Scripture Library

Garuda Purana · Chapter 2.43

2.43.1

iti śrīgāruḍe mahāpurāṇe uttarakhaṇḍe dvitīyāṃśe dharmakāṇḍe pretakalpe śrīkṛṣṇagaruḍasaṃvāde bhūdānādinirūpaṇaṃ nāma dvicatvāriṃśatamo 'dhyāyaḥ
śrīgaruḍamahāpurāṇam- 43
śrīviṣṇuruvāca /
jalāgnibandhanabhraṣṭā pravrajyānāśakacyutāḥ /
aindavābhyāṃ viśudhyanti dattvā dhenuṃ tathā vṛṣam

2.43.2

ūnadvādaśavarṣasya caturvarṣādhikasya ca /
prāyaścittaṃ carenmātā pitā vānyo 'pi bāndhavaḥ

2.43.3

ato bālanarasyāpi nāparādho na pātakam /
rājadaṇḍo na tasyāsti prāyaścittaṃ na vidyate

2.43.4

raktasya darśane daṣṭe āturā strī bhaved yadi /
caturthe 'hni padādīṃśca tyaktvā snātvā viśudhyati

2.43.5

āture snāna utpanne daśakṛtvo hyanāturaḥ /
snātvāsnātvāspṛśedenaṃ tataḥ śudhyet sa āturaḥ

Original text: Garuḍapurāṇa · Edition: Bombay : Venkatesvara Steam Press (or a reprint thereof) · Data entry members of the Sansknet Project · GRETIL (Göttingen) · CC BY-NC-SA 4.0