Garuda Purana · Chapter 2.21

iti śrīgāruḍe mahāpurāṇe uttarakhaṇḍe dvitīyāṃśe dharmakāṇḍe pratakalpe śrīkṛṣṇagaruḍasaṃvāde pretāvāsatadbādhāprakāranirūpaṇaṃ nāma viṃśo 'dhyāyaḥ
śrīgaruḍamahāpurāṇam- 21
garuḍa uvāca /
muktiṃ yānti kathaṃ pretāstadahaṃ praṣṭumutsukaḥ /
yanmuktau ca manuṣyāṇāṃ na pīḍā jāyate punaḥ

etaiśca lakṣaṇairdeva pīḍoktā pretajā tvayā /
teṣāṃ kadā bhavenmuktiḥ pretatvaṃ na kathaṃ bhavet

pretatve hi pramāṇaṃ ca kati varṣāṇi saṃkhyayā /
ciraṃ pretatvamāpannaḥ kathaṃ muktimavāpnuyāt

śrīkṛṣṇa uvāca /
muktiṃ prāyanti te pretāstadahaṃ kathayāmi te /
yadaiva manujo 'vaiti mama pīḍā kṛtā tviyam

pṛcchārthaṃ hitamanvicchandai vajñe vinivadayet /
svapne dṛṣṭaḥ śubho vṛkṣaḥ phalitaścūtacampakaḥ

vipro vā vṛṣabho devo bhramate tīrthago yadi /
evaṃ dṛṣṭo yadā svapno mṛtaḥ ko 'pisvagotrajaḥ

svapne satyaṃ parijñāya dṛṣṭaṃ pretaprabhāvataḥ /
adbhutāni pradṛśyante pretadoṣādviniścitam

tīrthasnāne matiryāvaccittaṃ dharmaparāyaṇam /
dharmāpāyaṃ prakurute pretapīḍā tadā vrajet

tadā tatra vināśāya cittabhaṅgaṃ karoti sā /
śreyāṃsi bahuvighnāni sambhavanti padepade

aśreyasi pravṛtti ca prerayanti punaḥ punaḥ /
uccāṭanaṃ ca krūratvaṃ sarvaṃ pretakṛtaṃ khaga

sarvavighnāni santyajya muktyupāyaṃ karoti yaḥ /
tasya karmaphalaṃ sādhu pretavṛttiśca śāśvatī

sa bhavettena muktastu dattaṃ śreyaskaraṃ param /
svayaṃ tṛpyati bhoḥ pakṣinyasyoddeśena dīyate

śṛṇu satyamidaṃ tārkṣya yaddadāti bhunakti saḥ /
ātmānaṃ śreyasā yuñjyātpretastṛptiṃ ciraṃ vrajet

te tṛptāḥ śubhamicchanti nijabandhuṣu sarvadā /
ajñātayastu ye duṣṭāḥ pīḍayanti svavaṃśajān

nivārayanti tṛptāste jāyamānānukampakāḥ /
paścātte muktimāyanti kāle prāpte svaputrataḥ /
sadā bandhuṣu yacchanti vṛddhimṛddhiṃ khagādhipa

darśanādbhāṣaṇādyastu ceṣṭātaḥ pīḍanādgatim /
na prāpayati mūḍhātmā pretaśāpaiḥ sa lipyate

aputrako 'paśuścaiva daridro vyādhitastathā /
vṛttihīnaśca hīnaśca bhavejjanmanijanmani

evaṃ bruvanti te pretāḥ punaryābhyaṃ samāśritāḥ /
tatrasthānāṃ bhavenmuktiḥ svakāle karmasaṃkṣaye

garuḍa uvāca /
nāma gotraṃ na dṛśyeta pratītirnaiva jāyate /
kecidvadanti daivajñāḥ pīḍāṃ pretasamudbhavām

na svapnaścaiṣṭitaṃ naiva darśanaṃ na kadācana /
kiṃ kartavyaṃ suraśreṣṭha tatra me brūhi niścitam

śrībhagavānuvāca /
satyaṃ vāpyanṛtaṃ vāpi vadanti kṣitidevatāḥ /
tadā sañcintya hṛdaye satyametaddvijeritam

bhāvabhaktiṃ puraskṛtya pitṛbhaktiparāyaṇaḥ /
kṛtvā kṛṣṇabaliṃ caiva puraścaraṇa pūrvakam

japahomaistathā dānaiḥ prakuryāddehasodhanam /
kṛtena tena vighnāni vinaśyanti khageśvara

bhūtapretapiśācairvā sa cedanyaiḥ prapīḍyate /
pitruddeśena vai kuryānnārāyaṇabaliṃ tadā /
vimuktaḥ sarvapīḍābhya iti satyaṃ vaco mama

pitṛpīḍā bhavedyatra kṛtyairanyairna mucyate /
tasmātsarvaprayatnena pitṛbhaktiparo bhavet

navame daśame varṣe pikṣuddeśena vai pumān /
gāyattrīmayutaṃ japtvā daśāṃśena ca homayet

kṛtvā kṛṣṇabaliṃ pūrvaṃ vṛṣotsargādikāḥ kriyāḥ /
sarvopadravahīnastu sarvasaukhyamavāpnuyāt /
uttamaṃ lokamāpnoti jñātiprādhānyameva ca

pitṛmā tṛsamaṃ loke nāstyanyaddaivataṃ param /
tasmātsarvaprayatnena pūjayetpitarau sadā

hitānāmupadeṣṭā hi pratyakṣaṃ daivataṃ pitā /
anyā yā devatā loke na dehaprabhavo hi tāḥ

śarīrameva jantūnāṃ svargamokṣaikasādhanam /
deho datto hi yenaivaṃ ko 'nyaḥ pūjyatamastataḥ

iti sañcintyahṛdaye pakṣinyadyatprayacchati /
tatsarvamātmanā bhuṅkte dānaṃ vedavido viduḥ

punnāmanarakādyasmātpitaraṃ trāyate sutaḥ /
tasmātputtra iti prokta iha cāpi paratra ca

apamṛtyumṛtau syātāṃ pitarau kasyacitkhaga /
vratatīrthāvivāhādiśrāddhaṃ saṃvatsaraṃ tyajet

svapnādhyāyamimaṃ yastu preta liṅganidarśakam /
yaḥ paṭhecchṛṇuyādvāpi pretacihnaṃ na paśyati