ગરુડ પુરાણ · અધ્યાય 2.43

ઇતિ શ્રીગારુડે મહાપુરાણે ઉત્તરખણ્ડે દ્વિતીયાંશે ધર્મકાણ્ડે પ્રેતકલ્પે શ્રીકૃષ્ણગરુડસંવાદે ભૂદાનાદિનિરૂપણં નામ દ્વિચત્વારિંશતમો ઽધ્યાયઃ
શ્રીગરુડમહાપુરાણમ્- 43
શ્રીવિષ્ણુરુવાચ ।
જલાગ્નિબન્ધનભ્રષ્ટા પ્રવ્રજ્યાનાશકચ્યુતાઃ ।
ઐન્દવાભ્યાં વિશુધ્યન્તિ દત્ત્વા ધેનું તથા વૃષમ્

ઊનદ્વાદશવર્ષસ્ય ચતુર્વર્ષાધિકસ્ય ચ ।
પ્રાયશ્ચિત્તં ચરેન્માતા પિતા વાન્યો ઽપિ બાન્ધવઃ

અતો બાલનરસ્યાપિ નાપરાધો ન પાતકમ્ ।
રાજદણ્ડો ન તસ્યાસ્તિ પ્રાયશ્ચિત્તં ન વિદ્યતે

રક્તસ્ય દર્શને દષ્ટે આતુરા સ્ત્રી ભવેદ્ યદિ ।
ચતુર્થે ઽહ્નિ પદાદીંશ્ચ ત્યક્ત્વા સ્નાત્વા વિશુધ્યતિ

આતુરે સ્નાન ઉત્પન્ને દશકૃત્વો હ્યનાતુરઃ ।
સ્નાત્વાસ્નાત્વાસ્પૃશેદેનં તતઃ શુધ્યેત્ સ આતુરઃ