Jataka Parijata · Chapter p10

daśānusāreṇa phalaṃ vadanti munīśvarā jātaśubhāśubhaṃ yat /
sāraṃ samudradhṛtya tathaiva vakṣye bhedaṃ yathāvistarato daśāyām

balānusāreṇa yathā hi yogo yogānusareṇa daśābhupaiti /
daśāphalaḥ sarvaphalaṃ narāṇāṃ varṇānusareṇa yathā vibhāgaḥ

atha viṃśottarī mahādaśā /
ādityacandrakujarāhusureśamantrimandajñaketubhṛgujā nava kṛtikādyāḥ /
teno nayaḥ sinadayātaṭaghanyasevyasenānarā dinakarādidaśābdasaṅkhyāḥ

atha daśāpateḥ śubhāśubhasvam /
ārohavīryādhikabhāvatulyabinvādhikāḥ karmabhavodayayāḥ /
tungādīvargopagatā labhogāḥ ṣaḍvīryavantaśca śubhapradāḥ syuḥ

māndirāśipatimāndibhāvagāḥ svalpabiduripunīcamūḍhagāḥ /
pāpakheṭayutabhāvasandhigā rāśisandhilavagāstvaniṣṭakāḥ

daśāpatirlagnagato yadi syāt triṃṣaḍdaśaikādaśagaśca lagnāt /
tasaptavargo'piatha tat suhṛdā lagne śubho vā śubhadā daśā syāt

daśādināthasya suhṛdgṛhasthataduccago vā'th daśādhināyāt /
smaratrikoṇopacayopagaśca dadati candraḥ khalu satphalāni

ukteṣu rāśīsū gatasya vighoḥ sa bhāvaḥ syājjanmakālabhavamūrtighanādibhāvaḥ /
tattatpravṛddhikṛdasau kethito narāṇāṃ tadrāvahānikṛdayetararāśisaṃsthaḥ

daśāpraveśe svagṛhadisaṃsthe himadyutau yatphalamuktamāiḥ /
tadvācyaminduhi śubhāśubhāścya phalam manorūpatayā dadāti

utpāditaṃ hi dyucarasya pūrva śubhādikaṃ kaṣṭaphalaṃ hi yattat /
tenānusareṇa daāsu kalpyaṃ śarīrabhājāmaśubhaṃ śubhaṃ vā

iṣṭotkaṭatve hi śubhāni puṃsāṃ phalānyaniṣṭānyaśubhotkaṭatve /
sāmye tu miśrāṇi phalāni nṛnaṃ sarvatra caivaṃ parikalpanīyam

saṃjñādhyāye yasya yaddravyamuktaṃ karmājīvo yasya yaścopadiṣṭaḥ /
bhāvasthānalokayogodbhavaṃ ca tattatsarva tasya yojyaṃ daśāyām

śubhaphaladaśāyaṃ tāddagevāntarātmā bahu janayati puṃsāṃ saukhyamarthāgamaṃ ca /
karyataphalavipāikastarkayerdvatamānāṃ pariṇamati phaloktiḥ svapracintāsvavīryaiḥ

pākasvāminī lagnage suhṛdi vā varge'sya vā saumye'pi vā
prārabdhā śubhadā daśā tridaśaṣaḍlābheṣu vā pākape /
mītricopacayatrikoṇamadane pākeśvarasya sthita-
candraḥ satphalaṣodhanāṇī kurute pāpāni cāto'nyathā

lagnādiṣṭagṛhopagaḥ svabhavane tuṅge suhṛdbhe'thavā
pākeśaḥ śubhamitravīkṣaṇayutastatpākabhuktau śubham /
kendre vā yadi koṇago'tīśubhadā pāpāstrīṣaṣṭhāyagā-
stuṅgāyopacayeṣu ye balayuvaāsteṣāṃ daśāyāṃ śubhaṃ

anyonyamiṣṭaprahayordaśāyāṃ bhuktau śubhaṃ ṣaḍbalaśālinoratu /
śatruprahau durbalaśālinau cet pākāpahāre tu tayoranarthaḥ

karoti yabhāvagataḥ svapāke tadbhāvajanyaṃ tvaśubhaṃ śubhaṃ vā /
śubhaṃ śubhavyomacarasya dāye pāpasya dāye svaśubhaṃ vadanti

samyānvitaprahadaśā'tiśubhapradā syāt pāpānvitasya viphalaṃ paripākakāle /
miśrapraheṇa sahitasya daśāpahare miśraṃ phalaṃ bhavati miśrabalānvitasya

yadbhātukheṭasya daśāpahāre tadbhātuvittāyatibhāhurāryaḥ /
dhātukṣayaṃ pāpaviyacarasya pāke'bhivṛddhiṃ śubhadasya dhātoḥ

sapannakheṭopagatasya pāke sapannavṛddhiṃ sakalārthanāśam /
yatkarmakartṛprahapākakāle tatkrmasiddhi pravadanti santaḥ

yatkāryakāridyucarasya daye tatkaryasiddhiṃ pravadennarāṇām /
śubhagraho'sau yadi karyasiddhiṃ pāpastu tatkāryavināśaneva

rājyasthānaparājyakārakadaśā rājaprasādapradā
devavyomacarasya pākasamaye taddevatārādhanam /
dharmādhīśadaśāgate lati tapodharmādisidhiṃ vadet
karmeśasya daśāpākasamaye yajñadikarmotsavam

sattvādigrahapākabhuktisamaye tattadguṇo jāyate
janmarkṣādinavarkṣaggrhadaśā kurvīta bhūtaṃ phalam /
karmarkṣādinavarkṣagasya balinaḥ pāke bhaviṣyatphalaṃ
cādhānādigatasya sarvamaphalaṃ pāke phalaṃ vā vadet

śīrṣodayagataḥ kheṭaḥ pākādau phalado bhavet /
pṛṣṭhodayasthaḥ pākānte cobhayodayagaḥ sadā

ṣaṣṭheśasya daśā vilāpakaraṇī mṛtyuvināśaprabho-
rastavyomacarasya bandhumaraṇaṃ pāke'pahāre'thavā /
sampatsādhakamaitrapāḥ paramamaitrakṣematārādhipā-
veteṣāmapahārabhuktisamaye sampatsamṛdhiṃ vadet

trimaṇḍaleṣvathaikasmin pāpastiṣṭhati durbalaḥ /
tadraśāyāṃ mṛtiṃ viḍyāt sasaumyo yadi śobhanam

rāśisandhigadāye tu śokarogādipīḍanam /
triṃśadbhāgamanukrāntadaśā mṛtyuphalapradā

nīcasthito janmani yo grahaḥ syāt sa cāpi tadyuktakhago na śaktaḥ /
dātuṃ śubhaṃ rāhuyutastvaniṣṭaṃ tatkṣetragastadyutarāśipaśca

tattadbhāvādhīścarasyādhiśatruryo vā kheṭo binduśūnyarkṣayuktaḥ /
tattatpāke mūrtibhāvādikānāṃ nāśaṃ brūyādevamāddurmunīndrāḥ

bādhāsthānapatadyutagrahadaśā śokādirogapradā
tatkendrasthadaśāpahārasamaye uḥkhaṃ videśāṭanam /
anyonyāṣṭamaṣaṣṭhagadyucarayoḥ pākāpahāre bhayaṃ
deśatyāgamanarthamiṣṭaśubhayoḥ sarvaṃ vimiśraṃ vadet

pāke dīptasya rājā bhavati dhanayaśodānavidyāvinodī
svasthasyācāradharmaśravaṇabahusukhārogyavittānvitaḥ syāt /
rājaprītiṃ vibhūtiṃ sukhamiha muditavyomavāsasya dāye
śāntasyārogyasaukhyaśriyamavārnapatiprītimutsāhameti

pāke śaktasya vidyānivayadhanatapaḥsiddhidharmapravṛtti-
ścorārātikṣitīśairbhayamanujamṛtiḥ pīḍitasya grahasya /
dāye dīnasya dainyaṃ vikalakhagadaśā śokarogapradā syāt
cittakleśaḥ khalasya pratidinamaribhirbhītakheṭasya bhītiḥ

vilagnatārendubhanāmatārāpraśnendunakṣatragaṇeṣu madhye /
balādhilarkṣeśadaśākrameṇa phalaṃ śubhaṃ vā'śubhamāhurāryāḥ

utapannanakṣatravilagnato vā bhūyāt krameṇaiva daśāphalāni /
daśāvasāneṣvaśubhaṃ ca sarve kurvanti sāmānyaphalaṃ narāṇām

janmarkṣātparatastu pañcamabhavā'thotpannasaṃjñā daśā
syādādhānadaśā'pyathāṣṭamabhavāt kṣemānmahākhyā daśā /
āsāṃ caiva daśāvasānasamaye mṛtyuṃ vadetprāṇitāṃ
dīrghasvalpasamāyuṣāṃ vadhāvipatpratyag-daśāsu kramāt

atha niryāṇadaśā /
jāto'hni cedarkasanisphuṭaikyatārādineryāṇadaśā prakalpyā /
tāreśarāhusphuṭayogatārāpūrvā daśāriṣṭakarā rajanyām

atha gulikadaśā
gulikasthitanakṣatrādaśā tasya prakalpitā /
tadyuktabhavanāṃśeśau sahakārī ca mṛtyudāḥ

atha śūladaśā /
dineśāvinaśukrau ca rājārau kārakāḥ smṛtāḥ /
kārakasya triśūlarkṣe yadā carati yā daśā

tatkāralasthittagṛhādiṣu sarvabheṣu cakrapramāṇadalavatsarasaṃyuteṣu /
vīryānviteṣu śubhadṛṣṭiyuteṣu saukhyaṃ nīcāripāpayutabheṣu vadantyaniṣṭam

atha mahādaśaviśeṣaḥ /
yattārāṃśagataḥ śaśī tadadhipenālokito vā yuta-
steṣāṃ cakradaśā viśeṣaphaladā vakṣayāmi tacakrajam
dehe pāpayute tu rogamādhikaṃ jīve tu jīvabhramaṃ
dadyādyanayoḥ sahābalayutirmṛtyuṃ daśāyāṃ nṛṇām

athāntardaśāviśeṣaphalam /
pāpo vilagnagṛhago yadi taddaśāyaṃ pāpāpahatasamaye bahuśokarogam /
vittakṣayaṃ nṛsapatnabhayaṃ narāṇaṃ saumyasya miśramakhilaṃ pravadanti santaḥ

lagnādhipadśākāle mandabhuktau dhanakṣayam /
iṣṭabandhuvirodhaśca bhaviśyati na saṃśayaḥ

dhanādhipaḥ pāpakhago(pāpasvago)yadi syācchanyārabhogīśadineṣvarāṇām /
antardaśāyāṃ dhananāśamāhuḥ pāpānvite tadbhavane tathaiva

dhanānvitaḥ pāpakhagastadīśaḥ syāttadaśāyāṃ kṣitipālakopāt /
mānārthanāśaṃ nigalaṃ narāṇāṃ sthānacyutiṃ mitravirodhameti

pāpagrahe vikramabhāvanāthe pāpaviyaccarāṇām /
antardaśāyāmariśatrucorairduḥkhaṃ samāyāti śubhānvite vā

duścikyahbhāvādhipadāyakāle mandārabhogidhvajabhānubhuktau /
nāśaṃ vadettatra sahodarāṇāṃ bhavedviśeṣātsahajairvirodhaḥ

kṣetrādhināthasya śubhetarasya pāke tu pāpagrahabhuktikāle /
sthānacyutiṃ banhujanairvirodhaṃ kṛṣyādigovittavināśamāhuḥ

pāpāpahārasamaye sutarāśipasya pāke nṛpālabhayamiṣtasutārtimāhuḥ /
saumyāpahārasamaye sutavittalābhamurviśabandhujanalālanamiṣṭasiddhim

ṣaṣṭheśapākasamaye tu śubhetarāṇāṃ bhuktau nṛpānalabhayaṃ vyasanaṃ ca rogam /
pāke kalatragṛhapasya khalāpahare palīvināśamaṭanaṃ ca vido vadanti

randhrasvāmidaśāgame ripubhayaṃ pāpāpahare nṛṇā-
bhāyurvittayaśovināśamaṭanaṃ sthānacyutiṃ vā vadet /
pāke dharmagṛhādhipasya bharaṇaṃ pitroradharmāyatiṃ
bhuktau pāpaviyacarasya nigalaprāptiṃ ca vittakṣayam

karmeśasya khalasya pākasamaye bhuktau yadā pāpīnā-
miṣṭātiṃ padavicyutiṃ sukhayaśohāniṃ ca vittakṣayam //
mandārārkaphaṇiśabhuktisamaye lābheśadāye sukhaṃ
kṛṣyādipravināyanaṃ nṛpabhayaṃ vittasya nāśaṃ viduḥ

vyayeśadāye ravimandabhaumabhuktau kalatrātmajabandhuvairam /
balakṣayaṃ mānadhanakṣayaṃ ca phaṇīśabhuktau viṣabhītimāhuḥ

anyonyaṣaṣṭhāṣtamapākabhuktau padacyutiṃ vā maranaṃ narāṇām /
ekasthayorantaradāyakāle mṛtyuṃ vaded durbalaśālinostu

krūragrahadaśākale krūrasyāntardaśāgame /
maraṇaṃ tasya jātasya bhaviśyati na saṃśayaḥ

krūrarāśigatāḥ pāpāḥ śatrukheṭanirīkṣitāḥ /
śatrukhecarasaṃyuktāstadaśāyāṃ mṛtirbhavet

daśādhipasya yaḥ śatrustasya bhuktyantarāntare /
mṛtyukālo bhavennūnaṃ pāpakheṭasya nīścayaḥ

svocādijanyamaśubhasya daśāpraveśe bhāvādijaṃ phalamaśobhanapākamadhye /
iṣṭayudbhavaṃ sakalapāpaviyacarāṇāṃ pākāvasānasabhaye phalamāhurāryāḥ

pākasyādau bhāvajanyaṃ śubhānāṃ tattadrāśisthānajaṃ pākamadhye /
dāyasyānte dṛṣṭasajātamevaṃ sarve tārāpākabhedaṃ vadanti

athāntardaśāphalāṇi /
atha taraṇidaśāyāṃ cauryamucāṭanādyairdhanamanalacatuṣpātpīḍanaṃ netratāpam /
udaradaśanarogaḥ putradārairviyogo gurujanapitṛnāśo bhṛtyagovittahāniḥ

daśā daśāhatā māsāśvaikasthānaṃ vinā pare /
ekasthānaṃ triguṇitaṃ dinānyantardaśākramaḥ

atha ravidāśāyāṃantardaśāphalāni /
dvijabhūpatiśāstrādyairdhanaprāptiṃ manorujam /
videśavanasaṅcāraṃ bhānorantargate svau

bandhumitrajanairarthaṃ pramādaṃ mitrasajjanaiḥ /
pāṇḍurogādisantāpaṃ candre bhānudaśāntare

ratnakāṅcanavittāptiṃ rājasnehaṃ śubhāvaham /
paityarogādisaṅcāraṃ kuje bhānudaśāntare

akāle mṛtyusantāpaṃ bandhugargāripīḍanam /
padacyutiṃ manoduḥkhaṃ raverantargate'pyahau

sarvapūjyaṃ sutādvittaṃ devabrāhmaṇapūjanam /
satkarmācārasadroṣṭī raverantargate gurau

sarvaśatrutvamālasyaṃ hīnavṛttiṃ bhanorujam /
rājacorabhayaprāptiṃ raverantargate śanau

bandhupīḍāṃ manoduḥkhaṃ sannossāhaṃ dhanakṣayam /
kiṅcitsukhamavānoti raverantargate budhe

kaṇṭharogaṃ manastāpaṃ netrarogamathāpi vā /
akālamṛtyumāpnoti raverantargate dhvaje

jale dravyāptimāyāsaṃ kustrījananiṣevaṇam /
śuṣkasaṃvādamāpnoti raverantargate bhṛgau

daśādau dinanāthasya pitṛrogaṃ dhanakṣayam /
sarvavādhādharaṃ madhye daśānte sukhamāpnuyāt

svocce nīcanavāṃśagasya taraṇerdaye'pavādaṃ bhayaṃ
putrastrīpitṛvargabandhumaraṇaṃ kṛṣyādivittakṣayam /
nīce tuṅganavāṃśagasya ca raveḥ pāke nṛpālaśruyaṃ
saukhyaṃ yāti daśāvasānasamaye vittakṣayaṃ vā mṛtim

atha candradaśāphalam /
himakiraṇadaśāyāṃ mantradivadvijāptiryuvatijanavibhūtiḥ strīdhanakṣetrasiddhiḥ /
kusumavasanabhūṣāganānādhanāḍhyo bhavati balavirodhe cārthahā vātarogī

atha candradaśāyāmantardaśāphalāni /
vidyāstrīgītavādyeṣvabhiratiśamanaṃ paṭuvastrādisiddhiṃ
satsaṅgaṃ dehasaukhyaṃ nṛpasacivacamūnāyakaiḥ pūjyamānam
satkīrtiṃ tīrthayātrāṃ vitarati himaguḥ putrāmitraiḥ priyaṃ ca /
kṣoṇīgovājilābhaṃ bahujanavibhavaṃ sve daśāntarvipāke

rogaṃ virodhabuddhi ca sthānanāśaṃ dhanakṣayam /
mitrabhrātṛvaśāt kleśaṃ candrasyāntargate kuje // ७४/
ripurogabhayāt kleśaṃ bandhunāśaṃ dhanakṣayavam /
na kiñcitsukhamāpnoti rāhau candradaśāntare

yānādivividhārthāptiṃ vastrābharaṇasampadaḥ /
yatnāt kāryamavāpnoti jīve candradaśāntare

mātṛpīḍā manoduḥkhaṃ vātapaittyādipīḍanam /
stabdhavāgarisaṃvādaṃ śanau candradaśāntare

mātṛvargāddhanaprāptiṃ vidvajjanasamāśrayam /
vastrabhūṣaṇasaprāptiṃ budhe candradaśāntare

strīrogaṃ bandhunāśaṃ ca kukṣirogādipīḍanam /
dravyanāśamavāpnoti ketau candradaśāntare

strīdhana kṛṣipaśvādijalavastrāgamaṃ sukham /
mātṛrogabhavāpnoti bhṛgau candradaśāntare

nṛpaprāyakamaiścvaryaṃ vyādhināśaṃ ripukṣayam /
saukhyaṃ śubhamavāpnoti ravau candradaśāntare

ādau bhāvaphalaṃ madhye rāśisthānaphalaṃ viduḥ /
pākāvasānasamaye cāṅgajaṃ dṛṣtijaṃ phalam

atha kujadaśāphalam /
pāke bhūmisutasya śastrahutabhūvāhanādyairghanaṃ
bhaiṣajyānnapaṅcanaiśca vividhaiḥ krauryairdhanasthānagamam /
pittāsṛgjvarapīḍanaṃ tu satataṃ nīcāṅganāsevanaṃ
vidveṣaṃ sutadārabandhugurubhirduṣṭānnabhogaṃ viduḥ

atha kujadaśāyāmantardaśāphalāni /
uṣṇādhikyaṃ suhṛddveṣaṃ mātṛpīḍāṃ nṛpādbhayam /
sarvakāryarthanāśaṃ ca kuje kujadaśāntare

nṛpacorādibhītiñca dhanadhānyā danāśanam /
duṣṭakarmādisaṃsiddhi rāhau kujadaśāntare

dvijamūlāddhanapāptiṃ bhūlābhaṃ ca nirāmayam /
sampūjanañjayaṃ saukhyaṃ gurau kujadaśāntare

bahuduḥkhākaravyādhimaricoranṛpairbhayam /
dhanakṣayamavāpnoti śanau bhaumadaśāntare

vaiśyavargāddhanaprāptiṃ gṛhagodhānyasampadaḥ /
śatrubādhāṃ manakleśaṃ budhe kujadaśāntare

kukṣirogeṇa santāpaṃ bandhusodarapīḍanam /
duṣṭamānaṣaśatrutvaṃ ketau kujadaśāntare

kalatrabhūṣaṇaṃ vastraṃ bandhuvargāddhanāgamam /
strījandveṣyatadroṣṭhī śukre baumadaśāntare

apavādaṃ gurudveṣaṃ kalahaṃ vyādhipīḍanam /
ātmavargānmanoduḥkhaṃ ravau bhaumadaśāntare

nāmāvittasukhaṃ vastramuktāmaṇivibhūṣaṇam /
nidrālasyamathodvegaṃ candre bhaumadaśāntare

bhūnandanasya pākādau mānahānirdhanakṣayaḥ /
madhye nṛpāgnicoradyairbhītiścānte tatha bhavet

uccasthitasya dharaṇītanayasya pāke nīcāṃśagasya maraṇaṃ sutasodarāṇām /
nīce tu tuṅgabhavanāṃśagatasya dāye kṛṣyādibhidhanadhānyasukhaṃ vadanti

rāhudaśāphalam /
saukhyādivittasthitināśanaṃ ca kalatraputrādiviyogaduḥkham /
atīva rogaṃ paradeśavāsaṃ vivādabuddhi kurute phaṇiśaḥ

atha rāhudaśāyāmantardaśāphalāni /
jāyārogaṃ vivādaṃ ca buddhināśaṃ dhanakṣayam /
dūradeśāṭanaṃ duḥkhaṃ rāhau rāhudaśāntare

vyādhiśatruvināśaṃ ca rājaprītiṃ dhanāgamam /
putralābhaṃ tathotsāhaṃ gurau rāhudaśāntare

vātapittakṛtaṃ rogaṃ bandhumitrādipīḍanam /
dūradeśanivāsaṃ ca śanau rāhudaśāntare

mitrabandhukalatrādisaṃyogaṃ ca dhanāgamam /
rājaprītibhavāpnoti budhe rāhudaśāntare

cauryaṃ ca mānahāni ca putranāśaṃ paśukṣayam /
sarvopadravabhāpnoti ketau rāhudaśāntare

videśādvāhanaprāpniśchātracāmarasampadaḥ /
rogāribandhubhītiḥ syāt śukre rāhudaśāntare

dānadharmaratiḥ prītiḥ sarvopadravanāśanam /
saṃsārarogasaṅcāro ravau rāhudaśāntare

bhogasampadbhavennityaṃ sasyavṛddhidharnāgamaḥ /
svabandhujanasaṃvādaścandre rāhudaśāntare

sarvopadravasaṃyogaḥ sarvakāryeṣu mūḍhatā /
vittavismṛtidoṣaḥ syāt kuje rāhudaśāntare

kulīragomeṣayutasya rāhordaśāvipāke dhanadhānyalābham /
vidyāvinodaṃ nṛpamānanaṃ ca kalatranṛtyādisukhaṃ vadanti

pāthonamīnāśvayutasya rāhirdaśāvipake sutadāralābham /
deśādhipatyaṃ naravāhanaṃ ca daśāvasāne sakalaṃ vināśam

mṛgapativṛṣakanyākarkaṭasthasya rāhorrbhavati ca paripāke rājatulyo nṛpo vā /
gajaturagacamūpaḥ sarvajīvopakārī bahudhanasukhaśīlaḥ putradārānuraktaḥ

daśādau duḥkhamāpnoti daśāmdhye mahatsukham /
dśānte phaṇināthasya pitṛnāśaṃ padacyutim

atha gurudaśāphalam /
sthānaprāptiṃ vittayānāmbarāptiṃ rājasnehaṃ cittaśuddhi vibhūktim /
jñānācāraṃ putradārādilābhaṃ devācāryaḥ sve vipāke karoti

atha gurudaśāyāmantardaśāphalāni /
nṛpaprīti tathotsāhaṃ sarvakāryārthasādhanam /
vidyāvijñānamāpnoti gurau gurudaśāntare

dveṣabuddhiṃ manastāpaṃ putramūlāddhanavyayam /
karmanāśabhavāpnoti śanau jīvadaśāntare

vaiśyavargeṇa vittāptiṃ rājasnehaṃ sukhāvaham /
satkarmācarasiddhiṃ ca budhe jīvadaśāntare

muktāpravālabhūṣāptistīrthayātrā dhanāyatiḥ /
gurubhūpavaśādāptiḥ ketau jīvadaśāntare

vāhanādidhanaprāptiḥ chatracāmaravaibhavam /
strīpīḍā janavidveṣo bhṛgau jīvadaśāntare

śatrunāśaṃ jayaṃ saukhyaṃ cittotsāhaṃ dhanāgamam /
rājaprasādamārogyaṃ ravau jīvadaśāntare

strīkṛtotsāhamaiścarya rājaprītiḥ sukhāvaham /
divyavastravibhūṣāptiṃ candre jīvadaśāntare

karmanāśaṃ ca saṅcāraṃ jvaratāpaṃ mahadbhayam /
vananāśaṃ nirutsāhaṃ kuje jīvadaśāntare

sarvakleśabhayaṃ rogaṃ sarvopadravakāraṇam /
dhanacchedabhavāpnoti rāhau jīvadaśāntare

nīcāṃśopagataḥ svatuṅgabhavane jīvasya pāke bhayaṃ
corārātinṛpaiḥ kalatratanayadveṣaṃ karotyaśriyam /
nīce tuṅganavāṃśako yadi mahārājaprasādaṃ sukhaṃ
vidyābuddhiyaśodhanādivibhavaṃ deśādhipatyaṃ tu vā

atha śanidaśāphalam /
śanerdaśāyāmajagardabhoṣdravṛddhāṅganāpakṣikudhānyalābham /
kṣeṇīpuragrāmajanādhikārāddhanaṃ vadennicakulādhipatyam

atha śanerdaśāyāmantardaśāphalāni /
kleśādibhirvyādhinipīḍanaṃ ca mārsaryamānairbahuśokatāpam /
bhūpālacorairdhanadhānyanāśaṃ karoti mandaḥ svadaśāpahāre

ravitanayadaśāyāṃ svāpahāre virodhaṃ narapati janakipaṃ preṣyavṛddhāṅganāptim /
paśugaṇaviṣabhītiṃ putradārādipīḍāṃ jvarapavanakaphātiṃ śūlarogaṃ vadanti

sukhavittayaśovṛddhiṃ satkarmācārasampadaḥ /
kṛṣivāṇijyamāpnoti budhe mandadaśāntare

vātapittakṛtaṃ rogaṃ kalahaṃ nīcadurjanaiḥ /
duḥsvapnabhayamāpnoti ketau mandadśāntare

bandhusnehaṃ janaprītiṃ jāyāvittadhanāyatim /
kṛṣyādisukhamāpnoti bhṛgau mandadaśāntare

putradāravināśaṃ c nṛpacorādipīḍanam /
manobhayamavāpnoti bhānau mandadaśāntare

gurustrīmaraṇaṃ duḥkhaṃ bandhudveṣaṃ dhanāgamam /
vātarogamavāpnoti candre mandadaśāntare

sthānacyutiṃ mahārogaṃ nānāvighamanobhayam /
sahodarasuhṛtpīḍāṃ bhaume mandadśāntare

srvāṅgarogasantāpaṃ corārinṛpapīḍanam /
dhanacchedamavāpnoti rāhau mandadaśāntare

devabhūdevabhaktiṃ ca rājaprītiṃ mahatsukham /
sthānalābhamavāpnoti gurau mandadaśāntare

svocce nīcanavāṃśago ravisutaḥ kurvīta saukhyaṃ phalaṃ
pākādau tu daśāvasānasamaye kaṣṭaṃ phalaṃ prāṇinām /
tuṅgāṃśopagate svanīcabhavane pākāvasāne sukhaṃ
dāyādau ripucorabhītimadhikaṃ duḥkhaṃ videśāṭanam

atha budhadaśāphalam /
svakīyadāye gurubandhumitrairarthārjanaṃ kīrtisukhaṃ karoti /
daityaṃ ca satkarmahiraṇyapuṇyairdhanāyatiṃ vātarujaṃ kumāraḥ

atha budhadaśāyāmantardaśāphalāni /
vicitragṛhavittāptiṃ rājaprītiṃ mahatsukham /
sarvakāryārthasaṃsiddhiṃ buddhe saumyadaśāntare

bandhupīḍāṃ manastāpaṃ saukhyahānimarerbhayam /
kāryanāśabhavāpnoti ketau saumyadaśāntare

gurudevāgnivipreṣu dānaṃ dharmapriyaṃ tapaḥ /
dhanavastravibhūṣāptiṃ śukre saumyadaśāntare

vastrabhūṣaṇavittāptiṃ rājaprītiṃ mahatsukham /
dharmaśravaṇamāpnoti ravau budhadaśāntare

rogārātijanadveṣaṃ sarvakāryārthanāśanam /
catuṣpādbhayamāpnoti candre saumyadaśāntare

rogārebhayanāśaṃ ca puṇyakarmaphalaṃ yaśaḥ /
rājaprītimavāpnoti kuje saumyadaśāntare

mitrabandhudhanaprāpnoti sukhavidyāvibhuṣaṇam /
rājaprītimavāpnoti rāhau saumyadaśāntare

iṣṭabandhugurudveṣaṃ dhanalābhaṃ sutāyatim /
rogādibhayamāpnoti gurau suamyadaśāntare

dharmasatkarmavittāptiṃ sukhamalpajanādhipaiḥ
kṛṣyādināśamāpnoti śanau saumyadaśāntare

uccarāśigataḥ saumyo nīcāṃśakasamanvitaḥ /
karoti karmavaikalyaṃ nijadāye ca vardhanam

nīcasthānagataścāndristuṅgāṃśakasamanvitaḥ /
pākādau viphalaṃ sarvaṃ śubhamante prayacchati

atha ketudaśāphalam /
dīno nare bhavati buddhivivekanaṣṭo
nānā'mayākulavivarjddhitadehatāpaḥ /
pāpādivṛddhiratikaṣṭacaritrayuktaḥ
kiṅcitsukhī ca śikhinaḥ paripākakāle

atha ketudaśāyāmantardaśāphalāni /
kalatraputramaraṇaṃ sukhavittavināśanam /
ripubhītimabāpnoti ketau ketudaśāntare

strīputrarogakalahaṃ bandhumitrādināśanam /
svarātisāramāpnoti śukre ketudaśāntare

manobhaṅgaṃ śarīrarti videśagamanaṃ bhayam /
sarvakāryavirodhaṃ ca ravau ketudaśāntare

dāraputrajanālasyaṃ dhānadhānyavināśanam /
manstāpamavāpnoti candre ketudaśāntare

putradārānujadveṣaṃ rogārinṛpapīḍanam /
bandhunāśamavāpnoti kuje ketudaśāntare

rājacorabhayaṃ duḥkhaṃ sarvakāryavināśanam /
duṣṭamānavasaṃvādaṃ rāhau ketudaśāntare

devadvijaguruprītiṃ rājasnehaṃ nirāmyam /
bhūputralābhamāpnoti gurau ketudaśāntare

manobhayaṃ manastāpaṃ svabandhujanavigraham /
deśatyāgamavāpnoti śanau ketudaśāntare

bandhumitrādisaṃyogaṃ putradāradhanāgamam /
vidyāsukhamavāpnoti budhe ketudaśāntare

śubhagrahayutaḥ ketuḥ svadaśāyāṃ sukhapradaḥ /
yadi śobhanasandṛṣtaḥ karoti vipulaṃ dhanam

sapāpaḥ kurute ketuḥ svapāke duṣṭamānavaiḥ /
bhītiṃ kṛtimarogādhyairvyasanaṃ dhananāśanam

daśādau gurubandhvārti daśāmadhye dhanāyatim /
daśānte sukhamāpnoti ketordayaphalaṃ tridhā

atha śukradaśāphalam /
strīputravittāptimatīva saukhyaṃ yugandhamālyāmbarabhūṣaṇāptim /
yānādibhāgyaṃ narapālatulyaṃ yaśaḥ svapāke bhṛgujaḥ karoti

atha śukradaśāyāmantardaśāphalāni /
śavyāstrīdhanavastrāptiṃ dharmādisukhasampadaḥ /
ripunāśaṃ yaśolābhaṃ śukre śukradaśāntare

murdhodarākṣirāgaṃ ca kṛṣigovittanāśanam /
nṛpakrodhamavāpnoti ravau śukradaśāntare

śīrṣoṣṇarogasantāpaṃ kāmādiripupīḍanam /
kiṅcir sukhamavāpnoti candre śukradaśāntare

pittāsṛgakṣirogaṃ ca cittotsāhaṃ dhanāgamam /
dāramūlābhamāpnoti kuje śukradaśāntare

nīlavastudhanaprāpnoti bandhudveṣaṃ suhṛdbhayam /
agnibādhāmavāpnoti rahau śukradaśāntare

dhanavastravibhūṣāptiṃ dharmacāraṃ sukhāvaham /
strīsutārti ca vaiṣamya gurau śukradaśāntare

vṛddhastrījanasambhogaṃ gṛhakṣetradhanāgamam /
śatrunāśamavāpnoti mande śukradaśāntare

sutamitrasukhārthāpti nṛpaprītiṃ mahatsukham /
subhamārejyamāpnoti budhe śukradaśāntare

kalahaṃ bandhunāśaṃ ca śatrupīḍāṃ manobhayam /
dhanacchedamavāpnoti ketau śukradaśāntare

uccarāśiṃ gataḥ śukro nīcāṃśakasamanvitaḥ /
svapāke dhannanāśaṃ ca kurvīta padavicyutim

bhārgavo nīcarāśisthaḥ svoccāṃśakasamanvitaḥ /
svadāye kṛṣivāṇijyaṃ dhanalābhaṃ pryacchati

daśāphale viśeṣatā /
samyagbalinaḥ svatuṅgabhāge sampūrṇā balavarjitasya riktā /
nīcāmśagatasya śatrubhago jñeyā'niṣṭaphalā daśā prasūtau

tattadbhāvārthalāmeśadaśāsvantardaśāsu ca /
tattadbhāvavināśaḥ syāt tadyuteitakārakaiḥ

trikoṇadhanalābhasthā balino yadi śobhanāḥ /
svadaśāntardaśākāle kurvanti vipulkaṃ sukham

asṭādaśādhyāyini sarvahorāsamuddhṛte jātakaparijāte /
rāśisvarūpādi daśāphalāntaṃ proktaṃ mayā bhānumukhaprasādāt

iti śrīnavgrahakṛpayā vaidyanāthaviracite jātakapārijāte'ṣṭādaśo'dhyāyaḥ