Garuda Purana · Chapter 2.33

iti śrīgāruḍe mahāpurāṇe uttarakhaṇḍe dvitīdṛ dharmadṛpretadṛśrīkṛṣṇagaruḍasaṃvāde jantūtpattitadgadhātvādivibhāgabhuvanādivibhāgavarṇanaṃ nāma dvātriṃśo 'dhyāyaḥ
śrīgaruḍamahāpurāṇam- 33
garuḍa uvāca /
utpattilakṣaṇaṃ jantoḥ kathitaṃ mayi puttrake /
yamalokaḥ kiyanmātrastrailokye sacarācare /
vistaraṃ tasya me brūhi adhvā caiva kiyān smṛtaḥ

kaiśca pāpaiḥ kṛtairdeva kena vā śubhakarmaṇā /
gacchanti mānavāstatra kathayasva viśeṣataḥ

śrībhagavānuvāca /
ṣaṭaśītisahasrāṇi yojanānāṃ pramāṇataḥ /
yamalokasya cādhvānamantarā mānuṣasya ca

dhmātatāmramivātapto jvaladdurgo mahāpathaḥ /
tatra gacchanti pāpiṣṭhā mānavā mūḍhacetasaḥ

kaṇṭakāśca sutīkṣṇā vai vividhā ghoradarśanāḥ /
taistuvālukṣitirvyāptā hutāśaśca tatholbaṇaḥ

vṛkṣacchāyā na tatrāsti yatra viśramate naraḥ /
gṛhītaḥ kālapāśaiśca kṛtaiḥ karmabhirulbaṇaiḥ

tasmin mārge na cānnādyaṃ yena prāṇān prapoṣayet /
na jalaṃ dṛśyate tatra tṛṣā yena vilīyate

kṣudhayā pīḍito yāti tṛṣṇayā ca mahāpathe /
śītena kampate kvāpi yamamārge 'tidurgame

yadyasya yādṛśaṃ pāpaṃ sa panthāstasya tādṛśaḥ /
sudīnāḥ kṛpaṇā mūḍhā duḥ khairvyāptāstaranti tam

rudanti dāruṇaṃ kecit keciddrohaṃ vadanti ca /
ātmakarmakṛtairdeṣaiḥ pacyamānā muhurmuhuḥ

īdṛgvidhaḥ sa vai panthā vijñeyo dāruṇaḥ khaga /
vitṛṣṇā ye narā loke sukhaṃ tasmin vrajanti te

yāniyāni ca dānāni dattāni bhuvi mānavaiḥ /
tānitānyupatiṣṭhanti yamaloke puraḥ pathi

pāpino nopatiṣṭhanti dāhaśrāddhajalāñjali /
bhramanti vāyubhūtāste ye kṣudrāḥ pāpakarmiṇaḥ

īdṛśaṃ vartma tadraudraṃ kathitaṃ tava suvrata /
punaśca kathayiṣyāmi yamamārgasya yā sthitiḥ

yāmyanairṛtayormadhye puraṃ vaivasvatasya tu /
sarvaṃ vajramayaṃ divyamabhedyaṃ tat surāsuraiḥ

caturaśraṃ caturdvāraṃ saptaprākāratoraṇam /
svayaṃ tiṣṭhati vai yasyāṃ yamo dūtaiḥ samanvitaḥ

yojanānāṃ sahasraṃ vai pramāṇena taducyate /
sarvaratnamayaṃ divyaṃ vidyujjvālārkataijasam

tadguhaṃ dharmarājasya vistīrṇaṃ kāñcanaprabham /
yojanānāṃ pañcaśatapramāṇena samucchritam

vṛtaṃ stambhasahasraistu vaidūryamaṇimaṇḍitam /
muktājālagavākṣaṃ ca patākāśatabhūṣitam

ghaṇṭāśataninādāḍhyaṃ toraṇānāṃ śatairvṛtam /
evamādibhiranyaiśca bhūṣaṇairbhūṣitaṃ sadā

tatrastho bhagavān dharma āsane tu same śubhe /
daśayo janavistīrṇe nīlajīmūtasannibhe

dharmajño dharmaśīlaśca dharmayukto hito yamaḥ /
bhayadaḥ pāpayuktānāṃ dhārmikāṇāṃ sukhapradaḥ

mandamāru tasaṃyogairutsavairvividhaistathā /
vyākhyānairvividhairyuktaḥ śaṅkhavāditraniḥ svanaiḥ

puramadhyapraveśe tu citraguptasya vai gṛham /
pañcaviṃśatisaṃkhyānāṃ yojanānāṃ suvistaram

daśocchritaṃ mahādivyaṃ lohaprākāravoṣṭitam /
pratolīśatasaṃcāraṃ patatākāśataśobhitam

dīpikāśatasaṅkīrṇaṃ gītadhvanisamākulam /
vicitracitrakuśalaiścitraguptasya vai gṛham

maṇimuktāmaye divye āsane paramādbhute /
tatrastho gaṇayatyāyurmānuṣeṣvitareṣu ca

na muhyati kadācit sa sukṛte duṣkṛte 'pi vā /
yadyenopārjitaṃ yāvat tāvadvai vetti tasya tat

daśāṣṭadoṣarahitaṃ kṛta karma likhatyasau /
citraguptālayāt ācyāṃ jvarasyāsti mahāgṛham

dakṣiṇe cāpi śūlasya latāvisphoṭakasya ca /
paścime kāla pāśasya ajīrṇasyārucestathā

madhyapīṭhottare jñeyo tathā cānyā viṣacikā /
aiśanyāṃ vai śiro 'rtiśca āgneyyāñcaiva mṛkatā

atisāraśca nairṛtyāṃ vāyavyāṃ dāhasaṃjñakaḥ /
ebhiḥ parivṛto nityaṃ citraguptaḥ sa tiṣṭhati

yat karma kurute kaścittat sarvaṃ vilakhatyasau /
dharmarājagṛhadvāri dūtāstārkṣya tathā niśi /
tiṣṭhanti pāpakarmāṇaḥ pacyamānā narādhamāḥ

yamadūtairmahāpāśairhanyamānāśca mudgaraiḥ /
vadhyante vividhaiḥ pāpaiḥ pūrvakarmakṛtairnarāḥ

nānāprahāraṇāgraiśca nānāyantraistathā pare /
chidyante pāpakarmāṇaḥ krakacaiḥ kāṣṭhavaddvidhā

anye jvaladbhiraṅgārairveṣṭitāḥ parito bhṛśam /
pūrvakarmavipākena dhmāyante lohapiṇḍavat

kṣiptvānye ca dharāpṛṣṭhe kuṭhāreṇāvakartitāḥ /
krandamānāśca dṛśyante pūrvakarmavipākataḥ

kecidguḍamayaiḥ pākaistailapākaistathā pare /
pīḍyante yamadūtaiśca pāpiṣṭhāḥ subhṛśaṃ narāḥ

kṣaṇāhni prārthayantyanye dehidehīti koṭiśaḥ /
yamaloke mayā dṛṣṭā mamasvaṃ bhakṣitaṃ tvayā

ityevaṃ bahuśastārkṣya narakāḥ pāpināṃ smṛtāḥ /
karmabhirbahubhiḥ proktaiḥ sarvaśāstreṣu bhāṣitaiḥ /
dānopakāraṃ vakṣyāmi yathā tatra sukhaṃ bhavet