Kāvyālaṃkārasūtra (another edition) · Chapter 4.2
dvitīyo 'dhyāyaḥ /
upamānenopameyasya guṇaleśataḥ sāmyamupamā
guṇabāhulyataśca kalpitā
taddvaividhyam, padavākyārthavṛttibhedāt // VKal_4,2.3* //
sā pūṇā luptā ca
guṇadyotakopamānopameyaśabdānāṃ sāmagrye pūrṇā
lope luptā
stutinindātattvākhyāneṣu
hīnatvādhikatvaliṅgavacanabhedāsādṛśyāsaṃbhavāstaddoṣāḥ
jātipramāṇadharmanyūnatopamānasya hīnatvam
dharmayorekanirdeśe 'nyasya saṃvit, sāhacaryāt // VKal_4,2.10* //
tenādhikarvaṃ vyākhyātam
upamānopameyayorliṅgavyatyāso liṅgabhedaḥ
iṣṭaḥ puṃpuṃsakayoḥ prāyeṇa
laukikyāṃ samāsābhihitāyāmupamāprapañce ca
tena vacanabhedo vyākhyātaḥ
apratītaguṇasādṛśyamasādṛśyam
asādṛśyahatā hyupamā, tanniṣṭhāśca kavayaḥ // VKal_4,2.17* //
upamānādhikyāttadapoha ityeke
na, apuṣṭārthatvāt // VKal_4,2.19* //
anupapattirasaṃbhavaḥ
na viruddho 'tiśayaḥ
Original text: Kāvyālaṃkārasūtra · Edition: Narayanarama, Delhi : Motilal Banarsidas, 1983. śrīVāmanācāryaviracitāni Kāvyālaṅkārasūtrāni Svavṛttisamalaṅkṛtāni śrīNārāyaṇarāma ācārya Kāvyatīrtha ityetaiṣ ṭippaṇyādibhiḥ samalaṅkṛtya saṃśodhitāni Delhi : Motilal Banarsidasa, 1983 · Data entry Masahiro Takano · GRETIL (Göttingen) · CC BY-NC-SA 4.0