ગરુડ પુરાણ · અધ્યાય 1.188

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે આયુષ્કરયોગોદૃસપ્તાશીત્યધિકશતતમો ઽધ્યાયઃ
શ્રીગરુડમહાપુરાણમ્- 188
હરિરુવાચ ।
નિર્વ્રણઃ સ્યાત્પૂયંહીનો પ્રહારો ઘૃપૂરિતઃ ।
અપામાર્ગસ્ય વૈ મૂલં હસ્તાભ્યાઞ્ચ વિમર્દિતમ્ ।
તદ્રસેન પ્રહારસ્ય રક્તસ્ત્રાવો ન પૂરણાત્

રુદ્ર લાઙ્ગલિકામૂલં ચેક્ષુદર્ભસ્તથૈવ ચ ।
તેન વ્રણમુખં લિપ્તં શલ્યં નિઃ સ રતિ વ્રણાત્ ।
ચિરકાલપ્રવિષ્ટો ઽપિ તેન માર્ગેણ શઙ્કર

બાલમૂલં મેષશૃઙ્ગીમૂલં વા વારિઘર્ષિતમ્ ।
તેન લિપ્તં ચિરં જાતં વ્રણં નાડ્યાઃ પ્રશામ્યતિ

જગ્ધં માહિષપધ્ના ચ યુક્તં કોદ્રવભક્તકમ્ ।
હિઙ્ગુમૂલસ્ય વૈ ચૂર્ણં દત્તં નાડીવ્રણાપહમ્

બ્રહ્મયષ્ટિફલં પિષ્ટં વારિણા તેનલેપિતમ્ ।
તેન ઘૃષ્ટં રક્તદોષઃ પ્રણશ્યતિ ન સંશયઃ

યવભસ્મ વિડઙ્ગઞ્ચ ગન્ધપાષાણમેવ ચ ।
શુણ્ઠિરેષાઞ્ચૈવ ચૂર્ણં ભ્વિતં રુધિરેણવૈ

કૃકલાસસ્ય તલ્લિપ્તં વિદ્રધિં નાશયેચ્છિવ ।
સૌભાઞ્જનસ્ય બીજાનિ ત્વતસીમસિના સહ

સૌરસર્ષપયુક્તાનિ સર્વાણ્યેતાનિ શઙ્કર ।
પિષ્ટાન્યનમ્લતક્રેણ ગ્રન્થિકં નાશયેદ્ધિ વૈ

શ્વેતાપરાજિતામૂલં પિષ્ટં તણ્ડુલવારિણા ।
તેન નસ્યપ્રદાનાત્સ્યાદ્ભૂતવૃન્દસ્ય વિદ્રવઃ

અગસ્ત્યપુષ્પનસ્યં વૈ સમરીચં તુ શૂલહૃત્ ।
ભુજઙ્ગચર્મ વૈ હિઙ્ગુ નિમ્બપત્રં તથા યવાઃ ।
ગૌરસર્ષમ એભિઃ સ્યાલ્લેપો ભૂતહરઃ શિવ

ગોરોચના મરીચાનિ પિપ્પલી સૈન્ધવં મધુ ।
અઞ્જનં કૃતમેભિઃ સ્યાદ્ગ્રહભૂતહરં શિવ

ગુગ્ગુલૂલૂકપુચ્છાભ્યાં ધૂપો ગ્રહહરો ભવેત્ ।
ચાતુર્થિકજ્વરૈર્મુક્તો કૃષ્ણવસ્ત્રાવગુણ્ઠિતઃ