Garuda Purana · Chapter 1.210

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe samavṛttalakṣaṇādinirūpaṇaṃ nāma navottaradviśatatamo 'dhyāyaḥ
śrīgaruḍamahāpurāṇam- 210
sūta uvāca /
sasasalagāśca viṣame pāde yadyupacitrakam /
same bhau bhagagāḥ syuśca drutamadhyā bhabhau bhagau

gaḥ pāde viṣame 'nyatra najau jyau ca gaṇau smṛtau

viṣame vegavatī sā gaḥ same bhau bho gagau gaṇāḥ /
pāde 'same tajau ro gaḥ same masau jagau garuḥ /
bhavedbhadravirāṭ ketumatī tu viṣame sajau

sagau same bhrau nagagā ākhyānakī tvathāsame /
tau jo gagau same pāde jatajā gurukadvayam

viparītākhyānakaṃ syādviṣame jastajau gagau /
tatau jagau same gaḥ syāt piṅgalena hyudāhṛtam

pāde 'tha viṣame caiva puṣpitāgrā nanau rayau /
same najau jarau gaśca vaitālīyaṃ vadanti hi /
vṛttañcāparavaktrākhyamaupacchandasikaṃ param

vāṅmatī rajarā yaḥ syādayugme jarajā ragau