કાવ્યાલંકારસૂત્ર (અન્ય આવૃત્તિ) · અધ્યાય 2.1

સમાપ્તં ચેદં શારીરં પ્રથમમધિકરણમ્ ।
દોષદર્શનં નામ દ્વિતીયમધિકરણમ્ ।
પ્રથમો ઽધ્યાયઃ ।
ગુણવિપર્યયાત્માનો દોષાઃ

અર્થતસ્તદવગમઃ

સૌકર્યાય પ્રપઞ્ચઃ

દુષ્ટં પદમસાધુ કષ્ટં ગ્રામ્યમપ્રતીતમનર્થકં ચ

શબ્દસ્મૃતિવિરુદ્ધમસાધુ

શ્રુતિવિરસં કષ્ટમ્

લોકમાત્રપ્રયુક્તં ગ્રામ્યમ્

શાસ્ત્રમાત્રપ્રયુક્તમપ્રતીતમ્

પૂરણાર્થમનર્થકમ્

ન વાક્યાલઙ્કારાર્થમ્

અન્યાર્થનેયગૂઢાર્થાશ્લીલક્લિષ્ટાનિ ચ

રૂઢિચ્યુતમન્યાર્થમ્

કલ્પિતાર્થં નેયાર્થમ્

અપ્રસિદ્ધાર્થપ્રયુક્તં ગૂઢાર્થમ્

અસમ્યાર્થાન્તરમસમ્યસ્મૃતિહેતુશ્ચાશ્લીલમ્

ન ગુપ્તલક્ષિતસંવૃતાનિ

અપ્રસિદ્ધાસભ્યં ગુપ્તમ્

લાક્ષણિકાસભ્યાન્વિતં લક્ષિતમ્

લોકસંવીતં સંવૃતમ્

તન્ત્રૈવિધ્યમ્, વ્રીડાજુગુપ્સામઙ્ગલાતઙ્કદાયિભેદાત્ ॥ વ્કલ્_2,1.20* ॥
વ્યવહિતાર્થપ્રત્યયં ક્લિષ્ટમ્

અન્ત્યાભ્યાં વાક્યં વ્યાખ્યાતમ્