Mahabharata · Chapter 10.12

tasminprayāte durdharṣe yadūnāmṛṣabhastataḥ /
abravītpuṇḍarīkākṣaḥ kuntīputraṃ yudhiṣṭhiram //

eṣa pāṇ़ḍave te bhrātā putraśokaparāyaṇaḥ /
jighāṃsurdrauṇimākrande eka evābhidhāvati //

bhīmaḥ priyaste sarvebhyo bhrātṛbhyo bharatarṣabha /
taṃ kṛcchragatamadya tvaṃ kasmānnābhyupapadyase //

yattadācaṣṭa putrāya droṇaḥ parapurañjayaḥ /
astraṃ brahmaśiro nāma daheta pṛthivīmapi //

tanmahātmā mahābhāgaḥ ketuḥ sarvadhanuṣmatām /
pratyapāyadācāryaḥ prīyamāṇo dhanañjayam //

taṃ putro'pyeka evainamanvayācadamarṣaṇaḥ /
tataḥ provāca putrāya nātihṛṣṭamanā iva //

viditaṃ cāpalaṃ hyāsīdātmajasya durātmanaḥ /
sarvadharmavidācāryaḥ so'nvaśāsatsutaṃ tataḥ //

paramāpadgatenāpi na sma tāta tvayā raṇe /
idamastraṃ prayoktavyaṃ mānuṣeṣu viśeṣataḥ //

ityuktvānguruḥ putraṃ droṇaḥ paścāthoktavān /
na tvaṃ jātu satāṃ mārge sthāteti puruṣarṣabha //

sa tadājñāya duṣṭātmā piturvacanamapriyam /
nirāśaḥ sarvakalyāṇaiḥ śokātparyacaranmahīm //

tatastadā kuruśreṣṭha vanasthe tvayi bhārata /
avasaddvārakāmetya vṛṣṇibhiḥ paramārcitaḥ //

sa kadācitsamudrānte vasandvāravatīmanu /
eka ekaṃ samāgamya māmuvāca hasanniva //

yattadugraṃ tapaḥ kṛṣṇa carannamitavikramaḥ /
agastyādbhāratācāryaḥ pratyapadyata me pitā //

astraṃ brahmaśiro nāma devagandharvapūjitam /
tadadya mayi dāśārha yathā pitari me tathā //

asmattasdupādāya divyamastraṃ yadūttama /
mamāpyas्raṃ prayaccha tvaṃ cakraṃ ripuhaṇaṃ raṇe //

sa rājanprīyamāṇena mayāpyuktaḥ kṛtāñjaliḥ /
yācamānaḥ prayatnena matto'straṃ bharatarṣabha //

devadānavagandharvamanuṣyapatagoragāḥ /
na samā mama vīryasya śatāṃśenāpi piṇḍitāḥ //

idaṃ dhanuriyaṃ śaktiridaṃ cakramiyaṃ gadā /
yadyadicchasi cedas्raṃ mattastattaddadāmi te //

yacchaknoṣi samudyantuṃ prayoktumapi vā raṇe /
tadgṛhāṇa vinā'streṇa yanme dātumabhīpsasi //

sa sunābhaṃ sahasrāraṃ vajranābhamayasmayam /
vavre cakraṃ mahābhāgo mattaḥ spardhanmayā saha //

gṛhāṇa cakramityukto mayā tu tadanantaram /
jagrāhotpatya sahasā cakraṃ savyena pāṇinā //

na cainamaśakatsthānātsañcālayitumapyuta /
athainaṃ dakṣiṇenāpi grahītumupacakrame //

sarvayatnena tenāpi gṛhya nainamakampayat //

tataḥ sarvabalenāpi yadainaṃ na śaśāka ha / udyantuṃ vā cālayituṃ drauṇiḥ paramadurmanāḥ /
kṛtvā yatnaṃ pariśrāntaḥ sa nyavartata bhārata //

nivṛtmanasaṃ tasmādabhiprāyādvicetasam /
ahamāmantrya saṃvignamaśvatthāmānamabruvam //

yaḥ sa daivamanuṣyeṣu pramāṇaṃ paramaṃ gataḥ /
gāṇḍīvadhanvā śvetāścaḥ kapipravaraketanaḥ //

yaḥ sākṣāddevadeveśaṃ śitikaṇṭhamumāpatim /
dvandvayuddhe purā jiṣṇustoṣayāmāsa śaṅkaram //

yasmātpriyataro nāsti mamānyaḥ puruṣo bhuvi /
nādeyaṃ yasya me kiñcidapi prāṇānmahātmanaḥ //

tenāpi suhṛdā brahmanpārthenākliṣṭakarmaṇā /
nokpūrvamidaṃ vākyaṃ yastvaṃ māmabhibhāṣase //

brahmacaryaṃ mahaddhoraṃ tīr्vā dvādaśavārṣikam /
himavatpārśvamāsthāya yo mayā tapasā'rjitaḥ //

samānavratacāriṇyāṃ rukmiṇyāṃ yo'nvajāyata /
sanatkumārastejasvī pradyumno nāma me sutaḥ //

tenāpyetanmahaddivyaṃ cakramapratimaṃ raṇe /
na prārthitamabhūnmūḍha taditaṃ prārthitaṃ tvayā //

rāmeṇātibalenaitannoktapūrvaṃ kadācana /
na gadena sāmbena yadidaṃ prārthitaṃ tvayā //

dvārakāvāsibhiścānyairvṛṣṇyandhakamahārathaiḥ /
noktapūrvamidaṃ kṣudraṃ tadidaṃ prārthitaṃ tvayā //

bhāratācāryaputrastvaṃ mānitaḥ sarvayādavaiḥ /
cakreṇa rathināṃ śreṣṭha kaṃ nu tāta yuyutsase //

evamukto mayā drauṇirmāmidaṃ pratyuvāca ha /
prayujya bhavate pūjāṃ yotsye kṛṣṇa tvayā saha //

prārthitaṃ te mayā cakraṃ devadānavapūjitam /
ajeyaḥ syāmiti vibho satyamedbravīmi te //

so'haṃ taddurlabhaṃ cakramanavāpyaiva keśava /
pratiyāsyāmi govinda śivenābhivadasva mām //

etatsunābhaṃ bhojānāmṛṣabheṇa tvayā dhṛtam /
cakramapraticakreṇa bhuvi nānyo'bhipadyate //

etāvaduktvā drauṇirmāṃ yugyānaśvāndhanāni ca /
ādāyopayayau kāle ratnāni vavidhāni ca //

sa saṃrambhī durātmā ca capalaḥ krūra eva ca /
veda cās्raṃ brahmaśirastasmādrakṣyo vṛkodaraḥ //