Garuda Purana · Chapter 1.188

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe āyuṣkarayogodṛsaptāśītyadhikaśatatamo 'dhyāyaḥ
śrīgaruḍamahāpurāṇam- 188
hariruvāca /
nirvraṇaḥ syātpūyaṃhīno prahāro ghṛpūritaḥ /
apāmārgasya vai mūlaṃ hastābhyāñca vimarditam /
tadrasena prahārasya raktastrāvo na pūraṇāt

rudra lāṅgalikāmūlaṃ cekṣudarbhastathaiva ca /
tena vraṇamukhaṃ liptaṃ śalyaṃ niḥ sa rati vraṇāt /
cirakālapraviṣṭo 'pi tena mārgeṇa śaṅkara

bālamūlaṃ meṣaśṛṅgīmūlaṃ vā vārigharṣitam /
tena liptaṃ ciraṃ jātaṃ vraṇaṃ nāḍyāḥ praśāmyati

jagdhaṃ māhiṣapadhnā ca yuktaṃ kodravabhaktakam /
hiṅgumūlasya vai cūrṇaṃ dattaṃ nāḍīvraṇāpaham

brahmayaṣṭiphalaṃ piṣṭaṃ vāriṇā tenalepitam /
tena ghṛṣṭaṃ raktadoṣaḥ praṇaśyati na saṃśayaḥ

yavabhasma viḍaṅgañca gandhapāṣāṇameva ca /
śuṇṭhireṣāñcaiva cūrṇaṃ bhvitaṃ rudhireṇavai

kṛkalāsasya talliptaṃ vidradhiṃ nāśayecchiva /
saubhāñjanasya bījāni tvatasīmasinā saha

saurasarṣapayuktāni sarvāṇyetāni śaṅkara /
piṣṭānyanamlatakreṇa granthikaṃ nāśayeddhi vai

śvetāparājitāmūlaṃ piṣṭaṃ taṇḍulavāriṇā /
tena nasyapradānātsyādbhūtavṛndasya vidravaḥ

agastyapuṣpanasyaṃ vai samarīcaṃ tu śūlahṛt /
bhujaṅgacarma vai hiṅgu nimbapatraṃ tathā yavāḥ /
gaurasarṣama ebhiḥ syāllepo bhūtaharaḥ śiva

gorocanā marīcāni pippalī saindhavaṃ madhu /
añjanaṃ kṛtamebhiḥ syādgrahabhūtaharaṃ śiva

guggulūlūkapucchābhyāṃ dhūpo grahaharo bhavet /
cāturthikajvarairmukto kṛṣṇavastrāvaguṇṭhitaḥ