Garuda Purana · Chapter 1.234

iti śrīgāruḍe mahāpurāṇe mārkaṇḍeyakṛtaṃ mṛtyvaṣṭakastotraṃ nāma trayastriṃśaduttaradviśatatamo 'dhyāyaḥ
śrīgaruḍamahāpurāṇam- 234
sūta uvāca /
vakṣye 'hamacyutastotraṃ śṛṇu śaunaka sarvadam /
brahmā pṛṣṭo nāradāya yathovāca tathā param

nārada uvāca /
yathākṣayo 'vyayo viṣṇuḥ stotavyo varado mayā /
pratyahaṃ cārcanākāle tathā tvaṃ vaktumarhasi

te dhanyāste sujanmānaste hi sarvasukhapradāḥ /
saphalaṃ jīvitaṃ teṣāṃ ye stuvanti sadācyutam

brahmovāca /
mune stotraṃ pravakṣyāmiḥ vāsudevasya muktidam /
śṛṇu yena stutaḥ samyak pūjākāle prasīdati

oṃ namo (bhagavateḥ vāsudevāca namaḥ sarvāpahāriṇe /
namo viśuddhadehāya namo jñānasvarūpiṇe

namaḥ sarvasureśāya namaḥ śrīvatsadhāriṇe /
namaścarmāsihastāya namaḥ paṅkajamāline

namo viśvapratiṣṭhāya namaḥ pītāmbarāya ca /
namo nṛsiṃharūpāya vaikuṇṭhāya namonamaḥ

namaḥ paṅkajanābhāya namaḥ kṣīrodaśāyine /
namaḥ sahasraśīrṣāya namo nāgāṅgaśāyine

namaḥ paraśuhastāya namaḥ kṣattrāntakāriṇe /
namaḥ satyapratijñāya hyajitāya namonamaḥ

namastrai lokyanāthāya namaścakradhāraya ca /
namaḥ śivāya sūkṣmāya purāṇāya namonamaḥ

namo vāmanarūpāya balirājyāpahāriṇe /
namo yajñavarāhāya govindāya namonamaḥ

namaste paramānanda namaste paramākṣara /
namaste jñānasadbhāva namaste jñānadāyaka

namaste paramādvaita namaste puruṣottama /
namaste viśvakṛddeva namaste viśvabhāvana

namaste stādviśvanātha namasteḥ viśvakāraṇa /
namaste madhudaityaghna namaste rāvaṇāntaka

namaste kaṃsakeśighna namaste kaiṭabhārdana /
namaste śatapatrākṣa namaste garuḍadhvaja

namaste kālanemighna namaste garuḍāsana /
namaste devakīputra namaste vṛṣṇinandana

namaste rukmiṇīkānta namaste ditinandana /
namaste gokulāvāsa namaste gokulapriya

jaya gopavapuḥ kṛṣṇa jaya gopījanapriya /
jaya govardhanādhāra jaya gokulavardhana

jaya rāvaṇavīraghna jaya cāṇūranāśana /
jaya vṛṣṇikuloddyota jaya kālīyamardana

jaya satya jagatsākṣin jaya sarvārthasādhaka /
jaya vedāntavidvedya jaya sarvada mādhava

jaya sarvāśrayāvyakta jaya sarvaga mādhava /
jaya sūkṣma cidāndana jaya cittanirañjana

jayaste 'stu nirālamba jaya śānta sanātana /
jaya nātha jagatpuṣṭa (tpūjya) jaya viṣṇo namo 'stūte

tvaṃ gurustvaṃ hare śiṣyastvaṃ dīkṣāmantramaṇḍalam /
tvaṃ nyāsamudrāsamayāstvaṃ ca puṣpādisādhanam

tvamādhārastvaṃ hyanantastvaṃ kūrmaḥstvaṃ dharāmbujam /
dharmajñānādayastvaṃ hi vedimaṇḍalaśaktayaḥ

tvaṃ prabho chalabhṛdrāmastvaṃ punaḥ sa kharāntakaḥ /
tvaṃ brahmarṣiścadevastvaṃ viṣṇuḥ satyaparākramaḥ

tvaṃ nṛsiṃhaḥ parānando varāhastvaṃ dharādharaḥ /
tvaṃ suparṇastathā cakraṃ tvaṃ gadā śaṅkha eva ca

tvaṃ śrīḥ prabho tvaṃ muṣṭisatvaṃ tvaṃ mālā deva śāvatī /
śrīvatsaḥ kaustubhastvaṃ hi śārṅgo tvaṃ ca tatheṣudhiḥ

tvaṃ khaḍgacarmaṇā sārdhaṃ tvaṃ dikpālāstathā prabho /
tvaṃ vedhāstvaṃ vidhātā ca tvaṃ yamastvaṃ hutāśanaḥ

tvaṃ dhaneśastvamīśānastvamindrastvamapāṃpatiḥ /
tvaṃ rakṣo 'dhipatiḥ sādhyastvaṃ vāyustvaṃ niśākaraḥ

ādityā vasavo rudrā aśvinau tvaṃ marudgaṇāḥ /
tvaṃ daityā dānavā nāgāstvaṃ yakṣā rākṣasāḥ khagāḥ

gandharvāpyarasaḥ siddhāḥ pitarastvaṃ mahāmarāḥ /
bhūtāni viṣayastvaṃ hi tvamavyaktendriyāṇi ca

manobuddhirahaṅkāraḥ kṣetrajñastvaṃ hṛdīśvaraḥ /
tvaṃ yajñastvaṃ vaṣaṭkārastvamoṅkāraḥ samitkuśāḥ

tvaṃ vedī tvaṃ hare dīkṣā tvaṃ yūpastvaṃ hutāśanaḥ /
tvaṃ patnī tvaṃ puroḍāśastvaṃ śālā strukca tvaṃ stuvaḥ

grāvāṇaḥ sakalaṃ tvaṃ hi sadasyāstvaṃ sadākṣiṇaḥ /
tvaṃ sūrpādistvaṃ ca brahmā musalolūkhale dhruvam

tvaṃ hotā yajamānastvaṃ tvaṃ dhānyaṃ paśuyājakaḥ /
tvamadhvaryustvamudgātā tvaṃ yajñaḥ puruṣottamaḥ

dikpātālamahi vyoma dyaustvaṃ nakṣatrakārakaḥ /
devatiryaṅmanuṣyeṣu jagadetaccarācaram

yatkiñciddṛśyate deva brahmāṇḍamakhilaṃ jagat /
tava rūpamidaṃ sarvaṃ dṛṣṭyarthaṃ saṃprakāśitam

nāthayante paraṃ brahma daiverapi durāsadam /
kastañjānāti vimalaṃ yogagamyamatīndriyam

akṣayaṃ puruṣaṃ nityamavyaktamajamavyayam /
pralayotpattirahitaṃ sarvavyāpinamīśvaram

sarvajñaṃ nirguṇaṃ śuddhamānandamajaraṃ param /
bodharūpaṃ dhruvaṃ śāntaṃ pūrṇamadvaitamakṣayam

avatāreṣu yā mūrtirvidūre deva dṛśyate /
paraṃ bhāvaṃmajānantastvāṃ bhajanti divaukasaḥ

kathaṃ tvāmīdṛśaṃ sūkṣmaṃ śaknomi puruṣottama /
arādhayitumīśāna manogamyamagocaram

iha yanmaṇḍale nātha pūjyate vidhivatkramaiḥ /
puṣpadhūpādibhiryatra tatra sarvā vibhūtayaḥ

saṃkarṣaṇādibhedena tava yat pūjitā mayā /
kṣantumarhasi tatsarvaṃ yatkṛtaṃ na kṛtaṃ mayā

na śaknomi vibho samyakkartuṃ pūjāṃ yathoditām /
yatkṛtaṃ japahomādi asādhyaṃ puruṣottama

viniṣpādayituṃ bhaktyā ata stvāṃ kṣamayāmyaham /
divā rātrau ca sandhyāyāṃ sarvāvasthāsu ceṣṭataḥ

acalā tu hare ! bhaktistavāṅghriyugale mama /
śarire na (ṇa) tathā prītirna ca dharmādikeṣu ca

yathā tvayi jagannātha prītiṃrātyantikī mama /
kiṃ tena na kṛtaṃ karma svargamokṣādisādhanam

yasya viṣṇau dṛḍhā bhaktiḥ sarvakāmaphalaprade /
pūjāṃ kartuṃ tathā stotraṃ kaḥ śaknoti tavācyuta

stutaṃ tu pūjitaṃ me 'dya tatkṣamasva namo 'stu te /
iti cakradhārastotraṃ mayā samyagudāhṛtam /
stauhi viṣṇuṃ mune bhaktyā yadīcchasi paraṃ padam

stotreṇānena yaḥ stauti pūjākāle jagadghurum

acirāllabhate mokṣaṃ chitvā saṃsārabandhanam /
anyo 'pi yo japedbhaktyā trisandhyaṃ niyataḥ śuciḥ

idaṃ stotraṃ mune so 'pi sarvakāmamavāpnuyāt /
putrārtho labhate putrānbaddho mucyate bandhanāt

rogādvimucyate rāgī labhate nirdhano dhanam /
vidyārtho labhate vidyāṃ bhagyaṃ kīrti ca vindati

jāti smaratvaṃ medhāvī yadyadicchati cetasā /
sa dhanyaḥ sarvavitprājñaḥsa sādhuḥ sarvakarmakṛt

sa satyavākūchucirdātā yaḥ stauti puruṣottamam /
asaṃbhāṣyā hi te sarve sarvadharmabahiṣkṛtāḥ

yeṣāṃ pravartane nāsti harimuddiśya satkriyā /
na śuddhaṃ vidyate tasya mano vākca durātmanaḥ

yasya sarvārthade viṣṇau bhaktirnāvyabhicāriṇī /
ārādhya vidhivaddevaṃ hariṃ sarvasukhapradam

prāpnoti puruṣaḥ samyagyadyatprārthayate phalam /
karma kāmādikaṃ sarvaṃ śraddhadhānaḥ surottamaḥ /
asurādivapuḥ siddhairdeyate yasya nāntaram

sakalamunibhirādyaścintyate yo hi śuddho nikhilahṛdi niviṣṭo vetti yaḥ sarvasākṣī /
tamajamamṛtamīśaṃ vāsudevaṃ nato 'smi bhayamaraṇavihīnaṃ nityamānandarūpam

nikhilabhuvana nāthaṃ śāśvataṃ suprasannaṃ tvativimalaviśuddhaṃ nirguṇaṃ bhavapuṣpaiḥ /
sukhamuditasamastaṃ pūjayāmyātmabhāvaṃ viśatu hṛdayapadme sarvasākṣī cidātmā

evaṃ mayoktaṃ paramaprabhāvamādyantahīnasya parasya viṣṇoḥ /
tasmādvicintyaḥ parameśvaro 'sau vimuktikāmena nareṇa samyak

bodhasvarūpaṃ puruṣaṃ purāṇamādityavarṇaṃ vimalaṃ viśuddham /
sañcintya viṣṇuṃ paramadvitīyaṃ kastatra yogī na laṃya prayāti

imaṃ stavaṃ yaḥ satataṃ manuṣyaḥ paṭhecca tadvatprayataḥ praśāntaḥ /
sa dhūtapāpmā vitataprabhāvaḥ prayāti lokaṃ vitataṃ murāreḥ

yaḥ prārthayatyarthamaśeṣasaukhyaṃ dharmaṃ ca kāmaṃ ca tathaiva mokṣam /
sa sarvamutsṛjya paraṃ purāṇaṃ prayāti viṣṇuṃ śaraṇaṃ vareṇyam

vibhuṃ prabhuṃ viśvadharaṃ viśuddhamaśeṣasaṃsāravināśahetum /
yo vāsudevaṃ vimalaṃ prapannaḥ sa mokṣamāpnoti vimuktasaṅgaḥ