જાતકપારિજાતઃ · અધ્યાય p10

દશાનુસારેણ ફલં વદન્તિ મુનીશ્વરા જાતશુભાશુભં યત્ ।
સારં સમુદ્રધૃત્ય તથૈવ વક્ષ્યે ભેદં યથાવિસ્તરતો દશાયામ્

બલાનુસારેણ યથા હિ યોગો યોગાનુસરેણ દશાભુપૈતિ ।
દશાફલઃ સર્વફલં નરાણાં વર્ણાનુસરેણ યથા વિભાગઃ

અથ વિંશોત્તરી મહાદશા ।
આદિત્યચન્દ્રકુજરાહુસુરેશમન્ત્રિમન્દજ્ઞકેતુભૃગુજા નવ કૃતિકાદ્યાઃ ।
તેનો નયઃ સિનદયાતટઘન્યસેવ્યસેનાનરા દિનકરાદિદશાબ્દસઙ્ખ્યાઃ

અથ દશાપતેઃ શુભાશુભસ્વમ્ ।
આરોહવીર્યાધિકભાવતુલ્યબિન્વાધિકાઃ કર્મભવોદયયાઃ ।
તુન્ગાદીવર્ગોપગતા લભોગાઃ ષડ્વીર્યવન્તશ્ચ શુભપ્રદાઃ સ્યુઃ

માન્દિરાશિપતિમાન્દિભાવગાઃ સ્વલ્પબિદુરિપુનીચમૂઢગાઃ ।
પાપખેટયુતભાવસન્ધિગા રાશિસન્ધિલવગાસ્ત્વનિષ્ટકાઃ

દશાપતિર્લગ્નગતો યદિ સ્યાત્ ત્રિંષડ્દશૈકાદશગશ્ચ લગ્નાત્ ।
તસપ્તવર્ગોઽપિઅથ તત્ સુહૃદા લગ્ને શુભો વા શુભદા દશા સ્યાત્

દશાદિનાથસ્ય સુહૃદ્ગૃહસ્થતદુચ્ચગો વાઽથ્ દશાધિનાયાત્ ।
સ્મરત્રિકોણોપચયોપગશ્ચ દદતિ ચન્દ્રઃ ખલુ સત્ફલાનિ

ઉક્તેષુ રાશીસૂ ગતસ્ય વિઘોઃ સ ભાવઃ સ્યાજ્જન્મકાલભવમૂર્તિઘનાદિભાવઃ ।
તત્તત્પ્રવૃદ્ધિકૃદસૌ કેથિતો નરાણાં તદ્રાવહાનિકૃદયેતરરાશિસંસ્થઃ

દશાપ્રવેશે સ્વગૃહદિસંસ્થે હિમદ્યુતૌ યત્ફલમુક્તમાઇઃ ।
તદ્વાચ્યમિન્દુહિ શુભાશુભાશ્ચ્ય ફલમ્ મનોરૂપતયા દદાતિ

ઉત્પાદિતં હિ દ્યુચરસ્ય પૂર્વ શુભાદિકં કષ્ટફલં હિ યત્તત્ ।
તેનાનુસરેણ દઆસુ કલ્પ્યં શરીરભાજામશુભં શુભં વા

ઇષ્ટોત્કટત્વે હિ શુભાનિ પુંસાં ફલાન્યનિષ્ટાન્યશુભોત્કટત્વે ।
સામ્યે તુ મિશ્રાણિ ફલાનિ નૃનં સર્વત્ર ચૈવં પરિકલ્પનીયમ્

સંજ્ઞાધ્યાયે યસ્ય યદ્દ્રવ્યમુક્તં કર્માજીવો યસ્ય યશ્ચોપદિષ્ટઃ ।
ભાવસ્થાનલોકયોગોદ્ભવં ચ તત્તત્સર્વ તસ્ય યોજ્યં દશાયામ્

શુભફલદશાયં તાદ્દગેવાન્તરાત્મા બહુ જનયતિ પુંસાં સૌખ્યમર્થાગમં ચ ।
કર્યતફલવિપાઇકસ્તર્કયેર્દ્વતમાનાં પરિણમતિ ફલોક્તિઃ સ્વપ્રચિન્તાસ્વવીર્યૈઃ

પાકસ્વામિની લગ્નગે સુહૃદિ વા વર્ગેઽસ્ય વા સૌમ્યેઽપિ વા
પ્રારબ્ધા શુભદા દશા ત્રિદશષડ્લાભેષુ વા પાકપે ।
મીત્રિચોપચયત્રિકોણમદને પાકેશ્વરસ્ય સ્થિત-
ચન્દ્રઃ સત્ફલષોધનાણી કુરુતે પાપાનિ ચાતોઽન્યથા

લગ્નાદિષ્ટગૃહોપગઃ સ્વભવને તુઙ્ગે સુહૃદ્ભેઽથવા
પાકેશઃ શુભમિત્રવીક્ષણયુતસ્તત્પાકભુક્તૌ શુભમ્ ।
કેન્દ્રે વા યદિ કોણગોઽતીશુભદા પાપાસ્ત્રીષષ્ઠાયગા-
સ્તુઙ્ગાયોપચયેષુ યે બલયુવઆસ્તેષાં દશાયાં શુભં

અન્યોન્યમિષ્ટપ્રહયોર્દશાયાં ભુક્તૌ શુભં ષડ્બલશાલિનોરતુ ।
શત્રુપ્રહૌ દુર્બલશાલિનૌ ચેત્ પાકાપહારે તુ તયોરનર્થઃ

કરોતિ યભાવગતઃ સ્વપાકે તદ્ભાવજન્યં ત્વશુભં શુભં વા ।
શુભં શુભવ્યોમચરસ્ય દાયે પાપસ્ય દાયે સ્વશુભં વદન્તિ

સમ્યાન્વિતપ્રહદશાઽતિશુભપ્રદા સ્યાત્ પાપાન્વિતસ્ય વિફલં પરિપાકકાલે ।
મિશ્રપ્રહેણ સહિતસ્ય દશાપહરે મિશ્રં ફલં ભવતિ મિશ્રબલાન્વિતસ્ય

યદ્ભાતુખેટસ્ય દશાપહારે તદ્ભાતુવિત્તાયતિભાહુરાર્યઃ ।
ધાતુક્ષયં પાપવિયચરસ્ય પાકેઽભિવૃદ્ધિં શુભદસ્ય ધાતોઃ

સપન્નખેટોપગતસ્ય પાકે સપન્નવૃદ્ધિં સકલાર્થનાશમ્ ।
યત્કર્મકર્તૃપ્રહપાકકાલે તત્ક્ર્મસિદ્ધિ પ્રવદન્તિ સન્તઃ

યત્કાર્યકારિદ્યુચરસ્ય દયે તત્કર્યસિદ્ધિં પ્રવદેન્નરાણામ્ ।
શુભગ્રહોઽસૌ યદિ કર્યસિદ્ધિં પાપસ્તુ તત્કાર્યવિનાશનેવ

રાજ્યસ્થાનપરાજ્યકારકદશા રાજપ્રસાદપ્રદા
દેવવ્યોમચરસ્ય પાકસમયે તદ્દેવતારાધનમ્ ।
ધર્માધીશદશાગતે લતિ તપોધર્માદિસિધિં વદેત્
કર્મેશસ્ય દશાપાકસમયે યજ્ઞદિકર્મોત્સવમ્

સત્ત્વાદિગ્રહપાકભુક્તિસમયે તત્તદ્ગુણો જાયતે
જન્મર્ક્ષાદિનવર્ક્ષગ્ગ્ર્હદશા કુર્વીત ભૂતં ફલમ્ ।
કર્મર્ક્ષાદિનવર્ક્ષગસ્ય બલિનઃ પાકે ભવિષ્યત્ફલં
ચાધાનાદિગતસ્ય સર્વમફલં પાકે ફલં વા વદેત્

શીર્ષોદયગતઃ ખેટઃ પાકાદૌ ફલદો ભવેત્ ।
પૃષ્ઠોદયસ્થઃ પાકાન્તે ચોભયોદયગઃ સદા

ષષ્ઠેશસ્ય દશા વિલાપકરણી મૃત્યુવિનાશપ્રભો-
રસ્તવ્યોમચરસ્ય બન્ધુમરણં પાકેઽપહારેઽથવા ।
સમ્પત્સાધકમૈત્રપાઃ પરમમૈત્રક્ષેમતારાધિપા-
વેતેષામપહારભુક્તિસમયે સમ્પત્સમૃધિં વદેત્

ત્રિમણ્ડલેષ્વથૈકસ્મિન્ પાપસ્તિષ્ઠતિ દુર્બલઃ ।
તદ્રશાયાં મૃતિં વિડ્યાત્ સસૌમ્યો યદિ શોભનમ્

રાશિસન્ધિગદાયે તુ શોકરોગાદિપીડનમ્ ।
ત્રિંશદ્ભાગમનુક્રાન્તદશા મૃત્યુફલપ્રદા

નીચસ્થિતો જન્મનિ યો ગ્રહઃ સ્યાત્ સ ચાપિ તદ્યુક્તખગો ન શક્તઃ ।
દાતું શુભં રાહુયુતસ્ત્વનિષ્ટં તત્ક્ષેત્રગસ્તદ્યુતરાશિપશ્ચ

તત્તદ્ભાવાધીશ્ચરસ્યાધિશત્રુર્યો વા ખેટો બિન્દુશૂન્યર્ક્ષયુક્તઃ ।
તત્તત્પાકે મૂર્તિભાવાદિકાનાં નાશં બ્રૂયાદેવમાદ્દુર્મુનીન્દ્રાઃ

બાધાસ્થાનપતદ્યુતગ્રહદશા શોકાદિરોગપ્રદા
તત્કેન્દ્રસ્થદશાપહારસમયે ઉઃખં વિદેશાટનમ્ ।
અન્યોન્યાષ્ટમષષ્ઠગદ્યુચરયોઃ પાકાપહારે ભયં
દેશત્યાગમનર્થમિષ્ટશુભયોઃ સર્વં વિમિશ્રં વદેત્

પાકે દીપ્તસ્ય રાજા ભવતિ ધનયશોદાનવિદ્યાવિનોદી
સ્વસ્થસ્યાચારધર્મશ્રવણબહુસુખારોગ્યવિત્તાન્વિતઃ સ્યાત્ ।
રાજપ્રીતિં વિભૂતિં સુખમિહ મુદિતવ્યોમવાસસ્ય દાયે
શાન્તસ્યારોગ્યસૌખ્યશ્રિયમવાર્નપતિપ્રીતિમુત્સાહમેતિ

પાકે શક્તસ્ય વિદ્યાનિવયધનતપઃસિદ્ધિધર્મપ્રવૃત્તિ-
શ્ચોરારાતિક્ષિતીશૈર્ભયમનુજમૃતિઃ પીડિતસ્ય ગ્રહસ્ય ।
દાયે દીનસ્ય દૈન્યં વિકલખગદશા શોકરોગપ્રદા સ્યાત્
ચિત્તક્લેશઃ ખલસ્ય પ્રતિદિનમરિભિર્ભીતખેટસ્ય ભીતિઃ

વિલગ્નતારેન્દુભનામતારાપ્રશ્નેન્દુનક્ષત્રગણેષુ મધ્યે ।
બલાધિલર્ક્ષેશદશાક્રમેણ ફલં શુભં વાઽશુભમાહુરાર્યાઃ

ઉતપન્નનક્ષત્રવિલગ્નતો વા ભૂયાત્ ક્રમેણૈવ દશાફલાનિ ।
દશાવસાનેષ્વશુભં ચ સર્વે કુર્વન્તિ સામાન્યફલં નરાણામ્

જન્મર્ક્ષાત્પરતસ્તુ પઞ્ચમભવાઽથોત્પન્નસંજ્ઞા દશા
સ્યાદાધાનદશાઽપ્યથાષ્ટમભવાત્ ક્ષેમાન્મહાખ્યા દશા ।
આસાં ચૈવ દશાવસાનસમયે મૃત્યું વદેત્પ્રાણિતાં
દીર્ઘસ્વલ્પસમાયુષાં વધાવિપત્પ્રત્યગ્-દશાસુ ક્રમાત્

અથ નિર્યાણદશા ।
જાતોઽહ્નિ ચેદર્કસનિસ્ફુટૈક્યતારાદિનેર્યાણદશા પ્રકલ્પ્યા ।
તારેશરાહુસ્ફુટયોગતારાપૂર્વા દશારિષ્ટકરા રજન્યામ્

અથ ગુલિકદશા
ગુલિકસ્થિતનક્ષત્રાદશા તસ્ય પ્રકલ્પિતા ।
તદ્યુક્તભવનાંશેશૌ સહકારી ચ મૃત્યુદાઃ

અથ શૂલદશા ।
દિનેશાવિનશુક્રૌ ચ રાજારૌ કારકાઃ સ્મૃતાઃ ।
કારકસ્ય ત્રિશૂલર્ક્ષે યદા ચરતિ યા દશા

તત્કારલસ્થિત્તગૃહાદિષુ સર્વભેષુ ચક્રપ્રમાણદલવત્સરસંયુતેષુ ।
વીર્યાન્વિતેષુ શુભદૃષ્ટિયુતેષુ સૌખ્યં નીચારિપાપયુતભેષુ વદન્ત્યનિષ્ટમ્

અથ મહાદશવિશેષઃ ।
યત્તારાંશગતઃ શશી તદધિપેનાલોકિતો વા યુત-
સ્તેષાં ચક્રદશા વિશેષફલદા વક્ષયામિ તચક્રજમ્
દેહે પાપયુતે તુ રોગમાધિકં જીવે તુ જીવભ્રમં
દદ્યાદ્યનયોઃ સહાબલયુતિર્મૃત્યું દશાયાં નૃણામ્

અથાન્તર્દશાવિશેષફલમ્ ।
પાપો વિલગ્નગૃહગો યદિ તદ્દશાયં પાપાપહતસમયે બહુશોકરોગમ્ ।
વિત્તક્ષયં નૃસપત્નભયં નરાણં સૌમ્યસ્ય મિશ્રમખિલં પ્રવદન્તિ સન્તઃ

લગ્નાધિપદ્શાકાલે મન્દભુક્તૌ ધનક્ષયમ્ ।
ઇષ્ટબન્ધુવિરોધશ્ચ ભવિશ્યતિ ન સંશયઃ

ધનાધિપઃ પાપખગો(પાપસ્વગો)યદિ સ્યાચ્છન્યારભોગીશદિનેષ્વરાણામ્ ।
અન્તર્દશાયાં ધનનાશમાહુઃ પાપાન્વિતે તદ્ભવને તથૈવ

ધનાન્વિતઃ પાપખગસ્તદીશઃ સ્યાત્તદશાયાં ક્ષિતિપાલકોપાત્ ।
માનાર્થનાશં નિગલં નરાણાં સ્થાનચ્યુતિં મિત્રવિરોધમેતિ

પાપગ્રહે વિક્રમભાવનાથે પાપવિયચ્ચરાણામ્ ।
અન્તર્દશાયામરિશત્રુચોરૈર્દુઃખં સમાયાતિ શુભાન્વિતે વા

દુશ્ચિક્યહ્ભાવાધિપદાયકાલે મન્દારભોગિધ્વજભાનુભુક્તૌ ।
નાશં વદેત્તત્ર સહોદરાણાં ભવેદ્વિશેષાત્સહજૈર્વિરોધઃ

ક્ષેત્રાધિનાથસ્ય શુભેતરસ્ય પાકે તુ પાપગ્રહભુક્તિકાલે ।
સ્થાનચ્યુતિં બન્હુજનૈર્વિરોધં કૃષ્યાદિગોવિત્તવિનાશમાહુઃ

પાપાપહારસમયે સુતરાશિપસ્ય પાકે નૃપાલભયમિષ્તસુતાર્તિમાહુઃ ।
સૌમ્યાપહારસમયે સુતવિત્તલાભમુર્વિશબન્ધુજનલાલનમિષ્ટસિદ્ધિમ્

ષષ્ઠેશપાકસમયે તુ શુભેતરાણાં ભુક્તૌ નૃપાનલભયં વ્યસનં ચ રોગમ્ ।
પાકે કલત્રગૃહપસ્ય ખલાપહરે પલીવિનાશમટનં ચ વિદો વદન્તિ

રન્ધ્રસ્વામિદશાગમે રિપુભયં પાપાપહરે નૃણા-
ભાયુર્વિત્તયશોવિનાશમટનં સ્થાનચ્યુતિં વા વદેત્ ।
પાકે ધર્મગૃહાધિપસ્ય ભરણં પિત્રોરધર્માયતિં
ભુક્તૌ પાપવિયચરસ્ય નિગલપ્રાપ્તિં ચ વિત્તક્ષયમ્

કર્મેશસ્ય ખલસ્ય પાકસમયે ભુક્તૌ યદા પાપીના-
મિષ્ટાતિં પદવિચ્યુતિં સુખયશોહાનિં ચ વિત્તક્ષયમ્ ॥
મન્દારાર્કફણિશભુક્તિસમયે લાભેશદાયે સુખં
કૃષ્યાદિપ્રવિનાયનં નૃપભયં વિત્તસ્ય નાશં વિદુઃ

વ્યયેશદાયે રવિમન્દભૌમભુક્તૌ કલત્રાત્મજબન્ધુવૈરમ્ ।
બલક્ષયં માનધનક્ષયં ચ ફણીશભુક્તૌ વિષભીતિમાહુઃ

અન્યોન્યષષ્ઠાષ્તમપાકભુક્તૌ પદચ્યુતિં વા મરનં નરાણામ્ ।
એકસ્થયોરન્તરદાયકાલે મૃત્યું વદેદ્ દુર્બલશાલિનોસ્તુ

ક્રૂરગ્રહદશાકલે ક્રૂરસ્યાન્તર્દશાગમે ।
મરણં તસ્ય જાતસ્ય ભવિશ્યતિ ન સંશયઃ

ક્રૂરરાશિગતાઃ પાપાઃ શત્રુખેટનિરીક્ષિતાઃ ।
શત્રુખેચરસંયુક્તાસ્તદશાયાં મૃતિર્ભવેત્

દશાધિપસ્ય યઃ શત્રુસ્તસ્ય ભુક્ત્યન્તરાન્તરે ।
મૃત્યુકાલો ભવેન્નૂનં પાપખેટસ્ય નીશ્ચયઃ

સ્વોચાદિજન્યમશુભસ્ય દશાપ્રવેશે ભાવાદિજં ફલમશોભનપાકમધ્યે ।
ઇષ્ટયુદ્ભવં સકલપાપવિયચરાણાં પાકાવસાનસભયે ફલમાહુરાર્યાઃ

પાકસ્યાદૌ ભાવજન્યં શુભાનાં તત્તદ્રાશિસ્થાનજં પાકમધ્યે ।
દાયસ્યાન્તે દૃષ્ટસજાતમેવં સર્વે તારાપાકભેદં વદન્તિ

અથાન્તર્દશાફલાણિ ।
અથ તરણિદશાયાં ચૌર્યમુચાટનાદ્યૈર્ધનમનલચતુષ્પાત્પીડનં નેત્રતાપમ્ ।
ઉદરદશનરોગઃ પુત્રદારૈર્વિયોગો ગુરુજનપિતૃનાશો ભૃત્યગોવિત્તહાનિઃ

દશા દશાહતા માસાશ્વૈકસ્થાનં વિના પરે ।
એકસ્થાનં ત્રિગુણિતં દિનાન્યન્તર્દશાક્રમઃ

અથ રવિદાશાયાંઅન્તર્દશાફલાનિ ।
દ્વિજભૂપતિશાસ્ત્રાદ્યૈર્ધનપ્રાપ્તિં મનોરુજમ્ ।
વિદેશવનસઙ્ચારં ભાનોરન્તર્ગતે સ્વૌ

બન્ધુમિત્રજનૈરર્થં પ્રમાદં મિત્રસજ્જનૈઃ ।
પાણ્ડુરોગાદિસન્તાપં ચન્દ્રે ભાનુદશાન્તરે

રત્નકાઙ્ચનવિત્તાપ્તિં રાજસ્નેહં શુભાવહમ્ ।
પૈત્યરોગાદિસઙ્ચારં કુજે ભાનુદશાન્તરે

અકાલે મૃત્યુસન્તાપં બન્ધુગર્ગારિપીડનમ્ ।
પદચ્યુતિં મનોદુઃખં રવેરન્તર્ગતેઽપ્યહૌ

સર્વપૂજ્યં સુતાદ્વિત્તં દેવબ્રાહ્મણપૂજનમ્ ।
સત્કર્માચારસદ્રોષ્ટી રવેરન્તર્ગતે ગુરૌ

સર્વશત્રુત્વમાલસ્યં હીનવૃત્તિં ભનોરુજમ્ ।
રાજચોરભયપ્રાપ્તિં રવેરન્તર્ગતે શનૌ

બન્ધુપીડાં મનોદુઃખં સન્નોસ્સાહં ધનક્ષયમ્ ।
કિઙ્ચિત્સુખમવાનોતિ રવેરન્તર્ગતે બુધે

કણ્ઠરોગં મનસ્તાપં નેત્રરોગમથાપિ વા ।
અકાલમૃત્યુમાપ્નોતિ રવેરન્તર્ગતે ધ્વજે

જલે દ્રવ્યાપ્તિમાયાસં કુસ્ત્રીજનનિષેવણમ્ ।
શુષ્કસંવાદમાપ્નોતિ રવેરન્તર્ગતે ભૃગૌ

દશાદૌ દિનનાથસ્ય પિતૃરોગં ધનક્ષયમ્ ।
સર્વવાધાધરં મધ્યે દશાન્તે સુખમાપ્નુયાત્

સ્વોચ્ચે નીચનવાંશગસ્ય તરણેર્દયેઽપવાદં ભયં
પુત્રસ્ત્રીપિતૃવર્ગબન્ધુમરણં કૃષ્યાદિવિત્તક્ષયમ્ ।
નીચે તુઙ્ગનવાંશગસ્ય ચ રવેઃ પાકે નૃપાલશ્રુયં
સૌખ્યં યાતિ દશાવસાનસમયે વિત્તક્ષયં વા મૃતિમ્

અથ ચન્દ્રદશાફલમ્ ।
હિમકિરણદશાયાં મન્ત્રદિવદ્વિજાપ્તિર્યુવતિજનવિભૂતિઃ સ્ત્રીધનક્ષેત્રસિદ્ધિઃ ।
કુસુમવસનભૂષાગનાનાધનાઢ્યો ભવતિ બલવિરોધે ચાર્થહા વાતરોગી

અથ ચન્દ્રદશાયામન્તર્દશાફલાનિ ।
વિદ્યાસ્ત્રીગીતવાદ્યેષ્વભિરતિશમનં પટુવસ્ત્રાદિસિદ્ધિં
સત્સઙ્ગં દેહસૌખ્યં નૃપસચિવચમૂનાયકૈઃ પૂજ્યમાનમ્
સત્કીર્તિં તીર્થયાત્રાં વિતરતિ હિમગુઃ પુત્રામિત્રૈઃ પ્રિયં ચ ।
ક્ષોણીગોવાજિલાભં બહુજનવિભવં સ્વે દશાન્તર્વિપાકે

રોગં વિરોધબુદ્ધિ ચ સ્થાનનાશં ધનક્ષયમ્ ।
મિત્રભ્રાતૃવશાત્ ક્લેશં ચન્દ્રસ્યાન્તર્ગતે કુજે ॥ ૭૪।
રિપુરોગભયાત્ ક્લેશં બન્ધુનાશં ધનક્ષયવમ્ ।
ન કિઞ્ચિત્સુખમાપ્નોતિ રાહૌ ચન્દ્રદશાન્તરે

યાનાદિવિવિધાર્થાપ્તિં વસ્ત્રાભરણસમ્પદઃ ।
યત્નાત્ કાર્યમવાપ્નોતિ જીવે ચન્દ્રદશાન્તરે

માતૃપીડા મનોદુઃખં વાતપૈત્ત્યાદિપીડનમ્ ।
સ્તબ્ધવાગરિસંવાદં શનૌ ચન્દ્રદશાન્તરે

માતૃવર્ગાદ્ધનપ્રાપ્તિં વિદ્વજ્જનસમાશ્રયમ્ ।
વસ્ત્રભૂષણસપ્રાપ્તિં બુધે ચન્દ્રદશાન્તરે

સ્ત્રીરોગં બન્ધુનાશં ચ કુક્ષિરોગાદિપીડનમ્ ।
દ્રવ્યનાશમવાપ્નોતિ કેતૌ ચન્દ્રદશાન્તરે

સ્ત્રીધન કૃષિપશ્વાદિજલવસ્ત્રાગમં સુખમ્ ।
માતૃરોગભવાપ્નોતિ ભૃગૌ ચન્દ્રદશાન્તરે

નૃપપ્રાયકમૈશ્ચ્વર્યં વ્યાધિનાશં રિપુક્ષયમ્ ।
સૌખ્યં શુભમવાપ્નોતિ રવૌ ચન્દ્રદશાન્તરે

આદૌ ભાવફલં મધ્યે રાશિસ્થાનફલં વિદુઃ ।
પાકાવસાનસમયે ચાઙ્ગજં દૃષ્તિજં ફલમ્

અથ કુજદશાફલમ્ ।
પાકે ભૂમિસુતસ્ય શસ્ત્રહુતભૂવાહનાદ્યૈર્ઘનં
ભૈષજ્યાન્નપઙ્ચનૈશ્ચ વિવિધૈઃ ક્રૌર્યૈર્ધનસ્થાનગમમ્ ।
પિત્તાસૃગ્જ્વરપીડનં તુ સતતં નીચાઙ્ગનાસેવનં
વિદ્વેષં સુતદારબન્ધુગુરુભિર્દુષ્ટાન્નભોગં વિદુઃ

અથ કુજદશાયામન્તર્દશાફલાનિ ।
ઉષ્ણાધિક્યં સુહૃદ્દ્વેષં માતૃપીડાં નૃપાદ્ભયમ્ ।
સર્વકાર્યર્થનાશં ચ કુજે કુજદશાન્તરે

નૃપચોરાદિભીતિઞ્ચ ધનધાન્યા દનાશનમ્ ।
દુષ્ટકર્માદિસંસિદ્ધિ રાહૌ કુજદશાન્તરે

દ્વિજમૂલાદ્ધનપાપ્તિં ભૂલાભં ચ નિરામયમ્ ।
સમ્પૂજનઞ્જયં સૌખ્યં ગુરૌ કુજદશાન્તરે

બહુદુઃખાકરવ્યાધિમરિચોરનૃપૈર્ભયમ્ ।
ધનક્ષયમવાપ્નોતિ શનૌ ભૌમદશાન્તરે

વૈશ્યવર્ગાદ્ધનપ્રાપ્તિં ગૃહગોધાન્યસમ્પદઃ ।
શત્રુબાધાં મનક્લેશં બુધે કુજદશાન્તરે

કુક્ષિરોગેણ સન્તાપં બન્ધુસોદરપીડનમ્ ।
દુષ્ટમાનષશત્રુત્વં કેતૌ કુજદશાન્તરે

કલત્રભૂષણં વસ્ત્રં બન્ધુવર્ગાદ્ધનાગમમ્ ।
સ્ત્રીજન્દ્વેષ્યતદ્રોષ્ઠી શુક્રે બૌમદશાન્તરે

અપવાદં ગુરુદ્વેષં કલહં વ્યાધિપીડનમ્ ।
આત્મવર્ગાન્મનોદુઃખં રવૌ ભૌમદશાન્તરે

નામાવિત્તસુખં વસ્ત્રમુક્તામણિવિભૂષણમ્ ।
નિદ્રાલસ્યમથોદ્વેગં ચન્દ્રે ભૌમદશાન્તરે

ભૂનન્દનસ્ય પાકાદૌ માનહાનિર્ધનક્ષયઃ ।
મધ્યે નૃપાગ્નિચોરદ્યૈર્ભીતિશ્ચાન્તે તથ ભવેત્

ઉચ્ચસ્થિતસ્ય ધરણીતનયસ્ય પાકે નીચાંશગસ્ય મરણં સુતસોદરાણામ્ ।
નીચે તુ તુઙ્ગભવનાંશગતસ્ય દાયે કૃષ્યાદિભિધનધાન્યસુખં વદન્તિ

રાહુદશાફલમ્ ।
સૌખ્યાદિવિત્તસ્થિતિનાશનં ચ કલત્રપુત્રાદિવિયોગદુઃખમ્ ।
અતીવ રોગં પરદેશવાસં વિવાદબુદ્ધિ કુરુતે ફણિશઃ

અથ રાહુદશાયામન્તર્દશાફલાનિ ।
જાયારોગં વિવાદં ચ બુદ્ધિનાશં ધનક્ષયમ્ ।
દૂરદેશાટનં દુઃખં રાહૌ રાહુદશાન્તરે

વ્યાધિશત્રુવિનાશં ચ રાજપ્રીતિં ધનાગમમ્ ।
પુત્રલાભં તથોત્સાહં ગુરૌ રાહુદશાન્તરે

વાતપિત્તકૃતં રોગં બન્ધુમિત્રાદિપીડનમ્ ।
દૂરદેશનિવાસં ચ શનૌ રાહુદશાન્તરે

મિત્રબન્ધુકલત્રાદિસંયોગં ચ ધનાગમમ્ ।
રાજપ્રીતિભવાપ્નોતિ બુધે રાહુદશાન્તરે

ચૌર્યં ચ માનહાનિ ચ પુત્રનાશં પશુક્ષયમ્ ।
સર્વોપદ્રવભાપ્નોતિ કેતૌ રાહુદશાન્તરે

વિદેશાદ્વાહનપ્રાપ્નિશ્છાત્રચામરસમ્પદઃ ।
રોગારિબન્ધુભીતિઃ સ્યાત્ શુક્રે રાહુદશાન્તરે

દાનધર્મરતિઃ પ્રીતિઃ સર્વોપદ્રવનાશનમ્ ।
સંસારરોગસઙ્ચારો રવૌ રાહુદશાન્તરે

ભોગસમ્પદ્ભવેન્નિત્યં સસ્યવૃદ્ધિધર્નાગમઃ ।
સ્વબન્ધુજનસંવાદશ્ચન્દ્રે રાહુદશાન્તરે

સર્વોપદ્રવસંયોગઃ સર્વકાર્યેષુ મૂઢતા ।
વિત્તવિસ્મૃતિદોષઃ સ્યાત્ કુજે રાહુદશાન્તરે

કુલીરગોમેષયુતસ્ય રાહોર્દશાવિપાકે ધનધાન્યલાભમ્ ।
વિદ્યાવિનોદં નૃપમાનનં ચ કલત્રનૃત્યાદિસુખં વદન્તિ

પાથોનમીનાશ્વયુતસ્ય રાહિર્દશાવિપકે સુતદારલાભમ્ ।
દેશાધિપત્યં નરવાહનં ચ દશાવસાને સકલં વિનાશમ્

મૃગપતિવૃષકન્યાકર્કટસ્થસ્ય રાહોર્ર્ભવતિ ચ પરિપાકે રાજતુલ્યો નૃપો વા ।
ગજતુરગચમૂપઃ સર્વજીવોપકારી બહુધનસુખશીલઃ પુત્રદારાનુરક્તઃ

દશાદૌ દુઃખમાપ્નોતિ દશામ્ધ્યે મહત્સુખમ્ ।
દ્શાન્તે ફણિનાથસ્ય પિતૃનાશં પદચ્યુતિમ્

અથ ગુરુદશાફલમ્ ।
સ્થાનપ્રાપ્તિં વિત્તયાનામ્બરાપ્તિં રાજસ્નેહં ચિત્તશુદ્ધિ વિભૂક્તિમ્ ।
જ્ઞાનાચારં પુત્રદારાદિલાભં દેવાચાર્યઃ સ્વે વિપાકે કરોતિ

અથ ગુરુદશાયામન્તર્દશાફલાનિ ।
નૃપપ્રીતિ તથોત્સાહં સર્વકાર્યાર્થસાધનમ્ ।
વિદ્યાવિજ્ઞાનમાપ્નોતિ ગુરૌ ગુરુદશાન્તરે

દ્વેષબુદ્ધિં મનસ્તાપં પુત્રમૂલાદ્ધનવ્યયમ્ ।
કર્મનાશભવાપ્નોતિ શનૌ જીવદશાન્તરે

વૈશ્યવર્ગેણ વિત્તાપ્તિં રાજસ્નેહં સુખાવહમ્ ।
સત્કર્માચરસિદ્ધિં ચ બુધે જીવદશાન્તરે

મુક્તાપ્રવાલભૂષાપ્તિસ્તીર્થયાત્રા ધનાયતિઃ ।
ગુરુભૂપવશાદાપ્તિઃ કેતૌ જીવદશાન્તરે

વાહનાદિધનપ્રાપ્તિઃ છત્રચામરવૈભવમ્ ।
સ્ત્રીપીડા જનવિદ્વેષો ભૃગૌ જીવદશાન્તરે

શત્રુનાશં જયં સૌખ્યં ચિત્તોત્સાહં ધનાગમમ્ ।
રાજપ્રસાદમારોગ્યં રવૌ જીવદશાન્તરે

સ્ત્રીકૃતોત્સાહમૈશ્ચર્ય રાજપ્રીતિઃ સુખાવહમ્ ।
દિવ્યવસ્ત્રવિભૂષાપ્તિં ચન્દ્રે જીવદશાન્તરે

કર્મનાશં ચ સઙ્ચારં જ્વરતાપં મહદ્ભયમ્ ।
વનનાશં નિરુત્સાહં કુજે જીવદશાન્તરે

સર્વક્લેશભયં રોગં સર્વોપદ્રવકારણમ્ ।
ધનચ્છેદભવાપ્નોતિ રાહૌ જીવદશાન્તરે

નીચાંશોપગતઃ સ્વતુઙ્ગભવને જીવસ્ય પાકે ભયં
ચોરારાતિનૃપૈઃ કલત્રતનયદ્વેષં કરોત્યશ્રિયમ્ ।
નીચે તુઙ્ગનવાંશકો યદિ મહારાજપ્રસાદં સુખં
વિદ્યાબુદ્ધિયશોધનાદિવિભવં દેશાધિપત્યં તુ વા

અથ શનિદશાફલમ્ ।
શનેર્દશાયામજગર્દભોષ્દ્રવૃદ્ધાઙ્ગનાપક્ષિકુધાન્યલાભમ્ ।
ક્ષેણીપુરગ્રામજનાધિકારાદ્ધનં વદેન્નિચકુલાધિપત્યમ્

અથ શનેર્દશાયામન્તર્દશાફલાનિ ।
ક્લેશાદિભિર્વ્યાધિનિપીડનં ચ માર્સર્યમાનૈર્બહુશોકતાપમ્ ।
ભૂપાલચોરૈર્ધનધાન્યનાશં કરોતિ મન્દઃ સ્વદશાપહારે

રવિતનયદશાયાં સ્વાપહારે વિરોધં નરપતિ જનકિપં પ્રેષ્યવૃદ્ધાઙ્ગનાપ્તિમ્ ।
પશુગણવિષભીતિં પુત્રદારાદિપીડાં જ્વરપવનકફાતિં શૂલરોગં વદન્તિ

સુખવિત્તયશોવૃદ્ધિં સત્કર્માચારસમ્પદઃ ।
કૃષિવાણિજ્યમાપ્નોતિ બુધે મન્દદશાન્તરે

વાતપિત્તકૃતં રોગં કલહં નીચદુર્જનૈઃ ।
દુઃસ્વપ્નભયમાપ્નોતિ કેતૌ મન્દદ્શાન્તરે

બન્ધુસ્નેહં જનપ્રીતિં જાયાવિત્તધનાયતિમ્ ।
કૃષ્યાદિસુખમાપ્નોતિ ભૃગૌ મન્દદશાન્તરે

પુત્રદારવિનાશં ચ્ નૃપચોરાદિપીડનમ્ ।
મનોભયમવાપ્નોતિ ભાનૌ મન્દદશાન્તરે

ગુરુસ્ત્રીમરણં દુઃખં બન્ધુદ્વેષં ધનાગમમ્ ।
વાતરોગમવાપ્નોતિ ચન્દ્રે મન્દદશાન્તરે

સ્થાનચ્યુતિં મહારોગં નાનાવિઘમનોભયમ્ ।
સહોદરસુહૃત્પીડાં ભૌમે મન્દદ્શાન્તરે

સ્ર્વાઙ્ગરોગસન્તાપં ચોરારિનૃપપીડનમ્ ।
ધનચ્છેદમવાપ્નોતિ રાહૌ મન્દદશાન્તરે

દેવભૂદેવભક્તિં ચ રાજપ્રીતિં મહત્સુખમ્ ।
સ્થાનલાભમવાપ્નોતિ ગુરૌ મન્દદશાન્તરે

સ્વોચ્ચે નીચનવાંશગો રવિસુતઃ કુર્વીત સૌખ્યં ફલં
પાકાદૌ તુ દશાવસાનસમયે કષ્ટં ફલં પ્રાણિનામ્ ।
તુઙ્ગાંશોપગતે સ્વનીચભવને પાકાવસાને સુખં
દાયાદૌ રિપુચોરભીતિમધિકં દુઃખં વિદેશાટનમ્

અથ બુધદશાફલમ્ ।
સ્વકીયદાયે ગુરુબન્ધુમિત્રૈરર્થાર્જનં કીર્તિસુખં કરોતિ ।
દૈત્યં ચ સત્કર્મહિરણ્યપુણ્યૈર્ધનાયતિં વાતરુજં કુમારઃ

અથ બુધદશાયામન્તર્દશાફલાનિ ।
વિચિત્રગૃહવિત્તાપ્તિં રાજપ્રીતિં મહત્સુખમ્ ।
સર્વકાર્યાર્થસંસિદ્ધિં બુદ્ધે સૌમ્યદશાન્તરે

બન્ધુપીડાં મનસ્તાપં સૌખ્યહાનિમરેર્ભયમ્ ।
કાર્યનાશભવાપ્નોતિ કેતૌ સૌમ્યદશાન્તરે

ગુરુદેવાગ્નિવિપ્રેષુ દાનં ધર્મપ્રિયં તપઃ ।
ધનવસ્ત્રવિભૂષાપ્તિં શુક્રે સૌમ્યદશાન્તરે

વસ્ત્રભૂષણવિત્તાપ્તિં રાજપ્રીતિં મહત્સુખમ્ ।
ધર્મશ્રવણમાપ્નોતિ રવૌ બુધદશાન્તરે

રોગારાતિજનદ્વેષં સર્વકાર્યાર્થનાશનમ્ ।
ચતુષ્પાદ્ભયમાપ્નોતિ ચન્દ્રે સૌમ્યદશાન્તરે

રોગારેભયનાશં ચ પુણ્યકર્મફલં યશઃ ।
રાજપ્રીતિમવાપ્નોતિ કુજે સૌમ્યદશાન્તરે

મિત્રબન્ધુધનપ્રાપ્નોતિ સુખવિદ્યાવિભુષણમ્ ।
રાજપ્રીતિમવાપ્નોતિ રાહૌ સૌમ્યદશાન્તરે

ઇષ્ટબન્ધુગુરુદ્વેષં ધનલાભં સુતાયતિમ્ ।
રોગાદિભયમાપ્નોતિ ગુરૌ સુઅમ્યદશાન્તરે

ધર્મસત્કર્મવિત્તાપ્તિં સુખમલ્પજનાધિપૈઃ
કૃષ્યાદિનાશમાપ્નોતિ શનૌ સૌમ્યદશાન્તરે

ઉચ્ચરાશિગતઃ સૌમ્યો નીચાંશકસમન્વિતઃ ।
કરોતિ કર્મવૈકલ્યં નિજદાયે ચ વર્ધનમ્

નીચસ્થાનગતશ્ચાન્દ્રિસ્તુઙ્ગાંશકસમન્વિતઃ ।
પાકાદૌ વિફલં સર્વં શુભમન્તે પ્રયચ્છતિ

અથ કેતુદશાફલમ્ ।
દીનો નરે ભવતિ બુદ્ધિવિવેકનષ્ટો
નાનાઽમયાકુલવિવર્જ્દ્ધિતદેહતાપઃ ।
પાપાદિવૃદ્ધિરતિકષ્ટચરિત્રયુક્તઃ
કિઙ્ચિત્સુખી ચ શિખિનઃ પરિપાકકાલે

અથ કેતુદશાયામન્તર્દશાફલાનિ ।
કલત્રપુત્રમરણં સુખવિત્તવિનાશનમ્ ।
રિપુભીતિમબાપ્નોતિ કેતૌ કેતુદશાન્તરે

સ્ત્રીપુત્રરોગકલહં બન્ધુમિત્રાદિનાશનમ્ ।
સ્વરાતિસારમાપ્નોતિ શુક્રે કેતુદશાન્તરે

મનોભઙ્ગં શરીરર્તિ વિદેશગમનં ભયમ્ ।
સર્વકાર્યવિરોધં ચ રવૌ કેતુદશાન્તરે

દારપુત્રજનાલસ્યં ધાનધાન્યવિનાશનમ્ ।
મન્સ્તાપમવાપ્નોતિ ચન્દ્રે કેતુદશાન્તરે

પુત્રદારાનુજદ્વેષં રોગારિનૃપપીડનમ્ ।
બન્ધુનાશમવાપ્નોતિ કુજે કેતુદશાન્તરે

રાજચોરભયં દુઃખં સર્વકાર્યવિનાશનમ્ ।
દુષ્ટમાનવસંવાદં રાહૌ કેતુદશાન્તરે

દેવદ્વિજગુરુપ્રીતિં રાજસ્નેહં નિરામ્યમ્ ।
ભૂપુત્રલાભમાપ્નોતિ ગુરૌ કેતુદશાન્તરે

મનોભયં મનસ્તાપં સ્વબન્ધુજનવિગ્રહમ્ ।
દેશત્યાગમવાપ્નોતિ શનૌ કેતુદશાન્તરે

બન્ધુમિત્રાદિસંયોગં પુત્રદારધનાગમમ્ ।
વિદ્યાસુખમવાપ્નોતિ બુધે કેતુદશાન્તરે

શુભગ્રહયુતઃ કેતુઃ સ્વદશાયાં સુખપ્રદઃ ।
યદિ શોભનસન્દૃષ્તઃ કરોતિ વિપુલં ધનમ્

સપાપઃ કુરુતે કેતુઃ સ્વપાકે દુષ્ટમાનવૈઃ ।
ભીતિં કૃતિમરોગાધ્યૈર્વ્યસનં ધનનાશનમ્

દશાદૌ ગુરુબન્ધ્વાર્તિ દશામધ્યે ધનાયતિમ્ ।
દશાન્તે સુખમાપ્નોતિ કેતોર્દયફલં ત્રિધા

અથ શુક્રદશાફલમ્ ।
સ્ત્રીપુત્રવિત્તાપ્તિમતીવ સૌખ્યં યુગન્ધમાલ્યામ્બરભૂષણાપ્તિમ્ ।
યાનાદિભાગ્યં નરપાલતુલ્યં યશઃ સ્વપાકે ભૃગુજઃ કરોતિ

અથ શુક્રદશાયામન્તર્દશાફલાનિ ।
શવ્યાસ્ત્રીધનવસ્ત્રાપ્તિં ધર્માદિસુખસમ્પદઃ ।
રિપુનાશં યશોલાભં શુક્રે શુક્રદશાન્તરે

મુર્ધોદરાક્ષિરાગં ચ કૃષિગોવિત્તનાશનમ્ ।
નૃપક્રોધમવાપ્નોતિ રવૌ શુક્રદશાન્તરે

શીર્ષોષ્ણરોગસન્તાપં કામાદિરિપુપીડનમ્ ।
કિઙ્ચિર્ સુખમવાપ્નોતિ ચન્દ્રે શુક્રદશાન્તરે

પિત્તાસૃગક્ષિરોગં ચ ચિત્તોત્સાહં ધનાગમમ્ ।
દારમૂલાભમાપ્નોતિ કુજે શુક્રદશાન્તરે

નીલવસ્તુધનપ્રાપ્નોતિ બન્ધુદ્વેષં સુહૃદ્ભયમ્ ।
અગ્નિબાધામવાપ્નોતિ રહૌ શુક્રદશાન્તરે

ધનવસ્ત્રવિભૂષાપ્તિં ધર્મચારં સુખાવહમ્ ।
સ્ત્રીસુતાર્તિ ચ વૈષમ્ય ગુરૌ શુક્રદશાન્તરે

વૃદ્ધસ્ત્રીજનસમ્ભોગં ગૃહક્ષેત્રધનાગમમ્ ।
શત્રુનાશમવાપ્નોતિ મન્દે શુક્રદશાન્તરે

સુતમિત્રસુખાર્થાપ્તિ નૃપપ્રીતિં મહત્સુખમ્ ।
સુભમારેજ્યમાપ્નોતિ બુધે શુક્રદશાન્તરે

કલહં બન્ધુનાશં ચ શત્રુપીડાં મનોભયમ્ ।
ધનચ્છેદમવાપ્નોતિ કેતૌ શુક્રદશાન્તરે

ઉચ્ચરાશિં ગતઃ શુક્રો નીચાંશકસમન્વિતઃ ।
સ્વપાકે ધન્નનાશં ચ કુર્વીત પદવિચ્યુતિમ્

ભાર્ગવો નીચરાશિસ્થઃ સ્વોચ્ચાંશકસમન્વિતઃ ।
સ્વદાયે કૃષિવાણિજ્યં ધનલાભં પ્ર્યચ્છતિ

દશાફલે વિશેષતા ।
સમ્યગ્બલિનઃ સ્વતુઙ્ગભાગે સમ્પૂર્ણા બલવર્જિતસ્ય રિક્તા ।
નીચામ્શગતસ્ય શત્રુભગો જ્ઞેયાઽનિષ્ટફલા દશા પ્રસૂતૌ

તત્તદ્ભાવાર્થલામેશદશાસ્વન્તર્દશાસુ ચ ।
તત્તદ્ભાવવિનાશઃ સ્યાત્ તદ્યુતેઇતકારકૈઃ

ત્રિકોણધનલાભસ્થા બલિનો યદિ શોભનાઃ ।
સ્વદશાન્તર્દશાકાલે કુર્વન્તિ વિપુલ્કં સુખમ્

અસ્ટાદશાધ્યાયિનિ સર્વહોરાસમુદ્ધૃતે જાતકપરિજાતે ।
રાશિસ્વરૂપાદિ દશાફલાન્તં પ્રોક્તં મયા ભાનુમુખપ્રસાદાત્

ઇતિ શ્રીનવ્ગ્રહકૃપયા વૈદ્યનાથવિરચિતે જાતકપારિજાતેઽષ્ટાદશોઽધ્યાયઃ