Mahabharata · Chapter 1.178

tataḥ sa bhagnapārśvāṅgo naditvā bhairavaṃ ravam /
śailarājapratīkāśo gatāsurabhavadbakaḥ //

tena śabdena vitrasto janastasyātha rakṣasaḥ /
niṣpapāta gṛhādrājansahaiva paricāribhiḥ //

bakānujastadā rājanbhīmaṃ śaraṇameyivān / tatastu nihataṃ dṛṣṭvā rākṣasendraṃ mahābalam /
rākṣasāḥ paramatrastā bhīmaṃ śaṟaṇamāyayuḥ //

tānbhītānvigatajñānānbhīmaḥ praharatāṃ varaḥ /
sāntvayāmāsa balavānsamaye ca nyaveśayat //

na hiṃsyā mānuṣā bhūyo yuṣmābhiriti karhicit /
hiṃsatāṃ hi vadhaḥ śīghramevameva bhavediti //

tasya tadvacanaṃ śrutvā tāni rakṣāṃsi bhārata /
evamastviti taṃ prāhurjagṛhuḥ samayaṃ ca tam //

sagaṇastu bakabhrātā prāṇamatpāṇḍavaṃ tadā / tataḥ prabhṛti rakṣāṃsi tatra saumyāni bhārata /
nagare pratyadṛśyanta narairnagaravāsibhiḥ //

tato bhīmastamādāya gatāsuṃ puruṣādakam / niṣkarṇanetraṃ nirjihvaṃ niḥsañjñaṃ kaṇṭhapīḍanāt /
kurvanbahuvidhāṃ ceṣṭāṃ puradvāramakarṣata //

dvāradeśe vinikṣipya puramāgātsa mārutiḥ /
sa eva rākṣaso nūnaṃ punarāyāti naḥ purīm //

sabālavṛddhāḥ puruṣā iti bhītāḥ pradudruvuḥ /
tato bhīmo bakaṃ hatvā gatvā brāhmaṇaveśma tat //

balīvardau ca śakaṭaṃ brāhmaṇāya nyavedayat /
tūṣṇīmantargṛhaṃ gacchetyabhidhāya dvijottamam //

mātṛbhrātṛsamakṣaṃ ca gatvā śayanameva ca / ācacakṣe'tha tatsarvaṃ rātrau yuddhamabhūdyathā //

tato narā viniṣkrāntā nagarātkalyameva tu /
dadṛśurnihataṃ bhūmau rākṣasaṃ rudhirokṣitam //

tamadrikūṭasadṛśaṃ vinikīrṇaṃ bhayānakam /
dṛṣṭvā saṃhṛṣṭaromāṇo babhūvustatra nāgarāḥ //

ekacakrāṃ tato gatvā pravṛttiṃ pradaduḥ pure /
tataḥ sahasraśo rājannarā nagaravāsinaḥ //

tatrājagmurbakaṃ draṣṭuṃ sastrīvṛddhakumārakāḥ / tataste vismitāḥ sarve karma dṛṣṭvā'timānuṣam /
daivatānyarcayāñcakruḥ prārthitāni purā bhayāt //

tataḥ pragaṇayāmāsuḥ kasya vāro'dya bhojane /
jñātvā cāgamya taṃ vipraṃ papracchuḥ sarva eva te //

evaṃ pṛṣṭaḥ sa bahuśo rakṣamāṇaśca pāṇḍavān /
uvāca nāgarānsarvānidaṃ viprarṣabhastadā //
brāhmaṇa uvāca /

ājñāpitaṃ māmaśane rudantaṃ saha bandhubhiḥ /
dadarśa brāhmaṇaḥ kaścinmantrasiddho mahāmanāḥ //

paripṛcchya sa māṃ pūrvaṃ parikleśaṃ purasya ca /
abravīdbrāhmaṇaśreṣṭho viśvāsya prahasanniva //

prāpayiṣyāmyahaṃ tasmā annametaddurātmane /
mannimittaṃ bhayaṃ cāpi na kāryamiti cābravīt //

sa tadannamupādāya gato bakavanaṃ prati /
tena nūnaṃ bhavedetatkarma lokahitaṃ kṛtam //

tataste brāhmaṇāḥ sarve kṣatriyāśca suvismitāḥ /
vaiśyāḥ śūdrāśca muditāścakrurbrahmamahaṃ tadā //

tato jānapadāḥ sarve ājagmurnagaraṃ prati /
tamadbhutatamaṃ draṣṭuṃ pārthāstatraiva cāvasan //

vetrakīyagṛhe sarve parivārya vṛkodaram /
vismayādabhyagacchanta bhīmaṃ bhīmaparākramam //

na vai na sambhavetsarvaṃ brāhmaṇeṣu mahātmasu /
iti satkṛtya taṃ paurāḥ parivavruḥ samantataḥ //

ayaṃ trātā hi khedānāṃ piteva paramārthataḥ /
asya śuśrūṣavaḥ pādau paricarya upāsmahe //

paśumaddadhimanaccāsya vāraṃ bhaktamupāharan /
tasminhate te puruṣā bhītāḥ samanubodhanāḥ //

tataḥ samprādravanpārthāḥ saha mātrā parantapāḥ /
āgacchannekacakrāṃ te gāṇḍavāḥ saṃśitavratāḥ //

vaidikādhyayane yuktā jaṭilā brahmacāriṇaḥ / avasaṃste ca tatrāpi brāhmaṇasya niveśane /
mātrara sahaikacakrāyāṃ dīrghakālaṃ sahoṣitāḥ //