Garuda Purana · Chapter 1.240

iti śrīgāruḍe mahāpurāṇe prathamāṃśe ācārakāṇḍe brahmagītāsāro nāmekonacatvāriṃśaduttaradviśatatamo 'dhyāyaḥ
śrīgaruḍamahāpurāṇam- 240
hariruvāca /
purāṇaṃ gāruḍaṃ rudra proktaṃ sāraṃ mayātava /
brahmādīnāṃ śṛṇvatāṃ ca bhuktimuktipradāyakam

vidyākīrtiprabhālakṣmījayārogyādikārakam /
yaḥ paṭhecchṛṇuyādrudra sarvavitsa divaṃ vrajet

brahmovāca /
iti vyāsa mayā viṣṇoḥ purāṇaṃ muktidaṃ śrutam /
vyāsa uvāca /
śrutvaitadgāruḍaṃ puṇyaṃ brahmāsmānityuvāca ha

dakṣanārada mukhyādin brahma dhyānhariṃ gataḥ /
mayāpi tubhyaṃ sūtena purāṇaṃ kathitaṃ param

yacchrutvā sarvavitprāptakāmo brahma phalaṃ bhavet /
viṣṇuḥ sāratamaṃprāha garuḍaṃ gāruḍaṃ tataḥ

mahāsāraṃ dharmakāmadhanamokṣādidāyakam /
sūta uvāca /
śaunaka pravaraṃ proktaṃ purāṇaṃ gāruḍaṃ tava

yadabravītpurā vyāsaḥ sāraṃ māṃ gāruḍeritam /
vyāsaḥ śrutvā brahmaṇaśca purāṇaṃ gāruḍaṃ śubham /
devaṃ dhyāyanvedamekaṃ caturdhā vyabhajaddhariḥ

aṣṭādaśapurāṇāni tāni māṃ prāha vai śukaḥ /
idaṃ tu gāruḍaṃ śreṣṭhaṃ mayā te śaunakeritam

munīnāṃ śṛṇvatāṃ madhye pṛcchataḥ sarvavācakam /
yaḥ paṭhecchaṇuyādvāpi śrāvayedvā samāhitaḥ

saṃlikhellekhayedvāpi dhārayetpustake nanu /
dharmārtho prāpnuyāddharmarthārtho cārthamāpnuyāt

kāmā navāpnuyātkāmī mokṣārtho mokṣamāpnuyāt /
yadyadicchati tatsarvaṃ gāruḍaśravaṇāllabhet

brāhmaṇo vedapārasya gantā syānnātra saṃśayaḥ /
kṣattriyo kṣattriyasyāpi rakṣitā bhavatīha ca

nānyasya śravaṇaṃ hi syātpurāṇaṃ vedasaṃmitam /
vadedyadi sa mūḍhātmā kīrtihānimavāpnuyāt

anyasmai ca vadedvidvān brāhmaṇontarito ya di /
brāhmaṇāntaritai sarvaiḥ śrotavyaṃ gāruḍaṃ tvidama

yathā viṣṇustathā tārkṣyastārkṣyastotrāddhariḥ stutaḥ /
gāruḍaṃ vasurājaśca śrutvā sarvamavāpa ha

varuruvāca /
namasyāmi mahābāhuṃ khagedra harivāhanam /
viṣṇordhvasaṃsthānaṃ vitrāsitamahāsuram

namaste nāgadarpaghna vinatānandavardhana /
supakṣapāta niddabha dīnadaityanirīkṣita

parasparasya śāpena supratīkavibhāvasū /
gajakacchapatāṃ prāptau bhrātaraucaiva saṃyutau

yaducchritau yojanāni jastaddviguṇāyataḥ /
kūrmastriyojanotsodhā śatayojanavamaḍalaḥ

na khādyau tau tvayānīcau caturbhujau ca pakṣipa? /
parasparakṛtācchāpadoṣācca parimocitau

niṣādadeśasvādena devaṃ brūsmāniditam? /
viṣādīśastato muktastatrāpi brāhmaṇastvayā

vaṭārohiṇavṛkṣasya yojanānāṃ śatāyutā /
śākhā bhinnā tvayā yatra vālakhilyāḥ samāsthitāḥ

tvayā yatnakṛtā kṛtvānakhasthau gajakacchapau /
nabhaspapinirālaṃbe sarvataḥ parivāritau

tvayā jitā raṇe devāḥ sarve śakrapurogamāḥ /
āhṛtaṃ tatpurā somaṃ vāhniṃ nirvāpya kāśyape

nāgau dṛṣṭiviṣau kṛtvā rajasā tu vicakṣuṣau /
tīkṣṇāgreṇa na sā bhaṅktvāvikravetau manohataḥ?

āhṛtyāpi tvayā somaṃ nītameva na bhaktitaḥ /
tena viṣṇordhvajasthānaṃ vāhanatvaṃ gato hyasi

tvayā niḥ kṣipya darbheṣu somaṃ nāgāśca vañcitāḥ /
jahāra cāmṛtaṃ pātraṃ śīghraṃ vai brahmasūdana

yatra jihvādvidhābhūtāḥ pannagānāṃ dvijottama /
vinatā mocitā dāsyātkadvā pūrvajitā raṇe

uccaiḥ śravāḥ sa kiṃvarṇaḥ śukla ityeva bhāṣate /
kṛṣṇavarṇamahaṃ manye pūrvadṛṣṭamuvāca ha

tvayā vajrapahāreṇa pakṣamuktaṃ purā svataḥ? /
dadhīcavajraśakrāṇāṃ māturarthāya nānyathā

tasya pakṣasya devendro yadānītaṃ hi dṛṣṭavān /
tadā tava suparṇoti nāma sthānaṃ jagattraye

dhyānamātrādvinaśyettu viṣaṃ sthāvarajaṅgamam /
paṭhedvā śṛṇuyādyaśca bhuktiṃ muktimavāpnuyāt

sūta uvāca /
vasurājo gāruḍaṃ vai śrutvā sarvamavāptavān /
garuḍo bhagavānviṣṇudhyāṃyansarvavāptavān

taduktaṃ gāruḍaṃ puṇyaṃ purāṇaṃ yaḥ paṭhennaraḥ /
sarvakāmamavāpyātha prāpnoti paramāṃ gatim

ślokapādaṃ paṭhitvā ca sarvapāpakṣayo bhavet /
yasyedaṃ vartate geha tasya sarvaṃ bhavediha

gāruḍaṃ yasya haste tu tasya hastagato nayaḥ /
yaḥ paṭhecchṛṇuyādetadbhuktiṃ muktiṃ samāpnuyāt

dharmārthakāmamokṣāṃśca prāpnuyācchravaṇāditaḥ /
putrārtho labhate putrān kāmārtho kāmamāpnuyāt

vidyārtho labhate vidyāṃ jayārtho labhate jayam /
brahmahatyādinā pāpī pāpaśuddhimavāpnuyāt

vandhyāpi labhate puttraṃ kanyā vindati satpatim /
kṣemārtho labhate kṣemaṃ bogārtho bogamāpnuyāt

maṅgalārtho maṅgalāni guṇārtho guṇamāpnuyāt /
kāvyārtho ca kavitvaṃ ca sārārtho sāramāpnuyāt

jñānārtho labhate jñānaṃ sarvasaṃsāramardanam /
idaṃ svastyayanaṃ dhanyaṃ gāruḍaṃ garuḍeritam

nākāle maraṇaṃ tasya ślokamekaṃ tu yaḥ paṭhet /
ślokārdhapaṭhanādasya duṣṭaśatrukṣayo dhruvam

sūtācchrutvā śaunakastunaumiṣe munibhiḥ kratau /
ahaṃ braheti saṃdhyāyanmuktobhūdgaruḍadhvajāt