કાઠકસંહિતા · અધ્યાય 9

અથ નવમં વચનમ્।
રોહિતાનુવચનમ્।
રોહિતો ધૂમ્રલોહિતઃ કર્કન્ધુરોહિતસ્તે પ્રાજાપત્યા બભ્રુરરુણબભ્રુશ્શુકબભ્રુસ્તે રૌદ્રાશ્શ્યેતશ્શ્યેતાક્ષશ્શ્યેતગ્રીવસ્તે પિતૃદેવત્યાસ્તિસ્રઃ કૃષ્ણા વશા વારુણ્યસ્તિસ્રશ્શ્વેતા વશાસ્સૌર્યો મૈત્રાબાર્હસ્પત્યા ધૂમ્રલલામાસ્તૂપરાઃ

પૃશ્નિસ્તિરશ્ચીનપૃશ્નિરૂર્ધ્વપૃશ્નિસ્તે મારુતાઃ ફલ્ગુર્લોહિતોર્ણી બલક્ષી તાસ્સારસ્વત્યઃ પૃષતી ક્ષુદ્રપૃષતી સ્થૂલપૃષતી તા વૈશ્વદેવ્યસ્તિસ્રશ્શ્યામા વશાઃ પૌષ્ણ્યસ્તિસ્રો રોહિણ્યો વશા મૈત્ર્ય ઐન્દ્રાબાર્હસ્પત્યા અરુણલલામાસ્તૂપરાઃ

શિતિબાહુરન્યતશ્શિતિબાહુસ્સમન્તશિતિબાહુસ્ત ઐન્દ્રવાયવાશ્શિતિરન્ધ્રોઽન્યતશ્શિતિરન્ધ્રસ્સમન્તશિતિરન્ધ્રસ્તે મૈત્રાવરુણાશ્શુદ્ધવાલસ્સર્વશુદ્ધવાલો મણિવાલસ્ત આશ્વિનાસ્તિસ્રશ્શિલ્પા વશા વૈશ્વદેવ્યસ્તિસ્રશ્શ્યેનીઃ પરમેષ્ઠિને સૌમાપૌષ્ણાશ્શ્યામલલામાસ્તૂપરાઃ

ઉન્નત ઋષભો વામનસ્ત ઐન્દ્રાવરુણાશ્શિતિકકુચ્છિતિપૃષ્ઠશ્શિતિભસત્ ત ઐન્દ્રાબાર્હસ્પત્યાશ્શિતિપાચ્છિત્યોષ્ઠશ્શિતિભ્રૂસ્ત ઐન્દ્રાવૈષ્ણવાસ્તિસ્રસ્સિધ્મા વશા વૈશ્વકર્મણ્યસ્તિસ્રો ધાત્રે પૃષોદરાઃ પૌષ્ણાશ્શ્યેતલલામાસ્તૂપરાઃ

કર્ણાસ્ત્રયો યામાસ્સૌમ્યાસ્ત્રયશ્શિતિઙ્ગા અગ્નયે યવિષ્ઠાય ત્રયો નકુલાસ્તિસ્રો રોહિણ્યસ્ત્રિયવ્યસ્તા વસૂનાં તિસ્રોઽરુણા દિત્યૌહ્યસ્તા રુદ્રાણાઁ સૌમેન્દ્રા બભ્રુલલામાસ્તૂપરાઃ

શુણ્ઠાસ્ત્રયો વૈષ્ણવા અધીલોધકર્ણાસ્ત્રયો વિષ્ણવ ઉરુક્રમાય લપ્સુદિનસ્ત્રયો વિષ્ણવ ઉરુગાયાય પઞ્ચાવ્યસ્તિસ્ર આદિત્યાનાં ત્રિવત્સાસ્તિસ્રોઽઙ્ગિરસામાગ્નેન્દ્રાઃ કૃષ્ણલલામાસ્તૂપરાઃ

ઇન્દ્રાય રાજ્ઞે ત્રયશ્શિતિપૃષ્ઠા ઇન્દ્રાયાધિરાજાય ત્રયશ્શિતિકકુદ ઇન્દ્રાય સ્વરાજે ત્રયશ્શિતિભસદસ્તિસ્રસ્તુર્યૌહ્યસ્સાધ્યાનાં તિસ્રઃ પષ્ઠૌહ્યો વિશ્વેષાં દેવાનામૈન્દ્રાવૈષ્ણવા ગૌરલલામાસ્તૂપરાઃ

અદિત્યૈ ત્રયો રોહિતૈતા ઇન્દ્રાણ્યૈ ત્રયઃ કૃષ્ણૈતાઃ કુહ્વૈ ત્રયોઽરુણૈતાસ્તિસ્રો ધેનવો રાકાયૈ ત્રયોઽનડ્વાહસ્સિનીવાલ્યા આગ્નાવૈષ્ણવા રોહિતલલામાસ્તૂપરાઃ

સૌમ્યાસ્ત્રયઃ પિશઙ્ગાસ્સોમાય રાજ્ઞે ત્રયસ્સારઙ્ગાઃ પાર્જન્યા નભોરૂપાસ્તિસ્રોઽજા મલ્હા ઇન્દ્રાણ્યૈ તિસ્રો મેષ્ય આદિત્યા દ્યાવાપૃથિવ્યા માલઙ્ગાસ્તૂપરાઃ

વારુણાસ્ત્રયઃ કૃષ્ણલલામા વરુણાય રાજ્ઞે ત્રયો લોહિતલલામા વરુણાય રિશાદસે ત્રયોઽરુણલલામાશ્શિલ્પાસ્ત્રયો વૈશ્વદેવાસ્ત્રયઃ પૃશ્નયસ્સર્વદેવત્યા ઐન્દ્રાસૌરાશ્શ્યામલલામાસ્તૂપરાઃ

॥ ઇતિ શ્રીયજુષિ કાઠકે ચરકશાખાયામશ્વમેધનામનિ પઞ્ચમે ગ્રન્થે રોહિતાનુવચનં નામ નવમં વચનં સંપૂર્ણમ્