Jayakhya Samhita · Chapter 6

paṭalaḥ - 6
atha mukyamantroddhāro nāma ṣaṣṭhaḥ paṭalaḥ// 6-1
nārada :---
tvatprasādena bhagavansaṃvillavdhā mayā parā/
manasaścañcalatvācca nahi me sthiratāṃ vrajet

ataḥ pūrvoditānsarvānupāyānkathayasva me/
aśeṣāṃśca krameṇaiva bhogamokṣaphalapradān

[mantranirūpaṇārambhaḥ]
śrībhagavān ---
sādhu nārada pṛṣṭoṃ'haṃ sārabhūtamidaṃ tvayā/
mantrapūrvaṃ hi vai sarvaṃ yattvayā paricoditam

tasmānmantraṃ pravakṣyāmi bhuktimuktipradaṃ śubham/
sthūlasūkṣmasvarūpeṇa nānāsiddhiphalapradam

śaktyaṅgāvaraṇopetamanekādbhutadarśanam/
[mātṛkāpīṭhaparikalpanāprakāraḥ] 6-2
bhūmibhāge same śuddhe mṛdgomayasulepite

pañcagavyena saṃsikte candanādyupalepite/
nivāte ca susaṃchanne(1) dhūpairapyagivāsite

(1. susaṃpa A.)
mṛdukalhārakusumaiḥ kevalaiḥ kusumaiḥ śubhaiḥ/
praṇavādinamontena svanāmnā pūjya vai purā

parijapyātha bahuśo mṛdaṃ bhūmau prasārya ca/
caturaśraṃ suvṛttaṃ ca dvihastaṃ hastameva vā

susamaṃ mātṛkāpīṭhaṃ kṛtvā prastārya tāmapi/
[akṣareṣu vibhāvyo bhagavataḥ sthitibhedaḥ] 6-3
ekaiva bhinnavargā ca vargānte'pyasamākṣarāḥ

ṣoḍaśākṣara ādyastu akārādyo dvijottama/
visargāntasthitastasminnagnīṣomātmakaḥ prabhuḥ

pañcārṇānāṃ tu pañcānāṃ vargāṇāṃ parameśvaraḥ/
(1)susthitaḥ kādimāntānāṃ tattvātmatvena sarvadā

(1. saṃ. Y)
jāgradādikrameṇaiva sthito'vasthātmanātra vai/
yādivānte caturvarṇe varge viprendra (2)sattame

(2. sapta. Y)
turyātītātmarūpeṇa śādikṣānteṣu saṃsthitaḥ/
ālokastīkṣṇatā vyāptirgrahaṇaṃ kṣepaṇeraṇe

pākaḥ prāptiriti hyaṣṭau sūryabhāge vyavasthitāḥ/
akārādiṣu hvasveṣu varṇeṣveteṣvanukramāt

dravatā śaityabhāvāśca tṛptiḥkāntiḥ prasannatā/
rasatā''hlād ānando hyaṣṭau cāndrāstvimā matāḥ

ākārādiṣu dīrgheṣu saṃsthitā mātṛkātmanā/
avinābhāvarūpeṇa anyonyena sadaiva hi

aṣṭānāmapi cāṣṭau tu saṃsthitā bahirantare/
kṣmāditattvasamūhastu puruṣāntaḥ krameṇa tu

jāgratsvapnasuṣuptaṃ ca turyamūrdhve'tra vartate/
saṃsthitaḥ paramālokaśabdo nityoditaḥ paraḥ

parānandaśca samatā vedyavedakavarjitaḥ/
svarūpametatkathitaṃ turyātītātmano vibhoḥ

[evaṃ bhagavataḥ sthitiṃ vibhāvyollikhyamānānāmakṣarāṇaṃ bhagavanmātṛkādeharūpatā] 6-4
iti varṇaprabhāvaṃ ca vyāpakaṃ cānubhūtigam/
budhvā ca lipirūpeṇa saṃlikhedyena kenacit

saṃvedyo'pi janenaiva na lipirvipra mātṛkāḥ/
paramaḥ puruṣo divyo yo'nubhūtaḥ purā tvayā

tasyāyaṃ mātṛkādehaḥ caturdhā saṃvyavasthitaḥ/
[mātṛkāyāḥ svavigrahe nyāsakramaḥ] 6-5
sūtreṇa maṇayo yadvatprotāstvekena nārada

tadvadvarṇā mayā tantusvarūpeṇāvyayātmanā/
iti cetasi vai kṛtvā mantrānuddharate ca yaḥ(1)

(1. yat CL.)
dṛṣṭādṛṣṭaphalaprāptistasya mantrātprajāyate/
evaṃ svavigrahe nyasya mātṛkāṃ mantramātrakām

vastupūrṇeṣu tattveṣu sveṣu sveṣūditeṣu ca/
snātvā śuklāmbaradharassrakcandanavibhūṣitaḥ

[mantramātṛkoddhārakramaḥ] 6-6
tāmeva prastarenmantrī aṣṭavargāṃ pṛthaksthitām/
aṣṭāre tu mahācakre madhyataḥ suvibhūṣite

prāgarādi kṣakārāntamavargādikrameṇa tu/
maghyataḥ praṇavaṃ likhya varṇacakraṃ prabhuṃ param

ekaikaṃ tu svasaṃjñābhiścakrāreṣvakṣaraṃ likhet/
yāvanniṣpadyate vargassthitaḥ svaissvairarāntare

svakhyañjanasaṃyuktāṃ mātṛkāmagrato yajet/
[mātṛkāpūjanaprakāraḥ] 6-7
pādyārghyapuṣpadhūpena dīpena ca vilepanaiḥ

phalamūlādinaivedyairoṃnamomantramātṛke/
saṃpūjyaśca tato bhaktyā mātṛkāvigrahaḥ pumān

prāguktena svanāmnā vai praṇatyā praṇavena ca/
svābhidhābhiḥ krameṇāto hyekaikaṃ cākṣaraṃ yajet

madhyāhnabhāskārākāraṃ prasphurantaṃ vicintya ca/
[bhagavadrūpāṇāmakṣarāṇāmakārādikrameṇābhidhābhedaḥ] 6-8
akāraścāprameyaśca prathamo (bhavo ) vyāpakaḥ smṛtaḥ

ādidevastathā''kāra ānando gopanaḥ smṛtaḥ/
rāmasaṃjña ikāraśca iṣṭa iddhaḥ prakīrtitaḥ

īkāraḥ pañca bindurvai (2)viṣṇormāyā dvijādhipa/
ukāro bhuvanākhyaśca uddāma udayastathā

(2. viṣṇu CL.)
ūkāra ūrjo lokeśaḥ prajñādhārastathaiva ca/
satyaśca ṛttadhāmā ca ṛkārassa tu cāṅkuśaḥ

ṛkāraṃ viṣṭaraṃ viddhi jvālā saiva (1)prasāraṇam/
liṅgātmā bhagavānprokto lṛkārastārakassmṛtaḥ

(1. pradhā A.)
lṭṛkāro dīrghaghoṇaśca devadatto virāṭ sa tu/
tryaśra ekārasaṃjñastu jagadyonirigrahaḥ

aiśvaryaṃ yogadhātā ca ai samairāvaṇassmṛtaḥ/
okāra otadehaśca odanassa ca vikramī

aurvo'tha bhūdhārākhyaśca aussmṛto hyauṣadhātmakaḥ/
trailokyaiśvaryado vyāpī vyomeśo'ṅkāra eva ca

visargaḥ sṛṣṭikṛtkhyāto hyakāraḥ parameśvaraḥ/
kamalaśca karāḻaśca kakāraḥ prakṛtiḥ parā

khakāraḥ kharvadehaśca vedātmā viśvabhāvanaḥ/
gadadhvaṃsī gakāraśca govindassa gadādharaḥ

ghakāraścaiva gharmāṃśustejasvī dīptimānsmṛtaḥ/
ṅakāra ekadaṃṣṭraśca bhūtātmā viśvabhāvakaḥ

cakāraścaṃcalaścakrī candrāṃśussa ca kathyate/
chakāraḥ chalavidhvaṃsī chandaśchandaḥpatiḥ smṛtaḥ

ajito janmahantā ca jakārassa ca śāśvataḥ/
jhaṣo jhakāraḥ kathitaḥ sāmātmā sāmapāṭhakaḥ

uttamastvīśvarākhyaśca jñakārastattvadhārakaḥ/
cāndrī ṭakāra āhlādo viśvāpyāyakaraḥ smṛtaḥ

ṭhakāraḥ kaustubhaḥ prokto nemirdhārādharastathā/
ḍakāro daṇḍadhāraśca mausalo'khaṇḍavikramaḥ

ḍhakāro viśvarūpaśca vṛṣakarmā pratardanaḥ/
ṇakāro'bhayadaśśāstā vaikuṇṭhaḥ parikīrtitaḥ

tālalakṣmā takāraśca vairājassragdharassmṛtaḥ/
dhanvī bhuvanapālaśca thakārassarvarodhakaḥ

dattāvakāśo damano dakāraśśāntidaḥ smṛtaḥ/
dhakāraḥ śārṅradhṛ(1)ddhartā mādhavaśca prakīrtitaḥ

(1. ddhāmā A)
naro nārāyaṇaḥ panthā nakārassamudāhṛtaḥ/
pakāraḥ padmanābhaśca pavitraḥ paścimānanaḥ

phakāraḥ phullanayano lāṅgalī śvetasaṃjñikaḥ/
bakāro vāmano hrasvaḥ pūrṇāṅgassa ca gīyate

bhallāyudho bhakāraśca jñeyassiddhiprado dhruvaḥ/
makāro mardanaḥ kālaḥ pradhānaḥ paripaṭhyate

caturgatiryakārastu sa sūkṣmaśśaṅkha ucyate/
aśeṣabhuvanādhāro ro'nalaḥ kālapāvakaḥ

lakāro vibudhākhyastu dhareśaḥ puruṣeśvaraḥ/
varāhaścāmṛtādhāro vakāro varuṇassmṛtaḥ

śakāraḥ śaṅkaraḥ śāntaḥ puṇḍarīkaḥ prakīrtitaḥ/
nṛsihmaścāgnirūpaśca ṣakāro bhāskarastathā

sakāraścāmṛtaṃ tṛptissomastu paripaṭhyate/
sūryo hakāraḥ prāṇastu paramātmā prakīrtitaḥ

ananteśaḥ kṣakārastu vargānto garuḍassmṛtaḥ/
aśeṣasaṃjñā varṇānāmityetāḥ parikīrtitāḥ

anulomavilome narṇādvarṇasya vai punaḥ/
saṃkhyā saṃjñā ca yā samyaksāmānyā sā mahāmate

[bhagavadaṃśabhūtānāmakṣarāṇāmaṅgāṅgibhāvena mithaḥsaṅgātānāṃ mantrotpattihetutā]
ete bhagavadaṃśāśca śabdā bhāsvaravigrahāḥ/
kāraṇaṃ sarvamantrāṇāṃ bhagavacchaktibṛṃhitāḥ

parasparāṅgabhāvena mantrotpattiṃ(2) vrajanti ca/
carācare'smiṃstannāsti yadamībhirna bhāvitam

kṛtvaivaṃ bhāvagāṃ vyāptiṃ varṇānāṃ (3)pūjanakriyā/
[pantroddhārakramaḥ] 6-9
svahṛccakre'tha bhūmiṣṭhe tato mantrānsamuddharet

(3. pūjanaṃ tridhā. Y)
vargāntamādyaṃ bījaṃ tu saptavargādvibheditam/
pañcabinduyutaṃ mūrdhni vyomeśena niyojitam

idaṃ bījavaraṃ divyaṃ sarvakāmaphalapradam/
ananteśāttṛtīyaṃ tu svaravargāntayojitam

dvitīyaṃ tasya tadbījaṃ jarāmṛtyubhayāpaham/
svarādyaṃ pañcamaṃ caiva pañcaviṃśena yojitam

tayorādyaṃ likhedbījaṃ bhogamokṣapradaṃ śubham/
namaskārapadopetaṃ sarvaśaktyāśrayaṃ prabhum

etadvarṇatrayaṃ dehaḥ sthūlabhāso mama dvija/
bhūtade(1)havyapekṣāyāṃ kiñcitsūkṣmaśca nārada

(1. bheda A)
paramūrttyantareṇaiva sthūla eva vibhāti ca/
atyutkṛṣṭaguṇairyukto hyadṛśyo yasya kasyacit

api cetkevalassarvāmarthasiddhiṃ prayacchati/
kiṃ punarmūrttimantreṇa dvādaśārṇena saṃyutaḥ

padaṃ nārāyaṇāyeti kuryādviśvātmane tataḥ/
hīṃ svāhākārasaṃyukto mūrttimantro hyayaṃ smṛtaḥ

[mantramahimānuvarṇanam] 6-10
saṅkalpākalparūpastu tryarṇasyādyoditasya ca/
aṇimādiguṇādhāraḥ pātālotthānasiddhidaḥ

mokṣado mokṣakāmasya bhogakāmasya bhogadaḥ/
rājyado rājyakāmasya dhanakāmasya bhūtidaḥ

yānyānprārthayate kāmānsarvānvai sādhakāya ca/
da(dā)tyuccāramātreṇa samyaktadbhāvitātmane

[devatādhyānam] 6-11
anādinidhanaṃ devaṃ jagatsraṣṭāramīśvaram/
dhyāyeccaturbhuja vipra śaṅkhacakragadādharam

caturvaktraṃ sunayanaṃ sukāntaṃ padmapāṇinaṃm/
vaikuṇṭhaṃ narasihmāsyaṃ vārāhaṃ kapilānanam

śuklaṃ khageśvarārūḍhaṃ sarvābhagṇabhūṣitam/
sarvalakṣaṇasaṃpannaṃ mālyāmbaradharaṃ vibhum

kirīṭakaustubhadharaṃ karpūrāliptavigraham/
sūryāyutasahasrābhaṃ sarvadevanamaskṛtam

[lakṣmyādīnāṃ bhagavadrūpe nityasānnidhyam] 6-12
lakṣmīḥ kīrttirjayā māyā devyastasyāśritāssadā/
svaśaktinicayopetā nirākārāstu niṣkalāḥ

sūryasya raśmayo yadvadūrmayaścāmbudheriva/
sarvaiśvaryaprabhāvena kamalā śrīpatestathā

nānāviśeṣalakṣmībhiḥ koṭisaṅkhyābhirāvṛtā/
kīrttistathāvidherdeva (naiva ) vidhinā vigrahe vibhoḥ

tannāsti yanna hi tayā vyāptaṃ sāmānyadehayā/
yasya yā ca yadā kīrtissvasāmaryyātprajāyate

sā sā vipra smṛtā sarvā viśeṣapratipattibhiḥ/
jayā jayeśvarasyaivaṃ vyāptimāvena saṃsthitā

yā kācidvidyate māyā jagatyasmin surādiṣu/
bhagavanmāyayodbhūtāṃ tāṃ viddhi paramāṃ tu vai

tadīyaṃ niṣkaḻaṃ rūpaṃ muktvā vai pāramārthikam/
ko'smiṃstattvodadhau cāsti caturdhā munisattama

bhagavacchaktibhissamyagābhiryogavibhāgataḥ/
svālokajñānasāmarthyātsākāratvamupāgatāḥ

[lakṣmyādīnāṃ dhyānaprakāraḥ] 6-13
dyātavyāssādhakendreṇa yasya strīśca(striyaścāsya )svasiddhaye/
ekavaktrā dvinetrāśca dvibhujāścārukuṇḍalāḥ

padmagarbhanibhāḥ kāntā mekhalādāmamaṇḍitāḥ/
śvetamālyāmbaradharā hārakeyūrabhūṣitāḥ

sarvalakṣaṇasaṃpannāḥ pīnonnatapayodharāḥ/
prabuddhotpalavistīrṇalocanāśca smitānanāḥ

caladdvirephapaṭalatulyairyuktāstathā'lakaiḥ/
lalāṭatilakaiścitrairvivivaiḥ parimaṇḍitāḥ

āraktādhararaktāśca vaṃśamuktāphaladvijāḥ/
ardhacandralalāṭāśca ślakṣmakuñcitamūrdhajāḥ

pāśāṅkuśadharā devya(1): sarvakāmārthasādhakāḥ/
pūrvādidigvibhāgasthāḥ kesarāreṣu nārada

(1. vyāḥ CL.)
baddhapadmāsanāścaiva devadevasya saṃmukhāḥ/
[lakṣmyādimantranirūpaṇopakramaḥ]
mantrāṃstāsāṃ pravakṣyāmi pūjārthaṃ vividhānatha

yaissamārāditāḥ śaśvadabhīṣṭaṃ sādhayanti ca/
mūlamantrāddvitīyaṃ yatkevalaṃ bījanāyakam

sāmānyaṃ hṛdayaṃ hyetatsarvāsāṃ parikīrttitam/
mūrttimantracatuṣkaṃ tu krameṇāsāṃ pṛthakśṛṇu

[lakṣmīmantraḥ] 6-14
praṇavaṃ coddharetpūrvaṃ hṛdbījaṃ tadanantaram/
dvirakṣare padaṃ lakṣmyai prāṅgamontaṃ niveśya ca

tataḥ paramaśabdaṃ tu tadante puruṣeśavram/
vargāntamāsvaropetaṃ vasthitāyai padaṃ nyaset

bhūyastaddhṛdayaṃ bījaṃ śrīṃ hrīṃ bījadvayaṃ tataḥ/
svāhāsamanvitaṃ vipra praṇavādyaṃ ca mantrarāṭ

mūrttimantrasametastu lakṣmyākhyo (2)dvidaśākṣaraḥ/
[kīrttimantraḥ] 6-15
hṛdbījaṃ praṇavādyaṃ tu padaṃ kīrttyai tato namaḥ

(2. dvā A.)
sadoditānandapadaṃ vigrahāyai padaṃ tvanu/
hīṃ klī svāhāsametastu prāksaṃkhyaṃ kīrtimantrarāṭ

[jayāmantraḥ] 6-16
hṛdbījaṃ praṇavopetaṃ jayāyai tryakṣaraṃ namaḥ/
svarādyaṃ(3) jitaśabdaśca dhāmā varṇadvayaṃ tataḥ

(3. tmā. A)
vasthitāyai padaṃ kṛtvā taddhṛdbījaṃ nyasetpunaḥ/
aśeṣabhuvanādhārāvasthitaṃ ca tṛtīyakam

vyomeśapañcabindussyātsvāhā tadanu nārada (vai padam)/
parṇadvidaśasaṃkhyaśca jayākhyau mantra uttamaḥ

prāgbījaṃ praṇavādyaṃ ca māyāyai ca tato namaḥ/
mohātītapadaṃ cātha nāntaṃ tadanu yojayet

dvitīyasvarasaṃyuktaṃ dakāraṃ tadanantaram/
śṛtāyai tryakṣaraśśabdau māyābījaṃ tato bhavet

pradhānamanalārūḍhaṃ caturthasvarabhūṣitam/
trailokyaiśvaryadenaiva yuktaṃ svāhāntamuddharet

māyāmantraśca pūrveṣāṃ varṇasaṃkhyāsamassmṛtaḥ/
[hṛdādyaṅgamantranirūpaṇam]
aṅgāni devadevasya kathayiṣyāmi tattvataḥ

sannaddhaḥ sādhako yaistu avadhyastridaśairapi/
sādhayetsarvakāryāṇi yānyāyussukhadāni ca

bhaktastadbhāvitātmā ca yadi mantrakriyāparaḥ/
[hṛnmantraḥ] 6-18
anantapūrvaṃ yadbījaṃ bindubhūṣitamuddharet

namo'ntaṃ praṇavādyaṃ tu hṛnmantraṃ viddi niṣkalam/
asyaiva mūrttimantro yastaṃ te vacmi yathāsthitam

praṇavo bindusaṃbhinnassūryassomo visargadhṛk/
śuciśabdaṃ tataḥ kuryādagnirūpamathoddharet

dakāravarṇaṃ tadanu praṇavenāpyalaṅkṛtam/
hṛdayāyā namaskuryāt hṛnmantro mūrtisaṃyutaḥ

saptādaśākṣaro vipra sarvasiddhipradāyakaḥ/
[śiromantraḥ] 6-19
dvitīyasvarasaṃyuktaṃ tadeva śirasi nyaset

evamuddhṛtya ca tatastasyādau praṇavaṃ nyaset/
praṇatiṃ cāvasāne tu mūrdhānaṃ viddhi niṣkalam

murttimantramatho vakṣye asyaivānucarastu yaḥ/
proddharetpadmanābhākhyaṃ kevalaṃ tādṛśaṃ tvanu

aśeṣabhuvanādhāraṃ phalaṃ tasyāvasānagam/
kālapāvakasaṃsthaṃ vai taṃ ca phāntaṃ dvijottama

athoddharetprāṇasaṃjña madanenopari sthitam/
śirase ca padaṃ paścātsvāhā śabdastadantagaḥ

trayodaśākṣaraṃ viddhi śiromantraṃ tu nārada/
[śikhāmantraḥ] 6-20
praṇavaṃ prathamaṃ dadyātsūryākhyaṃ tadanantaram

viṣṇunā'laṅkṛtaṃ mūrdhnā trailokyaiśvaryadena ca/
namaścāsyāvasāne vai śi khāmantraśca niṣkalaḥ

mūrttimantramathāsyaiva vacmi sarvārthasiddhidam/
padmanābhaśca(bhaṃ ca )rārūḍhaṃ(1) dakāraṃ śaṅkhamūrdhvagam

(1. ḍhaḥ S)
kuryāttamotadehena protaṃ yatnena nārada/
kevalastālalakṣmāto rāmopeto narastataḥ

śikhāyai vauṣaḍantaśca śikhāmantro hyayaṃ smṛtaḥ/
sārdhatrayodaśārṇaśca nānāsiddhiphalapradaḥ

[kavacamantraḥ] 6-21
natipraṇavamadye tu prāṇaṃ vyomavibhūṣitam/
pañcamasvarasaṃyuktaṃ kavacārṇaṃ(2) vinirdiśet

(2. ntaṃ A)
(3)kṛṣṇasya mūrttimantre tu bhuktimuktyarthasiddhidam/
proddharecchaṅkarākhyaṃ tu ānandenābhyalaṅkṛtam

(3. u Y)
varāhasthaṃ tamevātha vairājaṃ kevalaṃ tataḥ/
kevalaṃ puṇḍarīkaṃ tu kevalaṃ kālapāvakam

caturgatisamārūḍhaṃ vaikuṇṭhaṃ proddharettataḥ/
kavacāya padaṃ kuryāddhuṅkāreṇa vibhūṣitam

ubhayātmaiṣa uktastu manraḥ pañcadaśākṣaraḥ/
[netramantraḥ] 6-22
namontaḥ praṇavādyaśca prāṇo vyomavibhūṣitaḥ

(4)aukārasvarasaṃyukto netramantrastu niṣkalaḥ/
pavitramanalārūḍhaṃ kamalaṃ gopanāṅkitam

(4. āṃ. A)
kevalaṃ śaṅkaraścānte rārūḍhaṃ paścimānanam/
ajitaścāmṛtādhārassaṃsthitaṃ proddharettataḥ

dhareśaṃ kevalaṃ dadyānnetrāya tryakṣaraṃ padam/
tadante ca vauṣaṭ kuryānnetramantro hyayaṃ smṛtaḥ

tripañcavarṇasaṃkhyastu sārddhārṇo dvija siddhidaḥ/
[astramantraḥ] 6-23
namaḥ praṇavamadhyasthaḥ paramātmā hyanantaram

savisargaḥsa evāstraṃ(1) mūrttimantrasamanvitam/
dattāvakāśasaṃjñaṃ vai māyābhūṣitavigrahamr

(1. sra A.)
pavitraṃ sragdharārūḍhaṃ tadūrdhve codanaṃ nyaset/
madanaṃ(2) satyasaṃsthaṃ ca pavitraṃ tālalakṣmagam

(2. damanaṃ A.)
bhūyasta(3)manalastha ca kevalaṃ ca dhruvaṃ tataḥ/
tadante cāprameyaṃ tu somākhyaṃ coddharettataḥ

(3. stha. A)
vairājasthaṃ dvijaśreṣṭha so'pi cānalasaṃsthitaḥ/
gopanenāṅkayettaṃ vai piṇḍo'yaṃ caturakṣaraḥ

kevalaṃ ca tataḥ sūkṣmaṃ phaṭ‌kārapadabhūṣitam/
caturdaśasvaraṃ hyastramarddhākṣaramanvitamr

[pūrvaṃ caturvaktratayoktasya devasya nṛsihmādyāsyatrayamantrāḥ] 6-24
sthitā nṛsihmapūrveṣu tānvakṣyāmi samāsataḥ

sadehāśca pṛthagbhāge(4) sāṅgāssaparivārakāḥ/
devasya vaktramātreṇa dhyeyāḥ pūjyāśca yatnataḥ

(4. gyā CL.)
viśvāpyāyayutaṃ vipra praṇavaṃ pūrvamuddharet/
ajitañcānalasthaṃ ca odanena samanvitam

candriṇañcordhvataḥ kṛtvā vyāpanastasya copari/
proddharejjanmahantāraṃ tadadhassāmapāṭhakam

kuryāccānalasaṃsthaṃ ca rurjaṃ vai tadadhaḥ punaḥ/
ūrdhve(5) vyāpī tathā hyādai bhūdharaśca bhavetkramāt

(5. ūrdhvasyāpi A.)
piṇḍākṣaramidaṃ vipra dvitīyasya namontagam/
jvalanāyutaśabdaṃ ca dīptaye tryakṣaraṃ padam

nṛsihmāyeti ca padaṃ svāhā tadanu yojayet/
ūnaviṃśākṣaro mantro mūrtāmūrte nṛkesarī

pūjitassaṃsmṛto dhyātassañjaptaśca tato dvija/
nihanyātsāmayāndoṣāṃstathā bhūtagrahānapi

proddharetpraṇavañcādau sūryyākhyaṃ tadanantaram/
tameva lokeśagataṃ vyoma cāndrī(1) tadūrdhvataḥ

(1. ndraṃ A.)
rephabījamathādāya gharmāṃśuṃ tadadho nyaset/
tadadho hyanalaṃ bhūyaḥ prajñādhāropari sthitamra

auṣadhātmā'sya cordhve tu cāndrī vyāpī kramādbhavet/
asya piṇḍadvayasyānte namaskāraṃ niyojayet

[kapilamantraḥ] 6-25
anantabhāsāya padaṃ kapilāya tato bhavet/
svāhāsamanvitaṃ kuryānmantraṃ saptadaśākṣaram

atyugraṃ kapilaṃ nāmnā sarvadvandopaśāntidam/
prāyascittavidhau nityaṃ japtavyassiddhahetukaḥ

[varāhamantraḥ] 6-26
tathā'pavargaprāptyarthamacireṇa tu nārada/
prāgoṅkāramathādāya govindākhyamathoddharet

puruṣeśvaramasyātha otadehaṃ tadūrdhvagam/
tryailokyaiśvaryadopetaṃ ṭakārastasya copari

amṛtākhyaṃ varāhasthamūkāraṃ tadadho dvija/
okārāntaṃ tadūrdhve tu tryailokyaiśvaryadaṃ tataḥ

viśvāpyāyasamāyuktamasyānte vinyasennamaḥ/
kṛṣṇavarṇadvayaṃ dadyātpiṅgalāya padaṃ tataḥ

varāhāya padaṃ svāhā mantrassaptadaśākṣaraḥ/
śāntiśrīpuṣṭimārogyaṃ kuryādāpyāyanaṃ smṛtam

goptavyaścaiva japtavyo vārāho bhuktimuktidaḥ/
[atha kaustubhādimantraḥ] 6-27
kaustubhādyaṅkuśāntāṃśca mantrānsarvānyathā śṛṇu

yeṣāmanantavibhavaḥ śaśvadārādhanādbhavet/
[kaustubhamantraḥ]
kaustubho vyomasaṃbhinnaḥ paramātmā tato dvija

ūrdhvādho'nalasaṃbhinnaṃ kuryāttadanu nārada/
akāreṇāṅkitaṃ taṃ vai taṃ tamūrjena kārayet

tato vyomānvito nemī namaskṛtiranantaram/
prabhātmane padaṃ dadyātkaustubhāya padaṃ tataḥ

svāhānvitassapraṇavaḥ kaustubhasya prakīrttitaḥ/
ṣoḍaśārṇo mahāmantro nāsti tadyanna sādhayet

[mālāmantraḥ] 6-28
proddharetpraṇavānte tu dhareśaṃ tadadho nyaset/
tṛptisaṃjñaṃ ca tasyādho varuṇaṃ viniveśpa ca

māyāvyomānvitaḥ piṇḍo namaskārasamanvitaḥ/
sthalavarṇadvayaṃ dadyājjalodbhūtapadaṃ tataḥ

bhūṣite vanamāle svāhā sametaṃ padaṃ tataḥ/
ekānaviṃśavarṇastu mālāmantra udāhṛtaḥ

abhīṣṭasiddhido vipra nityamārādhakasya ca/
[padmamantraḥ] 6-29
praṇavasyāvasāne tu vāmanākhyaṃ niyojayet

somākyaṃ tadadho yojya uddāmopari saṃsthitaḥ/
tryailokyaiśvaryadopetaḥ piṇḍo natisamanvitaḥ

śrīnivāsapadaṃ dadyātpadmāya tadanantaram/
svāhānvitastu padmasya mantraḥ syāttridaśākṣaraḥ

prayacchatyatulāṃ bhūtiṃ bhaktānāmakṣayāṃ dvija/
[śaṃkhamantraḥ] 6-30
praṇavaṃ pūrvamādāya paramātmānamuddharet

bhedayedbhuvanāntena tryailokyaiśvaryadena tu/
namaskāraṃ kramaṃ kuryādetadevākṣaraṃ tridhā

mahāśaṅkhāya ca svāhā śaṅkhākhyastridaśākṣaraḥ/
mantraśthubhataraḥ prokto dhiyaṃ vidyāṃ prayacchati

[cakramantraḥ] 6-31
śāśvataḥ praṇavānte tu rārūḍhassi(1)ddhikṛdyutaḥ/
tādṛśaścāpi kamalaḥ praphullanayanastataḥ

(1. sṛṣṭi CL.)
kevalassyāttadante tu hlādassvaravivarjitaḥ/
paramātmānamuddhṛtya aṅkuśādyena saṃyutam

aurvāntenāṅkitaṃ mūrdhnā tadanteyojayennamaḥ
phaṭ‌kāratritayaṃ paścādviṣṇucakrāya vai padam

svāhārṇadvitayaṃ cānte cākraṃ saptadaśākṣaram/
ardhākṣaracatuṣkena yuktaṃ sarvamidaṃ jagat

[gadāmantraḥ] 6-32
uddharetpraṇavaṃ tvādau tadante ca gadādharam/
pradhānoparisaṃsthaṃ ca tadadhaḥ puruṣeśvaram

jagadyoniyutaṃ mūrdhnā vyomeśamupari nyaset/
tato jakāramādāya viṣṭaropari saṃsthitam

visargādyena saṃbhinnaṃ namaskāravibhūṣitam/
sahasrāśri(2)gade svāhā gadākhyastridaśākṣaraḥ

(2. śriṃ A.)
abhīṣṭado mahāmantro vighnajālakṣayaṃkaraḥ/
[garuḍamantraḥ] 6-33
praṇavaṃ pūrvamādāya ananteśamataḥ param

ūrdhvā'dhonalasaṃbhinnaṃ satyādyaṃ tadadho nyaset/
tryailaukyaiśvaryadā dānatrailokyaiśvaryadena ca

śirasā bhūṣitaṃ kuryādvedātmānamathoddharet/
so'pyananteśavatkāryassvaravyañjanabhūṣitaḥ

sṛṣṭikṛtsahitaṃ bhūyaḥ kūṭaṃ dadyānnamontagam/
padañcānte'nantagate svāhāntaṃ garuḍāya ca

saptadaśākṣaro mantraḥ kīrttito garuḍasya ca/
yasya saṃsmaraṇātsamyaksamastāpallayaṃ vrajet

[pāśamantraḥ] 6-34
ādāyādau tu vaikuṇṭhaṃ tasyārūḍhaṃ ca raṃ nyaset/
vyomānandasametaṃ ca kaḍhḍhakaḍhḍhapadaṃ tataḥ

dhārādharadvayopetaṃ varapāśāya vai padam/
svāhā caiva tu tasyānte kuryāt (1)saptadaśākṣaraḥ

(1. pañcadaśā C. L.)
sa tārako hyayaṃ mantraḥ pāśākhyaḥ kṣiprasiddhikṛt/
[aṅ‌kuśamantraḥ] 6-35
praṇavānte tataḥ kuryādvirāṭ‌saṃjñaṃ tadūrghvataḥ

vyomaviprānalopetaṃ kamalaṃ tadanantaramr/
ṛtadhāmoparisthaṃ ca vyoma tasyopari nyaset

padaṃ niśita(2)ghoṇāya aṅkuśāya padaṃ tataḥ/
svāhānvitastripañcārṇo mantrarāḍaṅkuśasya ca

(2. ko A.)
śīghrakarmakaraḥ prokto nitya(3)micchāntalakṣaṇaḥ/
[upāṅgapañcakanirūpaṇārambhaḥ] 6-36
upāṅgapañcakaṃ cātha satyādīnāṃ hi vācakamra

(3. vicchā Y.)
brahmasvarūpamamalaṃ vyāpakaṃ sarvasiddhidam/
samyak‌śṛṇuṣva devarṣe sarahasyaṃ vadāmi te

yadvinyāsātsādhakasya siddho vai yatra kutracit/
phalado mantramūrtissyādacirāttanmayasya ca

syāddeveśasamo mantrī tannyāsādvyāptibhāvanāt/
yāgāhutasya mantrasya śaktyaṅgādyāvṛtasya ca

samyaṅ‌nirodhasiddhrthaṃ yojanīyaṃ sadaiva hi/
tathātmanaḥ kṛte nyāse nyaste copāṅgapañcake

śaśvatsyāccittavṛttīnāṃ vikṣiptānāṃ ca saṃyamaḥ/
[satyādyupāṅgapañcakabījamantraḥ]
turyātītātmasaṃjño yo vargaḥ pañcārṇabhūṣitaḥ

vilomena suparṇādyaṃ sthāpayitvā niyojya ca/
ādyaṃ vai bhūdharākhyena ūrjasaṃjñena cāparam

lokeśena tṛtīyaṃ tu turyaṃ sākṣācca viṣṇunā/
pañcamaṃ tvādidevena vyāpī sarvatra mūrdhani

samastena dvijoṅkāre ekaikaṃ madhyataḥ kṣipet/
pañcakaṃ pañcasaṃjñasya bījabhūtamidaṃ smṛtam

saṃsthitaṃ tu paratvena etasmātprabhavanti te/
saukṣmyena(1) vyāpakatvena dhātṛtvena tu nārada

(1. śa CL.)
ekaikasminsamūhena pañcaite saṃvyavasthitāḥ/
praśāntahutabhugrūpāḥ paramantrasahoditāḥ

ādidevasya vai viṣṇoḥ satyākhyasya mahātmanaḥ/
mahāvibhavasaṃjñasya prathamo mantrarāṭ smṛtaḥ

vāsudevasya ca vibhordvitīyaḥ parikīrtitaḥ/
saṅkarṣaṇasya ca tato bījamuktaṃ tṛtīyakam

caturthaṃ vipraśārdūla pradyumnasya mahātmanaḥ/
upāṅgaṃ pañcamaṃ viddhi aniruddhātmano vibhoḥ

satyādyamaniruddhāntaṃ pavitraṃ mantrapañcakam/
upāṅgasaṃjñaṃ yo vetti sa satyaṃ vetti nānyathā

iti sūkṣmasvarūpasya vibhormantravarasya ca/
tryakṣarasya dvibījādyaṃ vyāpakasyāmalasya ca

mūrttimantrāditaḥ prokto mantrasaṃjño( gho ) yathākramam/
abhīpsitapradassamyagbhaktānāṃ bhāvitātmanām

atrāsakto bhava mune yajaitatpūjayasva ca/
vidhinā śāstradṛṣṭena vāñchitaṃ yatprayachati

nārada :---
[mūlamantrapūrvāvayavabhūtaniṣkalāṃśasya paramantratvopapādanam] 6-37
sthūlasūkṣmavibhāgena eṣa mantraḥ paro mayā/
jñātaḥ parasvarūpeṇa na jñātaḥ parameśvara

purā'syaiva parā mūrtirmāntrī saṃsūcitā tvayā/
samācakṣva samāsena yadi sānugraho'si me

[mantrasya parasvarūpanirūpaṇam]
śrībhagavān
mūrtimantraṃ vinā vipra yo mantraḥ prāgudīritaḥ/
prabhavādyo visargāntassudhāsandohavigrahaḥ

sarvadevamayaśthuddhassarvādhvātmā paraḥ prabhuḥ/
samastaśaktidehastu bhārūpassūkṣmarūpadhṛt

saṃsārārṇavamagnānāmicchayā sthūlatāṃ gataḥ/
adhiṣṭhitassa vibhunā pareṇālokarūpiṇā

susūkṣmeṇāvigraheṇa sadālokarasātmanā/
aṇīyāṃsamaṇorviddhi mantraśaktiḥ parā hi sā

upādhirahitaṃ śuddhaṃ matsāmīpyaphalapradam/
taccharīraṃ hi me mantraṃ paraṃ paraphalapradam

[parasūkṣmasthūlarūpeṇa satāṃ mantrāṇāṃ saṃvinmayāt sarvataḥ paratarātprādurbhāvanirūpaṇam] 6-38
nirvikāraśarīraṃ ca yāgākhyaṃ paramaṃ smṛtam/
turyātparaṃ padādasmāt jñeyākhyaṃ paramaṃ mama

grāhyagrāhakanirmuktaṃ saṃvidānandalakṣaṇam/
tanmayāstaṃ prapaśyanti viśuddhenāntarātmanā

yataḥ paraḥ prabhavati bhāḥ(1)śabdākhyasca mantrarāṭ/
yatra saptapadārthaṃ tu vijñātaṃ vyaktimeti ca

(1. śaktyā CL.)
yatra vai varṇarūpeṇa sarve lokāḥ pratiṣṭhitāḥ/
pradhānakāraṇānāṃ yaddvābyāṃ yatparatassthitam

[vyāpakamantranirūpaṇam] 6-39
mantrotpattikrameṇaiva yādṛksaṃsthaṃ tathā śṛṇu/
anukrameṇa saṃyojya sṛṣṭinyāyena nārada

saptakañcaiva varṇānāṃ saṃvibhaktivibhāvitam/
sūryasomāgnirūpaṃ tu pradhānapuruṣeśvaram

aśeṣabhuvanādhāraṃ tryailokyaiśvaryadāyakam/
eṣa varṇamayaḥ piṇḍaḥ paro me mantravigrahaḥ

bhāvagrāhyamanaupamyamaprakāśyamidaṃ mune/
prakāśito mayā te'dya jīvabhūto hi mantrarāṭ

samastamantracakrasya sāmarthyajanako hi yaḥ/
mantreṇa tena vidhinā otaprotavyavasthayā

adhiṣṭhito'pi bījo vai nirmalasphaṭiko yathā/
nirmalenāmbareṇaiva dṛśyādṛśyena vai tathā

vyāptāstenāpare mantrāstathaiva paribhāvitāḥ/
nārada :---
[avikārasya vyāpakasya parasya brahmaṇo mantradehatvānupapattyāśaṅkāpariharaṇam] 6-40
mantra(: )sṛṣṭikrameṇaiva yathāvannoditastvayā

tamādiśaṃsva yenādya kṛtakṛtyo bhavāmyaham/
yo'vikāraḥ paraśśuddhassthitassaṃvedanātpare

sa kathaṃ vyāpakaṃ brahma mantramūrttitvamāgataḥ/
[mantrasṛṣṭikamavivecanam]
śrībhagavān ---
tasyaikāṃ paramāṃ śaktiṃ viddhi taddharmacāriṇīmr

yayopacaryate vipra sṛṣṭikṛtparameśvaraḥ/
bṛhmito yadbṛhatvena nityānandoditastathā

sarvadā nityaśuddho yastasyaitannopapadyate/
śaktyātmakassa bhagavānsarvaśaktyupabṛṃhitaḥ

agnīṣomātmaketaṃ me (katvena ) tulyakālaṃ hi mūrcchati/
prakāśastu bhavetsūrya āhlādassoma ucyate

dvayorantargatā saṃvittābhyāmastodayāvapi/
pumānsa eva cinmūrttiragnīṣomamayo dvija

yadagnirūpaṃ traiguṇyaṃ taṃcca vidyāmayaṃ tu vai/
cidātmā śalabho yadvattamadhiṣṭhāya tiṣṭhati

tataḥ pradhānikīṃ bhūmiṃ tatrastho gamayetprabhuḥ/
puruṣeśvaratāṃ yāti kṣmātattve'dhiṣṭhite sati

mameti vāsanāviddhastejasā paripūrayet/
tattvabṛndaṃ ca sakalaṃ trailokyaiśvaryatāṃ vrajet

taijasādabhimānāttu tatastasmānnivartate/
svāṃ sthitiṃ samavāpnoti parāvasthāsthitiṃ punaḥ

gamayetsthūlarūpaṃ vā sūkṣmaṃ vā śaktiveṣṭitam/
dvayametatsamāśritya lokānugrahakṛdbhavet

saṃprayacchati mokṣaṃ ca bhogaṃ rājyādikaṃ tu vā/
yattasmāttadupāsyo vai sthūlasūkṣmobhayātmakaḥ

[sthūlasūkṣmobhayātmakasya tryakṣarasya paramantrasya prabhāvavarṇanam] 6-41
tryakṣaraḥ paramo mantrastena saṃdīkṣayetkramāt/
bhavābdhipatitānbhaktānapareṇa tu ( )karhicit

dīkṣitaḥ pāśamukto vai tyaktasarvaparigrahaḥ/
piṇḍapātābhilāṣī vā yogaikagatamānasaḥ

bhaktaḥ paro yojanīyassarvo nirvāṇabhāgatha/
tatsthaḥ paraṃ padaṃ yāti sthūlasūkṣmobhayena tat

vyaktimetyacirādvipra bhavināṃ bhāvitātmanāmr/
upalabdho tu satyāṃ vai saṃyuktaṃ caiva viṣṇunā

japamānastu yo dhyāyetpañcasthānavinirgatam/
sṛṣṭikrameṇa tasyāśu sidhyate manasepsitam

vigrahāduditaṃ vā'tha vyāptisattāsamanvitamr/
yatpadādavatīrṇaṃ ca tadākramya punarbahiḥ

vartate vigrahaṃ tyaktvā saṃsmṛto mokṣamṛcchati/
daśyādvāyorgatipathādvyāpārācca krameṇa tu

saṃhṛtya hṛdayātsarvaṃ sthānā(1)nyūrdhve tathaiva ca/
tatsevāmṛtasaṃbhinnānnityābhyāsācca nārada

(1. d.)
syātsthiratvaṃ śarīrasya bhogamokṣabalaṃ tathā/
tasmādasya sadā pūjā dhyānajapyamayī bhavet

nopacāramayī kāryo puṣpadhūpādikairbahiḥ/
yatassakaladehasya pūjanaṃ vihitaṃ mune

bhāvanā niṣkaḻākhyasya naitadasti dvayojjhite/
yadasyāvikṛtaṃ rūpaṃ tadanena tvadhiṣṭhitam

bhāvyodayena yogena so'sya vai janako yataḥ/
asmātsiṃhmādivaccānyadevameva vibhāvayet

pṛthagyāge samaste vā nirvighnaphalasiddhaye/
brahmaprāttau tathā bhoge dīkṣādye karmasaṃgrahe

etadīyaṃ hi sāmarthyaṃ mantrasya tryakṣarasya tu/
boddhavyassa tridhaivātmā guṇatrayamayastathā

sadā vipra trilokātmā trivedātmā sa ucyate/
tretāgniṃ taṃ vijānīyātkarma vāṅmanase asau

manobuddhirahaṅkāro buddhikarmākṣabhūtavān/
somasūryāgnirūpeṇa tridhā so'pi (1)trayo'kṣaraḥ (rāḥ )

(1. tryakṣaraḥ A.)
prakṛtiḥ puruṣaścaiva tṛtīyaśceśvaraśca saḥ/
sa ca nāḍītrayaṃ dehe sthānatrayasamanvitam

evamevāsya mantrasya vaiśvarūpyaṃ ca nārada/
vyāpakatvaṃ ca yo vetti tatsatyaṃ vetti nānyathā

iti mantragaṇo mukhyassarvopaplavaśāntikṛt/
prakāśito yathā tathyaṃ nākhyeyo yasya kasyacit

iti śrīpāñcarātre jayākhyasaṃhitāyāṃ mukhyamantroddhāro nāma ṣaṣṭhaḥ paṭalaḥ/
* * * * *