Language

ENहिગુ
Scripture Library

Kāvyālaṃkārasūtra (another edition) · Chapter 4.3

4.3.1

tṛtīyo 'dhyāyaḥ /
prativastuprabhṛtirupamāprapañcaḥ

4.3.2

upameyasyoktau samānavastunyāsaḥ prativastu

4.3.3

anuktau samāsoktiḥ

4.3.4

kiñciduktāvaprastutapraśaṃsā

4.3.5

samena vastunānyāpalāpo 'pahnutiḥ

4.3.6

upamānenopameyasya guṇasāmyāttattvāropo rūpakam

4.3.7

sa dharmeṣu tantraprayoge śleṣaḥ

4.3.8

sādṛśyāllakṣaṇā vakroktiḥ

4.3.9

atadrūpasyānyathādhyavasānamatiśayārthamutprekṣā

4.3.10

saṃbhāvyadharmatadutkarṣakalpanātiśayoktiḥ

4.3.11

upamānopameyasaṃśayaḥ saṃdehaḥ

4.3.12

viruddhābhāsatvaṃ virodhaḥ

4.3.13

kriyāpratiṣedhe prasiddhatatphalavyaktirvibhāvanā

4.3.14

ekasyopameyatvopamānatve 'nanvayaḥ

4.3.15

krameṇopameyopamā

4.3.16

samavisadṛśābhyāṃ parivartanaṃ parivṛttiḥ

4.3.17

upameyopamānānāṃ kramasaṃbandhaḥ kramaḥ

4.3.18

upamānopameyavākyeṣvekā kriyā dīpakam

4.3.20

tantrividham / ādimadhyāntavākyavṛttibhedāt // VKal_4,3.19* //
kriyayaiva svatadarthānvayakhyāpanaṃ nidarśanam

4.3.21

uktisiddhyai vastuno 'rthāntarasyaiva nyasanamarthāntaranyāsaḥ

4.3.22

upameyasya guṇātirekatvaṃ vyatirekaḥ

4.3.23

ekaguṇahānikalpanāyāṃ sāmyadārḍhyaṃ viśeṣoktiḥ

4.3.24

saṃbhāvyaviśiṣṭakarmākaraṇānnindāstotrārthā vyājastutiḥ

4.3.25

vyājasya satyasārūpyaṃ vyājoktiḥ

4.3.26

viśiṣṭena sāmyārthamekakālakriyāyogastulyayogitā

4.3.27

upamānākṣepaścākṣepaḥ

4.3.28

vastudvayakriyayostulyakālayorekapadābhidhānaṃ sahoktiḥ

4.3.29

yatsādṛśyaṃ tatsaṃpattiḥ samāhitam

4.3.30

alaṅkārasyālaṅkārayonitvaṃ saṃsṛṣṭiḥ

4.3.31

tadbhedāvupamārūpakotprekṣāvayavau

4.3.32

upamājanyaṃ rūpakamupamārūpakam

4.3.33

utprekṣāheturutprekṣāvayavaḥ

Original text: Kāvyālaṃkārasūtra · Edition: Narayanarama, Delhi : Motilal Banarsidas, 1983. śrīVāmanācāryaviracitāni Kāvyālaṅkārasūtrāni Svavṛttisamalaṅkṛtāni śrīNārāyaṇarāma ācārya Kāvyatīrtha ityetaiṣ ṭippaṇyādibhiḥ samalaṅkṛtya saṃśodhitāni Delhi : Motilal Banarsidasa, 1983 · Data entry Masahiro Takano · GRETIL (Göttingen) · CC BY-NC-SA 4.0

Esc