Garuda Purana · Chapter 3.11

iti śrīgāruḍe mahāpurāṇe śrīkṛṣṇagaruḍasaṃvāde dvitīyāṃśe dharmakāṇḍe pretakalpe brahmāṇḍādivaikṛtaikadeśaprākṛtasṛṣṭinirūpaṇaṃ nāma daśamo 'dhyāyaḥ
śrīgaruḍamahāpurāṇam- 11
śrīkṛṣṇa uvāca /
puruṣākhyo hariḥ sākṣādbhagavānpuruṣottamaḥ /
śiśyetvaṇḍodaka viṣṇurnṛṇāṃ sāhasravatsaram /
lakṣmīścodakarūpeṇa śayyārūpeṇa bhoṇḍajā

vidyā taraṅgarūpeṇa vāyurūpeṇa bhoṇḍaja

tamorūpeṇa saivāsī nnānyadāsītkathañcana /
asīdgarbhodake caiva nānyadāsītkathañcana

lakṣmīstuṣṭāva ca hariṃ garbhode pakṣisattama /
lakṣmīdharābhyāṃ rūpābhyāṃ prakṛtirhariṇā tathā

śeta śrutisvarūpeṇa stauti garbhodake harim /
nārāyaṇa namaste 'stu śṛṇu vijñāpanaṃ mama

ajāṃ jahi mahābhāga yogyānāṃ muktimāvaha /
ajā tu prakṛtiḥ proktā cāparā prakṛtiḥ parā

śatatovarā tu brahmāṇī brahmapatnī varānanā /
umā śacyavarā tasyā avarāḥ saṃprakīrtitāḥ

etāsāṃ hananaṃ naiva prārthayāmaḥ sadā hare /
asti pratinṛṣu brahma prakṛtī dve vyavasthite

ekā tu nityasaṃsārā tvajaśabdābhidhāyikā /
dvitīyā tu tamo 'pohyā ajaśabdābhidhāyikā

ata eva tvaje jyeṣṭhe iti loke prakīrtite /
sukhaduḥ khapradā caiva aparā duḥ khadaiva tu

mokṣādhikāriṇāmeva jñānaiśvaryādayo gaṇāḥ /
teṣāmācchādikā hokā tamoṅgā sā prakīrtitā

jīvaṃ prati mahāviṣṇuṃ pāhyācchādayati prabho /
sā parā prakṛtirjñeyā paramācchādikā smṛtā

evaṃ sā paramā duṣṭā hokā tamoṅgā tu prakīrtitā /
jīvavargeṣveva khaga brahmādernāsti sā kvacit

piśācavatsamuddiṣṭā jīvasyetyadhikāriṇaḥ /
prerikā tu tayordevyo stvahamādyā sukhātmikā

tatra viṣṇo mahābhāga saguṇācchādako hitaḥ /
paramācchādikāṃ duṣṭāṃ vyāmucyaiva mahāprabho

mokṣaṃ dehi mahādeva tvadbhaktānāṃ mahāprabho /
paramācchādikā hyasmānnitya saṃsāriṇo yataḥ

ata eva ca nityatvāttasmāttadapasāraṇam /
kuru deva mahābhāga iti vijñāyatāṃ mama

evaṃ stuto hariḥ kṛṣṇo suprabuddho 'pi sarbadā /
udvuddhavanmahā viṣṇurabhūdajñaparīkṣayā

tasya nābherabhūtpadmaṃ sauvarṇaṃ bhuvanāśrayam /
tatprākṛtaṃ ca vijñeyaṃ bhūdevī tvabhimāninī

anantasūryavaccaiva prakāśakaramīritam /
cidānandamayo viṣṇustasmādbhinno na saṃśayaḥ

viṣṇoḥ svarūpabhūtaṃ ca ye vijānanti te narāḥ /
te yānti hyadharaṃ lokaṃ tathā tatsaṃgisaṃginaḥ

kirīṭādikavaccaiva jñātavyaṃ ca khageśvara /
kirīṭādyā api harerdvidhā saṃti na saṃśayaḥ

svarūpā hyasvarūpāśca svasvarūpani darśane /
gṛhītā iti vijñeyā na svarūpāḥ khageśvara

bhmāṇḍaṃ hyasṛjattatra sarvalokavidhāyakam /
pralaye muktihīnaśca supta ityucyate budhaḥ

tasya samivastrivaṃ ca na jñātavyā khageśvara /
pralayopi mahābhāga brahmavāyvorna cāsti hi

vṛttirūpaṃ paraṃ jñānaṃ pādyārghyaṃ nātra saṃśayaḥ /
indriyāṇāmuparatiḥ suptirityucyate budhaiḥ

brahmavāyvośca pāsagni vāstavaṃ syātkhageśvara /
kathaṃ tarhi tayorvarte hyavilatyatvamucyate

tasmāttadvāstavaṃ nāsti brahmavāyvoḥ khageśvara /
svapnāvasthāyāḥ sadṛśī hyavasthā suptisaṃjñikā

brahmaṇyamukhyayā vṛttyā hyastītyevaṃ nibodha me /
ato na vāstavamidamaṅgīkāryaṃ khageśvara

vāstavaṃ ye vijānanti teṣāṃ nityaṃ dhanaṃ tapaḥ /
śrīgaruḍa uvāca /
suptistvajñānakāryatvātsuptirnāstītyudīritā

yadā hi kāraṇaṃ cāsti tadā kāryamiti prabho /
ityabhiprāyagarbheṇa tvaṃ samādhāsya te yadi

tarhi tasya mahābhāga kathaṃ brūhi bhayādikam /
bhayādikaṃ hyastu nāma kā vāsmākaṃ kṣatirbhavet

evamuktastu govindobravīttatrāpi kāraṇam /
bhayaṃ tvajñānakāryaṃ syātkāryākāraṇamatra hi

prīyate matvā brahma tasmātsuptiśca tatra hi /
ajñādikaṃ yadi brahma tasya na syātkathañcana

kathaṃ sukhī pradṛśyeta na kathañcitkariṣyati /
kathaṃ vā muktiparyantaṃ jñānavyaktirvadasva me

yadyajñānaṃ tasya satyaṃ na syāttarhi mahāprabho /
atyādarātkathaṃ brahmañchravaṇaṃ kurute vada

iti tasya vacaḥ śrutvā kṛṣṇo vacanamabravīt /
bhayaṃ ca vāstavaṃ tasya na jānīhi mahāmate

dṛśyate madbhayaṃ tasya hariprītyarthameva ca /
bhayākāmavatīvānamuvāstavamīritam

prāptaprābdhaleśasta tasya nāsti khageśvara /
duḥ khājñānādikaṃ kiñcitkathaṃ tasmin bhaviṣyati

viṣṇorājñānusāreṇa bhayāyānukarotyasau /
tena prīṇāti ca haristasya nāstyatra saṃśayaḥ

śṛṇoti satataṃ brahmā na cintyāttāvatājñatā /
kadāciddṛśyate brahmā duḥ khī na ca khageśvara

yadbrahma ca na jānīyāddhariprītyarthameva ca /
duḥ khivaddṛśyate brahmā ājñānāṃ mohanāya ca

yogyatāmanatikramya yāvajjñānaṃ ca tiṣṭhati /
brahmaṇastāvadevāsti nātra kāryā vicāraṇā

jñānasya vyaktatā nāma vidyamānasya cādarāt /
jñānasyāsādanaṃ caiva jñānavyaktiriti smṛtā

ato jñānādikaṃ nāsti brahmaṇaḥ parameṣṭhinaḥ /
padmāddhiraṇma yājjāto brahmā tu caturānanaḥ

sarvadā'locanāyuktastena svālocanaṃ kṛtam /
ajñānāṃ mohanārthāya hariprītyarthameva ca

saṃkalpopi tathaivāsti na hyajñānātkṛtastathā /
ko vā māṃ sṛṣṭavānatra iti hyālocya sa prabhuḥ

taṃ vicārayituṃ brahmā padmanāḍīṃ viveśa ha