Laghusiddhāntakaumudī · Verses 322-341

ābhyāṃ śaso naḥ syāt / amo 'pavādaḥ / ādeḥ parasya / saṃyogāntalopaḥ / yuṣmān / asmān //
yo 'ci

anayoryakārādeśaḥ syādanādeśe 'jādau parataḥ / tvayā / mayā //
yuṣmadasmadoranādeśe

anayorātsyādanādeśe halādau vibhaktau / yuvābhyām / āvābhyām / yuṣmābhiḥ / asmābhiḥ //
tubhyamahyau ṅayi

anayormaparyantasya / ṭilopaḥ / tubhyam / mahyam //
bhyaso 'bhyam

ābhyāṃ parasya / yuṣmabhyam / asmabhyam //
ekavacanasya ca

ābhyāṃ ṅaserat / tvat / mat //
pañcamyā at

ābhyāṃ pañcamyāṃ bhyaso 'tsyāt / yuṣmat / asmat //
tavamamau ṅasi

anayormaparyantasya tavamamau sto ṅasi //
yuṣmadasmadbhyāṃ ṅaso 'ś

tava / mama / yuvayoḥ / āvayoḥ //
sāma ākam

ābhyāṃ parasya sāma ākaṃ syāt / yuṣmākam / asmākam / tvayi / mayi / yuvayoḥ / āvayoḥ / yuṣmāsu / asmāsu //
yuṣmadasmadoḥ ṣaṣṭhīcaturthīdvitīyāsthayorvāṃnāvau

padātparayorapādādau sthitayoḥ ṣaṣṭhyādiviśiṣṭayorvāṃ nau ityādeśau staḥ //
bahuvacanasya vasnasau

uktavidhayoranayoḥ ṣaṣṭhyādibahuvacanāntayorvasnasau staḥ //
temayāvekavacanasya

uktavidhayoranayoṣṣaṣṭhīcaturthyekavacanāntayoste me etau staḥ //
tvāmau dvitīyāyāḥ

dvitīyaikavacanāntayostvā mā ityādeśau staḥ //
śrīśastavāvatu māpīha dattātte me 'pi śarma saḥ / svāmī te me 'pi sa hariḥ pātu vāmapi nau vibhuḥ //
sukhaṃ vāṃ nau dadātvīśaḥ patirvāmapi nau hariḥ / so 'vyādvo naḥ śivaṃ vo no dadyāt sevyo 'tra vaḥ sa naḥ //
( ekavākye yuṣmadasmadādeśā vaktavyāḥ ) / ekatiṅ vākyam / odanaṃ paca tava bhaviṣyati / ( ete vānnāvādayo 'nanvādeśe vā vaktavyā ḥ) / anvādeśe tu nityaṃ syuḥ / dhātā te bhakto 'sti, dhātā tava bhakto 'sti vā / tasmai te nama ityeva // supāt , supād // supadau //
pādaḥ pat

pācchabdāntaṃ yadaṅgaṃ bhaṃ tadavayavasya pācchabdasya padādeśaḥ // supadaḥ / supadā / supādbhyām // agnimat , agnimad / agnimathau / agnimathaḥ //
aniditāṃ hala upadhāyāḥ kṅiti

halantānāmaniditāmaṅgānāmupadhāyā nasya lopaḥ kiti ṅiti / num / saṃyogāntasya lopaḥ / nasya kutvena ṅaḥ / prāṅ / prāñcau / prāñcaḥ //
acaḥ

luptanakārasyāñcaterbhasyākārasya lopaḥ //
cau

luptākāranakāre 'ñcatau pare pūrvasyāṇo dīrgaḥ / prācaḥ / prācā / prāgbhyām // pratyaṅ / pratyañcau / pratīcaḥ / pratyagbhyām // udaṅ / udañcau //
uda īt

ucchabdātparasya luptanakārasyāñcaterbhasyākārasya īt / udīcaḥ / udīcā / udagbhyām / ,
samaḥ sami

vapratyayānte 'ñcatau / samyaṅ / samyañcau / samīcaḥ / samyagbhyām // ,
sahasya sadhriḥ