Garuda Purana · Chapter 3.15

iti śrīgāruḍe mahāpurāṇe uttarakhaṇḍe tṛtīyāṃśe brahmakāṇḍe vaiśvadevārthakasārāsāravastuviveko nāma caturdaśodhyāyaḥ
śrīgaruḍamahāpurāṇam- 15
śrīkṛṣṇa uvāca /
athāvatā rānpuruṣākhyo hariśca gato dhyānaṃ kartumīśo mahātmā /
prādurbabhūvākhilasadguṇārṇavaḥ sa eva viṣṇuḥ sa ca bījabhūtaḥ

yo bījabhūtaḥ puruṣākhya viṣṇuḥ sa evābhūdvāsudevo mahātmā /
sṛṣṭiṃ kartuṃ puruṣākhyasya vāyormāyākhyāyāṃ mūlarūpo yathā'sa

yo vāsudevastu sa eva jātaḥ saṃkarṣaṇākhyo khilasadguṇātmā /
sṛṣṭiṃ kartuṃ sūtrabhūtasya vāyorjayākhyāyaṃ pūrṇasaṃvitparātmā

sa evaṃ saṃkarṣaṇanāmadheyaḥ pradyumnanāmā ca sa eva viśrutaḥ /
sarasvatībhāratīsarjanārthaṃ sa eva devyā mūlarūpo babhūva

sṛṣṭvā yuktaṃ ṣoḍaśabhiḥ kalābhirmahattattvaṃ sūkṣmarūpaṃ sa eva /
sāhaṅkāraṃ krīḍayāmāsa devaḥ śṛṇu tvaṃ vai ṣoḍaśākhyāḥ kalāśca

bhūtāni karmendriyapañcakāni jñānendriyāṇīha tathā manaśca /
tato babhūva hyaniruddhasaṃjñako jīvāṃśca saṃgṛhya supūrṇaśaktiḥ

soyaṃ viriñcyādisamastadevān sthūlena dehena sasarja nāthaḥ /
tathā sa viṣṇuḥ puruṣābhidhastu sanatkumāratvamavāpa vīndra

ananyasādhyaṃ brahmacaryaṃ ca kartuṃ daśendriyāṇāṃ śoṣaṇārthaṃ sadaiva /
sanandanādau paṭhitaḥ kumārastasmānnānyo nātra vicāryamasti

sa eva viṣṇuḥ sūkaratvaṃ hyavāpa kṣopaṇīmuddhartuṃ daityavapurnihantum /
hiraṇyākṣaṃ sajjanānāṃ khagendra tathā bhūmeḥ sthāpanārthaṃ ca devaḥ

tato harirmadvidāsatvamāpānṛṣerbhāryāyāṃ yāminyāṃ yo mahātmā /
tatrāvatāre pañcarātraṃ samagramupādeṣṭuṃ nāpa dānaṃ svatantraḥ

sa eva viṣṇuḥ samabhūdbradaryāṃ nārāyaṇākhyaḥ śamalāpahaśca /
tapastaptuṃ śikṣayituṃ tvṛṣīṇāṃ tiraskartuṃ hyapsarasāṃ sahasram

tato hariḥ kapilatvaṃ hyavāpya tirohitānkālabalena tattvān /
caturviśatiṃ saṃśayaṃ coddhariṣyannupādiśaccāsuraye mahātmā

sa eva dataḥ samabhūdrameśonasūyāyāmatrirūpaḥ parātmā /
ānvīkṣikiṃ nāma sutarkavidyāmalarkanāmne pradadāttāṃ mahātmā

sa eva vaṃśepyabhavadraveśca ākūtyāṃ yaḥ saccidānandarūpaḥ /
svāyaṃbhuvaṃ yattu manvantaraṃ ca devaiḥ sākaṃ pālayāmāsa vīndra

sa eva viṣṇuḥ sa urukramobhūdāgnīdhraputryāṃ merudevyāṃ ca nābheḥ /
vidyāratānāṃ mānināṃ sarvadaivamatyāścaryaṃ darśayituṃ ca vīndra

tato harirjagṛhe kūrmarūpaṃ surāsurāṇāmudadhiṃ vimathnatām /
pṛṣṭhe dhartuṃ mandaraṃ parvataṃ ca brahmāṇḍaṃ vā dhartumīśo mahātmā

tato hariḥ prādurabhūnmahātmā dhanvantarirnāma harinmaṇidyutiḥ /
apathyadoṣānparihartumeva haste gṛhītvā pūrṇakubhaṃ sudhābhiḥ

tato harirjagṛhe śrīvapuśca yanmohinīti pravadanti loke /
udvṛttānāṃ ditijānāṃ mahātmā samyakteṣāṃ vañcayituṃ harirbalam

tato hariḥ prādurabhūnmahātmā nṛsiṃhanāmā bhagavānanantaḥ /
daityo hiraṇyakaśipuśca tathorudeśe saṃsthāpitaḥ karajairdāritaśca

tato harirbhagavānvāmanobhūdadityāṃ vai kaśyapāddavadevaḥ /
indrāyedaṃ dātukāmaḥ khagendra tadarthaṃ vai pāvituṃ sovituṃ ca

tato harirjamadagneḥ sutobhūlloke sarve parśurāmaṃ vadanti /
brahmadviṣāṃ kṣatriyāṇāṃ ca vīndra bhūmiṃ niḥ kṣatrāṃ kartukāmo maheśaḥ

tatobhavadvyāsarūpī sa viṣṇuścaturvāraṃ rāghavāsyāpi pūrṇaḥ /
parāśarātsatyavatyāṃ babhūva pailādibhirvedabhāgāṃśca kartum

tato harī raghuvaṃśevatīrṇaḥ kausalyāyāṃ rāghavaḥ sūryavaṃśe /
samudrādorvigrahaṃ kartumīśo haṃ tuṃ bhūmyāṃ rāvaṇādīṃśca vīndra

tato harirvyāsarūpī babhūva aṣṭāviṃśe dvapare jñānarūpī /
parāśarātsatyavatyāṃ mahātmā svayaṃ vedān saṃvibhaktuṃ ca devaḥ

tato hariḥ kṛṣṇarūpī babhūva devakyāṃ vai vasudevātsa viṣṇuḥ /
kaṃsādīnvai nitarāṃ hantukāmaḥ samyakpātuṃ pāṇḍavāṃścāpi vīndra

tataḥ kalau saṃpravṛtte haristu saṃmohanārthaṃ cāsurāṇāṃ khagendra /
nāmnā buddho kīkaṭeṣu prajāto vedapramāṇaṃ nirākartumeva

tato hariḥ kalkisaṃjñaśca vīndra utpatsyate yugayormadhyasaṃdhau /
dasyuprāyānbhūmipānvai nihantuṃ nāmnā harirviṣṇuguptasya gehe

keśavādyāścaturviṃśatirvai saṃkarṣaṇādayaḥ /
viśvādaya sahasraṃ ca parādyā amitāḥ smṛtāḥ

avatārā hyasaṃkhyātā viṣṇornārāyaṇasya ca /
svayaṃ nārāyaṇāste te nāṇumātraṃ vibhidyate

balatorūpataścāpi guṇataśca kathañcana /
anantonantaguṇataḥ pūrṇo viṣṇurna cānyathā