Jayakhya Samhita · Chapter 8

paṭalaḥ - 8
atha jayākhyasaṃhitāyāṃ mudrābandhākhyānaṃ nāma aṣṭamaḥ paṭalaḥ/
śrī bhagavānuvāca/ 8-1
asyaiva mantravṛndasya krameṇa tu yathākramam/
mudrākośaṃ pravakṣyāmi yena sannihitassadā

bhavecca sādhakendrāṇāṃ bhuktimuktiprasādhane/
ādau tu mūlamantrasya anyeṣāṃ tadanantaram

[mudrābandhakālaḥ tatprayojanaṃ ca] 8-2 ?
mudrāṃ vai bandhayenmantrī snānakāle jalāntare/
ātmano nyāsakāle tu pūjānte maṇḍalāva(1)nau

(1. di A)
arcāsu mantravinyāse arghyapātre'mbubhājane/
pūrṇāhutyavasāne ca mantre vahnyantarasthite

hiṃsakānāṃ vidhātāya sarvavignopaśāntaye/
sarvakāryārthasidhyarthaṃ mudrākośa ihoditaḥ

[jayāmudrā] 8-3
adhomukhādvāmahastānmadhyamāṃ grāhayenmune/
kaniṣṭhayā dakṣiṇasya tisro'nyā muṣṭivatsthitāḥ

aṅguṣṭhamubhayaṃ kṛtvā mudreyaṃ tu jayā smṛtā/
adhastādgaruḍaṃ tasyā vāmahaste vicintayet

pṛṣṭhe syāddakṣiṇe haste dhyāyedviṣṇuṃ sanātanam/
eṣā mudrā jayā nāma sarvakāryārthasādhanī

yojayeddevadevasya tārkṣyeṇa sahitasya ca/
[śaktimudrā] 8-4
prasārya vāmamuttānamaṅgulyo viralāḥ sthitāḥ

kāryāstvākuñcitāḥ prāntādaṅguṣṭhaṃ setuvadbhavet/
sammukhaṃ tāsu saṃlagnaṃ karaśākhāsu madhyataḥ

hṛtsammukhaṃ tu badhnīyācchaktimudrāṃ sukhapradām/
śaktiyuktasya dehasya mudrā vai sannidhāpanī

pradeśinyā (2)tato(?)viddhi lakṣmīpūjāsu śaktiṣu/
[hṛdayamudrā] 8-5
dakṣiṇena tu hastena muṣṭibandhaṃ prakalpayet

(2. dhau A.)
aḍguṣṭhaṃ karamadhyasthaṃ kṛtvā yojyaṃ hṛdi dvija/
hṛdayākhyā bhavenmudrā sarvamantreṣu sādhanī

[śiromudrā] 8-6
prasṛtā aṅgulīssarvā aṅguṣṭhena tu saṃspṛśet/
śiromudreti vikhyātā mantrasannidhikāriṇī

[śikhāmudrā] 8-7
muṣṭiṃ badhvā śikhāsthāne tarjanī cordhvasaṃsthitā/
śikhāmudreti vikhyātā sarvaduṣṭakṣayaṅkarī

doṣavighnavināśāya sadā hyeṣā prakīrtitā/
ādau tasmātprayatnena yāgaveśmani bandhayeta

utsādaṃ sarvavighnānāṃ kurute mantrasaṃyutā/
[kavacamudrā] 8-8
ubhayoragrataśśākhā grastāstu karayordvija

tayormadhyaṃ hyasaṃśliṣṭaṃ karabandhādito bhavet/
vārmaṇyeṣā bhavenmudrā dvāvaṃsāvanayā spṛśet

durbhedyā duṣṭasaṅghasya bhūtavetāḻayoginām/
karmakāle ca baghnīyātsamantrāṃ ca prayatnataḥ

[netramudrā] 8-9
karayorgrathitāḍgulyassaṃvṛtāḥ pāṇipṛṣṭhagāḥ/
tarjanyau prāntasaṃlagne suṣirecorci(1)te tayoḥ

(1. cchri A.)
aṅguṣṭhau mūlasaṃlagnaviparyastau parasparam/
locanākhyā bhavenmudrā darśayeccakṣuṣo'ntike

[astramudrā] 8-10
tarjanīṃ sphoṭayeddikṣu daśasvaṅguṣṭhakena tu/
drutaṃ karadvayenaiva cakṣurbhyāṃ sannirīkṣayet

astramudreti vikhyātā trāsinī tridaśeṣvapi/
kiṃ punarduṣṭayonīnāṃ vāṅbhanaḥkāyasaṃyutā

[sihmamudrā] 8-11
uttāne dakṣiṇe vāme kuñcayitvā'ṅgulitrayam/
prasārayecca tiryagvai aḍguṣṭhaṃ tarjanīṃ tathā

īṣadūrdhvīkṛtā'dhodṛg niṣkampālokasaṃyutā/
pāśavandhakṣayakarī sarvopadravanāśinī

sihmamudrā bhavatyeṣā vismayākhyā mahāprabhā/
[kapilamudrā] 8-12
tarjanyaṅguṣṭhayormadhye madhyamāṃ tu prapīḍayet

prasārayedanāmāṃ ca paścāttasyāḥ kaniṣṭhikām/
parasparaṃ ca dūrasthe mudraiṣā kapilī smṛtā

sarvasiddhikarī hyeṣā aṇimādiṣu sādhanī/
[kroḍamudrā] 8-13
adhomukhe vāmahaste madhyamānāmike yadgā

aṅguṣṭhasya tu saṃsakte kaniṣṭhā tarjanīdvayam/
prasāritaṃ tataḥ kāryaṃ mudrā kroḍātmikā smṛtā

sarvayantrapramathanī sarvaduṣṭanivāriṇī/
sve sve sthāne niyoktavyā mudrāvaktreṣu yā sthitā

[kaustubhamudrā] 8-14
madhyamānāmikānyūnā muṣṭivatpāṇimadhyagāḥ/
ubhayorhastayorvipra paścānmuṣṭidvayaṃ tu tat

śleṣayetsamarandhreṇa tarjanyau dve prasārya ca/
tataḥ saṃ śleṣayedagrādaḍguṣṭhāgre niyojayet

madyata(1)starjanībhyāṃ tu anyonyena krameṇa tu/
mudraiṣā kaustubhasyoktā mālāmudrāmatho śrṛṇu

(1. ma A.)
[mālāmudrā] 8-15
śākhāṣṭakaṃ karābhyāṃ yadgrastamagrānadūrataḥ/
saṃślakṣṇaṃ lambamānaṃ ca upaviṣṭo'tha vāsthitaḥ

kuryādbāhudvayaṃ vipra ūrumadyāvalambitam/
maṇibandhāvadhau samyaṅbhālāmudrā prakīrtitā

[padmamudrā] 8-16
aṅguṣṭhau saṅgatau lagnau aṅgulyo viralāḥ sthitāḥ/
pādmī ṅyeṣā bhavenmudrā puṣṭisaubhāgyadāyikā

[śaṅkhamudrā] 8-17
muṣṭinā grāhayedvāmamaṅguṣṭhaṃ dakṣiṇena tu/
aṅgulīrvāmahastāttu dakṣiṇasyopari nyaset

vāmatarjanikāgraṃ tu aṅguṣṭhāgraṃ ca dakṣiṇāt/
parasparaṃ sammukhaṃ tu suśliṣṭaṃ viniyojayet

śaṅkhasyaiṣā bhavenmudrā uttānā tu yadā sthitā/
[cakramudrā] 8-18
spaṣṭau prasāritau hastau parasparaniyojitau

bhramaṇāccakravattau tu(1) cakramudreti kīrtitā/
nāśinī sarvaduḥkhānāṃ mudrāṇāṃ bhedinī parā

(1. ca A.)
[gadāmudrā] 8-19
badhvā muṣṭiṃ dakṣiṇena vāmāṅguṣṭhasya mūrdhini/
kṛtvaivaṃ darśayedeṣā kaumodakyāḥ suśobhanā

gadāmudreti vikhyātā doṣasainyapramardanī/
[pakṣirājamudrā] 8-20
prasārya saṃhataṃ(2) kṛtvā purā pāṇidvayaṃ dvija

(2. hṛ C. L.)
anāmā mūladeśābhyāmaḍguṣṭhāgradvayaṃ nyaset/
adhomukhaṃ tu patitaṃ maṇbandhasya sammukhame

suśliṣṭamagrataḥ kṛtvā nyasettaccāṅgulidvayam/
tarjanīmadhyāmābhyāṃ yadvāmaṃ yugmaṃ karadvayāt

procchritaṃ viralaṃ kuryātkuñcitaṃ cāpi sammukham/
suspaṣṭamucchritaṃ lagnaṃ pucchavatkanyasāyugam

pakṣirājasya mudraiṣā kevalasya mahātmanaḥ/
[pāśamudrā] 8-21
prasārya dakṣiṇaṃ pāṇi tato'ṅguṣṭhakaniṣṭhike

meḻayedagradeśācca setuvatkaraṇena tu/
(3)phaṇavatkuñcitaṃ lagnaṃ tarjanyādyaṃ latātrayam

(3. la C. L.)
pāśamudrā bhavatyeṣā aṅkuśākhyaṃ niṣodhame/
[aṅkuśamudrā] 8-22
kaniṣṭhā madhyamā nāma vāmahastasya madhyataḥ

pṛṣṭhavannikṣipetpṛṣṭhe tāsāmaḍguṣṭakaṃ bhavet/
agratastarjanī kāryā kuñcitāṅkuśavaddvija

ityeṣā'ṅkuśamudraiva satyādīnāmatho śruṇu/
[satyādimudrāpañcakam] 8-23
dakṣiṇasya tu hastasya agrato'ṅgulipañcakam

parasparaṃ spṛśetkāryaṃ pronnataṃ mukhasammukham/
satyasyaiṣā bhavenmudrā prāgupāḍgodbhavasya ca

aṅguṣṭhatarjanīyogāddvitīyasya prakīrtitā/
aṅguṣṭhamadhyamāyogāttṛtīyasya prakīrtitā

aṅguṣṭhānāmikāyogāccaturthasya tu nārada/
kaniṣṭhāṅguṣṭhasaṃyogātpañcamasya tu jāyate

[mahājayāmudrā] 8-24
hṛllagnaṃ vāmahastaṃ tu kṛtvottānaṃ prasāritam/
pṛṣṭhe tu muṣṭibandhaṃ tu dakṣiṇena kareṇa tu

muṣṭerūrdhvaṃ sthito'ṅguṣṭhaṃ cakṣurbhyāmavalokitam/
daivī hyeṣā bhavenmudrā mantrarājasya suvrata

mahājayeti vikhyātā sarvayogaprasādhanī/
sarvasiddhikarī śaśvatsarvamudrāprapūraṇī

anayā mudritaṃ viśvamābrahmabhavanānti(1)mam/
sarvāṅgaśaktiyuktasya sarvamantrālayasya ca

(1. ka A.)
niṣkaḻasyāvikārasya brahmansaptākṣarasya ca/
ityeṣa garbhamantrāṇāmukto mudrāgaṇo mayā

ādhārāsanamantrāṇāṃ mudrāṇāṃ lakṣaṇaṃ śruṇu/
[ādhāraśaktimudrā kūrmamudrā ca] 8-25
kṣiptamaṅguliyugmaṃ tu muṣṭibhyāmantare dvija

vāmasya dakṣiṇo muṣṭiḥ pṛṣṭhe syātsparśavarjitaḥ/
asāvādhāraśaktau ca ūrdhvataḥ kūrmavahni (ddvi?)ja

[anantāsanamudrā] 8-26
adhomukhasya vāmasya anāmā tarjanī ubhe/
ākuṃcya pṛṣṭhalagne tu madhyamāyāṃ tu saṃsthite

tayoradhastānmadhyākhyāmṛjvīṃ kuryādadhomukhām/
kaniṣṭhikā tu sāṅguṣṭhā kāryā suprasṛtā mune

anantāsanamudreyamanenāsyā(khyā?)yate dvija/
sarvaṃ jagadidaṃ hyeṣā kroḍīkṛtya ca vartate

sarvāsvādhāramudrāsu prādhānyena vyavasthitā/
tasyādau mantramuccārya plutaṃ ca bahumātṛkam

śabdaśakyavibhāgotthaṃ bhāvagrāhyamanāhatam/
(1)tatastasya visarge tu anantāsanasaṃjñayā

(1. tasmādasya A.)
baddhaṃ prakalpayedvipra sadbhāvadhyānasaṃyutam/
sadādhikārayāge tu mantrāṇāṃ bhinnarūpiṇām

kṣiprakarmaprasidhyarthaṃ yojanīyā prayatnataḥ/
[pṛthivīmudrā] 8-27
karadvayena badhnīyāllagnamuṣṭidvayaṃ purā

aṅgulitritayenaiva aṅguṣṭhe tarjanīdvayam/
prāntalagnaṃ tataḥ kṛtvā tadyuge melayetpunaḥ

eṣā tu pārthivī mudrā sāmudrīmadhunā śṛṇu/
[samudramudrā] 8-28
maṇibaddhau ca saṃlagnau nakhāgrāṇi karadvayāt

kāryāṇi sāṅgulīkāni parasparamukhāni tu/
aṅguṣṭhāgre nirādhāre tanmadhye cālayeddhṛtam

madhyaṃ kuryācca hastābhyāṃ gādhaṃ tu suṣiropamam/
kṣīrārṇavasya mudraiṣā prāguktā paṅkajasya tu

mantrayogāttathā dhyānādanyatvaṃ caiva jāyate/
[dharmādimudrācatuṣṭayam] 8-29
karadvayamasaṃlagne(gnaṃ?) kṛtvā tadanu yojayet

mukhe mukhaṃ tarjanībhyāṃ taṃ muñcedatha madhyayoḥ/
kuryāttāddṛgvidhaṃ bandhaṃ taṃ tyaktvā'nāmikādvaye

upasaṃhṛtya taṃ cāpi dve kaniṣṭhe niyojayet/
pratyekabandhe saṃlagnamaṅguṣṭhayugalaṃ nyaset

dharmādyasya catuṣkasya viddhi mudrāgaṇaṃ kramāt/
tadūrdhvasthasya padmasya prāguktā mantrayogataḥ

[sūryendvagnilakṣaṇadhāmatrayamudrā] 8-30
dakṣiṇasya tu hastasya tarjanyaṅguṣṭhamelanam/
kṛtvā tadanu tadbandhaṃ vikāsya ca śanaiḥ śanaiḥ

samuttānaṃ punaḥ kuryācchākhāsaṅghaṃ pṛthaksthitam/
(1)dhāmatrayasya mudraiṣā haṃsākhyāṃ tu nibodha me

(1. dvidhā mantrasya tatraiṣo A.)
[haṃsamudrā] 8-31
spaṣṭau prasāritau hastau kuryādañjalirūpakau/
bhāvāsanasya mudraiṣā suśuddhā paramārthakī

eṣa āsanamantrāṇāṃ vījānāṃ mayoditaḥ/
kramātkṣetreśapūrvāṇāṃ vījānāṃ munisattama

padmanidyadhipāntānāṃ mudrādaśakamucyate/
[kṣetreśamudrā] 8-32
grastamaṅgulisaṃkhyātaṃ kṛṃtvā pāṇidvayena tu

balātprapīḍayetkuryādaṅguṣṭhadvayamucchritam/
mudreyaṃ kṣetrapālasya śryādīnāmatha me śṛṇu

[śrīmudrā] 8-33
uttānau tu karau kṛtvā nikaṭasthau tu nārada/
tadaṅgulīgaṇaṃ sarvaṃ kuñcitaṃ madhyasaṃsthitam

aṅguṣṭhau patitau kṛtvā kramaśaḥ spaṣṭatāṃ nayet/
śrībījasya tu mudraiṣā prathamaṃ kathitā tava

[caṇḍamudrā] 8-34
samutthāpya karādvāmāttarjanīṃ caṇḍabījajā/
[pracaṇḍamudrā] 8-35
tāmeva dakṣiṇāddhastātpracaṇḍākhyasya viddhi vai

[cayamudrā] 8-36
madhyamādvāmahastādvai samutthāpya jayasya ca/
[vijayamudrā] 8-37
dakṣiṇādvijayākhyasya bījasya parikīrtitā

[gāṃgamudrā] 8-38
vāmāccānāmikā prāgvatkṛtvā gāṅgasya viddhi tām/
[yāmunamudrā] 8-39
dakṣiṇādyāmunasyoktā mudrā bījas nārada

[śaṅkhamudrā] 8-40
nidhīsvarasya śaṅkhasya vāmahastātkaniṣṭhikā/
[padmanidhimudrā] 8-41
padmākyasyāparāddhastātsaiva cordhvīkṛtā yadā

[gaṇeśamudrā] 8-42
dakṣiṇena tu hastena sāṅguṣṭhena ca muṣṭinā/
pradeśinīṃ hyanāmāṃ ca vāmahastasya pīḍayet

prayatnakṛtaśaṅkhānāṃ pṛṣṭhe yojyā ca madhyamā/
lambamānakarākārā yathā saṃdṛśyate ca sā

muṣṭernātisamīpasthāṃ vāmahastātkaniṣṭhikām/
dakṣiṇāṅguṣṭhabāhye ca daṃṣṭrāvatparibhāvayet

īṣattiryaktatasspaṣṭo vāmāṅguṣṭhastathā paraḥ/
yathā tau paridṛśyete gajakarṇopamau dvija

gaṇeśvarasya mudreyaṃ sarvavighnakṣayaṅkarī/
[vāgīśvarīmudrā] 8-43
suśliṣṭau maṇibandhau tu kṛtvā pāṇidvaye purā

saṃlagnamagradeśāttu pronnataṃ madhyamāyutam/
pradeśinīdvayaṃ tadvatkṛtvā'nāmāyugaṃ tathā

acalaṃ dviguṇīkṛtya namayettadadhomukham/
śanaiḥ śanaiḥ spṛśedyāvatsvaṃ svaṃ pāṇitalaṃ dvija

spaṣṭaṃ suviralaṃ kuryādaṅguṣṭhadvitayaṃ dvija/
tadvatkanīyasīyugmaṃ samena dharaṇena tu

mudraiṣā vāgvibhūtyarthī yo badhnāti dine dine/
japamānastu tadbhāvī tasya cāvatarettu dhīḥ

[gurumudrā] 8-44
sammukhau saṃpuṭīkṛtya dvau hastau saṃprasāritau/
viniyojyau lalāṭordhve śirasā'vanatena tu

gurorgurutarasyāpi mudrā hyeṣā pituḥ pituḥ/
[pitṛgaṇamudrāḥ] 8-45
prottānaṃ dakṣiṇaṃ pāṇiṃ kṛtvāṅ‌guligaṇaṃ tataḥ

saṃlagnaṃ kuñcayetkiñcidaṅguṣṭhaṃ saṃprasārya ca/
tiryagbhavaiḥ śanaiḥ kiñcitkuryādvā'dhomukhaṃ tataḥ

mudrā pitṛgaṇasyaiṣā nityatṛptikarī smṛtā/
pūjākāle tu vai tasmāddarśanīyā prayatnataḥ

yo vai naimittikācchrāddhātparitoṣastu jāyate/
sa pitṝṇāṃ śataguṇo mudrābandhācca pūjanāt

[siddhamudrā] 8-46
karadvayaṃ samuttānaṃ nābhideśe niyojayet/
vāmasya dakṣiṇe(?) pṛṣṭhe mudraiṣā siddhasantateḥ

[varābhayamudre] 8-47
suspaṣṭaṃ dakṣiṇaṃ hasta svātmanastu parāṅmukham/
parāṅmukhaṃ lambamānaṃ vāmapāṇiṃ prakalpayet

kramādvarābhayākhyaṃ tu idaṃ mudrādvayaṃ dvija/
vijñeyaṃ lokapālānāmindrādīnāṃ samāsataḥ

ekaikena tu mantreṇa vajrādyena kramādyutām/
astrākhyāṃ śaktisaṃyuktāṃ prāguktāṃ saṃpradarśayet

lokapālāyudhānāṃ tu pūjitānāṃ krameṇa vai/
[viṣvaksenamudrā] 8-48
kaniṣṭhā'nāmikā madyā vāmācca karamadhyagāḥ

tāsāmaṅ‌guṣṭhakaḥ pṛṣṭhe tarjanī pronnatā bhavet/
nāsāvaṃśapradeśasthā tato dakṣiṇapāṇinā

aṅgulītritayenaivaṃ muṣṭiṃ badhvā tu pūrvavat/
tarjanīdviguṇaṃ kṛtvā aṅguṣṭhāgre nirodhayet

prodyato bāhudaṇḍaḥ syāccakrakṣepe yathodyataḥ/
viṣvaksenasya mudreyaṃ viśvakarmanikartanī

[āvāhanamudrā] 8-49
kiñcidākuñcayeddhastaṃ dakṣiṇaṃ hṛdayopagam/
aṅguṣṭho viralaspaṣṭo mudrā hyāvāhane smṛtā

[visarjanamudrā] 8-50
khaṅgadhārāsamākārā viralāṅgulikāvubhau/
aṅguṣṭhau daṇḍavatkṛtvā muṣṭibandhaṃ śanaiśśanaiḥ

kuryātkaniṣṭhikādibhyo mudraiṣā syādvisarjane/
[surabhimudrā] 8-51
grathitau [dvau] karau kṛtvā suśliṣṭau cāpyadhomukhau

kanīyasau tadāṅguṣṭhau suśleṣeṇa niyojya ca/
madhyamāṅguliyugmaṃ tu anyonyakarapṛṣṭhagam

vikṣiptānāmikāyugmaṃ tarjanīyugalaṃ tathā/
mudraiṣā kāmadhenvākhyā sarvecchāparipūraṇī

dviprakāraṃ tu (1)mudrāṇāṃ prayogaṃ nityamācaret/
saṃvinmayaṃ tu cādyātmarūpaṃ bhāsvarasaṃpuṭam

(1. viprāṇāṃ C L.)
bāhyāntastrividhaṃ vipra karmavākcittajaṃ tu yat/
anena vidhinā mudrāṃ yo badhnāti vidhānavit

tenedaṃ mudritaṃ viśvamapunarbhavasiddhidam/
iti śrīpāñcarātre jayākyasaṃhitāyāṃ mudrābandhākhyānaṃ nāma aṣṭamaḥ paṭalaḥ/
* * * * *