आभ्यां परस्य साम आकं स्यात् । युष्माकम् । अस्माकम् । त्वयि । मयि । युवयोः । आवयोः । युष्मासु । अस्मासु ॥
युष्मदस्मदोः षष्ठीचतुर्थीद्वितीयास्थयोर्वांनावौ

332

पदात्परयोरपादादौ स्थितयोः षष्ठ्यादिविशिष्टयोर्वां नौ इत्यादेशौ स्तः ॥
बहुवचनस्य वस्नसौ

333

उक्तविधयोरनयोः षष्ठ्यादिबहुवचनान्तयोर्वस्नसौ स्तः ॥
तेमयावेकवचनस्य

334

उक्तविधयोरनयोष्षष्ठीचतुर्थ्येकवचनान्तयोस्ते मे एतौ स्तः ॥
त्वामौ द्वितीयायाः

335

द्वितीयैकवचनान्तयोस्त्वा मा इत्यादेशौ स्तः ॥
श्रीशस्तवावतु मापीह दत्तात्ते मे ऽपि शर्म सः । स्वामी ते मे ऽपि स हरिः पातु वामपि नौ विभुः ॥
सुखं वां नौ ददात्वीशः पतिर्वामपि नौ हरिः । सो ऽव्याद्वो नः शिवं वो नो दद्यात् सेव्यो ऽत्र वः स नः ॥
( एकवाक्ये युष्मदस्मदादेशा वक्तव्याः ) । एकतिङ् वाक्यम् । ओदनं पच तव भविष्यति । ( एते वान्नावादयो ऽनन्वादेशे वा वक्तव्या ः) । अन्वादेशे तु नित्यं स्युः । धाता ते भक्तो ऽस्ति, धाता तव भक्तो ऽस्ति वा । तस्मै ते नम इत्येव ॥ सुपात् , सुपाद् ॥ सुपदौ ॥
पादः पत्

336

पाच्छब्दान्तं यदङ्गं भं तदवयवस्य पाच्छब्दस्य पदादेशः ॥ सुपदः । सुपदा । सुपाद्भ्याम् ॥ अग्निमत् , अग्निमद् । अग्निमथौ । अग्निमथः ॥
अनिदितां हल उपधायाः क्ङिति

337

हलन्तानामनिदितामङ्गानामुपधाया नस्य लोपः किति ङिति । नुम् । संयोगान्तस्य लोपः । नस्य कुत्वेन ङः । प्राङ् । प्राञ्चौ । प्राञ्चः ॥
अचः

338

लुप्तनकारस्याञ्चतेर्भस्याकारस्य लोपः ॥
चौ

339

लुप्ताकारनकारे ऽञ्चतौ परे पूर्वस्याणो दीर्गः । प्राचः । प्राचा । प्राग्भ्याम् ॥ प्रत्यङ् । प्रत्यञ्चौ । प्रतीचः । प्रत्यग्भ्याम् ॥ उदङ् । उदञ्चौ ॥
उद ईत्

340

उच्छब्दात्परस्य लुप्तनकारस्याञ्चतेर्भस्याकारस्य ईत् । उदीचः । उदीचा । उदग्भ्याम् । ,
समः समि

341

वप्रत्ययान्ते ऽञ्चतौ । सम्यङ् । सम्यञ्चौ । समीचः । सम्यग्भ्याम् ॥ ,
सहस्य सध्रिः

मूल पाठ: Laghusiddhāntakaumudī (= Laghukaumudi) · Data entry members of the Sansknet Project · GRETIL (Göttingen) · CC BY-NC-SA 4.0