Garuda Purana · Chapter 1.203

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe nānāvidhoṣadhaprayogānirūpaṇaṃ nāma dvyuttaradviśatatamo 'dhyāyaḥ
śrīgaruḍamahāpurāṇam- 203
hariruvāca /
yā gaurdveṣṭiṃ svakaṃ vatsaṃ tasyā deyaṃ svakaṃ payaḥ /
lavaṇena samāyuktaṃ tasyā vatsaḥ priyo bhavet

śuno 'sthi kaṇṭhabaddhaṃ hi mahiṣāṇāṃ gavā tathā /
kṛmijālaṃ pātayati sakalaṃ nātra saṃśayaḥ

gojaṅganābhipātaḥ syādguñjāmūlasya bhakṣaṇāt

varuṇaphalasyarasaṃ kareṇa mathitaṃ śiva /
catuṣpāda-dvipadayoḥ kṛmijālaṃ nipātayet

vraṇañca śamayedrudra jayāyāḥ pūraṇāt tathā /
gajamūtrasya vai pānaṃ go-mahiṣyupasarganut

samasūra śālibījaṃ pītaṃ takreṇa gharṣitam /
kṣīre go-mahīṣasyaiva goḥ puṃsaśca hitaṃ bhavet

patrañca śarapuṅkhāyā dattaṃ salavaṇaṃ śiva /
vārisphoṭaṃ hayānāñca kesarāṇāṃ vināśayet

ghṛtakumārīpatrameva dattaṃ salakṣaṇaṃ hara /
turagama-kesarāṇāṃ kaṇḍūnaṃśyenna saṃśayaḥ