Garuda Purana · Chapter 1.231

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe viṣṇumahātmyavarṇanaṃ nāma triṃśaduttaradviśatatamo 'dhyāyaḥ
śrīgaruḍamahāpurāṇam- 231
sūta uvāca /
nārasiṃhastutiṃ vakṣye śivoktaṃ śaunakādhunā /
pūrvaṃ mātṛgaṇāḥ sarve śaṅkaraṃ vākyamabruvan

bhagavan bhakṣayiṣyāmaḥ sadevāsuramānuṣam /
tvatprasādājjagatsarvaṃ tadanujñātumarhasi

śaṅkarauvāca /
bhavatībhiḥ prajāḥ sarvā rakṣaṇīyā na saṃśayaḥ /
tasmāḍvorataraprāyaṃ manaḥ śīghraṃ nivartyatām

ityevaṃ śaṅkareṇoktamanādṛtya tu tadvacaḥ /
bhakṣayāmāsuravyagrāstrailokyaṃ sacarācaram

trailokye bhakṣyamāṇe tu tadā mātṛgaṇena vai /
nṛsiṃharūpiṇaṃ devaṃ pradadhyau bhagavāñchivaḥ

anādinidhanaṃ devaṃ sarvabhūtabhavodbhavam /
vidyujjihvaṃ mahādaṃṣṭraṃ sphuratkesaramālinam

ratnāṅgadaṃ samukuṭaṃ hemakesarabhūṣitam /
khoṇisūtreṇa mahatā kāñcanena virājitam

nīlotpaladalaśyāmaṃ ratnanūpurabhūṣitam /
tejasākrāntasakalabrahmāṇḍodaramaṇḍapam

āvartasadṛśākāraiḥ saṃyuktaṃ deharomabhiḥ /
sarvapuṣpairyojitāñca dhārayaṃśca mahāstrajam

sa dhyātamātro bhagavānpradadau tasya darśanam /
yādṛśena rūpeṇa dhyāto rudraistu bhaktitaḥ

tādṛśenaiva rūpeṇa durnirīkṣyeṇa daivataiḥ /
praṇipatya tu deveśaṃ tadā tuṣṭāva śaṅkaraḥ

śaṅkara uvāca /
namaste 'sta jagannātha narasiṃhavapurdhara /
daityeśvarendrasaṃhārinakhaśuktivirājita

nakhamaṇḍalasabhinnahemapiṅgalavigraha /
namo 'stu padmanābhāya śobhanāya jagadguro /
kalpāntāmbhodanirghoṣa sūryakoṭisamaprabha

sahasrayamasaṃtrāsa sahasrendraparākrama /
hasastradhanadasphīta sahasracaraṇātmaka

sahasracandapratima ! sahasrāṃśuharikrama /
sahasrarudratejaska sahasrabrahmasaṃstuta

sahasrarudrasaṃjapta sahasrākṣanirīkṣaṇa /
sahasrajanmamathana sahasrabandhanamocana

sahasravāyuvegākṣa sahasrājñakṛpākara /
stutvaivaṃ devadeveśaṃ nṛsiṃhavapuṣaṃ harim /
vijñāpayāmāsa punarvinayāvanataḥ śivaḥ

andhakasya vināśāya yā sṛṣṭā mātaro mayā /
anādṛtya tu madvākyaṃ bhakṣyantvadbhutāḥ prajāḥ

sṛṣṭvā tāśca na śakto 'haṃ saṃhartumaparājitaḥ /
pūrvaṃ kṛtvā kathaṃ tāsāṃ vināśamabhirocaye

evamuktaḥ sa rudreṇa narasihavapurhariḥ /
sahasrahevīrjihvāgrāttadā vāgīśvaro hariḥ

tathā suragaṇānsarvānraudrānmātṛgaṇānvibhuḥ /
saṃhṛtya jagataḥ śarma kṛtvā cāntardadhe hariḥ

nārasiṃhamidaṃ stotraṃ yaḥ paṭhenniyatendriyaḥ /
manorathapradastasya rudrasyeva na saṃśayaḥ

dhyāyennṛsiṃhaṃ taruṇārkanetraṃ sidāmbujātaṃ jvalitāgnivatkram /
anādimadhyāntamaja purāṇaṃ parāpareśaṃ jagatāṃ nidhānam

japedidaṃ santataduḥ khajālaṃ jahāti nīhāramivāṃśumālī /
samātṛvargasya karoti mūrtiṃ yadā tadā tiṣṭhati tatsamīpe

deveśvarasyāpi nṛsiṃhamūrteḥ pūjāṃ vidhātuṃ tripurāntakārī /
prasādya taṃ devavaraṃ sa labdhvā avyājjaganmātṛgaṇebhya eva ca