Lakshmi Tantra · Chapter 30

triṃśo'dhyāyaḥ - 30
śrīḥ---
eṣā te kathitā śakra mayā śaktiḥ kriyātmikā/
tasyā vyāptimavocaṃ te sūryasomāgnibheditām

vyūhinīmapyavocaṃ te bījapiṇḍābhidhānataḥ/
padamantrasvarūpaṃ ca tasyāḥ śakra nibodha me

ajitānalasargāṇāṃ saṃyogaḥ piṇḍa ādimaḥ/
kamalānalasargāṇāṃ yogaḥ piṇḍo dvitīyakaḥ

3. ajito jakāraḥ/ analo rephaḥ/ sargo visargaḥ/ jraḥ/ kamalaḥ kakāraḥ/ kraḥ/
śvetādyāhlādisaṃyogastṛtīyaḥ piṇḍa ucyate/
sūryorjavyāpināṃ piṇḍaścaturthastena madhyataḥ

4. śvetaḥ phakāraḥ/ āhlādī ṭakāraḥ/ phaṭ‌/ sūryo hakāraḥ/ ūrja ukāraḥ/ vyāpī binduḥ/ huṃ/
trīṇyasrāṇi tataḥ kālacakrāya hutabhukpriyā/
tārakeṇānvitaścādau cakro'yaṃ padamantrarāṭ

5. madhye trayaḥ phaṭ‌mantrāḥ/ tataḥ svāhā/ oṃ jraḥ kraḥ phaṭ huṃ phaṭ‌ 3 kālacakrāya svāhā/
naiva kiṃcidasādhyaṃ hi mantreṇānena vāsava/
abhiyuktamanā asminna gacchati parābhavam

yastu te kathitaḥ pūrvaṃ triyugārṇo manūttamaḥ/
prabhāvamakhilaṃ tasya bhūyo vyākhyāmi vāsava

7. triyugārṇaḥ ṣaḍakṣaramantraḥ/ sahasrāra huṃ phaṭ iti/
anāmarūpavaccakraṃ ṣāḍ‌guṇyamahimojjvalam/
dhyāyan sabījamāvartya mantraṃ bandhāt pramucyate

kriyāśaktermadīyāyāstanuḥ sākṣānmahāmanuḥ/
ṣaḍarṇo'tharvavedāntasaṃsthitaścakrabṛṃhitaḥ

9. atharveti/ atrāhirbudhnyasaṃhitāyāṃ viṃśādhyāye 21-24 vacanānyanuṃsadheyāni/
ṣaḍadhvamayamojasvi cakraṃ saudarśanaṃ param/
bhāvayedakṣanābhyādivibhaktāvayavojjavalam

amṛtādīn manorarṇānakṣādyaṅgeṣu cintayet/
akṣe nābhau tathāreṣu nemau pradhitadantayoḥ

11. amṛtaṃ sakāraḥ/ prakṛtyādītyādinā bhuvanādhvā nirdiśyate/
prakṛtyādiviśeṣāntaistattvaiḥ saṃgrathitaḥ pradhiḥ/
māyā prasūtisraiguṇyamapi nemiḥ sudarśane

padādhvaracitārāntā mantrā arasahasrakam/
arānto vyūhamārgastho nābhistatra kalāmayī

13. mantrādhvānamāha---mantrā iti/
varṇādhvā hyakṣaparyanto madhye śaktirahaṃ parā/
madantaḥ paramaṃ brahma grāhyagrāhakatojjhitam

madhye tu cintayet tāraṃ tārikāṃ tadbahiḥ smaret/
tadbahiśca kriyābījaṃ tadbahiścādimākṣaram

ityakṣakuhare jñeyaṃ kramādbījacatuṣṭayam/
nābhyarādau tu sūryādīniti pūrvoktayā diśā

hrasrākārasvarūpo yaḥ sa sahasravidhānvayī/
sūryakālānaladvandvairaprameyādibheditaiḥ

17. sūryetyādi/ hraṃ hrāṃ ityādibhirityarthaḥ/
amṛtānalayugmaiśca tāvadbhistādṛśairapi/
saṃhatya bhedayet kādīnagnīṣomamayaiḥ svaraiḥ

18. amṛtetyādi/ sraṃ srāṃ ityādibhirityarthaḥ/
sūryasomānilān hitvā triṃśataṃ caikameva ca/
aṣṭanyūnasahasraṃ tadakṣarāṇi syurañjasā

19. sūryetyādi/ hakāraṃ sakāraṃ yakāraṃ ca varjayitvetyarthaḥ/ aṣṭanyūneti/ 31X16X2=992 akṣarāṇi jñeyāni/
bījāṣṭakaṃ tu tārādi hrasrayuktaṃ bhavedatha/
īśādyanupradeśasthaṃ vahnervāyupadāvadhi

20. pūrvoktaiḥ 992 akṣaraiḥ saha bījāṣṭakayoge sahasramakṣarāṇi/ ahirbudhnye tu prakārāntareṇa sahasrākṣaratvamuktam (23 a. 82, 83).
dattvā sūtrayugaṃ cārīṃ caturdhā vibhajedbhuvam/
pañca pañcāśataṃ kuryādarāṇāṃ pratibhūmikam

21. cārī tiryaggatiḥ/ pañcabhirguṇitā pañcāśat 250/
sahasraṃ tānyarāṇi syusteṣu varṇasahasrakam/
nyaset prāgādi somāntaṃ koṇasūtreṣu vai tataḥ

nyasenmantrādhvavartinyaścatasro'gniguṇāḥ kramāt/
jayā ca vijayā caiva ajitā cāparājitā

23. vartinyaḥ; vartinīrityarthaḥ/ mantradevatā ityuttareṇānvayaḥ/
agnyādīśānaparyantasūtrasthā mantradevatāḥ/
arāṇi pūrayantī sā nemiḥ saudarśanī sthitā

aranemyantarasthāni sarvāsrāṇi ca vāsava/
pravartakāni purataḥ sarvāsrāṇi puraṃdara

nivartakāni purataḥ śirobhiḥ śakracihnitaiḥ/
kṛtāñjalīni dṛptāni dhyāyedubhayataḥ samam

nemikṣetre mahālakṣmīḥ pūrvasyāṃ diśi saṃsthitā/
dakṣiṇasyāṃ mahāmāyā paścimāyāṃ sarasvatī

saumyāyāṃ diśi vijñeyā mahiṣāsuranāśanī/
tadbahiḥ parito devā brahmādyāstu trimūrtayaḥ

turyādiśaktisaṃyuktā avatārāstataḥ param/
prakṛtyādiviśeṣāntaṃ caturviṃśatisaṃmitam

29. turyādīti/ jāgratsvapnasuṣuptituryākhyetyarthaḥ/ avatārāḥ vyūhāḥ/
pradhipūrve sthitaṃ bhāge tattvajātamanukramāt/
bhavopakāraṇā devā madhyame pariniṣṭhitāḥ

pṛthak caramabhāgasthā bhauvanā bhuvanaiḥ saha/
brahmāṇḍodarasaṃrūḍhā bhūrbhuvaḥsuvarādikāḥ

mervādayo'khilāḥ śailā gaṅgādyāḥ saritastathā/
kṣīrābdhyādyāḥ samudrāśca dvīpā jambvādisaṃjñitāḥ

vaimānikagaṇāḥ sarve grahāḥ sūryādayastathā/
nakṣatratārakātārābhūtapretādayastathā

tisrasriṃśacca yāḥ koṭyasridaśānāṃ puraṃdara/
samāśritāḥ pradhiṃ tāstu saraghā iva sāragham

34. tisra ityādi/ trayasriṃśadityarthaḥ/ saraghāḥ madhumakṣikāḥ/ sāraghaṃ madhu/
ayute dve sureśāna hyubhayoḥ pradhipārśvayoḥ/
agnayaḥ parivartante pravartakanivartakāḥ

kālānalasahasrābhāḥ sphūrjajjvālākulākulāḥ/
pravartakānalāstatra daityadānavadāhinaḥ

dhīrāḥ praśāntagambhīrāḥ prasannāstigmatejasaḥ/
nivartakā mamecchātaḥ śamayanti pravartakān

sudarśanamanorante yattat saṃkarṣaṇodbhavam/
lāṅgalāsraṃ mahāghoraṃ sarvasaṃhārakārakam

38. lāṅgalāsram; phaṭ mantraḥ/
tiryak sthitasya nemyante tasya pūrvārdhasaṃbhavāḥ/
pravartakāstadūrdhvāṃśasaṃbhavāstu nivartakāḥ

agnīṣomamayā ete pravartakanivartakāḥ/
agnīṣomamayāsrotthā tadutthā cāsrasaṃtatiḥ

dve'yute śṛṇu mūrtīstvaṃ vahnīnāṃ vividhātmanām/
yāḥ smṛtvā puruṣo ghoramāpadarṇavamuttaret

41. dve ayute iti chedaḥ/ sandhirārṣaḥ/
aśeṣabhuvanādhāraścaturgatyūrjabindumān/
piṇḍo'yaṃ tārakaḥ pūrvaṃvahnīnāṃ vapurucyate

42. aśeṣabhuvanādhāraḥ rephaḥ/ caturgatiḥ yakāraḥ/ ūrjaḥ ūkāraḥ/
amṛtādhāravahnyūrjabindumāṃstārapūrvakaḥ/
piṇḍo nivartakādīnāṃ divyā tanurudīryate

43. amṛtādhāraḥ vakāraḥ/
pradhiṃ kālapumavyaktavyaktasaptakarūpataḥ/
vibhajya daśadhā tattadrūpavarṇapurogamaiḥ

prāgbhāgādikrameṇaiva svarapūrvaiḥ svarāntimaiḥ/
sūryānalayugaiḥ kādyairaṣṭābhirbījanāyakaiḥ

yuktāstāranamo'ntāstāḥ pravartakatanūrlikhet/
amṛtāgniyugaireva nivartakatanūstathā

ekaikāgneḥ śikhāḥ sapta ghorāḥ śāntāśca saṃsmaret/
āditaḥ sapta yugmādyāḥ svarasaṃbheditāḥ kramāt

sūryāgniyugasaṃbhūtā amṛtāgniyugotthitāḥ/
vargāntaśca pradhānaśca siddhido vāmanastathā

48. sūryāgniyugaṃ hra iti/ amṛtāgniyugaṃ sra iti/ vargāntaḥ hakāraḥ/ pradhānaḥ makāraḥ/ siddhidaḥ bhakāraḥ/ vāmanaḥ bakāraḥ/
śvetaśca tattvadhāraśca jhaṣaḥ śāśvata eva ca/
chāndaḥpatistathā cakrī kālādyarṇāḥ sabindukāḥ

49. śvetaḥ phakāraḥ/ tattvadhāraḥ ñakāraḥ/ jhaṣaḥ jhakāraḥ/ śāśvataḥ jakāraḥ/ chandaḥpatiḥ chakāraḥ/ cakrī cakāraḥ/ kālaḥ makāraḥ/
nābhyarāntasthasūtrastharūpāscatvāra aiśvarāḥ/
areṣu parito devāḥ keśavādyā vyavakthitāḥ

svaiḥ svaiścihnaiḥ sarojādyairdhyeyā dāmodarāntimāḥ/
aranemyantasūtrasthāḥ padmanābhādayo'khilāḥ

sarve samanvitā devāḥ svābhiḥ svābhiśca śaktibhiḥ/
prāgbhāge kamalā devī dakṣiṇe kīrtirujjvalā

52. śaktayo lakṣmīkīrtyādayaḥ atraiva viṃśādhyāye uktāḥ/
jayā tu paścime bhāge māyā bhāge tathottare/
pratyekaṃ koṭisaṃkhyābhiḥ śaktibhiḥ parivāritāḥ

adhitiṣṭhanti te'bhīkṣṇaṃ sahasrāraṃ sudarśanam/
kālacakramanādyantamasya tejaḥ prakīrtitam

saṃvatsarartumāsārdhamāsāhorātrasaṃjñitaiḥ/
akṣanābhyaranemyantaiḥ kalṛptapañcavibhaktikam

55. vibhaktirvibhāgaḥ/
dhriyante kālacakreṇa pumādyāḥ pañca pañca ca/
sahasrāreṇa cakreṇa nemyarapradhiśobhinā

56. pañca pañca; pañcaviṃśatiḥ/ pumāṃsamārabhya pṛthivīparyantā mādikāntavarṇadevatāḥ/
śrayante A.
dhriyante ca ṣaḍadhvāno varṇatattvakalādayaḥ/
sarvatattvamayaṃ dehaṃ vaiṣṇavaṃ puruṣottamam

dhāryate bhrāmyate caiva yantrārūḍhamidaṃ param/
nābhikandasthitenaiva sahasrāreṇa neminā

cakreṇānena hanyante rakṣodaiteyadānavāḥ/
nānāmantrātmanā te tadantaḥ susthitena ca

vidhvaṃsayati śatrūṃśca smṛtamātramanantaram/
abhyasyamānamaniśaṃ sahasrāramidaṃ naraiḥ

kleśakarmāśayān doṣānaśeṣān kṣapayet kṣaṇaāt/
bījaṃ piṇḍaṃ ca saṃjñāṃ ca mūrtiṃ ceti catuṣṭayam

puṣyatyetat sahasrāraṃ cakramādyantavarjitam/
sūryenda