛṇīṣva tato hyaham /
vṛṇe tvatto varaṃ paścādityevaṃ munisattamāḥ //

tasmāttvāṃ bhagavāndevaḥ śrīmāñśrīvatsalakṣaṇaḥ / adya paśyati pakṣīndra vāhanaṃ bhava me sadā /
vṛṇe'haṃ varametaddhi tvatto'dya patageśvara //

tatheti taṃ vīkṣya mātāmanahankāramāsthitam /
jetukāmo hyahaṃ viṣṇuṃ māyayā māyinaṃ harim //

tvatto hyahaṃ vṛṇe tvadya varaṃ ṛṣivarottama /
tavopariṣṭātsthāsyāmi varametatprayaccha me //

tatheti ca hasanprāha harirnārāyaṇaḥ prabhuḥ / dhvajaṃ ca me bhava sadā tvameva vihageśvara /
upariṣṭātsthitiste'stu mama pakṣīndra sarvadā //

ityuktvā bhagavāndevaḥ śaṅkhacakragadādharaḥ /
sahasracaraṇaḥ śrīmānsahasrādityasannibhaḥ //

sahasraśīrṣā puruṣaḥ sahasranayano mahān /
sahasramakuṭo'cintyaḥ sahasravadano vibhuḥ //

vidyunmālānibhairdivyairnānābharaṇarājibhiḥ /
kvacitsandṛśyamānastu caturbāhuḥ kvacidvariḥ //

kvacijjyotirmayocintyaḥ kvacitskandhe samāhitaḥ /
evaṃ mama jayandevastatraivāntaradhīyata //

tato'haṃ vismayāpannaḥ kṛtvā kāryamanuttamam /
asyāvimucya jananīṃ mayā saha munīśvarāḥ //

acintyo'yamahaṃ bhūyaḥ ko'sau māmabravītpurā /
kīdṛgvidhaḥ sa bhagavāniti matvā tamāsthitaḥ //

anantaraṃ devadevaṃ skandhe mama samāśritam /
adrākṣaṃ puṇḍarīkākṣaṃ vahamāno'hamadbhutam //

avaśastasya bhāvena yatra yatra sa cecchati / vismayāpannahṛdayo hyahaṃ kimiti cintayan /
antarjalamahaṃ sarvaṃ vahamāno'gamaṃ punaḥ //

sendrairdevairmahābhāgairbrahmādyaiḥ kalpajīvibhiḥ /
stūyamāno hyahamapi taistairabhyarcitaḥ pṛthak //

kṣīrodasyottare kūle divye maṇimaye śubhe /
vaikarṇanāma sadanaṃ harestasya mahātmanaḥ //

divyaṃ tejomayaṃ śrīmadacintyamamarairapi /
tejonilamayaiḥ stambhairnānāsaṃsthānasaṃsthitaiḥ //

vibhūṣitaṃ hiraṇyena bhāsvareṇa samantataḥ /
divyaṃ jyotiḥ samāyuktaṃ gītavāditraśobhitam //

śṛṇomi śabdaṃ tatrāhaṃ na paśyāmi śarīriṇam / na ca sthalaṃ na cānyacca pādayostaṃ samantataḥ /
vepamāno hyahaṃ tatra viṣṭhito'haṃ kṛtāñjaliḥ //

tato brahmādayo devā lokapālāstathaiva ca /
sanandanādyā munayastathā'nye parajīvinaḥ //

prāptāstatra sabhādvāri devagandharvasattamāḥ /
brahmāṇaṃ parataḥ kṛtvā kṛtāñjalipuṭāstadā //

tatastadantare tasminkṣīrodārṇavaśīkaraiḥ /
bodhyamāno mahāviṣṇurāvirbhūta ivābabhau //

phaṇāsahasramālāḍhyaṃ śeṣamavyaktasaṃsthitam /
paśyāmyahaṃ mudā'kāśe yasyopari janārdanam //

dīrghavṛttaiḥ samaiḥ pīnaiḥ keyūravalayojjvalaiḥ /
cartubhirbāhubhiryuktaṃ------------ //

pitāmbareṇa saṃvītaṃ kaustubhena virājitam /
vakṣasthalena saṃyuktaṃ padmayā'dhiṣṭhitena ca //

īṣadunmīlitākṣaṃ taṃ sarvakāraṇakāraṇam /
kṣīrodasyopari babhau nīlābhraṃ paramaṃ yathā //

na kaścidvadate kaścinna vyāharati kaścana / brahmādistambaparyantaṃ māśabdamiti roṣitam /
bhrukuṭīkuṭilākṣāste nānābhūtagaṇāḥ sthitāḥ //

kṛtvā ca prasthitaṃ tatra jagatāṃ hitakāmyayā /
gacchadhvamiti māmuktvā garuḍetyāha māṃ tataḥ //

tato'haṃ praṇipatyāgre kṛtāñjaliravasthitaḥ /
āgaccheti ca māmuktvā pūrvottarapathaṃ gataḥ //

atīva mṛdubhāvena gacchanniva sa dṛśyate / ayutaṃ niyutaṃ cāhaṃ prayutaṃ cārbudaṃ tathā /
patamāno'hamaniśaṃ yojanāni tatastataḥ //

nanu tatvamahaṃ bhakto viṣṭhitosmi praśāstu naḥ /
āgaccha garuḍetyevaṃ punarāha sa mādhavaḥ //

tato bhūyo hyahaṃ pātaṃ patamāno vihāyasam /
ājagāma tato ghoraṃ śatakoṭisamāvṛtam //

tāmasānīva bhūtāni parvatābhāni tatra ha /
samānānīva padmāni tato'haṃ bhīta āsthitaḥ //

tato māṃ kinkaro ghoraḥ śatayojanamāyatam /
nigṛhya pāṇinā tasmāccikṣepa ca sa loṣṭavat //

tattamo'hamatikramya hyāpaṃ caiva vihāyasam / huṅkāraghopaṃ tatrāhamaśanīpātasannibhān /
karṇamūle hyaśṛṇvantastato bhūtaiḥ samāsthitaḥ //

tato'haṃ devadeveśa trāhi māṃ puṣkarekṣaṇa /
ityabravamahaṃ tatra tato viṣṇuruvāca mām //

suṣirasya mukhe kaścinmāṃ cikṣepa bhayaṅkaraḥ /
atīto'haṃ kṣaṇādagnimapaśyaṃ vāyumaṇḍalam //

ākāśamiva samprekṣya kṣeptukāmamupāgataḥ /
tatrāhaṃ duḥkhito bhūtaḥ krośamāno hyavasthitaḥ //

kṣaṇāntareṇa ghoreṇa kruddho hi paramātmanā /
svapakṣarājinā dṛṣṭvā māṃ cikṣepa bhayaṅkaraḥ //

-----garuḍakulaṃ sahasrādityasannibham /
māṃ dṛṣṭvā'pyatha saṃsthe'tha hyalpakālo'tidurbalaḥ //

aho vihaṅgamaḥ prāpta iti vismayamānasāḥ /
māṃ dṛṣṭvocurahaṃ tatra paśyāmi garuḍadhvajam //

sahasrayojanāyāmaṃ sahasrādityavarcasam /
sahasragaruḍārūḍhaṃ garuḍāste mahābalāḥ //

atyāścaryamimaṃ deva vapuṣā'smatkulodbhavaḥ /
svalpaprāṇaḥ svalpakāyaḥ kosau pakṣī ihāgataḥ //

tacchrutvā'haṃ naṣṭagarvo bhīto lajjāsamanvitaḥ /
svayaṃ buddhśca saṃvignastato hyaśṛṇavaṃ punaḥ //

āgaccha garuḍetyeva tato'haṃ yānamāsthitaḥ / parārdhyaṃ ca tato gatvā yojanānāṃ śataṃ punaḥ /
tatrāpaśyamahaṃ yo vai brahmāṇaṃ parameṣṭhinam //

tatrāpi cāparaṃ tatra śatakoṭipitāmahān /
punarehītyuvācoccairbhagavānmadhusūdanaḥ //

mahākulaṃ tato'paśyaṃ pramāṇāni tamavyayam /
kapitthaphalasankāśamandhakāraiḥ samāśritam //

tatra sthito hariḥ śrīmānaṇḍamekaṃ bibheda ha /
mahadbhūtaṃ hi māṃ gṛhya dattvā vai prākṣipatpunaḥ //

tansadhye sāgarānsapta brahmāṇaṃ ca tathā surān /
paśyāmyahaṃ yathāyogaṃ mātaraṃ svakulaṃ tathā //

evaṃ mayā'nubhūtaṃ hi tatvānveṣaṇakāṅkṣiṇā /
śibikāsadṛśaṃ māṃ vai paśyadhvaṃ munisattamāḥ //

ityevamabravaṃ viprānbhīṣma yanme purā'bhavat /
tatte sarvaṃ yathānyāyamuktavānasmi sattama //

yoginastaṃ prapaśyanti jñānaṃ dṛṣṭvā paraṃ harim /
nānyathā śakyarūposau jñānagamyaḥ paraḥ pumān //

ananyayā ca bhaktyā ca prāptuṃ śakyo mahāhariḥ //
bhīṣma uvāca /

ityevamuktvā bhagavānsuparṇaḥ pakṣirāṭ prabhuḥ /
āmantrya jananīṃ me vai tatraivāntaradhīyata //

tasmādrājendra sarvātmā vāsudevaḥ pradhānakṛt / jñānena bhaktyā sulabho nānyatheti matirmama //