લઘુસિદ્ધાન્તકૌમુદી · શ્લોક 322-341

આભ્યાં શસો નઃ સ્યાત્ । અમો ઽપવાદઃ । આદેઃ પરસ્ય । સંયોગાન્તલોપઃ । યુષ્માન્ । અસ્માન્ ॥
યો ઽચિ

અનયોર્યકારાદેશઃ સ્યાદનાદેશે ઽજાદૌ પરતઃ । ત્વયા । મયા ॥
યુષ્મદસ્મદોરનાદેશે

અનયોરાત્સ્યાદનાદેશે હલાદૌ વિભક્તૌ । યુવાભ્યામ્ । આવાભ્યામ્ । યુષ્માભિઃ । અસ્માભિઃ ॥
તુભ્યમહ્યૌ ઙયિ

અનયોર્મપર્યન્તસ્ય । ટિલોપઃ । તુભ્યમ્ । મહ્યમ્ ॥
ભ્યસો ઽભ્યમ્

આભ્યાં પરસ્ય । યુષ્મભ્યમ્ । અસ્મભ્યમ્ ॥
એકવચનસ્ય ચ

આભ્યાં ઙસેરત્ । ત્વત્ । મત્ ॥
પઞ્ચમ્યા અત્

આભ્યાં પઞ્ચમ્યાં ભ્યસો ઽત્સ્યાત્ । યુષ્મત્ । અસ્મત્ ॥
તવમમૌ ઙસિ

અનયોર્મપર્યન્તસ્ય તવમમૌ સ્તો ઙસિ ॥
યુષ્મદસ્મદ્ભ્યાં ઙસો ઽશ્

તવ । મમ । યુવયોઃ । આવયોઃ ॥
સામ આકમ્

આભ્યાં પરસ્ય સામ આકં સ્યાત્ । યુષ્માકમ્ । અસ્માકમ્ । ત્વયિ । મયિ । યુવયોઃ । આવયોઃ । યુષ્માસુ । અસ્માસુ ॥
યુષ્મદસ્મદોઃ ષષ્ઠીચતુર્થીદ્વિતીયાસ્થયોર્વાંનાવૌ

પદાત્પરયોરપાદાદૌ સ્થિતયોઃ ષષ્ઠ્યાદિવિશિષ્ટયોર્વાં નૌ ઇત્યાદેશૌ સ્તઃ ॥
બહુવચનસ્ય વસ્નસૌ

ઉક્તવિધયોરનયોઃ ષષ્ઠ્યાદિબહુવચનાન્તયોર્વસ્નસૌ સ્તઃ ॥
તેમયાવેકવચનસ્ય

ઉક્તવિધયોરનયોષ્ષષ્ઠીચતુર્થ્યેકવચનાન્તયોસ્તે મે એતૌ સ્તઃ ॥
ત્વામૌ દ્વિતીયાયાઃ

દ્વિતીયૈકવચનાન્તયોસ્ત્વા મા ઇત્યાદેશૌ સ્તઃ ॥
શ્રીશસ્તવાવતુ માપીહ દત્તાત્તે મે ઽપિ શર્મ સઃ । સ્વામી તે મે ઽપિ સ હરિઃ પાતુ વામપિ નૌ વિભુઃ ॥
સુખં વાં નૌ દદાત્વીશઃ પતિર્વામપિ નૌ હરિઃ । સો ઽવ્યાદ્વો નઃ શિવં વો નો દદ્યાત્ સેવ્યો ઽત્ર વઃ સ નઃ ॥
( એકવાક્યે યુષ્મદસ્મદાદેશા વક્તવ્યાઃ ) । એકતિઙ્ વાક્યમ્ । ઓદનં પચ તવ ભવિષ્યતિ । ( એતે વાન્નાવાદયો ઽનન્વાદેશે વા વક્તવ્યા ઃ) । અન્વાદેશે તુ નિત્યં સ્યુઃ । ધાતા તે ભક્તો ઽસ્તિ, ધાતા તવ ભક્તો ઽસ્તિ વા । તસ્મૈ તે નમ ઇત્યેવ ॥ સુપાત્ , સુપાદ્ ॥ સુપદૌ ॥
પાદઃ પત્

પાચ્છબ્દાન્તં યદઙ્ગં ભં તદવયવસ્ય પાચ્છબ્દસ્ય પદાદેશઃ ॥ સુપદઃ । સુપદા । સુપાદ્ભ્યામ્ ॥ અગ્નિમત્ , અગ્નિમદ્ । અગ્નિમથૌ । અગ્નિમથઃ ॥
અનિદિતાં હલ ઉપધાયાઃ ક્ઙિતિ

હલન્તાનામનિદિતામઙ્ગાનામુપધાયા નસ્ય લોપઃ કિતિ ઙિતિ । નુમ્ । સંયોગાન્તસ્ય લોપઃ । નસ્ય કુત્વેન ઙઃ । પ્રાઙ્ । પ્રાઞ્ચૌ । પ્રાઞ્ચઃ ॥
અચઃ

લુપ્તનકારસ્યાઞ્ચતેર્ભસ્યાકારસ્ય લોપઃ ॥
ચૌ

લુપ્તાકારનકારે ઽઞ્ચતૌ પરે પૂર્વસ્યાણો દીર્ગઃ । પ્રાચઃ । પ્રાચા । પ્રાગ્ભ્યામ્ ॥ પ્રત્યઙ્ । પ્રત્યઞ્ચૌ । પ્રતીચઃ । પ્રત્યગ્ભ્યામ્ ॥ ઉદઙ્ । ઉદઞ્ચૌ ॥
ઉદ ઈત્

ઉચ્છબ્દાત્પરસ્ય લુપ્તનકારસ્યાઞ્ચતેર્ભસ્યાકારસ્ય ઈત્ । ઉદીચઃ । ઉદીચા । ઉદગ્ભ્યામ્ । ,
સમઃ સમિ

વપ્રત્યયાન્તે ઽઞ્ચતૌ । સમ્યઙ્ । સમ્યઞ્ચૌ । સમીચઃ । સમ્યગ્ભ્યામ્ ॥ ,
સહસ્ય સધ્રિઃ