Kauśikapaddhati · Chapter 1.6

[yanme skannaṃ manaso jātavedo yadvāskandaddhaviṣo yatrayatra | utpruṣo vipruṣaḥ saṃ juhomi satyāḥ santu yajamānasya kāmāḥ svāhā iti

yanme skannaṃ, yadasmṛti (7.106) iti ca skannāsmṛtihomau

]
'yanme skannaṃ', 'yadasmṛti' iti ca dvābhyāṃ juhoti | ājyahome sarvatra sruveṇa homaḥ ||
[yadadya tvā prayati (7.97) iti saṃsthitahomāḥ

]
'yadadya tvā prayati' iti saṃsthitahomāñjuhoti | udapātre sampātānānayati ||
[manasaspate (7.97.8) ityuttamaṃ caturgṛhītena

]
'manasaspate' ityṛcā caturgṛhītena juhoti ||
[barhirājyaśeṣe'nakti pṛthivyai tvā iti mūlam antarikṣāya tvā iti madhyaṃ dive tvā ityagram

]
barhiḥ sthālyāmājyenānakti 'pṛthivyai tvā' iti mūlam 'antarikṣāya tvā' iti madhyaṃ 'dive tvā' ityagram ||
evaṃ triḥ

trirmantrāvṛttiḥ ||
saṃ barhiraktam (7.98) ityanupraharati yathādevatam

[sruvamagnau dhārayati

yadājyadhānyāṃ tat saṃsrāvayati saṃsrāvabhāgāstaviṣā bṛhantaḥ prastareṣṭhā barhiṣadaśca devāḥ | imaṃ yajñamabhi viśve gṛṇantaḥ svāhā devā amṛtā mādayantām iti

]
'saṃsrāvabhāgāḥ' ityājyadhānyā ājyaṃ juhoti ||
[sruvo'si ghṛtādaniṣitaḥ | sapatnakṣayaṇo divi ṣīda | antarikṣe sīda pṛthivyāṃ sīdottaro'haṃ bhūyāsamadhare matsapatnāḥ iti sruvaṃ prāgdaṇḍaṃ nidadhāti

]
'sruvo'si ghṛtādaniṣitaḥ' ityṛcā sruvaṃ prāgdaṇḍaṃ nidadhāti ||
[vi muñcāmi brahmaṇā jātavedasamagniṃ hotāramajaraṃ rathaspṛtam | sarvā devānāṃ janimāni vidvān yathābhāgaṃ vahatu havyamagniragnaye svāhā iti samidhamādadhāti

]
'vi muñcāmi' ityṛcā samidhamādadhāti ||
edho'si (7.89.4a) iti dvitīyāṃ samidasi (7.89.4b) iti tṛtīyām

tejo'si (7.89.4c) iti mukhaṃ vimārṣṭiṃ

[dakṣiṇenāgniṃ trīn viṣṇukramān kramate viṣṇoḥ kramo'si (10.5.25-27) iti dakṣiṇena pādenānusaṃharati savyam

]
'viṣṇoḥ kramo'si' iti tisṛbhirviṣṇukramān kramate | agnerdakṣiṇataḥ | agnibrahmaṇormadhye kramate ||
sūryasyāvṛtam (10.5.37) ityabhidakṣiṇamāvartate

[aganma svaḥ (16.9.3,4) ityādityamīkṣate

]
'aganma svaḥ' iti paryāyadvayenādityamīkṣate ||
[indrasya vacasā vayaṃ mitrasya varuṇasya ca | brahmaṇā sthāpitaṃ pātraṃ punarutthāpayāmasi ityapareṇāgnimudapātraṃ parihṛtyottareṇāgnim āpo hi ṣṭhā mayobhuvaḥ (1.5) iti mārjayitvā barhiṣi patnyā añjalau ninayati samudraṃ vaḥ pra hiṇomi (10.5.23-24) iti idaṃ janāsaḥ (1.32) iti vā

]
'indrasya vacasā' ityṛcodapātramutthāpayati | uttarato'gnerudapātreṇa 'āpo hi ṣṭhā' iti mārjayitvā barhiṣi sruvaṃ ca pavitre ca patnyā añjalau kṛtvodapātraṃ ninayati 'samudraṃ vaḥ pra hiṇomi' iti ||
vīrapatnyahaṃ bhūyāsam iti mukhaṃ vimārṣṭi

vratāni vratapataye (KauśS 42.17) iti samidhamādadhāti

[satyaṃ tvartena iti pariṣicyodañci havirucchiṣṭānyudvāsayati

]
'satyaṃ tvartena' iti paryukṣya udañci havirucchiṣṭānyudvāsayati ||
pūrṇapātraṃ dakṣiṇā

tato brahmakartṛvācanam | 'uttiṣṭha brahmaṇaspate' (19.63.1) ityṛcā brahmāṇamutthāpayet ||
'nādakṣiṇaṃ haviḥ kurvīta yaḥ kurute kṛtyāmātmanaḥ kurute' iti brāhmaṇam

tasmānnādakṣiṇam | haviḥśabdenājyatantraṃ pākatantraṃ cocyate | karmamātramabhimantraṇādyadakṣiṇaṃ kuryāt | pākatantre pūrṇapātramānaṃ prasṛtiprasthadroṇāḍhakādi | pūrṇapātraṃ yajamānaśaktyapekṣam | 'śaktyā vā dakṣiṇāṃ dadyānnātiśaktirvidhīyate' (KauśS 74.22-23) ityuktaṃ navame | ājyatantre dhenuḥ sarvatra ||
anvāhāryaṃ brāhmaṇān bhojayati

yadvai yajñasyānanvitaṃ bhavati tadanvāhāryeṇānvāhriyate

etadanvāhāryasyānvāhāryatvam

karmasamāptau sarvatra brāhmaṇān trīn pañca sapta viṃśatiṃ śataṃ sahasramayutaṃ vā bhojayet | yajamānaśaktapekṣaṃ brāhmaṇabhojanam | tathā ca brāhmaṇam -
'īḍyā vā anye devāḥ saparyeṇyā anye devā īḍyā devā brāhmaṇāḥ saparyeṇyāḥ

yajñenaiveḍyān prīṇātyanvāhāryeṇa saparyeṇyān

te'syobhaye prītā yajñe bhavanti' iti

devabrāhmaṇānāṃ tuṣṭe sati yajñaphalaṃ bhavati | tathā ca manuḥ- 'askannamavyathaṃ caiva' ityevamādi brāhmaṇastutiḥ | tasmāt karmaṇi brāhmaṇā bhojayitavyāḥ svaśaktyā caturvedapāragāḥ ||
imau darśapūrṇamāsau vyākhyātau

darśapūrṇamāsābhyāṃ pākayajñāḥ

vyākhyātāḥ | ājyatantre pākatantre darśapūrṇamāsadharmā bhavanti | pūrvatantraṃ cottaratantraṃ ca sarveṣu pākatantreṣu | sarvamātharvaṇaṃ karma pākayajñaśabdenocyate ||
athāpyaparo havanayogo bhavati

kumbhīpākādeva vyuddhāraṃ juhuyāt

ājyabhāgāntaṃ kṛtvā ||
adhiśrayaṇaparyagnikaraṇābhighāraṇodvāsanālaṅkaraṇotpavanaiḥ saṃskṛtya

mantreṇa saṃskāraḥ ||
[athāpi ślokau bhavataḥ -]
athāpi gopathabrāhmaṇapaṭhitau ślokau bhavataḥ ||
'ājyabhāgāntaṃ prāktantramūrdhvaṃ sviṣṭakṛtā saha | havīṃṣi yajña āvāpo yathā tantrasya tantavaḥ || pākayajñān samāsādyaikājyānekabarhiṣaḥ | ekasviṣṭakṛtaḥ kuryānnānāpi sati daivate' iti

sarvatrājyabhāgāntaṃ pūrvatantram | uttaratantraṃ pārvaṇādi sviṣṭakṛtā saha | haviṣāṃ madhya āvāpo yathā tantrasya tantavaḥ | yathā kolikaḥ svatantraṃ badhnāti tathaiva vastrāditantavo'nye'nye ||
etenaivāmāvāsyo vyākhyātaḥ

aidrāgno'tra dvitīyo bhavati

[tayorvyatikrame tvamagne vratapā asi (19.59) kāmastadagre (19.52) iti śāntāḥ