Scripture Library

Garuda Purana · Chapter 2.39

2.39.1

iti śrīgāruḍe mahāpurāṇe uttarakhaṇḍe dvitīyāṃśe dharmakāṇḍe pretakalpe śrīkṛṣṇagaruḍasaṃvāde uttamalokagatyāgatimokṣamānuṣyahetunirūpaṇaṃ nāmāṣṭātriṃśattamo 'dhyāyaḥ
śrīgaruḍamahāpurāṇam- 39
tārkṣya uvāca /
sūtakānāṃ vidhiṃ brūhi dayāṃ kṛtvā mayiprabho /
vivekāya hi cittasya mānavānāṃ hitāya ca

2.39.2

śrīkṛṣṇa uvāca /
mṛte janmanī pakṣīndra sūtakaṃ syāccaturvidham /
caturṇāmapi varṇānāṃ sāmānyate vivarjitam

2.39.3

ubhayatra daśāhāni kulasyānnaṃ vivarjiyet /
dānaṃ pratigraho homaḥ svādhyāyaśca nivartate

2.39.4

deśaṃ kālaṃ tathātmānaṃ dravyaṃ dravyaprayājanam /
upapattiṃvmavasthāñca jñātvāṃ karma samācaret

2.39.5

guhāvahnipravese ca deśāntaramṛteṣu ca /
snānaṃ sacelaṃ kartavyaṃ sadyaḥ śaucaṃ vidhīyate

2.39.6

āmagarbhāśca ye jīvā ye ca garbhādviniḥ sṛtāḥ /
na teṣāmagnisaṃskāro nāśaucaṃ nodakakriyā

2.39.7

śilpinaḥ kāravo vaidyā dāsīdāsāstathaiva ca /
rājānaḥ śrotiyāścaiva sadyaḥ śaucāḥ prakīrtitāḥ

2.39.8

satrī ca (vratī) mantrapūtaśca āhitāgnirnṛpastathā /
eteṣāṃ sūtakaṃ nāsti yasya cecchanti pārthivāḥ

2.39.9

prasave ca sapiṇḍānāṃ na kuryāt saṅkaraṃ dvijaḥ /
daśāhācchrudhyate mātā avagāhya pitā śuciḥ

2.39.10

vivāhotsavayajñeṣu antarā mṛtasūtake /
pūrvasaṅkalpitaṃ vittaṃ bhojyaṃ tanmanurabravīt

2.39.11

sarveṣāmevamāśaucaṃ mātāpitrostu sūtakam /
sūkataṃ māturevasyādupaspṛśya pitā śuciḥ

2.39.12

antardaśāhe syātāñcet punarmaraṇajanmanī /
tāvat syādaśucirvipro yāvat tat syādanirdaśam

2.39.13

udite niyame dāne ārte vipre nivedayet /
tathaiva ṛṣibhiḥ proktaṃ yathākālaṃ na duṣyati

2.39.14

mṛnmayena tu pātreṇa tilairmiśrajalaiḥ saha /
mṛttikayā tathānte ca naraḥ snātvā śucirbhavet

2.39.15

dānaṃ pariṣade dadyāt suvarṇaṃ govṛṣaṃ dvije /
kṣattriyo dviguṇaṃ caiva vaiśyastu triguṇaṃ tathā

2.39.16

caturguṇantu śūdreṇa dātavyaṃ brāhmaṇe dhanam /
eva manukrameṇaiva cāturvarṇyaṃ viśudhyati

2.39.17

saptāṣṭamāntarai śīrṇe gṛhyasaṃskāravarjite /
ahastu sūtakaṃ tasya tvabdānāṃ saṃkhyayā smṛtam

2.39.18

brāhmaṇārthe vipannā ye nārīṇāṃ gograheṣu ca /
āhaveṣu vipannānāmekarāttramaśaucakam

2.39.19

na teṣāmaśubhaṃ kiñcidviprāṇāṃ śubhakarmaṇi /
anāthapretasaṃskāraṃ ye kurvantu narottamaḥ

2.39.20

na teṣāmaśubhaṅkiñcidvipreṇa sahakāriṇā /
jalāvagāhanātteṣāṃ sadyaḥ śuddhirudāhṛtā

2.39.21

vinivṛttā yadā śūdrā udakāntamupasthitāḥ /
tadāvipreṇadraṣṭavyā iti vedavidoviduḥ

Original text: Garuḍapurāṇa · Edition: Bombay : Venkatesvara Steam Press (or a reprint thereof) · Data entry members of the Sansknet Project · GRETIL (Göttingen) · CC BY-NC-SA 4.0