Laghusiddhāntakaumudī · Verses 1164-1183

cādbhāve / jaḍasya bhāvaḥ karma vā jāḍyam / mūḍhasya bhāvaḥ karma vā mauḍhyam / brāhmaṇyam / ākṛtigaṇo 'yam //
sakhyuryaḥ

sakhyurbhāvaḥ karma vā sakhyam //
kapijñātyorḍhak

kāpeyam / jñāteyam /
patyantapurohitādibhyo yak

saināpatyam / paurohityam //
iti tvataloradhikāraḥ // 11 //
atha bhavanādyarthakāḥ
dhānyānāṃ bhavane kṣetre khañ

bhavatyasminniti bhavanam / mudgānāṃ bhavanaṃ kṣetraṃ maudgīnam //
vrīhiśālyorḍhak

vraiheyam / śāleyam //
haiyaṅgavīnaṃ saṃjñāyām

hyogodohaśabdasya hiyaṅgurādeśaḥ vikārārthe khañca nipātyate / duhyata iti dohaḥ kṣīram / hyogodohasya vikāraḥ - haiyaṅgavīnaṃ navanītam //
tadasya saṃjātaṃ tārakādibhya itac

tārakāḥ saṃjātā asya tārakitaṃ nabhaḥ / paṇḍitaḥ / ākṛtigaṇo 'yam //
pramāṇe dvayasajdaghnañmātracaḥ

tadasyetyanuvartate / ūrū pramāṇamasya - ūrudvayasam / ūrudaghnam / ūrumātram //
yattadetebhyaḥ parimāṇe vatup

yatparimāṇamasya yāvān / tāvān / etāvān //
kimidaṃbhyāṃ vo ghaḥ

ābhyāṃ vatup syād vakārasya ghaśca //
idaṃkimorīśkī

dṛgdṛśavatuṣu idama īś kimaḥ kiḥ / kiyān / iyān //
saṃkhyāyā avayave tayap

pañca avayavā asya pañcatayam //
dvitribhyāṃ tayasyāyajvā

dvayam / dvitayam / trayam / tritayam //
ubhādudātto nityam

ubhaśabdāttayapo 'yac syāt sa cādyudāttaḥ / ubhayam //
tasya pūraṇe ḍaṭ

ekādaśānāṃ pūraṇaḥ ekādaśaḥ //
nāntādasaṃkhyādermaṭ

ḍaṭo maḍāgamaḥ / pañcānāṃ pūraṇaḥ pañcamaḥ / nāntātkim ? .
ti viṃśaterḍiti

viṃśaterbhasya tiśabdasya lopo ḍiti pare / viṃśaḥ / asaṃkhyādeḥ kim ? ekādaśaḥ //
ṣaṭkatikatipayacaturāṃ thuk

eṣāṃ thugāgamaḥ syāḍḍaṭi/ ṣaṇṇāṃ ṣaṣṭhaḥ/ katithaḥ/ katipayaśabdasyāsaṃkhyātve 'pyata eva jñāpakāḍḍaṭ/ katipayathaḥ/ caturthaḥ //
dvestīyaḥ

ḍaṭo 'pavādaḥ / dvayoḥ pūraṇo dvitīyaḥ //
treḥ saṃprasāraṇaṃ ca