Kathaka Samhita · Chapter 9

atha navamaṃ vacanam/
rohitānuvacanam/
rohito dhūmralohitaḥ karkandhurohitaste prājāpatyā babhruraruṇababhruśśukababhruste raudrāśśyetaśśyetākṣaśśyetagrīvaste pitṛdevatyāstisraḥ kṛṣṇā vaśā vāruṇyastisraśśvetā vaśāssauryo maitrābārhaspatyā dhūmralalāmāstūparāḥ

pṛśnistiraścīnapṛśnirūrdhvapṛśniste mārutāḥ phalgurlohitorṇī balakṣī tāssārasvatyaḥ pṛṣatī kṣudrapṛṣatī sthūlapṛṣatī tā vaiśvadevyastisraśśyāmā vaśāḥ pauṣṇyastisro rohiṇyo vaśā maitrya aindrābārhaspatyā aruṇalalāmāstūparāḥ

śitibāhuranyataśśitibāhussamantaśitibāhusta aindravāyavāśśitirandhro'nyataśśitirandhrassamantaśitirandhraste maitrāvaruṇāśśuddhavālassarvaśuddhavālo maṇivālasta āśvināstisraśśilpā vaśā vaiśvadevyastisraśśyenīḥ parameṣṭhine saumāpauṣṇāśśyāmalalāmāstūparāḥ

unnata ṛṣabho vāmanasta aindrāvaruṇāśśitikakucchitipṛṣṭhaśśitibhasat ta aindrābārhaspatyāśśitipācchityoṣṭhaśśitibhrūsta aindrāvaiṣṇavāstisrassidhmā vaśā vaiśvakarmaṇyastisro dhātre pṛṣodarāḥ pauṣṇāśśyetalalāmāstūparāḥ

karṇāstrayo yāmāssaumyāstrayaśśitiṅgā agnaye yaviṣṭhāya trayo nakulāstisro rohiṇyastriyavyastā vasūnāṃ tisro'ruṇā dityauhyastā rudrāṇām̐ saumendrā babhrulalāmāstūparāḥ

śuṇṭhāstrayo vaiṣṇavā adhīlodhakarṇāstrayo viṣṇava urukramāya lapsudinastrayo viṣṇava urugāyāya pañcāvyastisra ādityānāṃ trivatsāstisro'ṅgirasāmāgnendrāḥ kṛṣṇalalāmāstūparāḥ

indrāya rājñe trayaśśitipṛṣṭhā indrāyādhirājāya trayaśśitikakuda indrāya svarāje trayaśśitibhasadastisrasturyauhyassādhyānāṃ tisraḥ paṣṭhauhyo viśveṣāṃ devānāmaindrāvaiṣṇavā gauralalāmāstūparāḥ

adityai trayo rohitaitā indrāṇyai trayaḥ kṛṣṇaitāḥ kuhvai trayo'ruṇaitāstisro dhenavo rākāyai trayo'naḍvāhassinīvālyā āgnāvaiṣṇavā rohitalalāmāstūparāḥ

saumyāstrayaḥ piśaṅgāssomāya rājñe trayassāraṅgāḥ pārjanyā nabhorūpāstisro'jā malhā indrāṇyai tisro meṣya ādityā dyāvāpṛthivyā mālaṅgāstūparāḥ

vāruṇāstrayaḥ kṛṣṇalalāmā varuṇāya rājñe trayo lohitalalāmā varuṇāya riśādase trayo'ruṇalalāmāśśilpāstrayo vaiśvadevāstrayaḥ pṛśnayassarvadevatyā aindrāsaurāśśyāmalalāmāstūparāḥ

// iti śrīyajuṣi kāṭhake carakaśākhāyāmaśvamedhanāmani pañcame granthe rohitānuvacanaṃ nāma navamaṃ vacanaṃ saṃpūrṇam