Kathaka Samhita · Chapter 10

atha daśamaṃ vacanam/
somānuvacanam /
somāya svarāje'novāhā anaḍvāhā indrāgnibhyāmojodābhyāmoṣṭārā indrāgnibhyāṃ balādābhyām̐ sīravāhā avī dve dhenū bhaumī digbhyo vaḍave dve dhenū bhaumī vairāje puruṣī dve dhenū bhaumī vāyava ārohaṇavāhā anaḍvāhau vāruṇī kṛṣṇe vaśe ārāḍyau divyā ṛṣabhau parimarau

ekādaśa prātargavyāḥ paśava ālabhyante chagalaḥ kalmāṣaḥ kikidivīvidīgayastau tvāṣṭrau saurīrnava śvetā vaśā anūbandhyā bhavantyāgneya aindrāgna āśvinaste viśālayūpa ālabhyante

piśaṅgāstrayo vāsantāssāraṅgāstrayo graiṣmāḥ pṛṣantastrayo vārṣikāḥ pṛśnayastrayaśśāradāḥ pṛśnisakthāstrayo haimantikā avaliptāstrayaśśaiśirāssaṃvatsarāya nivakṣasaḥ

vasantāya kapiñjalānālabhate grīṣmāya kalaviṅkān varṣābhyastittirīñcharade vartikā hemantāya kakārāñchiśirāya vikarān

gāyatrī triṣṭubjagatyanuṣṭup paṅktyā saha / bṛhatyuṇihā kakup sūcībhiśśimyantu tvā //
dvipadā yā catuṣpadā tripadā yā ca ṣaṭpadā /
sacchandā yā ca vicchandāssūcībhiśśimyantu tvā /
mahānāmnī revatayo viśvā āśāḥ prasūvarīḥ /
medhyā vidyuto vācassūcībhiśśimyantu tvā //
rajatā hariṇīssīsā yujo yujyante karmabhiḥ /
aśvasya vājinastvaci sūcībhiśśimyantu tvā //
nārīste patnayo loma vicinvantu manīṣayā /
devānāṃ patnīrviśassūcībhiśśimyantu tvā //
kuvidaṅga

kastvā chyati kastvā viśāsti kaste gātrāṇi śimyati /
ka u te śamitā kaviḥ//
ṛtavasta ṛtuthā paruśśamitāro viśāsatu /
saṃvatsarasya dhāyasā śimibhiśśimyantu tvā //
daivyā adhvaryavastvā chya॑ntu vi ca śāsatu /
gātrāṇi parvaśaśśimāḥ kṛṇvantu śimyantaḥ //
ardhamāsāḥ parūm̐ṣi te māsāśchyantu śimyantaḥ /
ahorātrānti maruto viliṣṭam̐ sūdayantu te //
pṛthivī te'ntarikṣeṇa vāyucchidraṃ bhiṣajyatu /
dyauste nakṣatraissada rūpaṃ kṛṇotu sādhyā //
śaṃ te parebhyo gātrebhyaśśamastvavarebhyaḥ /
śamasthabhyo majjebhyaśśamu te tanve bhuvan

// iti śrīyajuṣi kāṭhake carakaśākhāyāmaśvamedhanāmani pañcame granthe somānuvacanaṃ nāma daśamaṃ vacanaṃ saṃpūrṇam