Kathaka Samhita · Chapter 5

atha pañcamaṃ vacanam /
mitānuvacanam /
sitāya svāhāsitāya svāhābhihitāya svāhānabhihitāya svāhā yuktāya svāhāyuktāya svāhāyuktāya svāhodyuktāya svāhā vimuktāya svāhā pramuktāya svāhā vañcate svāhā parivañcate svāhā saṃvañcate svāhānuvañcate svāhodvañcate svāhā yate svāhā dhāvate svāhā tiṣṭhate svāhoparatāya svāhā sarvasmai svāhā

pṛthivyai svāhāntarikṣāya svāhā dive svāhā saṃploṣyate svāhā saṃplavamānāya svāhā saṃplutāya svāhā meghāyiṣyate svāhā meghāyate svāhā meghāyitāya svāhā meghitāya svāhā meghāya svāhā nīhārāya svāhā nihākāyai svāhā prāsacāya svāhā pracalākāyai svāhā vidyotiṣyate svāhā vidyotamānāya svāhā saṃvidyotamānāya svāhā stanayiṣyate svāhā stanayate svāhogram̐ stanayate svāhā varṣiṣyate svāhā varṣate svāhābhivarṣate svāhā parivarṣate svāhā saṃvarṣate svāhānuvarṣate svāhā proṣiṣyate svāhā pruṣṇate svāhā paripruṣṇate svāhā śīkāyiṣyate svāhā śīkāyate svāhā śītikāya svāhodgrahīṣyate svāhodgṛhṇate svāhodgṛhītāya svāhā viploṣyate svāhā viplavamānāya svāhā viplutāya svāhātapsyate svāhātapate svāhogramātapate svāhargbhyassvāhā yajurbhyasvāhā sāmabhyassvāhāṅgirobhyassvāhā vedebhyassvāhā gāthābhyassvāhā nārāśam̐sībhyassvāhā raibhībhyassvāhā sarvasmai svāhā

datvate svāhādantakāya svāhā prāṇine svāhāprāṇakāya svāhā nāsikāvate svāhānāsikāya svāhā mukhavate svāhāmukhakāya svāhākṣaṇvate svāhānakṣakāya svāhā karṇavate svāhākarṇakāya svāhā śīrṣaṇvate svāhāśīrṣakāya svāhā pādavate svāhāpādakāya svāhā prāṇate svāhāprāṇate svāhā vadate svāhāvadate svāhā paśyate svāhāpaśyate svāhā śṛṇvate svāhāśṛṇvate svāhā manasvine svāhāmanaskāya svāhā retasvine svāhāretaskāya svāhā prajābhyassvāhāprajananāya svāhā lomavate svāhālomakāya svāhā tvace svāhātvakkāya svāhā carmavate svāhācarmakāya svāhā lohitavate svāhālohitāya svāhā mām̐sanvate svāhāmām̐sakāya svāhā snāvabhyassvāhāsnāvakāya svāhāsthanvate svāhānasthakāya svāhā majjanvate svāhāmajjakāya svāhāṅgavate svāhānaṅgakāya svāhātmanvate svāhānātmakāya svāhā sarvasmai svāhā

agniḥ paśurāsīt tenāyajata sa etaṃ lokamajayadyasminnagnissa te lokastaṃ jeṣyasyathāvajighra vāyuḥ paśurāsīt tenāyajata sa etaṃ lokamajayadyasmin vāyussa te lokastaṃ jeṣyasyathāvajighrādityaḥ paśurāsīt tenāyajata sa etaṃ lokamajayadyasminnādityassa te lokastaṃ jeṣyasyathāvajighra

dyauste pṛṣṭhaṃ pṛthivī sadhasthamātmāntarikṣam̐ samudro yonissūryaste cakṣurvātaḥ prāṇaścandramāśśrotraṃ diśaḥ pādā avāntaradiśāḥ paśavo nakṣatrāṇi rūpaṃ māsāścārdhamāsāśca parūm̐ṣyṛtavo'ṅgāni saṃvatsaro mahimā

āyāsāya svāhāvayāsāya svāhā viyāsāya svāhā prayāsāya svāhā saṃyāsāya svāhodyāsāya svāhā śokāya svāhā śuce svāhā śucaye svāhā tapase svāhā tapyatyai svāhā kṣudhe svāhā bhrūṇahatyāyai svāhā sarvasmai svāhā

jumbakāya svāhāvabhṛthāya svāhā sarvasmai svāhā

mṛtyave svāhāvabhṛthāya svāhā sarvasmai svāhā

kastvā yunakti sa tvā yunaktu viṣṇustvā yunaktvasya yajñasyaryaidhyata mahyam̐ saṃnatyā amuṣmai kāmāyāyuṣe tyā prāṇāya tvā vyānāya tvāpānāya tvā vyuṣṭyai tvā rayyai tvā rādhase tvā poṣāya tvā ghoṣāya tvārādghoṣāya tvā pracyutyai tvā kastvā vimuñcati sa tvā vimuñcatu viṣṇustvā vimuñcatvasya yajñasyaryaidhuta mahyam̐ saṃnatyā amuṣmai kāmāyāyuṣe tvā prāṇāya tvā vyānāya tvāpānāya tvā vyuṣṭyai tvā rayyai tvā rādhase tvā poṣāya tvā ghoṣāya tvārādghoṣāya tvā pratiṣṭhityai tvā

agnaye gāyatrāya trivṛte rāthantarāya vāsantāyāṣṭākapāla indrāya traiṣṭubhāya pañcadaśāya bārhatāya graiṣmāyaikādaśakapālo viśvebhyo devebhyo jāgatebhyassaptadaśebhyo vairūpebhyo vārṣikebhyo dvādaśakapālo mitrāvaruṇābhyāmānuṣṭubhābhyāmekavim̐śābhyāṃ vairājābhyām̐ śāradābhyāṃ payasyā bṛhaspataye pāṅktāya triṇavāya śākvarāya haimantikāya carussavitra āticchandasāya trayastrim̐śāya raivatāya śaiśirāya dvādaśakapālo'dityai viṣṇupatnyai caruragnaye vaiśvānarāya dvādaśakapālo'numatyai caru: kāya ekakapāla:

hiraṇyagarbhassamavartatāgre bhūtasya jātaḥ patireka āsīt /
sa dādhāra pṛthivīṃ dyāmutemāṃ kasmai devāya haviṣā vidhema //
upayāmagṛhīto'si prajāpataye tvā juṣṭaṃ gṛhṇāmi tasya te dyaurmahimā nakṣatrāṇi rūpamādityaste tejastasmai tvā mahimne prajāpataye svāhā

ayā viṣṭhā janayan karvarāṇi sa hi ghṛṇirururvarāya gātuḥ/
sa pratyudaiddharuṇaṃ madhvo agram̐ svā yat tanū tanvamairayata //
upayāmagṛhīto'si prajāpataye tvā juṣṭaṃ gṛhṇāmi tasya te'ntarikṣaṃ mahimāpo vayām̐si rūpaṃ vāyuṣṭe tejastasmai tvā mahimne prajāpataye svāhā

yaḥ prāṇato nimiṣato mahitvaika idrājā jagato babhūva /
īśe yo asya dvipadaścatuṣpadaḥ kasmai devāya haviṣā vidhema //
upayāmagṛhīto'si prajāpataye tvā juṣṭaṃ gṛhṇāmi tasya te pṛthivī mahimauṣadhayo vanaspatayo rūpamagniste tejastasmai tvā mahimne prajāpataye svāhā

ā brahman brāhmaṇo brahmavarcasī jāyatāmāsmin rāṣṭre rājanya iṣavyaśśūro mahāratho jāyatāṃ dogdhrī dhenurvoḍhānaḍvānāśussaptirjiṣṇū ratheṣṭhāḥ puraṃdhiryoṣā sabheyo yuvāsya yajamānasya vīro jāyatāṃ nikāme nikāme naḥ parjanyo varṣatu phalavatīrna oṣadhayaḥ pacyantāṃ yogakṣemo naḥ kalpatām

ākrān vājī pṛthivīmagniṃ yujamakṛta vājyarvākrān vājyantarikṣaṃ vāyuṃ yujamakṛta vājyārvā dyāṃ vājyākram̐sta sūryaṃ yujamakṛta vājyarvāyuṣṭe vājinyuṅṅanu tvārabhe svasti mā saṃpāraya vāyuṣṭe vājinyuṅṅanu tvārabhe khasti mā saṃpārayādityaste vājinyuṅṅanu tvārabhe svasti mā saṃpāraya prāṇadhṛgasi prāṇaṃ me dṛm̐ha vyānadhṛgasi vyānaṃ me dṛm̐hāpānadhṛgasyapānaṃ me dṛm̐ha cakṣurasi cakṣurme dhehi śrotramasi śrotraṃ mayi dhehyāyurasyāyurme dhehi sarvamāyurgeṣam

kramairabhyakramīdvājī viśvairdevairyajñiyaissaṃvidānassa no naya sukṛtasya lokaṃ tasya te vayam̐ svadhayā madema

jajñi bījaṃ varṣṭā parjanyaḥ panthā sasyam̐ supippalā oṣadhayassvadhicaraṇeyam̐ sūpasadano'gnissvadhyakṣamantarikṣam̐ sūpavāḥ pavamānassūpasthānā dyauśśivamasau tapan yathāpūrvamahorātre pañcadaśino'rdhamāsāstrim̐śino māsāḥ klṛptā ṛtavaśśāntassaṃvatsaraḥ

āgneyo'ṣṭākapālassaumyaścarussāvitro'ṣṭākapālassārasvataścaruḥ pauṣṇaścarū raudro gāvīdhukaścaruragnaye vaiśvānarāya dvādaśakapālo mṛgākhare yadi nāgacchedagnayem̐'homuce'ṣṭākapālassauryaṃ payo vāyavya ājyabhāgaḥ

agnayem̐'homuce'ṣṭākapāla indrāyām̐homuca ekādaśakapālo vāyosāvitra āgomugbhyāṃ carurmitrāvaruṇābhyāmāgomugbhyāṃ payasyāśvibhyāmāgomugbhyāṃ dhānā marudbhya enomugbhyassaptakapālo viśvebhyo devebhya enomugbhyo dvādaśakapālo'numatyai caruragnaye vaiśvānarāya dvādaśakapālo dyāvāpṛthivībhyāmam̐homugbhyāṃ dvikapālaḥ

agnaye samanamat pṛthivyai samanamadyathāgniḥ pṛthivyā samanamadevaṃ mahyaṃ bhadrāssaṃnatayassaṃnamantu vāyave samanamadantarikṣāya samanamadyathā vāyurantarikṣeṇa samanamadevaṃ mahyaṃ bhadrāssaṃnatayassaṃnamantu sūryāya samanamaddive samanamadyathā sūryo divā samanamadevaṃ mahyaṃ bhadrāssaṃnatayassaṃnamantu varuṇāya samanamadadbhya
ssamanamadyathā varuṇo'dbhissamanamadevaṃ mahyaṃ bhadrāssaṃnatayassaṃnamantu sāmne samanamadṛce samanamadyathā sāmarcā samanamadevaṃ mahyaṃ bhadrāssaṃnatayassaṃnamantu brahmaṇe samanamat kṣatrāya samanamadyathā brahma kṣatreṇa samanamadevaṃ mahyaṃ bhadrāssaṃnatayassaṃnamantu rājñe samanamadviśe samanamadyathā rājā viśā samanamadevaṃ mahyaṃ bhadrāssaṃnatayassaṃnamantu rathāya samanamadaśvebhyasamanamadyathā ratho'śvaissamanamadevaṃ mahyaṃ bhadrāssaṃnatayassaṃnamantu

samiddiśāṃ kayā naḥ//
ko adya yuṅkte dhuri gā ṛtasya śimīvato bhāmino durhṛṇāyūn /
āsanniṣūn hṛtsvaso mayobhūn ya eṣāṃ bhṛtyāmṛṇadhat sa jīvāt

iti śrīyajuṣi kāṭhake carakaśākhāyāmaśvamedhanāmani pacame granthe mitānuvacanaṃ nāma pañcamaṃ vacanaṃ saṃpūrṇam//५