ગરુડ પુરાણ · અધ્યાય 1.238

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે શ્રીમદ્ભગવદ્ગીતાસારનિરૂપણં નામ સપ્તત્રિંશદુત્તરદ્વિશતતમો ઽધ્યાયઃ
શ્રીગરુડમહાપુરાણમ્- 238
શ્રીભગવાનુવાચ ।
યમશ્ચ નિયમ.પાર્થ આસનં પ્રાણસંયમઃ ।
પ્રત્યાહારસ્તથા ધ્યાનં ધારણાર્જુન સપ્તમી

સમાધિરિતિ ચાષ્ટાઙ્ગો યોગ ઉક્તો વિમુક્તયે ।
કર્મણા મનસા વાચા સર્વભૂતેષુ સર્વદા

હિંસાવિરામકો ધર્મો હ્યાહિંસા પરમં સુખમ્ ।
વિધિના યા ભવેદ્ધિંસા સા ત્વહિંસા પ્રકીર્તિતા

સત્યં બ્રૂયાત્પ્રિયં બ્રૂયાન્ન બ્રૂયાત્સત્યમપ્રિયમ્ ।
પ્રિયં ચ નાનૃતં બ્રૂયાદેષ ધર્મઃ સનાતનઃ

યચ્ચદ્રવ્યાપહરણં ચૌર્યાદ્વાથ બલેન વા ।
સ્તેયં તસ્યાનાચરણમસ્તેયં ધર્મસાધનમ્

કર્મણા મનસા વાચા સર્વાવસ્થાસુ સર્વદા ।
સર્વત્ર મૈથુનત્યાગં બ્રહ્મચર્યં પ્રચક્ષતે

દ્રવ્યાણામપ્યનાદાનમાપત્સ્વપિ તથેચ્છયા ।
અપરિગ્રહમિત્યાહુસ્તં પ્રયત્નેન વર્જયેત્

દ્વિધા શૌચં મૃજ્જલાભ્યાં બાહ્ય ભાવાદથાન્તરાત્ ।
યદૃચ્છાલાભતસ્તુષ્ટિઃ સન્તોષઃ સુખલક્ષણમ્

મનસશ્ચૈન્દ્રિયાણાં ચ ઐકાગ્ર્યં પરમં તપઃ ।
શરીરશોષણં વાપિ કૃચ્છ્રચાન્દ્રાયણાદિભિઃ

વેદાન્તશતરુદ્રીયપ્રણવાદિજપ બુધાઃ ।
સત્ત્વશુદ્ધિકરં પુંસાં સ્વાધ્યાયં પરિચક્ષતે

સ્તુતિસ્મરણપૂજાદિવાઙ્મનઃ કાયકર્મભિઃ ।
અનિશ્ચલા હરૌ ભક્તિરેતદીશ્વરચિન્તનમ્ ।
આસનં સ્વસ્તિકં પ્રોક્તં પદ્મમર્ધાસનં તથા

પ્રાણઃ સ્વદેહજો વાયુરાયામસ્તન્નિરોધનમ્ ।
ઇન્દ્રિયાણાં વિચરતાં વિષયેષુ ત્વસત્સ્વિવ