જાતકપારિજાતઃ · અધ્યાય p1

તત્રાદૌ દ્વાદશાપ્દીમધ્યે આયુષોઽનિશ્વિતતા
આદ્વાદશાબ્દાન્તયોનિજન્મનામાયુષ્કલા નિશ્ચયુતિં ન શક્યતે ।
માત્રા ચ પિત્રા કૃતપાપકર્મણા બાલપ્રહૈર્નાશમુપૈતિ બાલકઃ

આદ્યે ચતૂષ્કે જનનીકૃતાધૈર્મધ્યે તુ પિત્રાઽજિતપાપસૈઃ ।
બાલસ્તદન્ત્યાસુ ચતુઃ સમાસુ સ્વકીયદોષૈઃ સમુપૈતિ નાશમ્

અથારિષ્ટપૂર્વકમાયુષાં ભેદાઃ ।
અષ્ટૌ બાલારિષ્ટમાદૌ નરાણાં યોગારિષ્ટં પ્રાહુરાવિંશતિઃ સ્યાત્ ।
અલ્પં ચાન્દ્રાત્રિંશતાન્મધ્યમાયુરાસપ્તત્યાઃ પૂર્ણમાયુઃ શતાન્તમ્

અથ અરિષ્ટદા ગ્રહસ્થિતિઃ ।
વિલગ્નગતસ્ત્વપિ દેવમન્ત્રી વિનાશરિઃફારિગતે શશાઙ્કે ।
વિલોકિતે પાપવિયચરેણ વિભાનુના મૃત્યુમુપૈતિ ગ્ર॥॥ઃ

ગણ્ડાન્તતારાસહિતે મૃગાક્કે પાપેક્ષિતે પાપસમન્વિતે વા ।
બાલો લયં યતિ સમૃત્યુભાગે ચન્દ્રે તથા પાપનિરીક્ષિતે વા

તાતાવિકાસોદરભાતુલાશ્ચ માતામહી માતૃપતા ચ બાલઃ ।
સૂર્યાદિકૈઃ પઙ્ચમધર્મયાતૈઃ ક્રૂરર્ક્ષગૈરાશુ હતાઃ ક્રમેણ

રસાતલસ્થૌ યદિ ભાનુચન્દ્રૌ શનિઃ સ્મરસ્થો મરણાય માતુઃ ।
યદા યદા ક્રૂરખગો વિલગ્નાદરાતિગઃ સોદરનાશહેતુઃ

અથ પિત્રાદીનામરિષ્ટયોગાઃ ।
તાતાન્વિકાસોદરમાતુલાશ્ચ માતામહી માતૃપિતા ચ બાલઃ ।
સૂર્યાદિકૈઃ પઙ્ચમધર્મયાતૈઃ ક્રૂરર્ક્ષગૈરાશુ હતાઃ ક્રમેણ

રસાતલસ્થૌ યદિ ભાનુચન્દ્રૌ શનિઃ સ્મરસ્થો મરણાય માતુઃ ।
યદા ય્(વ્)દા ક્રૂરખગો વિલગ્નાદરાતિગઃ સોદરનાશહેતુઃ

ક્રૂરેક્ષિતૌ ચન્દ્રવિલગ્નરાશી સૌમ્યગ્રહૈર્વીચ્ચણયોગહીનૌ ।
કેન્દ્રચ્યુતો યદ્યમરેશમન્ત્રી જાતસ્ય ભાતા સમુપૈતિ નાશમ્

અથ સગર્ભામૃત્યુયોગૌ ।
સભાનુજે શીતકરે વિલગ્નાદ્ દિવાકરે રિઃફગૃહોપયાતિ ।
ધરાસુતે નધુગતે તદાનીં વિપદ્યતે તજ્જનની સગર્ભા

વિલગ્નચન્દ્રૌ શુભદૃક્વિહીનાવશોભનવ્યોમચરાન્તરસ્થૌ ।
વિનાશમેતિ પ્રમદા સગર્ભા વદન્તિ સર્વે યુગપત્ પૃથગ્વા

ષષ્ઠાવસાનાષ્ટમભાવગેષુ ક્રૂરેષુ સૌમ્યગ્રહવર્જિતેષુ ।
પાપાન્તરસ્થે ભૃગુજે ગુરૌ વા નારી સપુત્રા મ્રિયતે તુ સદ્યઃ

લગ્નાસ્તયાતૌ યદિ પાપખેચરૌ શુભૈરયુક્તૌ શુભદૃઈષ્ટિવર્જિતૌ ।
શસ્ત્રેણ મૃત્યુ સમુપૈતિ ગર્ભિણી માસાધિપો નષ્ટકરો યદા વદેત્

અથ જાતસ્ય માતૃમરણયોગાઃ ।
ચન્દ્રાચતુર્થોપગતૈરસદ્ભિર્વા નસ્થિતૈઃ શોભનદૃષ્ટિમુક્તૈઃ ।
વ્યાપારગૈર્વા યદિ વાસરેશાજ્જાતસ્ય માતા નિધનં પ્રયાતિ

શુક્રાદ્રવૌ વિક્રમગે બલાધ્યે મન્દેક્ષિતે મન્દસમન્વિતે વા ।
ક્ષીણે શશાઙ્લે યદિ વા સપાપે માતા સપુત્રા મ્રિયતે,અચિરેણ

લગ્નાદિને વાઽષ્ટમગે ધરાજે પાપેક્ષિતે સૌમ્યદૃશા વિહીને ।
તારાધિપે વૃદ્ધિકલાવિહીને માતા કૃતાન્તસ્ય પદં સમેતિ

શુક્રાત્ કુજેઽહનિ તપઃ સુતરાશિયાત્ ચન્દ્રાત્રિકોણગૃહગે રવિજે રજન્યામ્ ।
પાપેક્ષિતે ચ શુભયોગદૃશા વિહીને નાશં સમેતિ જનની વિબલે શશાઙ્કે

અથ ગર્ભસ્ય માસધિપાઃ(હોરાયામ્)
કલલગ્નનાક્કુરાસ્થિચર્માઙ્ગજ્ચેતનતાઃ
સિતકુજજીવરવિચન્દ્રાર્કુબુધાઃ પરતઃ ।
ઉદયકુજજીવરવિચન્દ્રાર્કિમ્બુધાઃ ગદિતા
વદન્તિ શુભાશુભં ચ માસાધિપતેઃ સદૃશમ્

અથ ગર્ભ સુખમ્ ।
શશાઙ્કલગ્નોપગતૈઃ શુભગ્રહૈસ્ત્રિકોણજાયાર્થસુખાસ્પદસ્થિતૈઃ ।
તૃતીયલાભર્ક્ષગતૈશ્ચ પાપકૈઃ સુખી ચ ગર્ભો રવિણા નિરીક્ષિતઃ

અથ જાતસ્ય પિતૃમરણયોગાઃ ।
વ્યયસ્થિતેઽર્કે સસુતે વિલગ્નાદપિ ક્ષયેન્દૌ મદનોપયાતે ।
પિતુર્વિયોગં પ્રવ્દન્તિ સદ્યઃ શુભેક્ષિતે તુ ત્રિભિરબ્દમાનૈઃ

ચરોપગે ચન્દ્રમસિ ક્ષપાયાં બુધેક્ષિતે દૂરદિશં પ્રયાતઃ ।
ચરે શનૌ ભાનુયુતે નિશાયાં વિદેશગો વાતિ પિતા વિનાશમ્

અથ જાતસ્ય મૃત્યુયોગાઃ ।
ક્ષીણે શશિન્યુદયગે યદિ કણ્ટકસ્થે પાપેઽથવા નિધનગે મ્રિયતેઽથ બાલઃ ।
રન્ધ્રરિગૈરશુભખેટદૃશા સમેતૈઃ સૌમ્યૈઃ કૃતાન્તનગરં સમુપૈતિ માસાત્

એકત્ર મન્દાવનિનન્દનાર્કા રન્ધ્રસ્થિતા વા રિપુરાશિયાતાઃ ।
સૌમ્યૈરયુક્તા અવિલોકિતાસ્તે જાતસ્ય સદ્યો મરણપ્રદાઃ સ્યુઃ

ચન્દ્રાંશે સઓપ્તમે ભૌમે સૌમ્યદૃષ્ટિવિવર્જિતે ।
સપ્તસપ્તતિતારાયામુપૈતિ મરણં શિશુઃ

મન્દાવનિજમાર્તણ્ડૈઃ પુત્રસ્યાનસમન્વિતૈઃ ।
સપ્તસપ્તતિનક્ષત્રે જાતસ્ય મરણં વદેત્

ધરસુતે ચન્દ્રનવાંશકસ્થે લગ્નાંશકે વા ન ચ જીવદૃષ્ટે ।
સુધાકરે નન્દનરાશિયાતે સમેતિ યામ્યં પદભાશુ બાલઃ

નીચં ગતે લગ્નપતૌ વિલગ્નાન્નાશં ગતે વા રવિજે તથાઽસ્તે ।
જાતો મૃતપ્રાયકલેવરઃ સન્કૃચ્છેણ વૈવસ્વતલોકમિતિ

અપોક્લિમસ્થાનગતા ન ભોગા વિધૂતવીર્યાં યદિ ભાનુમુખ્યાઃ ।
માસદ્વયં તસ્ય વા જાતસ્ય ચાયુઃ કથયન્તિ તજ્જ્ઞાઃ

લગ્નારિરન્ધ્રવ્યયગે શશાઙ્કે પાપેન દૃષ્ટે શુભદૃષ્ટિહીને ।
કેન્દ્રેષુ સૌમ્યગ્રહવર્જિતેષુ પ્રાણૈવિયોગં વ્રજતિ પ્રજાતઃ

સૌરે મદસ્થે યદિ વા વિલગ્ને જલોદયઽબ્જે યદિ કીટગે વા ।
સૌમ્યેષુ કેન્દ્રોપગતેષુ સદ્યો જાતસ્ય નાશં યવનોપદિષ્ટમ્

ભૌમક્ષેત્રગતે જીવે નીચરાશિગતેઽથવા ।
સન્ધ્યાત્રયે ચ સઙ્જાતો માસાન્મૃત્યુમુપૈતિ સઃ

રન્ધ્રે ધરાસૂનુદિનેશસૌરા જાતસ્તુ મૃત્યું સમુપૈતિ માસાત્ ।
કેતુસ્તુ યસ્મિન્નુદિતોઽત્ર જાતો માસદ્વયેનૈવ યમં પ્રયાતિ

પાપાબુદયાસ્તગતૌ ક્રૂરેણ યુતશ્ચ શશી ।
દૃષ્ટશ્ચ શુભૈર્ન યદા મૃત્યુશ્ચ ભવેદચિરાત્

ક્ષીણે હિમગૌ વ્યયગે પાપૈરુદયાષ્ટમગૈઃ ।
કેન્દ્રેષુ શુભાશ્ચ ન ચેત્ ક્ષિપ્રં નિધનં પ્રવદેત્

ક્રૂરેણ સંયુતઃ શશી સ્મરાન્ત્યમૃત્યુલગ્નગઃ ।
કણ્ટકાદ્વિઃશુભૈરવીક્ષિતશ્ચ મૃત્યુદઃ

શશિન્યરિવિનાશગે નિધનમાશુ પાપેક્ષિતે ।
શુભૈરથ સમાષ્ટકં દલમતશ્ચ મિશ્રેક્ષિતે ।
અસદ્ભિરવલોકિતે બલિભિરત્ર મ્(ભ)આસં શુભે
કલત્રસહિતે ચ પાપવિજિતે વિલગ્નાધિપે

અશુભસહિતે ગ્રસ્તે ચન્દ્રે કુજે નિધનાશ્રિતે
જનનિસુતયોર્મૃત્યુલગ્ને રવૌ તુ સશસ્ત્રજઃ ।
ઉદયતિ રવૌ શીતાંશૌ વા ત્રિકોણવિનાશગૈ-
ર્નિધનમશુભૈર્વીર્યોપેતૈઃ શુભૈરયુતેક્ષિતે

અસિતરવિશશાઙ્કભૂમિજૈર્વ્યયનવમોદયનૈધનાશ્રિતૈઃ ।
ભવતિ મરણમાશુ દેહનાં યદિ બલિના ગુરુણા ન વીક્ષિતૈઃ

સુતમદનનવાન્ત્યલગ્નરન્ધ્રેષ્વશુભયુતે મરણાય શીતશ્મિઃ ।
ભૃગુસુતશશિપુત્રદેવપૂજ્યૈર્યદિ બલિભિર્ન યુતોઽવલોકિતાં વા

અથ વર્ષમધ્યે મરણમ્ ।
યોગે સ્થાનં બલનશ્ચન્દ્રે સ્વં વા તનુગૃહમથવા ।
પપૈર્દૃષ્ટે બલવતિ મરણં વર્ધસ્યાન્તઃ કિલ મુનિગદિતમ્

અથ વર્ષદ્ભયમાયુઃ ।
વક્રી શનિભૌમગૃહોપયાતઃ કેન્દ્રેઽથવા શત્રુગૃહે વિનાશે ।
કુજેન સમ્પ્રાપ્તબલેન દૃષ્ટો વર્ષદ્વયં જીવયતિ પ્રજાતમ્

અથ વર્ષત્રયમાયુઃ ।
બૃહસ્પતિર્ભૌમગૃહેઽષ્ટમસ્થઃ સૂર્યેન્દુભૌમાર્કજદૃષ્ટમૂનિઃ ।
અબ્દૈસ્ત્રિભિર્ભાર્ગવદૃષ્ટિહીનો લોકાન્તરં પ્રાપયતિ પ્રજાતમ્

અથ ચતુર્થવર્ષ મરણમ્ ।
ષષ્ઠાષ્ટમે કર્કિણિ જન્મલગ્નાત્ સૌમ્યે સુધારશ્મિનિરીક્ષ્યમાણો ।
અબ્દૈશ્ચતુર્ભિઃ સમુપૈતિ નાશં જાતો નરઃ સર્વબલાન્વિતોઽપિ

અથ પઙ્ચમેઽબ્દે મરણમ્ ।
રવિચન્દ્રભૌમગુરુભિઃ કુજગુરુસૌરેન્દુભિઃ સહૈકસ્થૈઃ ।
રવિશનિભૌમશશાઙ્કૈર્મરણં ખલુ પઙ્ચમિવર્ષૈઃ

અથ ષદ્વર્ષમાયુઃ ।
યદા સુધારશિમનવાંશકસ્થે નિરીક્ષિતે શીતકરેણ મન્દે ।
લગ્નાધિપે ચન્દ્રદૃશા સમેતે જાતસ્ય ષદ્વર્ષમિતં તદાઽયુઃ

અથ સપ્તમેઽબ્દે મરણમ્ ।
લગ્ને યદ્દ્રેક્કાણો નિગલાહિહિહઙ્ગપાશધરસૂજ્ઞઃ ।
મરણાય સપ્તવર્ષૈઃ ક્રૂરયુતો ન સ્વપતિસન્દૃષ્ટઃ

અથ સપ્તાષ્ટવર્ષે મૃત્યુઃ ।
લગ્ને રવિશનિભૌમાઃ શુક્રગૃહે સપ્તમે શશી ક્ષીણઃ ।
દૃષ્ટો ન દેવગુરુણા સપ્તભિરષ્ટભિરબ્દકૈર્વા સ્યાત્

અથ નવમેઽબ્દે મૃત્યુઃ ।
દિવકરેન્દુભૂપુત્રઃ પુત્રસ્યાનસમન્વિતાઃ ।
જાતો યમપુરં યાતિ નવમાબ્દે ન સંશયઃ

પાપો વિલગ્નાધિપતિઃ શશાઙ્કાદન્યસ્થતઃ ક્રૂરનિક્ષિતશ્ચેત્ ।
ચન્દ્રાંશકસ્થે યદિ વા તદીશો જાતઃ શિશુર્યાતિ લયં નવાબ્દૈઃ

અથ દશવર્શાયુઃ ।
મૃગાંશકસ્થિતે મન્દે સૌમ્યદૃષ્ટિસમન્વિતે ।
જન્મપ્રભૃતિશત્રુત્વં તસ્યાયુર્દશવત્સરમ્

અથ એકાદશે વર્ષે મરણમ્ ।
રવિણા યુક્તઃ શશિજઃ સૌમ્યૈર્દૃષ્ટો વિનાશયતિ ।
એકાદશભિર્વર્ષૈર્જાતં નૃપતુલ્યભોગસમ્પન્નમ્

અથ દ્વાદશેઽબ્દે મરણમ્ ।
ચન્દ્રલગ્નાધિપઃ સૂર્યઃ સ્વપુત્રેણ સમન્વિતઃ ।
લગ્નાદષ્તમરાશિસ્થો દ્વાદશાબ્દે સિતેક્ષિતઃ

અલ્યાંશકસ્થિતે મન્દે સૂર્યેણૈવ નિરીક્ષિતે ।
પિતૃદ્વષસમાયુક્તો દ્વાદશાબ્દં ચ જીવતિ

અથ ત્રયોદશેઽબ્દે મૃત્યુઃ ।
લગ્નાંશકસ્થિતે મન્દે જીવદૃષ્ટિસમન્વિતે ।
ત્રયોદશાબ્દે મરણમ્ જાતસ્ય પિતૃવૈરિણઃ

અથ ચતુર્થદશઽબ્દે મૃત્યુઃ ।
કન્યાંશકસ્થિતે મન્દે સૌમ્યદૃષ્ટિસમન્વિતે ।
ચતુર્દશાબ્દે મરણં જાતઃ કોપી સમેતિ ચ

અથ પઙ્ચદશાબ્દય્યુઃ ।
સિમાંશકસ્થિતે મન્દે રાહુણા ચ નિરીક્ષિતે ।
શસ્ત્રપીડા ભવેત્તસ્ય ચાયુઃ પઙ્ચદશાબ્દકમ્

અથ ષોદશેઽબ્દે મરણમ્ ।
કર્કાશકસ્થિતે મન્દે જીવદૃષ્ટિસમન્વિતે ।
સર્પપીડા ભવેત્તસ્ય ષોડશાબ્દાન્મૃતિં વદેત્

અથ સપ્તદશેઽબ્દે મૃત્યુઃ ।
યમાંશકસ્થિતે મન્દે લગ્નનાથેન વીક્ષિતે ।
રણશૂરો મહાભોગી મૃતઃ સપ્તદશાબ્દકે

અથ અષ્ટાદશેઽબ્દે મૃત્યુઃ ।
પરસ્પરક્ષેત્રસમન્વિતૌ વા રન્ધ્રેશલગ્નાધિપતી ન સૌમ્યૌ ।
રિઃફારિભે વા ગુરુણા વિયુક્તે ત્વષ્ટાદશાબ્દે નિધનં પ્રયાતિ

અથ સદ્યો મૃત્યુઃ ।
જીવાંશકસ્થિતે મન્દે રાહુણા ચ નિરીક્ષિતે ।
દેહાધિપે શુભાદૃષ્ટે જાતઃ સદ્યો વુનશ્યતિ

અથ ૧૯ વર્ષે મૃત્યુઃ ।
તદીશસ્તુઙ્ગભાગશ્ચેદાયુરેકોનવિંશતિઃ

અથ ૨૦ વર્ષે મૃત્યુઃ ।
કેન્દ્રેષુ પાપેષુ નિશાકરેણ સૌમ્યગ્રહૈરીક્ષણવર્જિતેષુ ।
ષષ્ઠાષ્ટમે વા યદિ શીતરશ્મૌ જાતઃ સુખી વિંશતિવત્સરાન્તમ્

અથ ૨૨ વર્ષે મૃત્યુઃ ।
જીવેન સહિતઃ સૂર્યો લગ્નસ્થઃ કીટરાશિગઃ ।
અષ્ટમાધિપતૌ કેન્દ્રે દ્વાવિંશત્યબ્દકે મૃતિઃ

૨૬।૨૭ વર્ષે મૃત્યુઃ ।
મન્દોદ્યે શત્રુરાશૌ સૌમ્યૈરાપોક્લિમોપગૈઃ ।
ષડ્વિંશત્યબ્દકે વા સ્યાત્ સપ્તવિંશતિવત્સરે

અથ ૨૮ વર્ષે મરણમ્ ।
રન્ધ્રેશે જીવસન્દૃષ્ટે પાપે પાપનિરીક્ષિતે।
રન્ધ્રસ્થે જન્મપે મૃત્યુરષ્ટાવિંશતુવત્સરે

અથ ૨૯ વર્ષે મૃત્યુઃ ।
ચન્દ્રે મન્દસહાયસ્તુ સૂર્યશ્ચાષ્ટમસંસ્થિતઃ ।
એકોનત્રિંશકે વર્ષે જાતો યમ્પુરં વ્રજેત્

અથ ૨૯ વા ૩૦ વર્ષે મૃત્યુઃ ।
જન્મરન્ધ્રપયોર્મધ્યે નિશાનાથે વ્યયે ગુરૌ ।
સપ્તવિંશતિવર્ષે વા ત્રિંશદ્વયસિ વા મૃતિઃ

અથ ૩૨ વર્ષે મરણમ્ ।
અષ્ટમાધિપતૌ કેન્દ્રે લગ્નેશે બલવર્જિતે ।
ત્રિંશદ્વર્ષમિતાયુષ્માન્ દ્વાત્રિંશદ્વત્સરે મૃતિઃ

ક્ષીણે શશાઙ્કે યદિ પાપયુક્તે રન્ધ્રાધિપે કેન્દ્રગતેઽષ્ટમે વા ।
પાપાન્વિતે હીનબલે વિલગ્ને દ્વાત્રિંશદબ્દે નિધનં પ્રયાતિ

અથ અલ્પાયુર્યોગાઃ ।
ષષ્ઠાષ્ટમે વ્યયે પાપે લગ્નેશે દુર્બલે સતિ ।
અલ્પાયુરનપત્યો વા શુભદૃગ્યોગવર્જિતે

ક્રૂરષષ્ઠ્યંશકએ વાઽપિ રન્ધ્રેશે ભાનુજેઽપિ વા ।
પાપાન્વિતે પાપખેટે ચાલ્પમાયુર્વિનિર્દિશેત્

વ્યયાર્થૌ પાપસંયુક્તૌ શુભદૃષ્ટિવિવર્જિતૌ ।
ક્રૂરષષ્ઠ્યંશસંયુક્તૌ વાઽલ્પમાયુર્વિનિરિદિશેત્

ઇતિ દ્વાત્રિંશદ્વત્સરાન્તર્ભૂતબાલારિષ્ટયોગારિષ્ટસ્વલ્પાયુર્ભેદાઃ સમાપ્તાઃ ।
અથઆરિષ્ટભઙ્ગાઃ ।
અત્યન્તસત્ત્વે યદિ લગ્નનાથે સૌમ્યાન્વિતે તાદૃશદૃષ્ટિયોગે ।
કેન્દ્રસ્થિતે પાપદૃશા વિહીને સદ્ભાગ્યયુગ્ જીવતિ દીર્ઘમાયુઃ

અથ ચન્દ્રકૃતોઽરિષ્ટભઙ્ગઃ ।
ચન્દ્રઃ સન્પૂર્ણગાત્રસ્તુ સૌમ્યક્ષેત્રાંશગોઽપિ વા ।
સર્વારિષ્ટનિહન્તા સ્યાદ્ વિશેષાચ્છુક્રવીક્ષિતઃ

અથ શુભગ્રહકૃતોઽરિષ્ટભઙ્ગઃ ।
જીવભાર્ગવસૌમ્યાનામેકઃ કેન્દ્રગતો બલી ।
પાપકૃદ્યોગહીનશ્ચેત્સદ્યોઽરિષ્ટસ્ય ભઙ્ગકૃદ્

અથ ચદ્રકૃતોઽરિષ્ટભઙ્ગઃ ।
સ્વોચ્ચસ્થઃ સ્વગૃહેઽથવાપિ સુહૃદાં વર્ગે ચ સૌમ્યસ્ય વા ।
સમ્પૂર્ણઃ શુભવીક્ષિતઃ શશધરો વર્ગે સ્વકીયેઽપિ વા

શત્રૂણામવલોકનાદિરહિતઃ પાપૈરયુક્તેક્ષિતો।
અરિષ્ટં હન્તિ ઉદુસ્તરં દિનમણિઃ પ્રાલેયરાશિં યથા

પક્ષે સિતે ભવતિ જન્મ યદિ ક્ષપાયાં કૃષ્ણેઽથવાઽહનિ શુભાશુભદૃષ્ટમૂર્તિઃ ।
તં ચન્દ્રમા રિપુવિનાશગ્તોઽપિ નૂનમાપત્સુ રક્ષતિ પિતેવ શિશું પ્રજાતમ્

અથ ગુરુકૃતોઽરિષ્ટભઙ્ગઃ ।
કેન્દ્રોપગોઽતિબલવાન્ સ્ફુરદંશુમલી સ્વર્લોકરાજસચિવઃ શમયેદવશ્યમ્ ।
એકો બહુનિ દુરિતાનિ ઉદુતરાણિ ભક્ત્યા પ્રયુક્ત ઇવ શૂલધરે પ્રણામઃ

અથ લગ્નેશકૃતોઽરિષ્ટભઙ્ગઃ ।
લગ્નેશે બલયુક્તશ્ચેત્ ત્રિકોણે વા ચતુષ્ટયે ।
અરિષ્ટયોગજાતોઽપિ બાલો જીવતિ નિશ્ચયઃ

અથ ગ્રહકૃતોઽરિષ્ટભઙ્ગઃ ।
યસ્ય જન્મનિ તુઙ્ગસ્યાઃ સ્વક્ષેત્રસ્થાન્માશ્રિતાઃ ।
ચિરાયુષં શિશુ જાતં કુર્વન્ત્યત્ર ન સંશયઃ

અથ રાહુકૃતોઽરિષ્ટભઙ્ગઃ ।
રાહુસ્ત્રિષષ્ઠલાભે લગ્નત્સૌમ્યૈર્નિરીક્ષિતઃ સદ્યઃ ।
નાશ્યતિ સર્વદુરિતં મારુત્ ઇવ તલસઙ્ગાતમ્

અજવ્વૃષકર્કિવિલગ્ને રક્ષતિ રાહુર્નિરન્તરં બાલમ્ ।
વૃથિવીપતિઃ પ્રસન્નઃ કૃતાપરાધં યથા પુરુષમ્

અથ પુમશ્ચન્દ્રકૃતોઽરિષ્ટભઙ્ગઃ ।
નિશાકરઃ શોભનવર્ગયુક્તઃ શુભેક્ષિતઃ પૂરિતદીપ્તિજાલઃ ।
જાનસ્ય નિઃશોષમરિષ્ટમાશુ નિહન્તિ યદ્વદ્ ગરલં ગરુત્માન્

અથ રાશીશકૃતોઽરિષ્ટભઙ્ગઃ ।
ચન્દ્રાધિષ્ઠતરાશીશે લગ્ન્સ્થે શુભવીક્ષિતે ।
ભૃગુણા વીક્ષિતે ચન્દ્રે સ્વોચ્ચેઽરિષ્ટં હરેત્તદા

અથ લગ્નેશકૃતોઽરિષ્ટભઙ્ગઃ ।
લગ્નાધિપોઽતિબલશુભૈરદૃષ્ટઃ કેન્દ્રસ્થિતઃ શુભખગૈરવલોક્યમાનઃ ।
મૃત્યુંવિધૂય વિદધાતિ સ દીર્ઘમાયુઃ સાર્ધં ગુણૈર્બહુભિરૂર્જિતરાજલક્ષ્મ્યા

અથ મધ્યમાયુઃપ્રદતા જીવસ્ય ।
બલહીને વિલગ્નેશે જીવે કેન્દ્રત્રિકોણગે ।
ષષ્ઠામવ્યયે પાપે મધ્યમાયુરુદાહૃતમ્

દ્વાત્રિંશદ્વત્સરાદુપતિ સપ્તતિપર્યન્તં મધ્યમાયુર્યોગઃ ।
અથ પૂર્ણયુઃપ્રદા યોગાઃ ।
ચતુષ્ટયે શુભૈર્યુક્તે લગ્નેશે શુભસંયુતે ।
ગુરુણા દૃષ્ટિસંયોગે પૂર્ણમાયુર્વિનિર્દિશેત્

કેન્દ્રાન્વિતે વિલગ્નેશે ગુરુશુક્રસમન્વિતે ।
તામ્યાં નિરિક્ષિતે વાઽપિ પૂર્ણમાયુર્વિનિર્દિશેત્

ઉચ્ચાન્વિતૈર્સ્ત્રિભિઃ ખેટૈર્લગ્નરન્ધ્રેશસંયુતૈઃ ।
રન્ધ્રે પાપવિહીને ચ દીર્ઘમાયુવિનિર્દિશેત્

રન્ધ્રેસ્થિતૈર્સ્ત્રિભિઃ ખેટૈઃ સ્વોચ્ચમિત્રસ્વવર્ગગૈઃ ।
લગ્નેશે બલસંયુક્તે દીર્ઘમાયુવિનિર્દિશેત્

સ્વોચ્ચસ્થિતેન કેનાપિ ખેચરેણ સમન્વિતઃ ।
શનિર્વા રન્ધ્રનાથો વા દીર્ઘમાયુવિનિર્દિશેત્

ત્રિષડાયગતાઃ પાપાઃ શુભાઃ કેન્દ્રત્રિકોણગાઃ ।
લગ્નેશે બલસંયુક્તઃ પૂર્ણમાયુર્વિનિર્દિશેત્

ષટ્સપ્તર્ન્ધ્રભાવેષુ ઉભેષુ સહિતેષુ ચ ।
ત્રિષડાયેષુ પાપેષુ દીર્ઘમાયુર્વિનિર્દિશેત્

રિઃફશત્રુગતાઃ પાપા લ્ગ્નેશે યદિ કેન્દ્રગઃ ।
રન્ધ્રસ્થાનગતા પાપાઃ કર્મેશઃ બહુસમ્મતમ્

રન્ધ્રે શસ્થગૃહાધીશો યસ્મિન્ રાશૌ વ્યવસ્થિતઃ ।
તદીશો લગ્નનાથશ્ચ કેન્દ્રગો યદિ તાદ્દશમ્

દ્વિસ્વભાવં ગતે લગ્ને તદીશે કેન્દ્રગેઽપિ વા ।
સ્વોચ્ચમૂલત્રિકોણે વા ચિરં જીવતિ ભાગ્યવાન્

દ્વિસ્વભાવં ગતે લગ્ને લગ્નેશાત્ કેન્દ્રગૌ યદિ ।
દ્વૌ પાપૌ યસ્ય જનને તસ્યાયુર્દીર્ઘમાદિશેત્

ચરાંશકસ્થા રવિમન્દભૌમાઃ સ્થિરાંશકસ્થૌ ગુરુદાનવેજ્યૌ ।
શેષાશ્ચ યુગ્માંશગતા યદિ સ્યુસ્તદા સમુદ્ભૂતનરઃ શતાયુઃ

અથ પૂર્ણયુષઃ પ્રમાણમ્ ।
સપ્તત્યુપરિશતાન્તં પૂર્ણમાયુઃ ।
અથ યોગવિદેષાત્ યુગાન્તમાયુઃ ।
મન્દાંશકસ્થા રવિજીવભૌમા ધર્મસ્થિતાસ્તન્નવભાગસંસ્થાઃ ।
બલાન્વિતા લગ્નગતો હિમાંશુર્યુગાન્તમાયુઃ શ્રિયમાદધાતિ

અથ મુનિત્વપ્રદો ગ્રહયોગઃ ।
એકાંશભાગૌ ગુરુસૂર્યપુત્રૌ ધર્મસ્થિતૌ વા યદિ કર્મસંસ્થૌ ।
અર્કોદયે સૌમ્યનિરીક્ષ્યમાણૌ મુનિર્ભવેદત્ર ભવશ્ચિરાયુઃ

અથ અમિતમાયુઃ ।
ગુરુશશિસહિતે કુલિરલગ્ને શશિતનયે ભૃગુજે ચ કેન્દ્રયાતે ।
ભવરિપુહજોપગૈશ્ચ શેષૈરમિતમિહાયુરનુક્રમમાદ્વિના સ્યાત્

અથ દેવસાદૃશ્યપ્રદા ગ્રહસ્થિતિઃ ।
ત્રિકોણે પાપનિર્મુક્તે કેન્દ્રે સૌમ્યવિવર્જિતે ।
રન્ધ્રે પાપવિહીને ચ જાતસ્ત્વમરસન્નિભઃ

શન્યાદિભૌમપર્યન્તં લગ્નાદૌ ખેચરાઃ સ્થિતાઃ ।
વૈશેષિકાંશસંયુક્તા જાતસ્ત્વમરસન્નિભઃ

અથ શ્રસઙ્ખ્યાયુઃપ્રાપ્તિઃ ।
મેષાન્ત્યલગ્ને સગુરૌ ભૃગૌ વા નિશાકરે ગોગૃહમધ્યમાંશે ।
સિંહાસનાંશે યદિ વા ધરાજે જાતસ્ત્વસઙ્ખ્યાતમુપૈતિ મન્ત્રૈઃ

અથ મુનિસમત્વમ્ ।
દેવલોકાંશકે મન્દે ભૌમે પારાવતાંશકે ।
સિંહાસને ગુરૌ લગ્ને જાતો મુનિસમો ભવેત્

અથ યુગાન્તમાયુઃ ।
ગોપુરાંશે ગુરૌ કેન્દ્રે શુક્રે પારાવતાંશકે ।
ત્રિકોણે કર્કટે લગ્ને યુગાન્તં સ તુ જીવતિ

અથ બ્રહ્મપદપ્રાપ્તિઃ ।
ચાપાંશે કર્કટે લગ્ને તસ્મિન્ દેવેન્દ્રપૂજિતે ।
ત્રિચતુર્ભિર્ગ્રહૈઃ કેન્દ્રે જાતો બ્રહ્મપદં વ્રજેત્

લગ્ને સેવ્યે ભૃગૌ કામે કન્યાયામુડુનાયકે ।
ચાપે મેષાંશકે લગ્ને જાતો યાતિ પરં પદમ્

અથ આયુષઃ સપ્તવિધતા ।
બાલારિષ્ટં યોગસઙ્જાતમલ્પં તેષાં ભઙ્ગાન્મધ્યમં દીર્ઘમાયુઃ ।
દિવ્યં યોગામ્યાસમન્ત્રક્રિયાદ્યૈરાયુઃ સપતૈતાનિ સઙ્કીર્તિતાનિ

ઇતિ શ્રીનવગ્રહકૃપયા વૈદ્યનાથરચિતે જાતકપારિજાતે
બાલારિષ્ટાધ્યાયઃ ચતુર્થઃ