Jataka Parijata · Chapter p2

cakraṃ vilivya maha lagnadivākarādyaiḥ sūryādilagnabhavanāntaviyaccarāṇām /
vākyāṣṭakopaganavarṇaniyojināścedbhinnāṣṭavargajanināgvilabindhavaḥ syuḥ

devo dhavo dhīgavaśastamo ramā dhūliḥ kramāḍuṇakādibindavaḥ /
sālolamaṅkhyāḥ bhamudāyāmbandavaḥ bhavāṣṭavarga gamudāyasaṃjñakaḥ

meṣādiyadgṛhagatā vasusaṅkhyayātāstadbhāvapuṣṭibalavṛddhikarā bhavanti /
ṣadpaṅcasaptasaṃhitāni śubhrapradāni tridvyekabinduyutabhāni na śobhanāni

miśraṃ phalaṃ bhavati sāgarabinduyoge rogāpavādabhayadā yadi śūnyabhāvāḥ /
ekādibinduyutabhānumukhagrahāṇāṃ bhinnāṣṭavargajani sarvaphalaṃ pravacim

karoti nānāvidharogaduḥkhabhayāṭanādīni ca saikabinduḥ /
dviko manastāpanṛpālacorakutāṇvādāśananāśanāni

trikastvasaṅcārakṛśāvalambakateñravyakulamānasāni /
sukhāsukhārthavyayavittalābhaphaladaḥ sāgarabindukaḥ syāt

sadvastralābhasutalālanasādhusaṅgavidyādhanani kurute ca sapaṅcabinduḥ /
ṣaḍbindukastu navamohanarūpaśīlasaṅgrāmajiddhanayaśobalavāhanāni

sasapnabindusturagādiyānasenādhanaprābhavaśobhanāni /
bindvaṣṭakaḥ saptaguṇābhirāmarājapratāpaṃ prakaṭīkaroti

śarādibindusthitarāśiyātaḥ svakīyavarge śubhadastu nityam /
ato'nyathā cedaphalapradātā gocārataḥ śunyaphale pramādī

svoccamitrādivargasthāḥ kendrādibalasaṃyutāḥ /
aniṣṭaphaladāḥ sarve svalpabinduyutā yadi

duṣṭasthānasthitā ye ca ye ca nīcāribhāṃśagāḥ /
te sarve śubhadā nityamadhibinduyutā yadi

dineśamukhyagrahavargakeṣu yadā śaniḥ śūnyagṛhaṃ prayātaḥ /
karoti pitrādikabhāvajānāmatīva rogāribhayākulāni

lagnaṃ gate dinakare ripunīcabhāge jātaḥ kṛśānuyugabinduyute ca rogī /
vāṇādibindusahitodage dineśe svocce'thavā nijagṛhe nṛpatiścirāyuḥ

kendratrikoṇopagate dineśe ṣaṭpaṅcasaptāṣṭakabinduvarge /
rudrāmalānīcalābdakeṣu jātasy vā tajjanakasya mṛtyuḥ

śodhyāvaśiṣṭadvayabinduyāte kendrasthite senduśanīndusūnau /
bhānau daśābdātparataḥ samṛddhāṃ tātasya rājyaśriyamāhurāryāḥ

atha candraphalam /
śūnyāgāraṃ taraṇiśaśinoraṣṭavarge tadīyo
māso rāśiḥ sakalaśubhade karmaṇi tyājya āhuḥ /
yakṣmālasyaṃ śaśini tanuge saukalokākṣibindau
saptatriṃśaccharadi maraṇaṃ vitrkheṭānvite ca

kendratrikoṇāyagate śaśāṅke nicārige vṛddhikalāvihīne /
bindudvike vā yadi satribindau tadbhāvanāśaṃ kathayanti tajjñāḥ

devādibinduyutakoṇacatuṣṭaye vā lābhe vidhau balayute yadi bhāvavṛddhiḥ /
bindudvaṣṭake śaśini kendragate tu jātā vidyāyaśodhanabalaprabalā narendrāḥ

atha bhaumaphalam /
svoccasvake gurusukhodayamānayāte bundvaṣṭake ca yadi koṭighanaprabhuḥ syāt /
cāpājasiṃhamṛgakīṭavilagnasaṃsthe bhaume catuṣṭayaphalopagate ca rājā

bindvaṣṭake dharaṇije'tilaghukṣitīśo māne'thavā tanugate ca mahīpatiḥ syāt /
jāto'vanīśakulajo yadi deśanāthaḥ svoccasvarāśisahite nṛpacakrvartī

atha budhaphalam /
kendratrikoṇe vasubinduke jñe jātīyavidyādhikabhogaśālī /
svoccādikaikadvitayatribindau tadbhāvavṛddhirnaca bhāvahāniḥ

bindvādhikyaṃ yattadāgāramāse vidyārambhaḥ sarvavidyākaraḥ syāt /
gocāreṇa jñasyaṃ śunyālayasthe mande bandhujñātisampadvināśaḥ

atha guruphalam /
jīvāṣṭavargādhikabindurāśau lagne niṣekaṃ kurute sutārthī /
tadrāśidigbhāgagṛhasthitāni govittayānāni bahūni ca syuḥ

jīvāṣṭavargalaghubindugṛhopayāte bhānau kṛtākhilaśubhāni vināśitāni /
paṅcādibindinkaripuvyayarandhragejye jātaścirāyurativittajitārikaḥ syāt

svocce'thavā nijagṛhe vasubandhuyukte kendrasthite suragurau gurubhāvage vā /
nīcāribhāvamapahāya vimūḍharāśau jātaḥ svakīyayaśasā pṛthivīpatiḥ syāt

yadā mahīdevakulaprajātā tadīyayoge narapālatulyāḥ /
kṛtāni puṇyaprabhavaprasiddhabuddhipratāpāni guṇābhirāmāḥ

sasaptabindau saha lakṣmaṇena jīve bahustrīdhanaputravantaḥ /
ṣaḍbinduke vāhanavittavantaḥ sapaṅcabindau jayaśīlavantaḥ

atha śukraphalam /
sāṣṭabinduphalakoṇakendrage bhārgave tu balavāhanādhipaḥ /
āyurantamavināśabhogavān vittaravnavibhuradribinduke

nīcāstariṣphanidhanopagate tu kāvye pūrvoditakṣitipayogavināśanaṃ syāt /
śukro'lpabinduyutamandiradigvabhāge strīvaśyahetuśayanīyagṛhaṃ praśastam

atha śaniphalam /
koṇasya śūnyatararāśigate tu mane jātasya mṛtyuphalamāśudhanakṣayo vā /
ekadvilokayugabinduyute ca kendre mukte svatuṅgabhavane ravije'lpamāyuḥ

ṣaṭpaṅcanidusahite tanuge balāḍhye janmādiduḥkhabahulaṃ dhananāśameti /
mande śarādiphalanīcasapatnabhāve jātaścirāyuratibhanavargakendrau

mūḍhārinīcagṛhage śaravedabindau dāsyuṣṭravittahitāstanaye tanusthe /
saure'ṣṭabindugaṇite paramantratantragnāmādhipāstu giribindugṛhe dhanāḍhyaḥ

atha prastārakam /
ālikhya cakraṃ navapūrvarekhā yāmyottarasthā daśa ca trirekhāḥ /
prastārakaṃ ṣaṇṇvatiprakoṣṭaṃ paṅktyaṣṭakaṃ cāṣṭakavargajaṃ syāt

horāśaśībodhanaśukrasūryabhaumāmarendrācintabhānuputrāḥ /
yāmyādipaṅktyaṣṭakarāśināthāḥ krameṇa tadvinduphalapradāḥ suyḥ

sabindugaḥ sarvaphalapradaḥ syādabinduko yadyaphalapradaḥ syāt /
arātinīcāstgato nabhogaḥ sabinduko'pi pravilopakartā

atha trikoṇaśodhanam /
paṅca prācīrālikhe(sve)dvāṇaraṅkhyāstiryaghekhā varjitāntaścatuṣkāḥ /
prāgādīśā dvādaśa vyomavāsā jyotiścakrasvāminastūbarādyāḥ

ajaharituragāṅgairukṣakanyāmṛgasthairyugadhaṭaghaṭarūpaiḥ karkikīṭāvasānaiḥ /
dinakarasukhavarge tattrikoṇopayātā laghutarasamaśūnyā bindavaḥ śodhitāḥ syuḥ

trikoṇabhāveṣu yadalpabindavastadīyabindu bhavatastu tāvubhau /
na binduko yastu na śodhitetarau samānasaṅkhyā yadi sarvamussṛjet

athaikādhipatyaśodhanam /
kaṇṭhīravaṃ kaṭakbhaṃ ca vinā kujādikāvāsarāśiyugalopagabindusaṅghyāḥ //
tattulyaśūnyavighamāgnasahagrahādyāstvekādhipatyapariśodhitaśeṣitāḥ syuḥ

rāśidvayaṃ sadyucaraṃ na śodhayedekaṃ dvayoḥ śūnyamamapyaśodhayet /
kalādhike kheṭayute paraṃ tyajet tulyānabhogadvitayaṃ parityajet

sakhecarākhecarabindusāmye viśodhayedagrahabindusaṅkhyām /
vikheṭarāśidvayabindavo ye nyūnādhikā nyūnasamā vidheyāḥ

kheṭopayāte laghubindurāśau tattulyamāyānti tadanyasaṅkhyāḥ /
pūrvaṃ trikoṇaṃ pariśodhya paścādekādhipatyasya tataḥ prakalpyāḥ

śodhyāvaśiṣṭāni guṇīkṛtāni meṣādimānairguṇakaṃ hi bhānām /
sūryādikāste guṇitāḥ svamānaireṣām grahāṇāṃ guṇakaṃ vadanti

śailāśāvasusāgarāmbaraśaraiḥ śailāhigosāyakai-
rīśadvādaśamiśra rāśiguṇakairmeṣādibhānāṃ kramāt /
bāṇaiḥ paṅcabhiraṣṭkaiḥ śaranabhaḥśaileṣubhirbhisvarā-
devaṃ vyomatalādhivāsaguṇakairāyurvidhānoditaiḥ

tadrāśikheṭaguṇakaikyaphalāni hṛtvā triśadbhirabdacayamāsadinādikāḥ syuḥ /
taddvādaśādhikasamā yadi rāśimānairāhṛtya tatsamatayā'nuharettadāyuḥ

uccaṃ gatasya dviguṇaṃ tadīyaṃ nīcaṃ gatasyāstagatasya cārddham /
ato'ntarāle tvanupātyamāyurārasya vakre dviguṇikṛtaṃ syāt

mūlatrikoṇanijamitragṛhopagānāṃ tuṅgādivargaśubhayoganirīkṣitānām /
uktaprakāragaṇitāgamamāyureva pāpārivargasahitasya vipādamāyuḥ

ravimukhyanabhogadattasaṅkhyāḥ paramāyuḥ śaradastu mānavānām /
savilagnasamāśca kecidāhurgurumūlātsamupaiti tulyamāyuḥ

kendrādanyagate candre sakheṭe cāṣṭavargajam /
āyureva nabhaḥsthāne śubhapāpayute'thavā

ravyādikheṭasthitarāśiyātāḥ svakīyavargopagabinusaṅkhyāḥ /
vedhāṣṭavargaprabhavāyurabdā bhavanti sarve haraṇakriyāśca

tattatkārakabhāvabinduguṇitaṃ śodhyāvaśiṣṭaṃ phalaṃ
vimśatyā saha saptabhiśca vihṛtaṃ taccjeṣatārāśanau /
tātastajjananī sahodarajano bandhuḥ sutaḥ strīsvayaṃ
tattulyā vilayaṃ prayānti vipulaśrīnāśahetuśca vā

iti bhinnāṣṭavargaḥ /
atha samudāyāṣṭakavargaḥ /
tataḥ samālikhya bhagolacakraṃ samastabindusthitarāśikoṣṭham /
ravyādikānāmajapūrvakāṇāṃ bindūpagasthānaphlaṃ vadāmi

āpaṅcaviṃśati phalānyaphalānyasatyamātriṃśadakṣasahitāni samadhyamāni /
triṃśatparāṇi sukhavittayaśaskarāṇi tadbhāvavṛddhiphaladāni ca sāmudāye

ye tuṅgarāśisvasuhṛdgṛhatvā ye koṇakendropacayasthitaścaḥ
ye saumyavargādibalopayātāste nāśadāḥ lāghavabindukāścet

ye māndirāśipatinā saha bodhakāśca
te sarvamukhyaphaladāstvadibindukāścet

mānasthitāllābhagṛhe bahutve lābhāllaghutve yadi riṣpharāśau /
riṣphopayātādadhike vilagne jātaḥ sukhī vittayaśobalāḍhyaḥ

khaṇḍatrayaṃ śapharakarkaṭakīṭakādyaṃ tattaccatuṣṭayagṛhopagabinduyuktam /
ādyaṃ ca madhyamavasānabhiti prayuktaṃ kecidvyayādikamiti pravadanti loke

binduṃ syaktvā riṣpharandhropayātaṃ śiṣṭaṃ khaṇḍaṃ kecidicchanti santaḥ /
tulyavalpādhikyabindukrameṇa miśraṃ duḥkhaṃ sampadaḥ syūrnarāṇām

saumyākrāntaṃ yadi sukhakaraṃ miśradaṃ miśrayogaṃ /
khaṇḍaṃ pāpadyucarasahitaṃ kleśayogākaraṃ syāt /
bindusvalpe yadi nijamanastāpavān pāpavādī
bindvādhikye vayasi vipulaḥ śrīsametaḥ prajātaḥ

yāvadvindurlagnagastāvadīyasaṅkhyātīte vatsare rājayānam /
vittaṃ putraṃ cātividyāmupaiti jātaḥ sapadyogaśālī naraścet

riḥphādhīśe mandagehodayasthe horārandhrasvāminau durbalau ca /
lagne yāvadibindusaṅkhyāstadīyā jātasyāyurvatsarāḥ sambhavanti

yānādhīśe lagnage vāhanasthe lagnādhīśe tadgrahopetarāśyoḥ /
triśatsaṅkhyā binduvaḥ satrayaścejjātā rājaśrīnidānā nareśāḥ

horābandhuprāptibhāvatrayeṣu triṃśanmānādhikyabindūpageṣu /
jātastejaḥśrībahutvaṃ ca rājyaṃ catvāriśadvatsarādūrghvameti

yatyaṅcaviṃśatimukhāstridaśāntasaṅkhyā bandhusthitā navamarāśikabindavaśca /
yadyaṣṭakena saha viśativatsarāṇāmante pare śaradi vā naravāhanāḍhyaḥ

devācārye vahanasthe svatuṅge catvāriṃśadbindusaṅkhyavatsareśe /
meṣagate lagnage vāsareśe jāto rāja lakṣasaṅkhyāścanāyaḥ

catvāriṃśadbinduyukte vilagne cāpe jīve bhārgave mīnarāśau /
svocce bhaume kumbhage bhānuputre jātaḥ sarvaśrīdharaḥ sārvabhaumaḥ

kriyādirāśitritayopayātā bhavanti pūrvādicaturdaśaśca /
phalādhikaṃ yadiśī tatpradeśe dhanādivṛddhi samupaiti jātaḥ

lagnādiśanyantagataṃ turaṅgaiḥ saṅguṇya tārāhṛtalabdhayāte /
ravyādipāpe yadi koṇage vā rogādipīḍāvipulaṃ narāṇām

mandāilagnāntaphalaṃ ca tadvallagnāntamārādudayātkujāntam /
śubhaikyasaṅkhyāgatatārakāyāṃ śubhagrahe saukhyaphalaṃ vadanti

śodhyaṃ rāśidyucaraṇaguṇakaiḥ saṅguṇayyaitadaikyaṃ
hatvā śailairuḍugaṇahṛtaṃ labdhamabdādikaṃ syāt /
mānādhikye viśatamaśate tārakāyurvarāṅgaiḥ
saguṇyāptaṃ divasanicayaimārtulaiḥ śuddhamāyuḥ

svalpamadhyabahumānavtsarā maṇḍalonayutakarmakalpitāḥ /
tulyakālamupayānti sarvataḥ sadguṇodayakaṭākṣavīkṣaṇāt

śrīvaidyanāthakṛtajātakapārijāte parāśarādiphalasārarasopayāte /
prastārabhinnasamudāyakabinduśīlaḥ saṅkīrtitastu sakaladyucaraprasādāt