Garuda Purana · Chapter 1.211

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍer'ddhasamavṛttalakṣaṇādinirūpaṇaṃ nāma daśottaradviśatatamo 'dhyāyaḥ
śrīgaruḍamahāpurāṇam- 211
sūta uvāca /
prathamo 'ṣṭākṣaraiḥ pādo dvitīyo dvādaśākṣaraiḥ /
tṛtīyaḥ ṣoḍaśārṇaiśca viṃśadvarṇaiścaturthakaḥ
sāmānyalakṣaṇaṃ padacaturūrdhvābhiradhasya hi

āpīḍaḥ sarvalaḥ proktaḥ pūrvapādāntagadvayaḥ

dvitīye 'ṣṭākṣaraiḥ pāde kalikā prathamer'kaje /
lavalī syāttṛtīye 'tha pūrvavaccāṣṭa kākṣare /
proktā cāmṛtadhāreyaṃ caturaṣṭākṣare sati

(iti padacaturūrdhvaprakaraṇam) /
sajau salau ca prathame nasajā go dvitīyake /
tṛtīye bhanabhā gaśca caturthe sajasā jagau

pūrvavatsyātsaurabhakaṃ tṛtīye 'ghrau ranau bhagau /
lalitañcādgatāvatsyātṛtīyeṃ'ghrau nanau sasau

(ityudgatāprakaraṇam) /
upasthitapracupitaṃ prathame 'ghrau masau jabhau /
gau dvitīye sanajarā gastṛtīye nanau ca saḥ /
nau najau yaścaturthe syāccheṣa pādāśca pūrvavat

tṛtīrye 'ghrau viśeṣaśca vṛttaṃ syānnau sanau nasau

ārṣabhaṃ tajarāḥ pāde tṛtīye 'nyacca pūrvavat /
pūrvavatprathamaṃ śeṣe tajrāḥ śuddhavirāḍbhavet

(ityupasthitapracupitaprakaraṇam) /
viṣamākṣarapādaṃ vā pañcaṣaṭkādi yāvakam /
chando 'tra noktā gātheti daśadharṃmādivadbhavet