Garuda Purana · Chapter 2.20

iti śrīgāruḍe mahāpurāṇe uttarakhaṇḍe dvitīyāṃśe dharmakāṇḍe pretakalpe śrīkṛṣṇagaruḍasaṃvāde yamamandirapraveśatadājñālabdhamanuṣyādi dehāṃntaraprāptinirūpaṇaṃ nāmaikonaviṃśo 'dhyāyaḥ
śrīgaruḍamahāpurāṇam- 20
garuḍa uvāca /
ye kecitpretarūpeṇa kutra vāsaṃ labhanti te /
pretalokādvinirmuktāḥ kathaṃ kutra vrajanti te

caturyuktāśīti lakṣairnarakaiḥ paryupāsitāḥ /
yamena rakṣitāstatra bhūtaiścaiva sahasraśaḥ

vicaranti kathaṃ loke narakācca vinirgatāḥ /
garuḍodīritaṃ śrutvā lakṣmīnātho 'bravīdidam

śrīkṛṣṇa uvāca /
pakṣirāja śṛṇuṣva tvaṃ yatra pretāścaranti vai /
parārthadāragrahaṇāccha (ba) lāddrohānniśācarāḥ

tathaiva sarvapāpiṣṭhaḥ svātmajānveṣaṇe ratāḥ /
vicarantyaśarīrāste kṣuptipāsārditā bhṛśam

bandīgṛhavi nirmuktā yebhyo naśyanti jantavaḥ /
te vyavasyanti ca pretā vadhopāyaṃ ca bandhuṣu

pitṛdvadārāṇi rundhanti tanmārgocchedakāstathā /
pitṛbhā gānvigṛhṇanti pānthebhyastaskarā iva

svaṃ veśma punarāgatya mitrasthāne viśanti te /
tatra sthitā nirīkṣante rogaśokādibandhanāḥ

pīḍayanti jvarībhūya ekāntaramiṣeṇa tu /
tṛtīyakajvarā bhūtvā śītavātādipīḍayā

anyāṃśca vividhānrogāñchiro 'rtiṃ ca viṣūcikām /
cinta yanti sadā teṣāmucchiṣṭādisthalasthitāḥ

ātmajānāṃ chalāllokā bhūtasaṅghaiśca rakṣitāḥ /
pibanti te ca pānīyaṃ bhojanocchiṣṭayojitam

evaṃ pretāḥ pravartante nānādoṣairvikarmiṇaḥ

garuḍa uvāca /
kathaṃ kurvanti te pretāḥ kena rūpeṇa kasya kim /
jñāyate kena vidhinā jalpanti na vadanti vā

enaṃ chindhi manomohaṃ mama cedicchasi priyam /
kalikāle hṛṣīkeśa pretatvaṃ jāyate bahu

śrīviṣṇuruvāca /
svakulaṃ pīḍayetpetaḥ paracchidreṇa pīḍayet /
jīvansa dṛśyate snehī mṛto duṣṭatvamāpnuyāt

rudrajāpī dharmarato devatātithipūjakaḥ /
satyavāk priyavādī ca na pretaiḥ sa hi pīḍyate

sarvakriyāparibhraṣṭo nāstiko dharmanindakaḥ /
asatyavādanirato naraḥ pretaiḥ sa pīḍyate /
kalau pretatvamāpnoti tārkṣyāśuddhakriyāparaḥ

kṛtādau dvāparānte ca na preto naiva pīḍanam /
bahūnāmekajātānāmekaḥ saukhyaṃ samaśnute

eko duṣkṛtakarmā ca ekaḥ santatimāñjanaḥ /
ekaḥ sampīḍyate pretairekaḥ sutadhanānvitaḥ

ekasya putranāśaḥ syādeko duhitṛmān bhavet /
virodho bandhubhiḥ sārdhaṃ pretadoṣeṇa kāśyapa

santatirdṛśyate naiva samutpannā vinaśyati /
paśudravyavināśaśca sā pīḍā pretasambhavā

prakṛteḥ parivartaḥ syādvidveṣaḥ saha bandhubhiḥ /
akasmādvyasanaprāptiḥ sā pīḍā pretasambhavā

nāstikyaṃ vṛttilopaśca mahālobhastathaiva ca /
syāddhantakalaho nityaṃ sā pīḍā pretasambhavā

pitṛmātṛnihantā ca devabrāhmaṇanindakaḥ /
ityādoṣamavāpnoti sā pīḍā pretasambhavā

nityakarmaviniṃmukto japahomavivarjitaḥ /
paradravyāṇāṃ ca hartā sā pīḍā pretasambhavā

suvṛṣṭau kṛṣināśaśca vyavahāro vinaśyati /
loke kalahakārī ca sā pīḍā pretasambhavā

mārge jaṅgamyamānaṃ taṃ pīḍayedvātamaṇḍalī /
pretapīḍā tu sā jñeyā satyaṃsatyaṃ khageśvara

hīnajātyā ca sambandho hīnakarma karoti yaḥ /
adharme ramate nityaṃ sā pīḍā pretasambhavā

vyasanairdravyanāśaḥ syādupakrāntaṃ vinaśyati /
caurāgnirājabhirhāniḥ sā pīḍā pretasambhavā

mahārogopalabdhiśca bālakānāṃ ca pīḍanam /
jāyā saṃpīḍhyate yacca sā pīḍā pretasambhavā

śrutismṛtipurāṇeṣu dharmaśāstrasamudbhave /
abhāvo jāyate dharme sā pīḍā pretasambhavā

devatīrthadvijānāṃ tu nindāṃyaḥ kurute naraḥ /
pratyakṣaṃ vā parokṣaṃ vā sā pīḍā pretasambhavā

svavṛttiharaṇaṃ yacca svapratiṣṭhāhatistathā /
vaṃśacchedaḥ nadṛśyeta pretadoṣādvinānyathā

strīṇāṃ garbhavināśaḥ syānna puṣpaṃ dṛśyate tathā /
bālānāṃ maraṇaṃ yatra sā pīḍā pretasambhavā

bhāvaśuddhyā na kurute śrāddhaṃ sāṃvatsarādikam /
svayameva na kurvīta sā pīḍā pretasambhavā

tīrthe gattvā parāsaktaḥ svakṛtyaṃ ca parityajet /
dharmakārye na sampattiḥ sā pīḍā pretasambhavā

dampatyoḥ kalahaścaiva bhojane kopasaṃyutaḥ /
paradrohe matiścaiva sā pīḍā pretasaṃbhavā

puṣpaṃ yatra na dṛśyena phalaṃ tathā /
viraho bhāryayā yatra sā pīḍā pretasagbhavā

yeṣāṃ vai jāyate cihnaṃ sadoccāṭaparaṃ nṛṇām /
svakṣetre niṣphalaṃ tejaḥ sā pīḍā pretasambhavā

svagotraghātakaścaiva hanti śatrumivātmajam /
na prītirnāpi saukhyaṃ ca sā pīḍā pretasambhavā

pitṛvākyaṃ na kurute svapatnīṃ ca na sevate /
sadā krūramatirvyagraḥ sā pīḍā pretasambhavā

vikarmā jāyate preto hyavidhikriyayā tathā /
tatkāladuṣṭasaṃsargādvṛṣotsargādṛte tathā

dṛṣṭagṛtyuvaśādvāpi adagdhavapuṣastathā /
pretatvaṃ jāyate tārkṣya pīḍyante yena jantavaḥ

evaṃ jñātvā khagaśreṣṭha pretamuktiṃ samācaret /
yo vai na manyate pretānmṛtaḥ pretatvamāpnuyāt

pretadoṣaḥ kule yasya sukhaṃ tasya na vidyate /
matiḥ prītī ratirbuddhirlakṣmīḥ pañcavināśanam

tṛtīye pañcame puṃsi vaṃśacchedo hi jāyate /
daridro nirdhanaścaiva pāpakarmā bhavebhave

ye kecitpetarūpā vikṛtamukhadṛśo raudrarūpāḥ karālā manyante naiva gotraṃ sutaduhitṛpitṝn bhrātṛjāyāṃ vadhūṃ vā /
kṛtvā kāmyaṃ ca rūpaṃ sukhagatirahitā bhāṣamāṇā yatheṣṭaṃ hā kaṣṭaṃ bhoktukāmā vidhivaśapatitāḥ saṃsmaranti svapākam