Mahabharata · Chapter 11.17

duryodhanaṃ hataṃ dṛṣṭvā gāndhārī śokakarśitā /
sahasā nyapatadbhūmau chinneva kadalī vane //

sā tu labdhvā punaḥ sañjñāṃ vikruśya ca vilapya ca /
duryodhanamabhiprekṣya śayānaṃ rudhirokṣitam //

pariṣvajyātha gāndhārī kṛpaṇaṃ paryadevayat /
hāhāputreti śokārtā vilalāpākulendriyā //

sugūḍhajatru vipulaṃ hāraniṣkavibhūṣitam /
vāriṇā netrajenoraḥ siñcantī śokatāpitā //

samīpasthaṃ hṛṣīkeśamida vacanamabravīt /
upasthite'sminsaṅgrāme jñātīnāṃ sankṣaye vibho //

māmayaṃ prāha vārṣṇeya prāñcalirnṛpasattamaḥ /
asmiñjñātisamuddharṣe jayamambā bravītu me //

ityukte jānatī sarvamahaṃ svavyasanāgamam /
abruvaṃ puruṣavyāghra yato dharmastato jayaḥ //

tathā tu yuvyamānastvaṃ sampragṛhya suputraka /
dhruvaṃ śakhajitām̐llokānprāpsyasyamaravatprabho //

ityevaxxx pūrvaṃ naivaṃ śocāmi vai prabho /
dhṛtarāṣṭraṃ tu śocāmi kṛpaṇaṃ hatabāndhavam //

amarvaṇaṃ yudhāṃ śreṣṭhaṃ kṛtāstraṃ yuddhadurmadam /
śayānaṃ vīraśayane paśya mādhava me sutam //

bo'yaṃ mūrdhāvasiktānāye yāti parantapaḥ /
so'vaṃ pāṃsuṣu śete'dya pañca kālasya paryayam //

duvaṃ duryodhano vīro gatiṃ na sulabhāṃ gataḥ /
tathā hyabhixxxx śete śayane vīrasevite //

yaṃ purā paryupāsīnā samayanti varastriyaḥ /
saṃ vīraśayane suptaṃ ramayantyaśivāḥ śivāḥ //

yaṃ purā paryupāsīnā ramayanti mahīkṣitaḥ /
mahītalasyaṃ nihataṃ gṛdhrāstaṃ paryupāsate //

yaṃ purā vyajanairamyairupavījanti yoṣitaḥ /
tamadya pakṣavyajanai rupavījanti pakṣiṇaḥ //

eṣa śete mahābāhurbalavānsatyavikramaḥ /
siṃheneva dvipaḥ saṅkhye bhīmasenena pātitaḥ //

paśya duryodhanaṃ kṛṣṇa śayānaṃ rudhirokṣitam /
nihataṃ bhīmasenena gadāṃ sammṛjya bhārata //

akṣauhiṇīrmahābāhurdaśa caikāṃ ca keśava /
ānayadyaḥ purā saṅkhye so'nayānnidhanaṃ gataḥ //

eṣa duryodhanaḥ śete maheṣvāso mahābalaḥ /
śārdūla iva siṃhena bhīmasenena pātitaḥ //

viduraṃ hyavamatyaiṣa pitaraṃ caiva mandabhāk /
bālo vṛddhāvamānena mando mṛtyuvaśaṃ gataḥ //

niḥsapatnā mahī yasya trayodaśasamāḥ sthitā /
sa śete nihato bhūmau putro me pṛthivīpatiḥ //

apaśyaṃ kṛṣṇa pṛthivīṃ dhārtarāṣṭrānuśāsitām /
pūrṇāṃ hastigavāśvaiśca vārṣṇeya na tu tacciram //

tāmevādya mahābāho paśyāmyanyānuśāsitām /
hīnāṃ hastigavāśvena kinnu jīvāmi mādhava //

idaṃ kaṣṭataraṃ paśya putrasyāpi vadhānmama /
yā imāḥ paryupāsante hatāñśūrānraṇe striyaḥ //

prakīrṇakeśāṃ suśroṇīṃ duryodhanabhūjāṅkagām /
rukmavedinibhāṃ paśya kṛṣṇa lakṣmaṇamātaram //

nūnameṣā purā bālā jīvamāne mahābhuje /
bhujāvāśritya ramate subhujasya manasvinī //

kathaṃ tu śatadhā nedaṃ hṛdayaṃ mama dīryate /
paśyantyā nihataṃ putraṃ pautreṇa sahitaṃ raṇe //

putraṃ rudhirasaṃsiktamupajighratyaninditā /
duryodhanaṃ tu vāmorūḥ pāṇinā parimārjatī //

kinnu śocati bhartāraṃ hataputraṃ manasvinī /
tathā hyavasthitā bhāti putraṃ cāpyabhivīkṣya sā //

svaśiraḥ pañcaśākhābhyāmabhihatyāyatekṣaṇā /
patatyurasi vīrasya kururājasya mādhava //

puṇḍarīkanibhā bhāti puṇḍarīkāntaraprabhā /
mukhaṃ pramṛjya putrasya bhartuścaiva tapasvinī //

yadi satyāgamāḥ santi yadi vai śrutayastathā /
dhruvaṃ lokānavāpto'yaṃ nṛpo bāhubalārjitān //