Jataka Parijata · Chapter p1

tatrādau dvādaśāpdīmadhye āyuṣo'niśvitatā
ādvādaśābdāntayonijanmanāmāyuṣkalā niścayutiṃ na śakyate /
mātrā ca pitrā kṛtapāpakarmaṇā bālaprahairnāśamupaiti bālakaḥ

ādye catūṣke jananīkṛtādhairmadhye tu pitrā'jitapāpasaiḥ /
bālastadantyāsu catuḥ samāsu svakīyadoṣaiḥ samupaiti nāśam

athāriṣṭapūrvakamāyuṣāṃ bhedāḥ /
aṣṭau bālāriṣṭamādau narāṇāṃ yogāriṣṭaṃ prāhurāviṃśatiḥ syāt /
alpaṃ cāndrātriṃśatānmadhyamāyurāsaptatyāḥ pūrṇamāyuḥ śatāntam

atha ariṣṭadā grahasthitiḥ /
vilagnagatastvapi devamantrī vināśariḥphārigate śaśāṅke /
vilokite pāpaviyacareṇa vibhānunā mṛtyumupaiti gra////ḥ

gaṇḍāntatārāsahite mṛgākke pāpekṣite pāpasamanvite vā /
bālo layaṃ yati samṛtyubhāge candre tathā pāpanirīkṣite vā

tātāvikāsodarabhātulāśca mātāmahī mātṛpatā ca bālaḥ /
sūryādikaiḥ paṅcamadharmayātaiḥ krūrarkṣagairāśu hatāḥ krameṇa

rasātalasthau yadi bhānucandrau śaniḥ smarastho maraṇāya mātuḥ /
yadā yadā krūrakhago vilagnādarātigaḥ sodaranāśahetuḥ

atha pitrādīnāmariṣṭayogāḥ /
tātānvikāsodaramātulāśca mātāmahī mātṛpitā ca bālaḥ /
sūryādikaiḥ paṅcamadharmayātaiḥ krūrarkṣagairāśu hatāḥ krameṇa

rasātalasthau yadi bhānucandrau śaniḥ smarastho maraṇāya mātuḥ /
yadā y(v)dā krūrakhago vilagnādarātigaḥ sodaranāśahetuḥ

krūrekṣitau candravilagnarāśī saumyagrahairvīccaṇayogahīnau /
kendracyuto yadyamareśamantrī jātasya bhātā samupaiti nāśam

atha sagarbhāmṛtyuyogau /
sabhānuje śītakare vilagnād divākare riḥphagṛhopayāti /
dharāsute nadhugate tadānīṃ vipadyate tajjananī sagarbhā

vilagnacandrau śubhadṛkvihīnāvaśobhanavyomacarāntarasthau /
vināśameti pramadā sagarbhā vadanti sarve yugapat pṛthagvā

ṣaṣṭhāvasānāṣṭamabhāvageṣu krūreṣu saumyagrahavarjiteṣu /
pāpāntarasthe bhṛguje gurau vā nārī saputrā mriyate tu sadyaḥ

lagnāstayātau yadi pāpakhecarau śubhairayuktau śubhadṛīṣṭivarjitau /
śastreṇa mṛtyu samupaiti garbhiṇī māsādhipo naṣṭakaro yadā vadet

atha jātasya mātṛmaraṇayogāḥ /
candrācaturthopagatairasadbhirvā nasthitaiḥ śobhanadṛṣṭimuktaiḥ /
vyāpāragairvā yadi vāsareśājjātasya mātā nidhanaṃ prayāti

śukrādravau vikramage balādhye mandekṣite mandasamanvite vā /
kṣīṇe śaśāṅle yadi vā sapāpe mātā saputrā mriyate,acireṇa

lagnādine vā'ṣṭamage dharāje pāpekṣite saumyadṛśā vihīne /
tārādhipe vṛddhikalāvihīne mātā kṛtāntasya padaṃ sameti

śukrāt kuje'hani tapaḥ sutarāśiyāt candrātrikoṇagṛhage ravije rajanyām /
pāpekṣite ca śubhayogadṛśā vihīne nāśaṃ sameti jananī vibale śaśāṅke

atha garbhasya māsadhipāḥ(horāyām)
kalalagnanākkurāsthicarmāṅgajcetanatāḥ
sitakujajīvaravicandrārkubudhāḥ parataḥ /
udayakujajīvaravicandrārkimbudhāḥ gaditā
vadanti śubhāśubhaṃ ca māsādhipateḥ sadṛśam

atha garbha sukham /
śaśāṅkalagnopagataiḥ śubhagrahaistrikoṇajāyārthasukhāspadasthitaiḥ /
tṛtīyalābharkṣagataiśca pāpakaiḥ sukhī ca garbho raviṇā nirīkṣitaḥ

atha jātasya pitṛmaraṇayogāḥ /
vyayasthite'rke sasute vilagnādapi kṣayendau madanopayāte /
piturviyogaṃ pravdanti sadyaḥ śubhekṣite tu tribhirabdamānaiḥ

caropage candramasi kṣapāyāṃ budhekṣite dūradiśaṃ prayātaḥ /
care śanau bhānuyute niśāyāṃ videśago vāti pitā vināśam

atha jātasya mṛtyuyogāḥ /
kṣīṇe śaśinyudayage yadi kaṇṭakasthe pāpe'thavā nidhanage mriyate'tha bālaḥ /
randhrarigairaśubhakheṭadṛśā sametaiḥ saumyaiḥ kṛtāntanagaraṃ samupaiti māsāt

ekatra mandāvaninandanārkā randhrasthitā vā ripurāśiyātāḥ /
saumyairayuktā avilokitāste jātasya sadyo maraṇapradāḥ syuḥ

candrāṃśe saoptame bhaume saumyadṛṣṭivivarjite /
saptasaptatitārāyāmupaiti maraṇaṃ śiśuḥ

mandāvanijamārtaṇḍaiḥ putrasyānasamanvitaiḥ /
saptasaptatinakṣatre jātasya maraṇaṃ vadet

dharasute candranavāṃśakasthe lagnāṃśake vā na ca jīvadṛṣṭe /
sudhākare nandanarāśiyāte sameti yāmyaṃ padabhāśu bālaḥ

nīcaṃ gate lagnapatau vilagnānnāśaṃ gate vā ravije tathā'ste /
jāto mṛtaprāyakalevaraḥ sankṛccheṇa vaivasvatalokamiti

apoklimasthānagatā na bhogā vidhūtavīryāṃ yadi bhānumukhyāḥ /
māsadvayaṃ tasya vā jātasya cāyuḥ kathayanti tajjñāḥ

lagnārirandhravyayage śaśāṅke pāpena dṛṣṭe śubhadṛṣṭihīne /
kendreṣu saumyagrahavarjiteṣu prāṇaiviyogaṃ vrajati prajātaḥ

saure madasthe yadi vā vilagne jalodaya'bje yadi kīṭage vā /
saumyeṣu kendropagateṣu sadyo jātasya nāśaṃ yavanopadiṣṭam

bhaumakṣetragate jīve nīcarāśigate'thavā /
sandhyātraye ca saṅjāto māsānmṛtyumupaiti saḥ

randhre dharāsūnudineśasaurā jātastu mṛtyuṃ samupaiti māsāt /
ketustu yasminnudito'tra jāto māsadvayenaiva yamaṃ prayāti

pāpābudayāstagatau krūreṇa yutaśca śaśī /
dṛṣṭaśca śubhairna yadā mṛtyuśca bhavedacirāt

kṣīṇe himagau vyayage pāpairudayāṣṭamagaiḥ /
kendreṣu śubhāśca na cet kṣipraṃ nidhanaṃ pravadet

krūreṇa saṃyutaḥ śaśī smarāntyamṛtyulagnagaḥ /
kaṇṭakādviḥśubhairavīkṣitaśca mṛtyudaḥ

śaśinyarivināśage nidhanamāśu pāpekṣite /
śubhairatha samāṣṭakaṃ dalamataśca miśrekṣite /
asadbhiravalokite balibhiratra m(bha)āsaṃ śubhe
kalatrasahite ca pāpavijite vilagnādhipe

aśubhasahite graste candre kuje nidhanāśrite
jananisutayormṛtyulagne ravau tu saśastrajaḥ /
udayati ravau śītāṃśau vā trikoṇavināśagai-
rnidhanamaśubhairvīryopetaiḥ śubhairayutekṣite

asitaraviśaśāṅkabhūmijairvyayanavamodayanaidhanāśritaiḥ /
bhavati maraṇamāśu dehanāṃ yadi balinā guruṇā na vīkṣitaiḥ

sutamadananavāntyalagnarandhreṣvaśubhayute maraṇāya śītaśmiḥ /
bhṛgusutaśaśiputradevapūjyairyadi balibhirna yuto'valokitāṃ vā

atha varṣamadhye maraṇam /
yoge sthānaṃ balanaścandre svaṃ vā tanugṛhamathavā /
papairdṛṣṭe balavati maraṇaṃ vardhasyāntaḥ kila munigaditam

atha varṣadbhayamāyuḥ /
vakrī śanibhaumagṛhopayātaḥ kendre'thavā śatrugṛhe vināśe /
kujena samprāptabalena dṛṣṭo varṣadvayaṃ jīvayati prajātam

atha varṣatrayamāyuḥ /
bṛhaspatirbhaumagṛhe'ṣṭamasthaḥ sūryendubhaumārkajadṛṣṭamūniḥ /
abdaistribhirbhārgavadṛṣṭihīno lokāntaraṃ prāpayati prajātam

atha caturthavarṣa maraṇam /
ṣaṣṭhāṣṭame karkiṇi janmalagnāt saumye sudhāraśminirīkṣyamāṇo /
abdaiścaturbhiḥ samupaiti nāśaṃ jāto naraḥ sarvabalānvito'pi

atha paṅcame'bde maraṇam /
ravicandrabhaumagurubhiḥ kujagurusaurendubhiḥ sahaikasthaiḥ /
raviśanibhaumaśaśāṅkairmaraṇaṃ khalu paṅcamivarṣaiḥ

atha ṣadvarṣamāyuḥ /
yadā sudhāraśimanavāṃśakasthe nirīkṣite śītakareṇa mande /
lagnādhipe candradṛśā samete jātasya ṣadvarṣamitaṃ tadā'yuḥ

atha saptame'bde maraṇam /
lagne yaddrekkāṇo nigalāhihihaṅgapāśadharasūjñaḥ /
maraṇāya saptavarṣaiḥ krūrayuto na svapatisandṛṣṭaḥ

atha saptāṣṭavarṣe mṛtyuḥ /
lagne raviśanibhaumāḥ śukragṛhe saptame śaśī kṣīṇaḥ /
dṛṣṭo na devaguruṇā saptabhiraṣṭabhirabdakairvā syāt

atha navame'bde mṛtyuḥ /
divakarendubhūputraḥ putrasyānasamanvitāḥ /
jāto yamapuraṃ yāti navamābde na saṃśayaḥ

pāpo vilagnādhipatiḥ śaśāṅkādanyasthataḥ krūranikṣitaścet /
candrāṃśakasthe yadi vā tadīśo jātaḥ śiśuryāti layaṃ navābdaiḥ

atha daśavarśāyuḥ /
mṛgāṃśakasthite mande saumyadṛṣṭisamanvite /
janmaprabhṛtiśatrutvaṃ tasyāyurdaśavatsaram

atha ekādaśe varṣe maraṇam /
raviṇā yuktaḥ śaśijaḥ saumyairdṛṣṭo vināśayati /
ekādaśabhirvarṣairjātaṃ nṛpatulyabhogasampannam

atha dvādaśe'bde maraṇam /
candralagnādhipaḥ sūryaḥ svaputreṇa samanvitaḥ /
lagnādaṣtamarāśistho dvādaśābde sitekṣitaḥ

alyāṃśakasthite mande sūryeṇaiva nirīkṣite /
pitṛdvaṣasamāyukto dvādaśābdaṃ ca jīvati

atha trayodaśe'bde mṛtyuḥ /
lagnāṃśakasthite mande jīvadṛṣṭisamanvite /
trayodaśābde maraṇam jātasya pitṛvairiṇaḥ

atha caturthadaśa'bde mṛtyuḥ /
kanyāṃśakasthite mande saumyadṛṣṭisamanvite /
caturdaśābde maraṇaṃ jātaḥ kopī sameti ca

atha paṅcadaśābdayyuḥ /
simāṃśakasthite mande rāhuṇā ca nirīkṣite /
śastrapīḍā bhavettasya cāyuḥ paṅcadaśābdakam

atha ṣodaśe'bde maraṇam /
karkāśakasthite mande jīvadṛṣṭisamanvite /
sarpapīḍā bhavettasya ṣoḍaśābdānmṛtiṃ vadet

atha saptadaśe'bde mṛtyuḥ /
yamāṃśakasthite mande lagnanāthena vīkṣite /
raṇaśūro mahābhogī mṛtaḥ saptadaśābdake

atha aṣṭādaśe'bde mṛtyuḥ /
parasparakṣetrasamanvitau vā randhreśalagnādhipatī na saumyau /
riḥphāribhe vā guruṇā viyukte tvaṣṭādaśābde nidhanaṃ prayāti

atha sadyo mṛtyuḥ /
jīvāṃśakasthite mande rāhuṇā ca nirīkṣite /
dehādhipe śubhādṛṣṭe jātaḥ sadyo vunaśyati

atha १९ varṣe mṛtyuḥ /
tadīśastuṅgabhāgaścedāyurekonaviṃśatiḥ

atha २० varṣe mṛtyuḥ /
kendreṣu pāpeṣu niśākareṇa saumyagrahairīkṣaṇavarjiteṣu /
ṣaṣṭhāṣṭame vā yadi śītaraśmau jātaḥ sukhī viṃśativatsarāntam

atha २२ varṣe mṛtyuḥ /
jīvena sahitaḥ sūryo lagnasthaḥ kīṭarāśigaḥ /
aṣṭamādhipatau kendre dvāviṃśatyabdake mṛtiḥ

२६/२७ varṣe mṛtyuḥ /
mandodye śatrurāśau saumyairāpoklimopagaiḥ /
ṣaḍviṃśatyabdake vā syāt saptaviṃśativatsare

atha २८ varṣe maraṇam /
randhreśe jīvasandṛṣṭe pāpe pāpanirīkṣite/
randhrasthe janmape mṛtyuraṣṭāviṃśatuvatsare

atha २९ varṣe mṛtyuḥ /
candre mandasahāyastu sūryaścāṣṭamasaṃsthitaḥ /
ekonatriṃśake varṣe jāto yampuraṃ vrajet

atha २९ vā ३० varṣe mṛtyuḥ /
janmarandhrapayormadhye niśānāthe vyaye gurau /
saptaviṃśativarṣe vā triṃśadvayasi vā mṛtiḥ

atha ३२ varṣe maraṇam /
aṣṭamādhipatau kendre lagneśe balavarjite /
triṃśadvarṣamitāyuṣmān dvātriṃśadvatsare mṛtiḥ

kṣīṇe śaśāṅke yadi pāpayukte randhrādhipe kendragate'ṣṭame vā /
pāpānvite hīnabale vilagne dvātriṃśadabde nidhanaṃ prayāti

atha alpāyuryogāḥ /
ṣaṣṭhāṣṭame vyaye pāpe lagneśe durbale sati /
alpāyuranapatyo vā śubhadṛgyogavarjite

krūraṣaṣṭhyaṃśakae vā'pi randhreśe bhānuje'pi vā /
pāpānvite pāpakheṭe cālpamāyurvinirdiśet

vyayārthau pāpasaṃyuktau śubhadṛṣṭivivarjitau /
krūraṣaṣṭhyaṃśasaṃyuktau vā'lpamāyurviniridiśet

iti dvātriṃśadvatsarāntarbhūtabālāriṣṭayogāriṣṭasvalpāyurbhedāḥ samāptāḥ /
athaāriṣṭabhaṅgāḥ /
atyantasattve yadi lagnanāthe saumyānvite tādṛśadṛṣṭiyoge /
kendrasthite pāpadṛśā vihīne sadbhāgyayug jīvati dīrghamāyuḥ

atha candrakṛto'riṣṭabhaṅgaḥ /
candraḥ sanpūrṇagātrastu saumyakṣetrāṃśago'pi vā /
sarvāriṣṭanihantā syād viśeṣācchukravīkṣitaḥ

atha śubhagrahakṛto'riṣṭabhaṅgaḥ /
jīvabhārgavasaumyānāmekaḥ kendragato balī /
pāpakṛdyogahīnaścetsadyo'riṣṭasya bhaṅgakṛd

atha cadrakṛto'riṣṭabhaṅgaḥ /
svoccasthaḥ svagṛhe'thavāpi suhṛdāṃ varge ca saumyasya vā /
sampūrṇaḥ śubhavīkṣitaḥ śaśadharo varge svakīye'pi vā

śatrūṇāmavalokanādirahitaḥ pāpairayuktekṣito/
ariṣṭaṃ hanti udustaraṃ dinamaṇiḥ prāleyarāśiṃ yathā

pakṣe site bhavati janma yadi kṣapāyāṃ kṛṣṇe'thavā'hani śubhāśubhadṛṣṭamūrtiḥ /
taṃ candramā ripuvināśagto'pi nūnamāpatsu rakṣati piteva śiśuṃ prajātam

atha gurukṛto'riṣṭabhaṅgaḥ /
kendropago'tibalavān sphuradaṃśumalī svarlokarājasacivaḥ śamayedavaśyam /
eko bahuni duritāni udutarāṇi bhaktyā prayukta iva śūladhare praṇāmaḥ

atha lagneśakṛto'riṣṭabhaṅgaḥ /
lagneśe balayuktaścet trikoṇe vā catuṣṭaye /
ariṣṭayogajāto'pi bālo jīvati niścayaḥ

atha grahakṛto'riṣṭabhaṅgaḥ /
yasya janmani tuṅgasyāḥ svakṣetrasthānmāśritāḥ /
cirāyuṣaṃ śiśu jātaṃ kurvantyatra na saṃśayaḥ

atha rāhukṛto'riṣṭabhaṅgaḥ /
rāhustriṣaṣṭhalābhe lagnatsaumyairnirīkṣitaḥ sadyaḥ /
nāśyati sarvaduritaṃ mārut iva talasaṅgātam

ajavvṛṣakarkivilagne rakṣati rāhurnirantaraṃ bālam /
vṛthivīpatiḥ prasannaḥ kṛtāparādhaṃ yathā puruṣam

atha pumaścandrakṛto'riṣṭabhaṅgaḥ /
niśākaraḥ śobhanavargayuktaḥ śubhekṣitaḥ pūritadīptijālaḥ /
jānasya niḥśoṣamariṣṭamāśu nihanti yadvad garalaṃ garutmān

atha rāśīśakṛto'riṣṭabhaṅgaḥ /
candrādhiṣṭhatarāśīśe lagnsthe śubhavīkṣite /
bhṛguṇā vīkṣite candre svocce'riṣṭaṃ harettadā

atha lagneśakṛto'riṣṭabhaṅgaḥ /
lagnādhipo'tibalaśubhairadṛṣṭaḥ kendrasthitaḥ śubhakhagairavalokyamānaḥ /
mṛtyuṃvidhūya vidadhāti sa dīrghamāyuḥ sārdhaṃ guṇairbahubhirūrjitarājalakṣmyā

atha madhyamāyuḥpradatā jīvasya /
balahīne vilagneśe jīve kendratrikoṇage /
ṣaṣṭhāmavyaye pāpe madhyamāyurudāhṛtam

dvātriṃśadvatsarādupati saptatiparyantaṃ madhyamāyuryogaḥ /
atha pūrṇayuḥpradā yogāḥ /
catuṣṭaye śubhairyukte lagneśe śubhasaṃyute /
guruṇā dṛṣṭisaṃyoge pūrṇamāyurvinirdiśet

kendrānvite vilagneśe guruśukrasamanvite /
tāmyāṃ nirikṣite vā'pi pūrṇamāyurvinirdiśet

uccānvitairstribhiḥ kheṭairlagnarandhreśasaṃyutaiḥ /
randhre pāpavihīne ca dīrghamāyuvinirdiśet

randhresthitairstribhiḥ kheṭaiḥ svoccamitrasvavargagaiḥ /
lagneśe balasaṃyukte dīrghamāyuvinirdiśet

svoccasthitena kenāpi khecareṇa samanvitaḥ /
śanirvā randhranātho vā dīrghamāyuvinirdiśet

triṣaḍāyagatāḥ pāpāḥ śubhāḥ kendratrikoṇagāḥ /
lagneśe balasaṃyuktaḥ pūrṇamāyurvinirdiśet

ṣaṭsaptarndhrabhāveṣu ubheṣu sahiteṣu ca /
triṣaḍāyeṣu pāpeṣu dīrghamāyurvinirdiśet

riḥphaśatrugatāḥ pāpā lgneśe yadi kendragaḥ /
randhrasthānagatā pāpāḥ karmeśaḥ bahusammatam

randhre śasthagṛhādhīśo yasmin rāśau vyavasthitaḥ /
tadīśo lagnanāthaśca kendrago yadi tāddaśam

dvisvabhāvaṃ gate lagne tadīśe kendrage'pi vā /
svoccamūlatrikoṇe vā ciraṃ jīvati bhāgyavān

dvisvabhāvaṃ gate lagne lagneśāt kendragau yadi /
dvau pāpau yasya janane tasyāyurdīrghamādiśet

carāṃśakasthā ravimandabhaumāḥ sthirāṃśakasthau gurudānavejyau /
śeṣāśca yugmāṃśagatā yadi syustadā samudbhūtanaraḥ śatāyuḥ

atha pūrṇayuṣaḥ pramāṇam /
saptatyupariśatāntaṃ pūrṇamāyuḥ /
atha yogavideṣāt yugāntamāyuḥ /
mandāṃśakasthā ravijīvabhaumā dharmasthitāstannavabhāgasaṃsthāḥ /
balānvitā lagnagato himāṃśuryugāntamāyuḥ śriyamādadhāti

atha munitvaprado grahayogaḥ /
ekāṃśabhāgau gurusūryaputrau dharmasthitau vā yadi karmasaṃsthau /
arkodaye saumyanirīkṣyamāṇau munirbhavedatra bhavaścirāyuḥ

atha amitamāyuḥ /
guruśaśisahite kuliralagne śaśitanaye bhṛguje ca kendrayāte /
bhavaripuhajopagaiśca śeṣairamitamihāyuranukramamādvinā syāt

atha devasādṛśyapradā grahasthitiḥ /
trikoṇe pāpanirmukte kendre saumyavivarjite /
randhre pāpavihīne ca jātastvamarasannibhaḥ

śanyādibhaumaparyantaṃ lagnādau khecarāḥ sthitāḥ /
vaiśeṣikāṃśasaṃyuktā jātastvamarasannibhaḥ

atha śrasaṅkhyāyuḥprāptiḥ /
meṣāntyalagne sagurau bhṛgau vā niśākare gogṛhamadhyamāṃśe /
siṃhāsanāṃśe yadi vā dharāje jātastvasaṅkhyātamupaiti mantraiḥ

atha munisamatvam /
devalokāṃśake mande bhaume pārāvatāṃśake /
siṃhāsane gurau lagne jāto munisamo bhavet

atha yugāntamāyuḥ /
gopurāṃśe gurau kendre śukre pārāvatāṃśake /
trikoṇe karkaṭe lagne yugāntaṃ sa tu jīvati

atha brahmapadaprāptiḥ /
cāpāṃśe karkaṭe lagne tasmin devendrapūjite /
tricaturbhirgrahaiḥ kendre jāto brahmapadaṃ vrajet

lagne sevye bhṛgau kāme kanyāyāmuḍunāyake /
cāpe meṣāṃśake lagne jāto yāti paraṃ padam

atha āyuṣaḥ saptavidhatā /
bālāriṣṭaṃ yogasaṅjātamalpaṃ teṣāṃ bhaṅgānmadhyamaṃ dīrghamāyuḥ /
divyaṃ yogāmyāsamantrakriyādyairāyuḥ sapataitāni saṅkīrtitāni

iti śrīnavagrahakṛpayā vaidyanātharacite jātakapārijāte
bālāriṣṭādhyāyaḥ caturthaḥ