काव्यालंकारसूत्र (अन्य संस्करण) · अध्याय 4.2

द्वितीयो ऽध्यायः ।
उपमानेनोपमेयस्य गुणलेशतः साम्यमुपमा

गुणबाहुल्यतश्च कल्पिता

तद्द्वैविध्यम्, पदवाक्यार्थवृत्तिभेदात् ॥ व्कल्_4,2.3* ॥
सा पूणा लुप्ता च

गुणद्योतकोपमानोपमेयशब्दानां सामग्र्ये पूर्णा

लोपे लुप्ता

स्तुतिनिन्दातत्त्वाख्यानेषु

हीनत्वाधिकत्वलिङ्गवचनभेदासादृश्यासंभवास्तद्दोषाः

जातिप्रमाणधर्मन्यूनतोपमानस्य हीनत्वम्

धर्मयोरेकनिर्देशे ऽन्यस्य संवित्, साहचर्यात् ॥ व्कल्_4,2.10* ॥
तेनाधिकर्वं व्याख्यातम्

उपमानोपमेययोर्लिङ्गव्यत्यासो लिङ्गभेदः

इष्टः पुंपुंसकयोः प्रायेण

लौकिक्यां समासाभिहितायामुपमाप्रपञ्चे च

तेन वचनभेदो व्याख्यातः

अप्रतीतगुणसादृश्यमसादृश्यम्

असादृश्यहता ह्युपमा, तन्निष्ठाश्च कवयः ॥ व्कल्_4,2.17* ॥
उपमानाधिक्यात्तदपोह इत्येके

न, अपुष्टार्थत्वात् ॥ व्कल्_4,2.19* ॥
अनुपपत्तिरसंभवः

न विरुद्धो ऽतिशयः