Garuda Purana · Chapter 1.176

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe jvaraharanānāyogādivarṇanaṃ nāma pañcasaptatyuttaraśatatamo 'dhyāyaḥ
śrīgaruḍamahāpurāṇam- 176
śrībhagavānuvāca /
saptarātrātprajāyante khalvāṭasya kacāḥ śubhāḥ /
dagdhahastidantalepātsājākṣīrarasāñjanāt

bhṛṅgarājarasenaiva caturbhāgena sādhitam /
keśavṛddhikaraṃ tailaṃ guñjācūrṇānvitena ca

elāmāṃsīkuṣṭhamurāyuktamabhyaṅgataḥ śivam /
guñjāphalaṃ samādeyaṃ lepanaṃ candraluptanut

āmrāsthicūrṇalepādvai keśāḥ sūkṣmā bhavanti ca /
karañjāmalakailālalākṣālepo 'ruṇāpahaḥ

āmrāsthimajjāmalakalepātkeśā bhavanti vai /
baddhamūlā ghanā dīrghāḥ snagdhāḥ syurnotpatanti ca

viḍaṅgagandhapāṣāṇasādhitaṃ tailamuttamam /
sacaturguṇagomūtraṃ manasaḥ śilameva vā

śiro 'bhyaṅgācchirājanmayūkālikhyāḥ kṣayaṃ nayet /
navadagdhaṃ śaṅkhacūrṇaṃ ghṛṣṭasīsakalepitam

kacāḥ ślakṣṇā mahākṛṣṇā bhavanti vṛṣabhadhvaja /
bhṛṅgarājaṃ lohacūrṇaṃ triphalā bījapūrakam

nīlī ca karavīraṃ ca guḍametaiḥ samaṃ śṛtam /
palitānīha kṛṣṇāni kuryāllepānmahauṣadham

āmrāsthimajjā triphalā nī (tā) lī ca bhṛṅga rājakam /
jīrṇaṃ pakvaṃ lohacūrṇaṃ kāñjikaṃ kṛṣṇakeśakṛt

cakramardakabījāni kuṣṭhameraṇḍamūlakam /
atyamlakāñjikaṃ piṣṭvā lepānmastakaroganut

saindhavaṃ ca vacā hiṅgu kuṣṭhaṃ nāgeśvaraṃ tathā /
śatapuṣpā devadāru ebhistailaṃ tu sādhitam

gopurīparasenaiva caturbhāgena saṃyutam /
tatkaṇabharaṇādugrakarṇaśūlaṃ kṣayaṃ nayet

meṣamūtrasaindhavābhyāṃ karṇayorbharaṇācchiva /
karṇayoḥ pūtināśaḥ syātkṛmistrāvādikasya ca

mālatīpuppadalayo rasena bharaṇāttathā /
gojalenaiva pūreṇa pūyastrāvo vinaśyati

kaṣṭhamāṣamarīcāni tagaraṃ madhu pippalī /
apāmārgo 'śvagandhā ca bṛhatī sitasarṣapāḥ

yavāstilāḥ saindhavaṃ ca pādikodvartanaṃ śubham /
liṅgabāhustanānāṃ ca karṇayorvṛddhikṛdbhavet /
kaṭutailaṃ bhallātakaṃ bṛhatī phaladāḍimam

valkalaiḥ sādhitairliptaṃ liṅgaṃ tena vivardhate